کراچی (پی پی آئی)شہر قائد میں تیر چلانے اور ٹارگٹ کو نشانہ بنانے کے مقابلے آرچری ایونٹ میں لڑکوں کے ساتھ لڑکیوں نے بھی خوب نشانے لگائے۔پی پی آئی کے مطابق گو کہ تیر اندازی قدیم کھیل ہے لیکن دور جدید میں خواتین بھی ایسے ایونٹس بڑی دلچسپی شئیر کرتی ہیں، شہر قائد میں آرچری چیمپئن شپ میں لڑکوں کے ساتھ لڑکیوں نے بھی بڑی تعداد میں شرکت کی۔اس موقع پر تیر اندازوں کا کہنا تھا کہ ایونٹ میں شرکت کر کے انجوائے کیا، اس طرح کے مقابلے ہوتے رہنے چاہئیں جبکہ والدین نے بھی چیمپئن شپ کو خوب سراہا۔نیشنل کوچنگ سینٹر میں ہونے والے آرچری مقابلوں میں شہر بھر سے کھلاڑیوں نے شرکت کی۔
کولکتہ نائٹ رائیڈرکے کوچ ٹریور بیلس انگلش کرکٹ ٹیم کے کوچنگ فہرست میں شامل
ایمپائر کے فیصلے پر ناگواری کا اظہار ،دلشان پر جرمانہ عائد
آئی پی ایل کی فرنچائزوں کا سنیل گواسکرکو تعاون کی یقین دہانی
مشرف پر فرد جرم عائد ہونا جمہوریت کی فتح ہے: نثار کھوڑو
واپڈا نے 61ویں قومی سائکلنگ چمپیئن شپ جیت لی
ورلڈ بیڈمنٹن فیڈریشن سپر سیریز فائنل کی میزبانی دبئی کو مل گئی
تازہ ترین خبریں
- April 25, 2026
- April 23, 2026
- April 22, 2026
- April 22, 2026
اشتہار
تازہ ترین
کراچی الیکٹرک بس سروس کو مکمل طور پر بند ہونے کے خطرے کا سامنا
کراچی (پی پی آئی)حکومت سندھ کی جانب سے ایک سال قبل لانچ کی گئی کراچی الیکٹرک بس سروس کو مکمل طور پر بند ہونے کے خطرے کا سامنا ہے کیونکہ اس کے 3 میں سے 2 روٹس پر چلنے والی بسوں کو اچانک معطل کردیا گیا، جس کے نتیجے میں ہزاروں مسافروں کو پریشانی کا سامنا کرنا پڑ رہا ہے۔ ایک روٹ جس پر ابھی تک یہ بس چل رہی ہے، اس میں بھی فراہم کردہ ہائی ٹیک پبلک ٹرانسپورٹ بسوں کی تعداد کم ہے۔ان الیکٹرک بسوں کے ذریعے سفر کرنے والے ہزاروں افراد کے ہفتے کا آغاز اس چونکا دینے والی سے ہوا کہ جن بسوں کے وہ منتظر ہیں اس کی سہولت اب دستیاب نہیں۔ پی پی آئی کے مطابق بتایا جاتا ہے کہ 2 روٹس ای وی۔1 اور ای وی۔3 کی سروس کوغیر معینہ مدت تک معطل کردیا گیاہے۔ای وی۔1 الیکٹرک بس جناح ایونیو کے قریب ٹینک چوک سے شروع ہوکر ایئرپورٹ کے علاقے شاہراہ فیصل، ایف ٹی سی، کورنگی اور خیابان اتحاد سے ہوتے ہوئے سی ویو پر کلاک ٹاور تک جاتی ہے۔۔ای وی۔3 ملیر کینٹ چیک پوسٹ 5 سے شروع ہو کر صفورہ چورنگی، موسمیات، کامران چورنگی، پرفیوم چوک، ملینیم مال، ڈالمیہ، آغا خان ہسپتال، لیاقت نیشنل ہسپتال سے ہوتے ہوئے ایم اے جناح روڈ تک جاتی ہے۔۔ ’اب ان دونوں راستوں پر یہ سہولت آپریشنل نہیں‘۔البتہ ای وی۔2 جو بحریہ ٹاؤن کراچی سے شروع ہو کر ایم۔9 پلازہ کو پاس کر کے ملیر ہالٹ، بقائی یونیورسٹی، جناح ایونیو، ملیر کینٹ، ٹینک چوک سے ہوتے ہوئے اپنا اختتام ماڈل کالونی پر کرتی ہے وہ ’فنکشنل ہے۔
عالمی منڈی میں تیل کی قیمتیں گر گئیں،پاکستان میں بھی مزید کمی کا امکان
نیویارک(پی پی آئی) عالمی منڈی میں تیل کی قیمتوں میں دو فیصد کمی دیکھنے میں آئی ہے جس کے بعد پاکستان میں بھی مزید کمی کا امکان ظاہر کیا جارہا ہے۔ مشرق وسطیٰ میں اسرائیل اور حماس کے درمیان تنازعہ پر قابو پانے کی کوششوں میں سفارتی کوششیں تیز ہو گئیں، جس سے سپلائی میں ممکنہ رکاوٹ کے بارے میں سرمایہ کاروں کے خدشات کم ہوگئے۔۔پی پی آئی کے مطابق برنٹ خام آئل کے مستقبل کے سودوں میں 2.02 ڈالر یا 2.2 فیصد کمی ہوئی اور یہ 90.14 ڈالر فی بیرل پر فروخت ہوئے۔یو ایس ویسٹ ٹیکساس انٹرمیڈیٹ خام تیل کی قیمت 2.19 ڈالر یا 2.5 فیصد کم ہو کر اس کی فروخت 85.89 ڈالر فی بیرل رہی۔
نیب کا ادارہ صرف سیاسی جوڑ توڑ کیلئے ہے،اپیل ہے کہ اسے ختم کیا جائے:شاہد خاقان عباسی
کراچی (پی پی آئی)مسلم لیگ ن کے رہنما شاہد خاقان عباسی نے کہاہے کہ نیب نے ملک کو مفلوج کیا ہوا ہے،بار بار عدالت آتے ہیں لیکن ہوتا کچھ بھی نہیں،5سال ہو گئے لیکن صرف تاریخ ملتی ہے۔پی پی آئی کے مطابق کراچی میں میڈیا سے گفتگو کرتے ہوئے شاہد خاقان عباسی نے کہاکہ عدالتوں میں کیمرے لگوائے جائیں، عوام بھی دیکھیں عدالتوں میں ہوتا کیا ہے،لیگی رہنما کا کہنا تھا کہ کئی ججز کا عدالتوں سے تبادلہ ہوگیا لیکن ہمارا کیس وہیں کا وہیں ہے،ان کا کہناتھا کہ نیب کا ادارہ صرف سیاست کی جوڑ توڑ کیلئے رکھا گیا ہے،میری اپیل ہے کہ نیب کے ادارے کو ختم کیا جائے۔
تلاش کریں
خبریں
کولکتہ نائٹ رائیڈرکے کوچ ٹریور بیلس انگلش کرکٹ ٹیم کے کوچنگ فہرست میں شامل
(April 1, 2014)
لندن: آسٹریلیا سے تعلق رکھنے والے ٹریور بیلس کو انگلینڈ کر کٹ ٹیم کی کوچنگ فہرست میں شا مل کر لیا گیا ۔ ٹی ٹوئنٹی ورلڈ کپ میں نیدرلینڈ سے شرم ناک شکست کے بعد انگلش ٹیم کے ہیڈ کوچ کے لیے کو ششیں تیز کر دی گئیں،آئی پی ایل میں کلکتہ نائٹ رائیڈر کے کوچ ٹریور بیلس کو انگلینڈ کرکٹ ٹیم کے ہیڈ کوچ کے لیے چوتھے امیدوار کی حیثیت سے شامل کر لیا گیاہے ۔ ایشنر سیریز میں 5-0کی وائٹ واش شکست کے بعد ہیڈ کوچ اینڈی فلاور نے استعفیٰ دیا تھا جس کے بعد انگلینڈ کو مضبوط کوچ کی تلاش ہے ۔ مختصر فارمیٹ کی کرکٹ ٹیم کے کوچ ایشلے جائلز بھی اس فہرست میں شامل ہیںجبکہ دیگر امیدواروں میں کلکتہ نائٹ رائیڈر اور سڈنی سیکسرز کے کوچ بیلس ، انگلینڈ کر کٹ ٹیم کے سابق کوچ پیٹر مورس اور انگلینڈ ہی کے مک نیول شامل ہیں۔ بیلس پہلے آسٹریلوی کوچ ہیں جنھیں انگلش ٹیم کی کوچنگ کے لیے مضبوط امیدوار تصور کیے جارہے ہیں جبکہ حیران کن طور پر انھیں ٹاپ لیول کی کرکٹ کھیلنے کا کوئی تجربہ حاصل نہیں ، تاہم بیلس ڈومیسٹک اور بین الاقومی طور پر ہر طرز کی کر کٹ میں کوچنگ کے فرائض انجام دے رہے ہیں، بیلس کے کوچنگ میں سری لنکا نے 2011ورلڈ کپ کے فائنل میں جگہ بنالی تھی جبکہ 2012کے آئی پی ایل ایڈیشن میں کولکتہ کی کوچنگ بھی کی ، دوسری جانب بیلس کے بارے میں کہا جارہاہے کہ انھیں انگلش کر کٹ اور وہاں کے نظام سے آگہی نہیں ہے ۔
ایمپائر کے فیصلے پر ناگواری کا اظہار ،دلشان پر جرمانہ عائد
(April 1, 2014)
چٹاگانگ: سرلنکن بیٹسمن تلکارتنے دلشان کو ایمپائر کے فیصلے پر ناگواری کا اظہا کر نے پر میچ فیس کا 20فی صد جر مانہ عائد کر دیا گیا۔ نیوزی لیند کے خلاف چٹاگانگ کے چوہدری ظہور احمد اسٹیڈیم میں کھیلے گئے ورلڈٹی ٹوئنٹی میچ میں دلشان نے ایمپائر کی جانب سے آﺅٹ قرار دیے جانے پرکندھے کو جھٹکتے ہوئے وکٹ کیپر کو یہ باور کر انے کی کوشش کی تھی کہ گیند ان کے گلو سے نہیں ٹکرائی ، جس پر آئی سی سی کو ڈ آف کنڈکٹ کے تحت میچ فیس کا 20فی صد جر مانہ عائد کر دیا گیا۔دلشن آئی سی سی کوڈ آ ف کنڈکٹ کے آرٹیکل 2.1.3کی خلاف ورزی کے مرتکب قرار پائے گئے ۔جرمانہ کی استدعا فیلڈ ایمپائر علیم ڈار ،روڈ ٹکر اور تھرڈ ایمپائر بروس آکسین فورڈنے کی تھی۔جبکہ دلشن نے اپنی غلطی کا اعتراف بھی کیا تھا۔
آئی پی ایل کی فرنچائزوں کا سنیل گواسکرکو تعاون کی یقین دہانی
(April 1, 2014)
نئی دہلی: آئی پی ایل کی تمام فرنچائزوںنے سنیل گواسکر کو کامیاب ٹورنامنٹ کے انعقاد کے لیے بھر پور مدد کرنے کی یقین دہانی کرا دی ۔ 16اپریل سے متحدہ عرب امارات میں شروع ہونے والے آئی پی ایل ٹورمنٹ میں شامل تما م ٹیموں کے سربراہوں نے یقین دہانی کرادی ہے کہ وہ سنیل گواسکر کا بھر پور ساتھ دیں گے۔ گواسکر بی سی سی آئی کے صدر سری نواسن کی معطلی کے بعد عبوری صدر کی حیثیت سے آئی پی ایل کے بھی انچارج ہیں ، سنیل گواسکر نے تمام ٹیموںکے مالکان سے ملاقات کی اور ٹورنامنٹ کی تیاریوںکے حوالے سے بات چیت کی۔ فرنچائزمالکان نے اپنے تاثرات سے سنیل گواسکر کو آگاہ کر دیا او ر مشہور ٹورنامنٹ کی کامیابی کے لیے اپنا کر دار ادا کرنے کی یقین دہانی کرا دی۔ بھارت میں عام انتخابات کے باعث آئی پی ایل کا 16سے 30اپریل تک پہلا لیگ سیشن متحدہ عرب امارات میں کھیلا جائے گا۔
مشرف پر فرد جرم عائد ہونا جمہوریت کی فتح ہے: نثار کھوڑو
(April 1, 2014)
کراچی: سندھ کے سینئر وزیر نثاراحمد کھوڑو نے کہا ہے کہ آمر پرویزمشرف پر فردجرم عائدہوناجمہوریت کی فتح ہے اور آرٹیکل 6 نے عدلیہ اور پارلیمینٹ کوطاقت دلائی ہے جس کی وجہ سے آمر کو عدلیہ کا سامنا کرنا پڑاہے۔پرویز مشرف کے معاملے اب وفاقی حکومت اور عدلیہ کی کورٹ میں ہیں اور امیدہے وہ اسے منظقی انجام تک پہنچائیں گے ۔ان خیالات کااظہار انھوں نے منگل کو فریئر ہال کراچی میں انٹرنیشنل کیمٹی آف دی ریڈکراس(آئی سی آرسی)کودنیا بھر میں انسانیت کی خدمت کرتے ہوئے۰۵۱ سال مکمل ہونے پر فوٹوگرافی کی نمائش کی تقریب کے بعد میڈیا سے بات چیت کرتے ہوئے کیا۔انھوں نے کہا کہ رانا ثناءاللہ سے زیادہ مسلم لیگ ن کا کوئی اور دشمن نہیں جس نے ہربات کو بدزبانی سے ہینڈل کیا ہے اور اسی قسم کا آدمی سندھ میں بھی تھا جو آج کل ن لیگ کے ساتھ ہے۔ انھوں نے کہا کہ سیاست سنجیدگی کا نام ہے اس لیئے رانا ثناءاللہ سوچ سمجھ کر بات کریں ۔نثار احمد کھوڑو نے کہا کہ ن لیگ کے کچھ وزراءبلاول بھٹو زرداری کو دھمکیاں دینے والی کالعدم تنظیم کے ترجمان بنے ہوئے ہیں ۔بلاول بھٹو زرداری کو دھمکیاں کالعدم تنظیم کی جانب سے دی جارہی ہےں،انھوں نے کہا کہ بلاول بھٹو زرداری اور پیپلز پارٹی دھمکیوں سے ڈرنے والے نہیں ایسی دھمکیاں ہمیں آگے بڑھنے سے نہیں روک سکتیں ۔ایک سوال کے جواب میں انھوں نے کہا کہ پیپلز پارٹی اور ایم کیوایم کے ایک دوسرے سے رابطے اور ملاقاتیں ہوتی رہتی ہیں تاہم ایم کیوایم کی سندھ حکومت میں جلد یا بدیر شمولیت کا عمل سیاست کاحصہ ہے۔
واپڈا نے 61ویں قومی سائکلنگ چمپیئن شپ جیت لی
(April 1, 2014)
لاہور: 61ویں قومی سائیکلنگ چمپیئن شپ واپڈا نے جیت لی۔ واپڈا نے 246پوائنٹس حاصل کرکے61ویںقومی سائیکلنگ چیمپیئن شپ جیت لی۔ لاہور میں ہونے والی پانچ روزہ سائیکلنگ چیمپیئن شپ میں واپڈا کے سائیکلسٹ چھائے رہے، جنھوں نے مجموعی طور پر 9 ایونٹس میں گولڈ میڈلز جیت لئے،اور دو سو چھیالیس پوائنٹس کے ساتھ چیمپیئن شپ جیتنے کا اعزاز بھی حاصل کیا۔افغانستان نے دوسری اور پنجاب نے تیسری پوزیشن حاصل کی۔اختتامی تقریب کے مہمان خصوصی پاکستان اولمپک ایسوسی ایشن کے نائب صدر چوہدری یعقوب نے تمام کھلاڑیوں میں انعامات تقسیم کئے۔
ورلڈ بیڈمنٹن فیڈریشن سپر سیریز فائنل کی میزبانی دبئی کو مل گئی
(April 1, 2014)
دبئی: دبئی حمدان اسپورٹس کمپلیکس سالانہ بیڈمنٹن ورلڈ فیڈریشن سپر سیریز فائنل کی میزبانی کرے گا۔ورلڈ بیڈمنٹن فیڈریشن نے دبئی کے حمدان اسپورٹس کمپلیکس کو سپر سیریز فائنل کی میزبانی چار سال کے لیے سونپی ہے ، ٹورنامنٹ د17سے21دسمبر کے دوران کھیلا جائے گا۔ ٹورنامنٹ میں بیڈمنٹن کے سپر اسٹارز حصہ لیں گے جن میں ورلڈ چمپیئن ملائیشیا کے لی چونگ وائی ،چین کی چن لانگ اور انڈیا کی سائینا نہوال شامل ہے ۔ آٹھ کھلاڈی سنگلز اورڈبلز میں حصہ لیں گے جنھیں پانچ کیٹیگریوں میں تقسیم کیا گیا ہے،ان کیٹگیریوں کو سپر سیریز کی 12مراحل میں کارکردگی کی بنیاد پر بنائی گئی ہیں۔