گوادر(پی پی آئی)بلوچستان کے ساحلی شہرگوادر سے سابق وفاقی وزیر فرخ حبیب،بھائی اور دیگر 4 ساتھیوں کو گرفتار کر لیا گیا۔پی پی آئی کے مطابق پی ٹی آئی کا کہنا ہے کہ پولیس یونیفارم میں ملبوس ایک شخص اور 7-8 سادہ کپڑوں میں نامعلوم افراد نے آدھی رات کے وقت بغیر کسی وارنٹ کے حراست میں لیا۔
اسلام آباد (پی پی آئی)اسلام آباد میں سینیٹ قائمہ کمیٹی سمندر پار پاکستانی کا چئیرمین منظور کاکڑ کی زیر صدارت اجلاس ہوا، اس موقع پر سینیٹر رانا محمود الحسن کا کہنا تھا کہ جاپان نے 3 لاکھ 40 ہزار ہنر مند افراد مانگے تو بھارت نے ڈیڑھ لاکھ اور نیپال نے 91 ہزار افراد بھیجے۔انہوں نے کہا کہ بنگلہ دیش اور سری لنکا نے بھی ہنر مند افراد جاپان بھیجے مگر پاکستان سے صرف 200 افراد ہی جاپان گئے۔سینیٹر رانا محمود نے کہا کہ ہمارے پاس 50 ہزار انجینئرز بیروزگار ہیں، سعودی عرب کی جانب سے اب ہنرمند افراد کو بلایا جا رہا ہے، مگر انہیں سادہ لیبر نہیں بلکہ اسکلڈ لیبر چاہئے۔اجلاس کےکو بریفنگ دیتے ہوئے سیکرٹری سمندرپار پاکستانیز کا کہنا تھا کہ تقریباً 10 لاکھ سے زائد پاکستانی بیرون ملک میں ہیں، متحدہ عرب امارات میں 16 لاکھ، سعودی عرب میں 30 لاکھ اور قطر میں ہمارے دو لاکھ افراد موجود ہیں۔ان کا کہنا تھا کہ ہمارے فقیر سب سے زیادہ باہر جا رہے ہیں، جتنے فقیر گرفتار ہوتے ہیں ان میں 90 فیصد پاکستانی ہوتے ہیں، عراقی اور سعودی سفیر کہتے ہیں کہ آپ عادی مجرم بھیجتے ہیں جن سے ان کی جیلیں بھر گئی ہیں۔سیکرٹری اوورسیز پاکستانیز نے کہا کہ یہاں سے جہاز بھر بھر کر بھکاری بیرون ملک جا رہے ہیں، حرم سے جتنے جیب کترے پکڑے جاتے ہیں ان میں اکثریت پاکستانیوں کی ہے، یہ زیارات پر بھیک مانگنے جاتے ہیں۔
اسلام آباد (پی پی آئی) آئندہ سال جنوری کے آخری ہفتے میں منعقد ہونے والے عام انتخابات کے لیے قائم کیے جانے والے تقریباً 55 فیصد پولنگ اسٹیشنزالیکشن کمیشن آف پاکستان نے ’حساس’قرار دیے ہیں۔پی پی آئی کے مطابق انتخابات میں تقریباً 91 ہزار 809 پولنگ اسٹیشنز قائم کیے جائیں گے جن میں سے 49 ہزار 919 کو ’حساس‘ یا ’انتہائی حساس‘ قرار دیا گیا ہے۔ ان میں سے 17 ہزار 411 کو انتہائی حساس اور 32 ہزار 508 کو حساس قرار دیا گیا ہے جبکہ 41 ہزار 809 (تقریباً 45 فیصد) کو غیرمعمولی حالات سے پاک (نارمل) قرار دیا گیا ہے۔ عام انتخابات میں قومی اسمبلی کے 266 اور صوبائی اسمبلیوں کے 593 حلقے ہوں گے، آئندہ عام انتخابات کے لیے تقریباً 10 لاکھ پولنگ عملہ درکار ہوگا
لاہور(پی پی آئی)لاہور ہائی کورٹ راولپنڈی بینچ نے پی ٹی آئی کے صدر چوہدری پرویز الہیٰ کی درخواست نمٹاتے ہوئے سیکریٹری داخلہ پنجاب کو ہدایت کی ہے کہ سابق وزیراعلیٰ پنجاب چوہدری پرویز الہی کو وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں جسٹس صداقت علی خان پرویز الہیٰ کی درخواست پر سماعت کی جس میں اپنے استحقاق کے مطابق بہتر سہولیات فراہم کرنے کی استدعا کی گئی تھی۔پی پی آئی کے مطابق کیس کی سماعت کے دوران پرویز الہیٰ کے وکیل سردار عبدالرازق خان نے دلائل دیتے ہوئے کہا کہ درخواست گزار نہ صرف سابق وزیراعلیٰ ہیں بلکہ اس سے قبل وہ نائب وزیراعظم بھی رہ چکیہیں، انہوں نے عدالت کو آگاہ کیا کہ جیل انتظامیہ نے مبینہ طور پر ماحول کو گھٹن زدہ کرنے کے لیے ان کے مؤکل کی بیرک کی کھڑکی کے ساتھ دیوار تعمیر کردی۔انہوں نے کہا کہ پی ٹی آئی رہنما نے یہ بھی شکایت کی کہ ان کی پرائیویسی کی خلاف ورزی کے لیے ان کے سیل کے باہر ایک اجنبی شخص کو تعینات کیا گیا ہے۔عدالت عالیہ نے محکمہ داخلہ کو ہدایت کی کہ انہیں وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں، ہائی کورٹ نے پندرہ روز کے اندر تعمیلی رپورٹ بھی طلب کی۔
میلبور: پاکستانی ٹینس اسٹار اعصام الحق اور بھارت کے روہن بھوپنا کی جوڑی آسٹریلین اوپن کے تیسرے راونڈ میں پہنچ گئی ۔ میلبورن میں کھیلے جانے والے مینز ڈبلز کے دوسرے راونڈ کے میچ میں پاکستان کے اعصام الحق اور بھارت کے روہن بھوپننا نے برطانوی جوڑی کو تین سیٹ کے مقابلے کے بعد زیر کرتے ہوئے تیسرے راونڈ تک رسائی حاصل کی۔برطانوی کھلاڑیوں نے پہلا سیٹ چار چھ سے جیت کر برتری حاصل کی۔ جس کے بعد پاک بھارت جوڑی نے بھرپور کم بیک کیا اور یک کے بعد دیگرے دونوں سیٹس چھ تین اور چھ دو سے جیت کر اگلے مرحلے کے لئے کوالیفائی کرلیا۔
کراچی: پاکستان کرکٹ میں نئے بوم بوم نے دستک دے دی ، کراچی کے کھلاڑی شاہ زیب حسن نے ڈومیسٹک کرکٹ میں دوسری تیز ترین سنچری بنائی، انہوں نے پریذیڈنٹ کپ میں پہلی سنچری 40 گیندوں پر جبکہ دوسری سنچری پریذیڈنٹ ٹرافی میں 47 گیندوں پر اسکور کی۔پاکستان ڈومیسٹک کرکٹ میں شاہ زیب بولرز کیلئے شامت کی علامت بن گیا، سیزن میں انہوں نے دوسری تیز ترین سنچری بنائی۔پریذڈنٹ ٹرافی کے 3 روزہ میچ کے آخری روز پورٹ قاسم کے بلے باز نے پی آئی اے کے بولرز کی خوب دھنائی کی اور محض 47 گیندوں پر سنچری جڑدی، شاہ زیب نے 119 رنز کی اپنی اننگز میں 12 چھکے اور 6 چوکے بھی لگائے۔چار دن قبل شاہ زیب نے نیشنل اسٹیدیم میں اسٹیٹ بینک کے خلاف پریذڈنٹ ون ڈے کپ میں 40 گیندوں پر سنچری بنائی تھی۔
کراچی: سابق اولمپئن نوید عالم نے ملک میں ہاکی سمیت کھیلوں کے فروغ کیلئے حکومت کو کھلاڑیوں کی کانفرنس بلانے کی تجویر دے دی۔ لاہور میں میڈیا سے بات چیت کرتے ہوئے نوید عالم کا کہنا تھا کہ حکومت فیسٹیول ضرور کرائے مگر کھیلوں کے فروغ کیلئے فیڈریشنز کے ساتھ مل کر مناسب حکمت عملی تیار کرے کیونکہ دنیا میں پاکستان کا نام کھلاڑی روشن کرتے ہیں۔انہوں نے پی ایچ ایف کے نئے صدر اختر رسول کی ناراض اولمپئینز کو ہاکی کی بہتری کیلئے دعوت دینے کا خیر مقدم کیا اور کہا کہ مضبوط ہاکی فیڈریشن بنا کر ہی اچھے نتائج حاصل کئے جاسکتے ہیں۔ نوید عالم نے قومی ہاکی ٹیم کی خراب کارکردگی کا ذمہ دار سینئرز کو قرار دیا جنہوں نے اپنے متبادل تیار نہیں کیے۔
لاہور: اوپنر بلے بازوں عمران نذیر اور یاسر حمید نے ایک بار پھر پاکستان کی نمائندگی کرنے پر نظریں جمالیں۔کھلاڑیوں کا کہنا ہےکہ ڈومیسٹک میں عمدہ کارکردگی دکھانے کی بنا پر سلیکٹرز کو انہیں آزمانا چاہیئے۔لاہور میں میڈیا سے بات چیت کرتے ہوئے عمران نذیر کا کہنا تھا کہ وہ کبھی ہمت نہیں ہارتے کیونکہ کرکٹ ان کے خون میں ہے،ڈومیسٹک سیزن میں ان کی کارکردگی تسلی بخش رہی ہے اور وہ پرامید ہیں کہ دوبارہ پاکستان کی نمائندگی کریں گے جبکہ یاسر حمید نے کہا کہ وہ اسپاٹ فکسنگ کے حوالے سے تمام چیزیں بھلا چکے ہیں اور ان کی تمام تر توجہ کرکٹ پر مرکوز ہے اور یہی وجہ ہے کہ ان کی ڈومیسٹک میں کارکردگی بھی انتہائی شاندار ہے اور وہ پاکستان کیلئے دوبارہ کھیلنے کے ایک موقع کی تلاش میں ہیں۔ان کا کہنا تھاکہ پرفارم کرنا ان کا کام ہے،سلیکٹ کرنا یا نہ کرنا سلیکٹرز کا کام ہے۔
نئی دہلی: بھارت ہاکی فیڈریشن کے سیکریٹری نریندر بٹرا نے کہا ہے کہ ان کی ٹیم رواں سال ملائیشیا میں ہونے والی 23ویں اذلان شاہ ہاکی ٹورنامنٹ میں حصہ نہیں لے گی ۔نریندر بٹرا کے مطابق کوچ اور ڈائریکٹر نے فیصلہ کیا ہے کہ رواں سال ہالینڈ میں ہونے والا عالمی کپ بھارت کے لئے زیادہ اہم ہے اس لئے ورلڈ کپ کی تیاریوں کے باعث وہ اذلان شاہ کپ میں اپنی ٹیم نہیں بھیجیں گے ۔بھارت کی ٹیم پانچ بار اذلان شاہ ہاکی کپ جیتنے کا اعزاز رکھتی ہے ۔ان کا مزید کہنا تھا کہ بھارتی ہاکی ٹیم کو عالمی کپ کی پریکٹس کے لئے یورپ بھیجا جارہا ہے اس لئے ملائیشین منتظمین سے معذرت کرلی گئی ہے۔
نئی دہلی: بھارت کے لیجنڈ کرکٹر سچن ٹنڈولکر کو آئندہ ماہ 4فروری کو بھارت کے اعلیٰ سویلین ایوارڈ ”بھارت رتنا “ سے نوازا جائے گا ۔ بھارت کے صدر ڈاکٹر پراناب مکھرجی سچن ٹنڈولکر کو ایوارڈ پیش کریں گے ۔ لٹل ماسٹر یہ ایوارڈ حاصل کرنے والے سب سے کم عمر اور پہلے اسپورٹس پرس بن جائیں گے ۔
