اسلام آباد(پی پی آئی)وزارت تجارت نے افغانستان ٹرانزٹ ٹریڈ معاہدے کے تحت پاکستان سے 212 اشیاء افغانستان لے جانے پر پابندی لگا دی ۔ ٹرانزٹ ٹریڈ ایگریمنٹ کے تحت اشیاء پاکستان کے راستے افغانستان لیجانے پر پابندی عائد کر دی گئی ہے جس کا وزارت تجارت نے ایس آر او نمبر بھی جاری کر دیا ہے ۔ اشیاء کی افغان ٹرانزٹ ٹریڈ ایگریمنٹ کے تحت پاکستان سے افغانستان لے جانے کی اجازت نہیں ہو گی ۔ ایس آر او نمبر کے مطابق 17 اقسام کا کپڑا، تمام اقسام کی گاڑیوں کے ٹائرز، چائے کی پتی، کاسمیٹکس اور ٹوائلٹ میں استعمال کی جانے والی درجنوں اقسام کی اشیاء پر پابندی عائد کی گئی ہے ۔ اسی طرح نٹس، خشک اور تازہ پھل، ہوم ایپلائینسز جن میں فریج، ریفریجریٹر، ایئر کنڈشنر، جوسر، مکسر بلینڈر شامل ہیں ان پر بھی افغانستان لے جانے کی پابندی لگا دی گئی ہے ۔

اسلام آباد)پی پی آ ئی(ملک میں مہنگائی کی مجموعی شرح بڑھ کر37;46;07 فیصد کی سطح پر پہنچ گئی، ایک ہفتے میں 19اشیاء کی قیمتوں میں اضافہ ہوا ہے، چینی کی اوسطاً قیمت میں ایک روپے فی کلو اضافہ ہوا ۔ تفصیلات کے مطابق وفاقی ادارہ شماریات نے ہفتہ وار مہنگائی کے اعدادوشمار جاری کردیئے، جس کے تحت ہفتہ وار بنیادوں پر مہنگائی کی شرح میں 0;46;11 فیصد اضافہ ہوگیا ہے ۔ ایک ہفتے میں مہنگائی کی مجموعی شرح 37;46;07 فیصد ریکارڈ کی گئی ۔ مہنگائی رپورٹ میں بتایا گیا کہ ایک ہفتے میں 19اشیاء کی قیمتوں میں اضافہ ہوا جبکہ 16اشیاء کی قیمتوں میں کمی ریکارڈ کی گئی، ایک ہفتے کے دوران چینی کی اوسطاً قیمت میں ایک روپے فی کلو اضافہ ہوا ۔ ٹماٹر کی فی کلو قیمت میں 11 روپے اور اسی طرح آلو، پیاز، ٹماٹر، انڈے، دودھ سمیت 19 اشیاء کی قیمتوں میں بھی اضافہ ہوگیا ہے ۔

ایل پی جی کا گھریلو سلنڈر98 روپے مہنگا ہونے کے بعد نئی قیمت 3232 روپے ہو گئی ہے، جلانے کی لکڑی، تازہ دودھ، دہی، مٹن اور خشک دودھ کے دام بھی بڑھ گئے ہیں ۔ اسی طرح 16اشیاء کی قیمتوں میں کمی ریکارڈ کی گئی جس کے تحت پٹرولیم مصنوعات، چکن، دال مسور، دال چنا، دال ماش، آٹا، سرسوں کا تیل اور گھی کی قیمتیں کم ہوئی ہیں ۔ دوسری جانب روپے کی قدر میں بہتری کے بعد پٹرولیم مصنوعات کی قیمتوں میں نمایاں کمی کا امکان ظاہر کیا جا رہا ہے ۔

پٹرول کی قیمت میں 38 روپے اور ڈیزل کی قیمت میں 18 روپے فی لیٹر کمی متوقع ہے ۔ عالمی مارکیٹ میں بھی پٹرولیم مصنوعات کی قیمتوں میں کمی ہوئی ہے ۔ عالمی مارکیٹ میں پٹرول 12 اور ڈیزل 9 ڈالر فی بیرل سستا ہوا ۔ عالمی مارکیٹ میں پٹرول کی قیمت 102 ڈالر فی بیرل ہو گئی ۔ عالمی مارکیٹ میں ڈیزل کی قیمت 117 ڈالر فی بیرل ہو گئی ۔ گذشتہ روز ایک میڈیا رپورٹ میں بتایا گیا تھا کہ 5 فیصد سے زائد کمی سے تیل کی قیمتیں 2 ماہ کی کم ترین سطح پر آ چکیں ۔ برطانوی خام تیل برینٹ آئل کی قیمت کم ہوکر 85 ڈالر فی بیرل پر آگئی جبکہ امریکی خام تیل ڈبلیو ٹی آئی کی قیمت کم ہوکر 83 ڈالرز فی بیرل ہو گئی ہے ۔ بتایا گیا ہے کہ خام تیل کی قیمتوں میں کمی عالمی معیشت کی سست روی اور کم طلب کے خدشات کی وجہ سے ہے ۔ دوسری جانب اوپیک کی جانب سے بھی تیل کی پیداوار میں مزید کمی نہ کیے جانے کا امکان ہے ۔ اسی باعث گزشتہ کئی روز سے عالمی مارکیٹ میں تیل کی قیمتوں میں مسلسل کمی کا رجحان غالب ہے ۔ جبکہ عالمی مارکیٹ میں تیل کی قیمتوں میں گراوٹ کے رجحان کو دیکھتے ہوئے ماہرین نے خیال ظاہر کیا کہ عالمی منڈی میں یہ رحجان جاری رہا تو پاکستان میں فی لیٹرقیمت میں واضح کمی ہو سکتی ہے ۔ واضح رہے کہ رواں ماہ کے آغاز پر بھی پٹرولیم مصنوعات کی قیمتوں میں بڑی کمی کا امکان ظاہر کیا جا رہا تھا ۔ بتایا گیا تھا کہ ڈالر سستا ہونے کی وجہ سے پٹرولیم مصنوعات کی قیمتوں میں نمایاں کمی ہو گی، تاہم 30 ستمبر کو نگران حکومت نے پٹرول کی قیمت میں محض 8 روپے کمی کا اعلان کیا ۔ علاوہ ازیں پاکستان میں سونے کی قیمتوں میں بڑی کمی ہوئی ہے ۔ عالمی مارکیٹ میں اضافے کے بعد سونے کی قیمت 1823 ڈالر فی اونس ہوگئی ۔

کراچی)پی پی آ ئی )منی مارکیٹ سسٹم میں سرمائے کی کمی کا سامنا،اسٹیٹ بینک نے اوپن مارکیٹ آپریشن کے ذریعے بڑی رقم فراہم کر دی ۔ تفصیلات کے مطابق سٹیٹ بینک کی جانب سے 77 روز کے لئے کمرشل بینکوں کو ایک ہزار 13 ارب 25 کروڑ روپے فراہم کیے گئے ہیں ، 77 روز پر فراہم کردہ رقم پر بینکس 22;46;06 فیصد سالانہ کے حساب سے شرح منافع ادا کریں گے ۔