کراچی:(پی پی آئی)کراچی انٹر بورڈ میں نتاءج کے حوالے سے ہم تبدیلی کی گئی ہے ، پہلی بارتمام گروپس کے نتاءج ایک ساتھ جاری کرنےکافیصلہ کیا گیا ہے ۔ صوبائی دارالحکومت کراچی میں انٹربورڈ کے نتاءج کا اعلان 13 اکتوبرکو کیا جائے گا جس میں پری میڈیکل، پری انجینئرنگ اور کامرس کے نتاءج کا ایک ہی دن اعلان ہوگا ۔ سالانہ نتاءج کی تقریب میں میڈیا کو مدعو نہ کرنے کا فیصلہ کیا گیا ہے جبکہ تمام میڈیا کو نتاءج کی کاپیاں دفاتر بھیج دی جائیں گی ۔ سالانہ نتاءج کی تقریب میں صرف پوزیشن ہولڈرز کو بلانے کا فیصلہ کیا گیا ہے جبکہ پوزیشن ہولڈرز کو چیئرمین انعامات تقسیم کریں گے ۔
میرپورٹیسٹ :سری لنکا نے بنگلہ دیش کو اننگز اور 248 رنز سے ہرا دیا
بگ تھری کے ذریعے 30کروڑ ڈالر ہڑپ کیے جائیں گے : احسان مانی
پنجاب یوتھ فیسٹیول: چھانگا مانگا میں بسنت منانے کی تیاریاںمکمل
سیکیورٹی خدشات ، آئی پی ایل 7کی میزبانی کیلئے دبئی فیورٹ قرار
بگ بیش لیگ :آسٹریلوی اسپنر بریڈ ہوگ پر میچ فیس کا 20فیصد جرمانہ عائد
مردان کے ہاکی کھلاڑیوں کیلئے صوبائی حکومت کی جانب سے آسٹر و ٹرف کا تحفہ
تازہ ترین خبریں
اشتہار
تازہ ترین
ملکی سالانہ کپاس پیداوار میں 71فیصد اضافہ
لاہور(پی پی آئی) ملک میں کپاس کی پیداوار 50لاکھ بیلز سے تجاوز کرگئی،سالانہ بنیاد پر کاٹن کی پیداوار میں 71فیصد اضافہ ریکارڈ کیا گیا۔وزارت تجارت کے مطابق صوبہ سندھ میں 113فیصد اضافہ ہوا ہے اورپیداوار 30لاکھ بیلز رہی۔ پنجاب میں کاٹن کی پیداوار 34فیصد اضافے کے ساتھ 21لاکھ گانٹھیں رہی۔ گزشتہ سال کپاس کی پیداوار میں 34فیصد کمی ریکارڈ کی گئی تھی۔ اس سال کپاس کی پیداوار تخمینے سے زیادہ رہنا ایک سنگ میل ہے۔
پاکستان کی لیبر مارکیٹ مکمل بحال نہیں ہوسکی،بے روزگار افراد کی تعداد 56 لاکھ تک پہنچنے کا خدشہ
کراچی (پی پی آئی)پاکستان کی لیبر مارکیٹ ابھی تک عالمی وبا کورونا وائرس اور معاشی بحران سے مکمل طور پر بحال نہیں ہوئی اور اس سال بے روزگار افراد کی تعداد 56 لاکھ تک پہنچنے کاخدشہ ہے، جس میں 2021 کے بعد سے 15 لاکھ کا اضافہ ہے۔۔پی پی آئی کے مطابق انٹرنیشنل لیبر آرگنائزیشن (آئی ایل او) نے کہا ہے کہ یہ تخمینہ آئی ایم ایف کی 2023 میں 8.5 فیصد کی متوقع بے روزگاری کی شرح سے منسلک ہے، جو 2021 کے 6.2 فیصد سے زیادہ ہے۔رپورٹ میں اس بات پر بھی روشنی ڈالی گئی ہے کہ خواتین کی بے روزگاری کی شرح 11.1 فیصد کی بلند ترین سطح تک پہنچ سکتی ہے۔آئی ایل او نے خبردار کیا کہ ملازمتوں میں کمی اور بڑھتی ہوئی بے روزگاری پاکستان کی پیش رفت کو کئی دہائیاں پیچھے دھکیل سکتی ہے۔آئی ایل او کے تخمینے کے مطابق 2023 میں پاکستان کی آبادی سے روزگار کا تناسب 47.6 فیصد پر بحران سے پہلے کے رجحان کی لکیر سے بہت نیچے گر گیا ہے
نواز شریف جلد پاکستان آئیں گے اور الیکشن میں حصہ لیں گے: احسن اقبال
اسلام آباد(پی پی آئی) سابق وفاقی وزیر اور مسلم لیگ ن کے مرکزی سکریٹری جنرل احسن اقبال نے کہا ہے کہ میاں نواز شریف جلد پاکستان آئیں گے اور الیکشن میں حصہ لیں گے، چوتھی دفعہ وزیراعظم بن کر معیشت کی بہتری کے لئے اپنا کردار ادا کریں گے۔پی پی آئی کے مطابق احسن اقبال نے کہا کہ ن لیگ کے قائد نواز شریف پاکستان آئیں گے اور اپنی پہلی تقریر کریں گے تو اس میں بیانیہ بھی ہوگااور پاکستان کے موجودہ مسائل کا حل اور وجہ بھی۔
تلاش کریں
خبریں
میرپورٹیسٹ :سری لنکا نے بنگلہ دیش کو اننگز اور 248 رنز سے ہرا دیا
(January 30, 2014)
میرپور: سری لنکا نے میرپور ٹیسٹ میں بنگلہ دیش کو اننگز اور248رنز سے شکست دے دی۔ سری لنکا اور بنگلہ دیش کے درمیان میرپور میں کھیلے گئے پہلے ٹیسٹ کے چوتھے روز بنگلہ دیش نے اپنی دوسری اننگز 35 رنز ایک وکٹ کے نقصان پر دوبارہ شروع کی تو دن کے آغاز کے ساتھ ہی وکٹ گرنے کا سلسلہ شروع ہو گیا شمس الرحمان 9 رنز بنا کر پویلین لوٹ گئے۔ مارشل ایوب 18 اور شکیب الحسن 25 رنز اسکور کر سکے۔ مومن الحق نصف سنچری بناتے ہوئے پریرا کی بال پر ایل بی ڈبلیو ہو گئے۔ مشفیق الرحمان 14سوہاگ غازی 23 اور ربیع السلام ایک اور ربیل حسین 17 رنز بنا سکے۔ الامین حسین32رنز بنا کر ناٹ آوٹ رہے۔ سری لنکن باولرز نے بنگلہ دیش کی پوری ٹیم کو250 رنز پر پویلین بھیج کر اپنی ٹیم کو اننگز اور248رنز سے فتح دلا دی۔ سری لنکا نے اپنی پہلی اننگز چھ وکٹوں کے نقصان پر 730رنز بنا کر ڈکلیئر کردی تھی۔سری لنکا کی جانب سے دلروان پریرا نے پانچ اور سرنگا لکمل نے تین کھلاڑیوں کو آوٹ کیا۔
بگ تھری کے ذریعے 30کروڑ ڈالر ہڑپ کیے جائیں گے : احسان مانی
(January 30, 2014)
لاہور: آئی سی سی کے سابق صدر احسان مانی کا کہنا ہے کہ بھارت، انگلینڈ اورآسٹریلیا ایسوسی ایٹس ممالک کے30 کروڑ ڈالر کا فنڈز ہڑپ کرنا چاہتے ہیں جو ایسوسی ایٹ ممالک کے ساتھ زیادتی ہے۔ ایک انٹرویومیں احسان مانی کا کہنا تھا کہ اس سے بڑھ کے اورکوئی زیادتی نہیں ہوسکتی کہ ایسوسی ایٹ ممالک کے ترقیاتی فنڈزمیں 30 کروڑ ڈالر کم کرکے بھارت، انگلینڈ اور آسٹریلیا کو دے دیئے جائیں۔ ان تینوں ممالک کو پیسے کی کیا کمی ہے جبکہ ایسوسی ایٹ ممالک کو اپنی کرکٹ کی ترقی کے لیے پیسے ہی کی ضرورت ہوتی ہے۔ احسان مانی کا کہنا ہے کہ اس میں کوئی شک و شبہ نہیں کہ بھارت، انگلینڈ اور آسٹریلیا آئی سی سی کے اگلے اجلاس سے قبل حالات اپنے حق میں کرنے کے لیے سری لنکا اور بنگلہ دیش پردباﺅ ڈالیں گے۔ انہوں نے کہا کہ ویسٹ انڈیزکو زیادہ سے زیادہ دو طرفہ سیریز کھیلنے کی یقین دہانی پہلے ہی کرائی جا چکی ہے۔
پنجاب یوتھ فیسٹیول: چھانگا مانگا میں بسنت منانے کی تیاریاںمکمل
(January 30, 2014)
لاہور: پنجاب حکومت لاہور میں رواں برس بسنت منانے کے بارے میں تاحال فیصلہ نہیں کرسکی، تاہم پنجاب یوتھ فیسٹیول کے سلسلہ میں چھانگا مانگا میں بسنت منانے کی تیاریاں کرلی گئی ہیں۔ لاہور میں صوبائی وزیر کھیل رانا مشہود احمد خان نے پریس کانفرنس کے دوران دعویٰ کیا کہ پاکستان نے اسپورٹس فیسٹیول کے شرکاءنے اپنا ہی گنیز ورلڈ ریکارڈ توڑ دیا ہے کیونکہ گزشتہ فیسٹیول میں32لاکھ افراد کی شرکت سے ریکارڈ بنا تھا جو رواں فیسٹیول کے تیسرے مرحلے کے اختتام پر ہی38لاکھ افراد کی شرکت سے ٹوٹ گیا ہے۔ انہوں نے بتایا کہ اپریل میں ورلڈ باکسنگ لیگ ہوگی جس میں دنیا کے بارہ ہیوی ویٹس ان ایکشن دکھائی دیں گے۔جبکہ موجودہ حالات میں لاہور میں بسنت منانے کا معاملہ زیر غور ہے۔ رانا مشہود احمد نے بتایا کہ برطانوی فٹ بال کلب پاکستان کا دورہ کرے گی اور اس حوالے سے اسپورٹس بورڈ پنجاب اور فٹ بال کلب میں معاہدہ طے پاگیا ہے۔
سیکیورٹی خدشات ، آئی پی ایل 7کی میزبانی کیلئے دبئی فیورٹ قرار
(January 30, 2014)
ممبئی: بھارت میں عام انتخابات میں سیکیورٹی خدشات کے پیش نظر بی سی سی آئی نے آئی پی ایل کی میزبانی کے لئے متحدہ عرب امارات کے نام پر غور شروع کردیا ۔ بھارت میں اپریل میں ہونے والے عام انتخابات کے دوران آئی پی ایل جیسے ہائی پروفائل ایونٹ کا منعقد ہونا کھلاڑیوں کے تحفظ کے لئے خطرات لاحق ہوسکتے ہیں ۔ اس مقصد کے لئے سری لنکا،جنوبی افریقا اور بنگلہ دیش کے بعد اب یو اے ای کے نام پر بھی غور شروع کردیا گیا ہے ۔ذرائع کے مطابق اخراجات میں کمی کی وجہ سے آئی پی ایل کا ساتواں ایڈیشن یو اے ای میں ہوسکتا ہے ۔
بگ بیش لیگ :آسٹریلوی اسپنر بریڈ ہوگ پر میچ فیس کا 20فیصد جرمانہ عائد
(January 30, 2014)
میلبورن: آسٹریلوی کرکٹ بورڈ نے تلخ رویے پر آف اسپنر بریڈ ہوگ پر میچ فیس کا 20فیصد جرمانہ عائد کردیا ۔ بگ بیش لیگ میں میلبورن اسٹارز کے خلاف میچ میں بریڈ ہوگ اور آل راﺅنڈر ڈیوڈ ہسی کے درمیان تلخ جملوں کا تبادلہ ہوا تھا ۔ میچ ریفری ڈیرل ہارپر نے اس واقعے کا نوٹس لیا ۔تفتیش کے بعد بریڈ ہوگ کو قصوروارقرار دے کر ان پر میچ فیس کا جرمانہ عائد کردیا گیا ۔
مردان کے ہاکی کھلاڑیوں کیلئے صوبائی حکومت کی جانب سے آسٹر و ٹرف کا تحفہ
(January 30, 2014)
مردان: مردان کے ہاکی کھلاڑیوں کو صوبائی حکومت کی جانب سے آسٹروٹرف کا تحفہ مل گیا ،جلدہی آسٹرو ٹرف کی تنصیب کا کام شروع کردیا جائے ۔صحافیوں سے بات چیت کرتے ہوئے ڈسٹرکٹ اسپورٹس آفیسر مردان حاجی منور خان نے کہا ہے کہ پشاور کے بعد مردان میں ہمارے پاس کھیلوں کی تمام سہولیات موجود ہیں اور ہم کوشش کررہے ہیں کہ مزید سہولیات کے ساتھ ساتھ موجودہ سہولیات کے معیار اور گنجائش میں اضافہ کریں ۔