سبی /ہرنائی (پی پی آئی)پاکستان ریلوے نے سبی ہرنائی سیکشن کا تعمیراتی کام مکمل کرنے کی تصدیق کرتے ہوئے بتایا ہے کہ سبی ہرنائی سیکشن پر دوبارہ مسافرٹرین کاآغاز جمعرات 12اکتوبر سے کیاجارہاہے، پی پی آئی کے مطابق یہ ٹرین 17سال کی مسلسل بندش کے بعد چلائی جارہی ہے۔
نجم سیٹھی کو پی سی بی کے قوانین کا علم نہیں ہے : عامر سہیل
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
قومی جونیئراسنوکرچیمپئن شپ 15 فروری سے کھیلی جائے گی
بارسلونا نے اٹالین فٹ بال کپ کے فائنل میں جگہ بنالی
خیبر پختونخواہ میں 32نئے اسپورٹس اسٹیڈیم تعمیر کرنے کا اعلان
تازہ ترین خبریں
- April 25, 2026
اشتہار
تازہ ترین
شمال مغربی افغانستان میں ایک بار پھر زلزلے کے شدید جھٹکے، شدت 6.3 ریکارڈ
ہرات/کابل/ اسلام آباد (پی پی آئی)شمال مغربی افغانستان میں ایک بار پھر شدید زلزلے کے جھٹکے محسوس کیے گئے۔ شمال مغربی افغانستان میں علی الصبح کو آنے والے زلزلے کی شدت ریکٹر اسکیل پر 6.3 تھی۔زلزلہ پیما مرکز کے مطابق زلزلے کی گہرائی 10 کلومیٹر تھی۔ زلزلے کا مرکز افغانستان کے شہر ہرات سے 28 کلومیٹر کے فاصلے پر تھا۔پی پی آئی کے مطابق افغانستان میں 4 روز قبل آنے والے زلزلے سے اموات کی تعداد 4 ہزار سے تجاوز کر گئی جبکہ 9 ہزار سے زائد افراد زخمی ہیں۔افغان ڈیزاسٹر مینجمنٹ اتھارٹی کے ترجمان کے مطابق صوبے ہرات میں زلزلے سے 2 ہزار گھر مکمل تباہ ہو چکے ہیں جبکہ زلزلے سے متاثرہ علاقوں میں امدادی کارروائیاں جاری ہیں۔حکومت پاکستان نے زلزلہ سے جانی و مالی نقصانات پر اظہار افسوس کیا ہے
لاہور میں خواجہ سراؤں کیلئے پہلا دینی مدرسہ” امتی “کے نام سے قائم
لاہور(پی پی آئی) لاہور میں خواجہ سراؤں کیلئے پہلا دینی مدرسہ” امتی “کے نام سے قائم گیا ہے۔’اْمتی‘ کا انتظام و انصرام چلانے والے خواجہ سرا ابو ہْریرہ کا اس حوالے سے کہنا ہے کہ ہم سب نبی آخر الزماں ﷺکے اْمتی ہیں تو ہم نے ’اْمتی‘ کی تعمیر کیلئے پہلے ایک مکان کرائے پر لیا اور قریب کی مسجد کے ایک قاری صاحب سے تعاون کی درخواست کی گئی۔۔پی پی آئی کے مطابق ابو ہْریرہ نے بتایا کہ درسگاہ کے آغاز پر اْمید سے بڑھ کر خواجہ سرا دین کی محبت میں وہاں آنے لگے اور یہ سلسلہ آج بھی جاری ہے، ان کے مطابق 4 سو کے قریب خواجہ سرا اس درسگاہ سے دین اسلام اور طہارت و پاکیزگی کے مسائل سیکھ چکے ہیں، کئی اس دوران دنیا سے بھی گزر گئے جن کے کفن دفن اور نمازِ جنازہ تک انہیں خواجہ سراؤں نے ادا کیے جو اس درسگاہ میں اسلام کی تعلیمات سیکھنے آئے تھے۔ اس درسگاہ کی اخراجات اور باقی انتظامات کے حوالے سے ابو ہْریرہ کا کہنا تھا کہ اللہ رب العزت کی جانب سے کچھ خصوصی مدد حاصل رہی اور بہت سے لوگ اس کار خیر میں شریک ہیں۔
جماعت اسلامی کے تحت ملک بھر میں ہفتہ یکجہتی فلسطین کی تقریبات شروع
سکھر(پی پی آئی)جماعت اسلامی کے تحت سندھ بھر میں ہفتہ یکجہتی فلسطین کی تقریبات شروع ہو گئی ہیں۔پی پی آئی کے مطابق جماعت اسلامی کے امیر سراج الحق کی اپیل پر ملک بھر میں 9تا15اکتوبر، ہفتہ یکجہتی فلسطین میں ہر سطح پر احتجاجی ریلیاں اور مظاہرے منعقدکئے جا رہے ہیں۔ فلسطین کے ساتھ اظہار یکجہتی کیلئے 13 اکتوبر جمعہ کو مساجد پر احتجاج کیاجائے گا۔
تلاش کریں
خبریں
نجم سیٹھی کو پی سی بی کے قوانین کا علم نہیں ہے : عامر سہیل
(February 14, 2014)
روٹرڈیم: سابق ٹیسٹ کرکٹر عامر سہیل نے کہا ہے کہ نئے چیئرمین کو پی سی بی کے قانون کا علم ہی نہیں۔ وزیر اعظم کو غلط مشورے دیے گئے، جب انتظامی ڈھانچہ ہی معطل ہے تو یہ نیا آ ئین کیسے بنا سکتے ہیں۔ ایک نجی ٹی وی سے گفتگو کرتے ہوئے انھوں نے کہا کہ آج پاکستان کی کرکٹ کی حالت دیکھ کر مجھے ہنسی بھی آتی ہے اور افسوس بھی ہوتا ہے کہ کرکٹ کی باگ ڈور کیسے کیسے لوگوں کے ہاتھ میں جا رہی ہے۔ ذکا اشرف منتخب چیئرمین تھے، نئے چیئرمین کو اخلاقیات کا مظاہرہ کرتے ہوئے وزیراعظم سے کہنا چاہیے تھا کہ ان کو نہ ہٹائیں، اگر موجودہ وزیراعظم پرویز مشرف کے اقدام کو غلط قرار دیتے ہیں تو یہ اقدام بھی ویسا ہی ہے۔ مجھے کرکٹ بورڈ میں آنے کی ضرورت نہیں، میں میڈیا سے جڑا بندہ ہوں۔ ایک نجی ٹی وی پر کامیاب پروگرام بھی کر رہا ہوں۔ کرکٹ کو جب بھی میری ضرورت ہوئی میں اپنی خدمات پیش کروںگا لیکن نجم سیٹھی کے ساتھ کام کرنے کا سوال ہی پیدا نہیں ہوتا۔ ٹیم کے انتخاب میں فیورٹ ازم ہے، اچھے کھلاڑی کو بھی سفارش یا رشوت کی ضرورت ہوتی ہے، میں کسی کا نام نہیں لینا چاہتا لیکن بہت کچھ ہو رہا ہے۔مجھے بھی کئی مرتبہ پیسے کی آفرز ہوئیں لیکن میں نے اس کو حرام سمجھا، پی سی بی کا آئین بنانے کا اختیار وزیراعظم کے پاس بھی نہیں ہے، یہ انتہائی غلط فیصلے کر رہے ہیں۔ جب جنرل باڈی ہی معطل ہے تو پھر ترمیم کیسے ہوسکتی ہے۔ خرابی آئین میں نہیں، بورڈ ممبران میں ہے اور بورڈ کو چلانے کے طریقے میں خرابی ہے۔ بگ تھری کا معاملہ آیا تو ان کو9 جنوری کو ہی پتہ چل گیا تھا لیکن انہوں نے پتہ نہیں کیوں معاملے کو دبائے رکھا، چپ رہے اور کوئی تیاری ہی نہیں کی۔ اس ایشوکا مقصد یہ تھا کہ جتنے بھی بڑے کرپشن کے معاملات ہیں ان کو دبایا جاسکے اور وہ اس میں کامیاب بھی ہو گئے ہیں۔ آئی پی ایل میں پاکستان اور سری لنکا کے کسی کھلاڑی کی بولی نہیں لگائی گئی۔ شکیل شیخ نے لائیو ٹی وی شو میں مجھ سے معافی مانگ لی، میرے لئے اتنا ہی کافی ہے۔ اس موقع پر پی سی بی مینجمنٹ کمیٹی کے رکن شکیل شیخ نے کہا کہ میں نے اگر جذبات میں آکر عامر سہیل اور باسط علی کے بارے میں کچھ غلط باتیں کی تھیں تو میں وہ واپس لیتا ہوں۔
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
(February 14, 2014)
لاہور: آئندہ ماہ بنگلہ دیش میں ہونے والے ایشیاءکپ اور ٹی ٹوئنٹی ورلڈ کپ کیلئے فاسٹ بولر محمد عرفان کی جگہ عمر گل کو ٹیم میں شامل کرلیا گیا ۔ راولپنڈی کرکٹ اسٹیڈیم میں پی سی بی سلیکشن کمیٹی کا اجلاس اظہر خان کی زیر صدارت ہوا۔ ذرائع کے مطابق ایشیا کپ اور ٹی ٹونٹی ورلڈ کپ کیلئے عمر گل کو ٹیم میں شامل، جب کہ محمد عرفان کو ڈراپ کر دیا گیا ہے۔ ہیڈ کوچ معین خان اور بولنگ کوچ محمد اکرم نے کمیٹی کو تمام کھلاڑیوں کی فٹنس کے بارے میں آگاہ کیا۔ کمیٹی اپنی تجاویز جلد چئیرمین پی سی بی نجم سیٹھی کو بھجوائے گی جس کے بعد ایشیا کپ اور ٹی ٹونٹی ورلڈ کپ کیلئے ٹیم کا باضابطہ اعلان کیا جائے گا۔
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
(February 14, 2014)
لاہور: بنگلہ دیش کیخلاف سیریزاورویمنزورلڈ ٹی ٹوئنٹی کیلئے 14رکنی قومی ویمن ٹیم کا اعلان کردیا گیا۔ ثنائ میرکوکپتان برقراررکھا گیا ہے۔پاکستان ویمنزکرکٹ ٹیم آئندہ ماہ بنگلہ دیش میں ہونے والے ورلڈ ٹی ٹوئنٹی سے قبل دوسے پندرہ مارچ تک بنگلہ دیشی ٹیم کیخلاف تین ون ڈے اورپانچ ٹی ٹوئنٹی میچزکی سیریزکھیلے گی۔ پاکستان کرکٹ بورڈ نے دونوں ایونٹس کیلئے 14 رکنی قومی ویمن ٹیم کا اعلان کردیا ہے۔ ثناءمیرکوکپتان برقرارکھا گیا ہے بسمہ معروف ان کی نائب ہوں گی۔ دیگرکھلاڑیوں میں نین عابدی، ندا راشد، جویریہ ودود، بتول فاطمہ، اسماویہ اقبال، قانیطہ جلیل، سمیہ صدیقی، سادیہ یوسف، ناہیدہ بی بی، ثانیہ اقبال، سدرا امین اورمرینہ اقبال شامل ہیں۔ دونوں ایونٹس کی تیاری کیلئے ٹیم کا ٹریننگ کیمپ 17فروری سے یکم مارچ تک مریدکے میں لگایا جائیگا۔
قومی جونیئراسنوکرچیمپئن شپ 15 فروری سے کھیلی جائے گی
(February 14, 2014)
کراچی: قومی جونیئراسنوکرچیمپئن شپ 15 فروری سے کھیلی جائے گی، ملک بھر سے ٹاپ32کھلاڑی حصہ لیں گے۔ کراچی جمخانہ میں پریس کانفرنس سے خطاب کرتے ہوئے پاکستان بلیئرڈ اینڈ اسنوکرایسوسی ایشن کے صدرعالم گیر شیخ نے سال2014 کے کلینڈر شیڈول کا اعلان کیا۔ انہوں نے بتایا کہ محدود وسائل کے باوجود قومی اسنوکر کھلاڑی رواں سال14 قومی اوربین الاقوامی مقابلوں میں شرکت کریں گے۔ نئے سیزن کا آغاز قومی جونیئر چیمپئن شپ سے ہوگا۔ جس میں32 کیوئیسٹ کو مدعو کیا گیا ہے۔ ایونٹ کے بعد تین بہترین کھلاڑی ایشیئن چیمپئن شپ میں پاکستان کی نمائندگی کے اہل ہوں گے۔ پا کستان رواں سال اگست کے دوران ایشیئن ٹیم اور سکس ریڈ اسنوکر ایونٹ کی کراچی میں میزبانی کرے گا۔
بارسلونا نے اٹالین فٹ بال کپ کے فائنل میں جگہ بنالی
(February 14, 2014)
میڈرڈ: بارسلونا نے ریال سوسیڈ اڈ کو شکست دے کر اٹالین فٹبال کپ کے فائنل میں جگہ بنالی ۔ دونوں ٹیموں کے درمیان سیمی فائنل لیگ کا دوسرا میچ ایک ایک گول سے برابری پر ختم ہوا ۔بارسلونا کی ٹیم پہلے لیگ میچ میں دو صفر سے کامیابی پر فائنل میں جگہ بنانے پر کامیاب ہوئی ۔
خیبر پختونخواہ میں 32نئے اسپورٹس اسٹیڈیم تعمیر کرنے کا اعلان
(February 14, 2014)
پشاور: وزیراعلیٰ خیبر پختونخواہ کے معاون خصوصی برائے اقلیتی امور ڈاکٹر سورن سنگھ نے کہا ہے کہ تحریک انصاف کی صوبائی حکومت نوجوان نسل کو کھیلوں کے میدان میں بہتر تفریحی سہولیات فراہم کرنے کے لئے کوشاں ہے ۔اور اس سلسلے میں صوبہ بھر میں کھیلوں کے مزید گراﺅنڈز اور32نئے اسپورٹس اسٹیڈیم تعمیر کیے جارہے ہیں ۔