امکان ہے ۔ عالمی سطح پر پٹرولیم مصنوعات کی قیمتوں میں کمی کے بعد مقامی سطح پر پٹرول کی قیمت میں 38 روپے جبکہ ڈیزل کی قیمت میں 18 روپے فی لیٹر کمی متوقع ہے ۔ عالمی مارکیٹ میں پٹرول کی قیمت میں 12 ڈالر کی کمی ہوئی ہے جس کے بعد پٹرول کی قیمت 102 ڈالر فی بیرل کی سطح پر آگئی جبکہ ڈیزل کی قیمت میں 9 ڈالر کمی سے 117 ڈالر فی بیرل ہوگئی ہے ۔ دوسری جانب روپے کی قدر میں مسلسل اضافے سے بھی قیمتیں کم ہونے کا امکان ہے، حکومت حتمی فیصلہ 15 اکتوبر کو کرے گی ۔ یاد رہے کہ نگران حکومت نے 30 ستمبر کو پٹرول کی قیمت میں 8 روپے کمی کی تھی جس کے بعد نئی قیمت 323;46;38 روپے ہے جبکہ ہائی سپیڈ ڈیزل بھی 11 روپے سستا کیا گیا اور نئی قیمت 318;46;18 روپے مقرر کی گئی تھی ۔

حافظ آباد )پی پی آ ئی )ضلع سرگودھا میں سالانہ ترقیاتی پروگرام کے تحت مختلف محکموں کی 48ارب 18 کروڑ روپے کی 164سکیموں پر کام جاری ہے، رواں مالی سال کےلئے ان سکیموں کےلئے 5 ارب 12کروڑ 40لا کھ روپے مختص کئے گئے جن میں سے اب تک ایک ارب 83کروڑ 30لاکھ روپے کے فنڈز جاری کئے جاچکے ہیں اور جاری فنڈز کا 71فیصد استعمال میں لایاگیا ہے ۔ اس امر کا انکشاف ڈپٹی کمشنر کیپٹن (ر) شعیب علی کی صدارت میں منعقدہ ایک اجلاس میں کیاگیا ۔ اجلاس میں ایڈیشنل ڈپٹی کمشنر (ایف ;223;پلاننگ) شعیب نسوانہ،ڈپٹی ڈائریکٹر ڈویلپمنٹ مہتاب یاسین،سی ای او ایجوکیشن سردار اختر عباس بلوچ اور ایکسین پی ایچ ای محمد علی کے علاوہ دیگر محکموں کے سربراہان بھی شریک ہوئے ۔ اجلاس کو بتایاگیا کہ امسال اے ڈی بی کی 7 کروڑ 60 لاکھ روپے تخمینہ کی 2 مزید نئی سکیموں کی منظوری بھی دی گئی ہے ۔ سالانہ ترقیاتی پروگرام کے تحت ضلع بھر میں فراہمی ونکاسی آب کی 14،لوکل گورنمنٹ کی 27سڑکوں کی تعمیر ومرمت کی 68،محکمہ بلڈنگ کی 13،ہائیر ایجوکیشن کی 2،سپورٹس کی 5‘ محکمہ صحت کی 6، سوشل ویلفیئر کی 4، انہار کی 13، ہیومن راءٹس اور مینارٹی افیئر کی 2جبکہ معدنیات، زراعت، انڈسٹری، انفارمیشن ٹیکنالوجی، ماحولیات، پی ایچ اے، شکاریات اور سکول ایجوکیشن کی ایک ایک سکیم پر کام جاری ہے ۔ ڈپٹی کمشنر کیپٹن ریٹائرڈ شعیب علی نے متعلقہ محکموں کو دستیاب فنڈز کا شفاف انداز میں استعمال یقینی بنانے، کام کی رفتار کو تیز کرنے کے علاوہ جاری ترقیاتی کاموں کی سخت مانیٹرنگ کو یقینی بنانے کی ہدایت کی ۔ انہوں نے کہاکہ کوالٹی پر کوئی کمپرومائز نہیں کیاجائے گا ۔ اجلاس میں ہر محکمے کی سکیموں کاتفصیلی جائزہ پیش کیاگیا ۔

اسلام آباد(پی پی آئی)سپریم کورٹ آف پاکستان میں لاپتہ افراد کے مقدمات کی جلد سماعت کیلئے درخواست دائر کر دی گئی۔ جلد سماعت کی درخواست ڈیفنس آف ہیومن رائٹس کی چیئرپرسن آمنہ جنجوعہ نے دائر کی،آمنہ جنجوعہ کی جانب سے درخواست میں کہا گیا ہے کہ لاپتہ افراد کیس کی سماعت کئی سال سے مقرر نہیں ہو سکی۔ درخواست میں استدعا کی گئی ہے کہ انصاف کے تقاضوں کے پیش نظر مقدمہ آئندہ ہفتے سماعت کیلئے مقرر کیا جائے۔

کراچی(پی پی آئی)16اکتوبر سے پٹرول اور ڈیزل کی قیمتیں کم ہونے کا امکان ظاہر کیا گیا ہے ۔ عالمی مارکیٹ اورگلف مارکیٹ میں پیٹرولیم مصنوعات کی قیمتوں میں 7 ڈالر فی بیرل کمی ریکارڈ کی گئی ہے، گلف مارکیٹ میں خام تیل کی قیمت 92ڈالر فی بیرل جبکہ عالمی مارکیٹ میں خام تیل کی قیمت 84ڈالر فی بیرل پر آگئی ہے،ذراءع کا کہنا ہے کہ پاکستان میں موجودہ ریٹ کے مطابق پیٹرول کی قیمت میں 22روپے کمی بنتی ہے، اسی طرح ڈیزل کی قیمت میں بھی 20 روپے سے زائد کمی کا امکان ہے ۔ عالمی مارکیٹ میں خام تیل کی قیمت پچھلے دو ماہ کی کم ترین سطح پر آگئی، خام تیل کی قیمتوں میں مسلسل کمی کا رجحان جاری ہے, ڈالر کے موجودہ ریٹ کے مطابق پاکستان میں فی بیرل تیل کی 26ہزار 220روپے بنتی ہے جبکہ 15 ستمبر کو فی بیرل قیمت 29ہزار898روپے بنتی تھی;46; یہ بھی پڑھیں : پرائز بانڈز رکھنے والوں کیلئے بڑی خوشخبری پاکستان میں ڈالر کی قدر میں بھی بیس روپے سے زائد کمی ہوچکی ہے، اس وقت ملک میں 23 دن کا پرانا درآمد شدہ سٹاک بھی نکل چکا ہے،ذراءع کے مطابق اگر حکومت نے مزید ٹیکسز نہ لگائے تو عوام کو بڑا ریلیف مل سکتا ہے ۔