لاہور(پی پی آئی) پولیس نے کورکمانڈر ہاؤس حملہ کیس میں چیئرمین تحریک انصاف عمران خان، عمر سرفراز چیمہ، میاں محمودالرشید اور یاسمین راشد کو چالان میں قصور وار قرار دے دیا۔پی پی آئی کے مطابق کورکمانڈر ہاؤس حملہ کیس سمیت 11 مقدمات کا چالان انسداد دہشت گردی عدالت لاہور میں پولیس نے جمع کروا دیا۔ سانحہ 9 مئی مقدمات میں عمران خان، عمر سرفراز چیمہ، میاں محمودالرشید کو قصور وار قرار دیا گیا ہے جبکہ چالان میں ڈاکٹر یاسمین راشد، خدیجہ شاہ، صنم جاوید سمیت دیگر ملزمان کو بھی قصور وار بتایا گیا ہے۔بتایا گیا ہے کہ کورکمانڈر حملہ کیس کا چالان 3 ہزار سے زائد صفحات پر مشتمل ہے۔ چالان جمع کروائے گئے دیگر کیسز میں عسکری ٹاور حملہ کیس، شادمان تھانہ جلانا، شیر پاؤ پل پر جلاؤ گھیراؤ بھی شامل ہیں۔
شدیدعوامی دباﺅ کی وجہ سے ٹیم مسلسل ہار رہی ہے : نجم سیٹھی
مارک ویبر کا برازیلین گراں پری کے بعد ریٹائرمنٹ کا اعلان
ایشز سیریز پہلا ٹیسٹ:انگلینڈ کی پوری ٹیم 136 رنز پرآﺅٹ ہوگئی
بیونس آئرس : عالمی چیمپئن نوواک جوکووچ نے بچوں کو ٹینس کے گر سکھائے
جونیئر ٹیبل ٹینس چیمپئن شپ 16دسمبر سے کراچی میں شروع ہوگی
30 ویں گورنرز گالف کپ ٹورنامنٹ کالاہور میں آغاز
تازہ ترین خبریں
اشتہار
تازہ ترین
غیرضروری مقدمہ بازی پرسپریم کورٹ کا وکیل کو 2لاکھ روپے جرمانہ
اسلام آباد (پی پی آئی)سپریم کورٹ نے غیرضروری مقدمہ بازی پر وکیل کو 2لاکھ روپے جرمانہ کردیا، چیف جسٹس پاکستان نے کہا کہ آپ کے پاس کوئی گراونڈ موجود نہیں، پھر بھی درخواست دائر کی،چیف جسٹس قاضی فائز عیسیٰ نے کہاکہ ہم موقع دے رہے ہیں لیکن آپ کے پاس کہنے کو کچھ نہیں،سماعت شروع ہونے سے پہلے کے کام آپ اب بتا رہے ہیں، ہائیکورٹ نے آپ کو کم جرمانہ کیا، زیادہ ہونا چاہئے تھا۔پی پی آئی کے مطابق دوران سماعت چیف جسٹس قاضی فائز عیسیٰ نے دلائل نہ دینے پر وکیل کی سرزنش کردی،چیف جسٹس پاکستان نے وکیل فیاض شیرازی سے مکالمہ کرتے ہوئے کہاکہ کیس کے میرٹ پر دلائل دیں،بتائیں آپ کی درخواست قابل سماعت ہے؟وکیل فیاض شیرازی نے کہاکہ ہمارا کیس زائد المعیاد ہے،چیف جسٹس نے کہا کہ عدالت آپ کا کیس سننا چاہتی ہے آپ کہہ رہے ہیں زائد المعیاد ہے،آپ کلرک نہیں سپریم کورٹ کے سینئر وکیل ہیں،آپ کا بڑا احترام ہے کیونکہ آپ سینئر وکیل ہیں آپ کا بڑا مرتبہ ہے۔
سابق وفاقی وزیر فرخ حبیب بھائی اور دیگر 4ساتھیوں سمیت گوادر سے گرفتار
گوادر(پی پی آئی)بلوچستان کے ساحلی شہرگوادر سے سابق وفاقی وزیر فرخ حبیب،بھائی اور دیگر 4 ساتھیوں کو گرفتار کر لیا گیا۔پی پی آئی کے مطابق پی ٹی آئی کا کہنا ہے کہ پولیس یونیفارم میں ملبوس ایک شخص اور 7-8 سادہ کپڑوں میں نامعلوم افراد نے آدھی رات کے وقت بغیر کسی وارنٹ کے حراست میں لیا۔
بیرون ملک گرفتار 90 فیصدبھکاری پاکستانی،عراق،سعودی عرب عاجز آگئے
اسلام آباد (پی پی آئی)اسلام آباد میں سینیٹ قائمہ کمیٹی سمندر پار پاکستانی کا چئیرمین منظور کاکڑ کی زیر صدارت اجلاس ہوا، اس موقع پر سینیٹر رانا محمود الحسن کا کہنا تھا کہ جاپان نے 3 لاکھ 40 ہزار ہنر مند افراد مانگے تو بھارت نے ڈیڑھ لاکھ اور نیپال نے 91 ہزار افراد بھیجے۔انہوں نے کہا کہ بنگلہ دیش اور سری لنکا نے بھی ہنر مند افراد جاپان بھیجے مگر پاکستان سے صرف 200 افراد ہی جاپان گئے۔سینیٹر رانا محمود نے کہا کہ ہمارے پاس 50 ہزار انجینئرز بیروزگار ہیں، سعودی عرب کی جانب سے اب ہنرمند افراد کو بلایا جا رہا ہے، مگر انہیں سادہ لیبر نہیں بلکہ اسکلڈ لیبر چاہئے۔اجلاس کےکو بریفنگ دیتے ہوئے سیکرٹری سمندرپار پاکستانیز کا کہنا تھا کہ تقریباً 10 لاکھ سے زائد پاکستانی بیرون ملک میں ہیں، متحدہ عرب امارات میں 16 لاکھ، سعودی عرب میں 30 لاکھ اور قطر میں ہمارے دو لاکھ افراد موجود ہیں۔ان کا کہنا تھا کہ ہمارے فقیر سب سے زیادہ باہر جا رہے ہیں، جتنے فقیر گرفتار ہوتے ہیں ان میں 90 فیصد پاکستانی ہوتے ہیں، عراقی اور سعودی سفیر کہتے ہیں کہ آپ عادی مجرم بھیجتے ہیں جن سے ان کی جیلیں بھر گئی ہیں۔سیکرٹری اوورسیز پاکستانیز نے کہا کہ یہاں سے جہاز بھر بھر کر بھکاری بیرون ملک جا رہے ہیں، حرم سے جتنے جیب کترے پکڑے جاتے ہیں ان میں اکثریت پاکستانیوں کی ہے، یہ زیارات پر بھیک مانگنے جاتے ہیں۔
تلاش کریں
خبریں
شدیدعوامی دباﺅ کی وجہ سے ٹیم مسلسل ہار رہی ہے : نجم سیٹھی
(November 22, 2013)
لاہور: پاکستانی ٹیم کی مسلسل شکستوں پر چیئرمین پی سی بی نجم سیٹھی کا کہنا ہے کہ عوام کے دباوکی وجہ سے کرکٹ ٹیم مسلسل ہار ہی ہے۔تھائی لینڈمیں ایشین کرکٹ کونسل کے اجلاس میں شرکت کے بعد وطن واپسی پر لاہور ایئرپورٹ پر میڈیا سے گفتگو کرتے ہوئے نجم سیٹھی کا کہنا تھا کہ قومی کھلاڑی شدید دباﺅ میں ہیں۔ عوام کی توقعات پر پورا اترنے کی کوشش میں وہ بہتر کھیل پیش نہیں کر پا رہے۔ سینئر کھلاڑیوں کو ایک دم نہیں نکالا جاسکتا۔ نجم سیٹھی نے واضح کیا کہ بھارت سے سیریز بحالی کے معاملے پر بات ہوئی ہے اگلے سال پاک بھارت سیریز ہو گی۔ چیئرمین پی سی بی کا کہنا تھا کہ پاکستان کے گراونڈ آباد کرنے کے لئے دہشت گردی کےخلاف ایکشن لینا ہو گا۔
مارک ویبر کا برازیلین گراں پری کے بعد ریٹائرمنٹ کا اعلان
(November 22, 2013)
سڈنی: فارمولا ون آسٹریلوی ڈرائیور مارک ویبر برازیلین گراں پری میں آخری مرتبہ جلوہ گر ہوں گے۔آسٹریلیا سے تعلق رکھنے والے فارمولا ون ڈرائیور کا کہنا تھا کہ وہ برازیلین گراں پری کے بعد ریٹائر ہو جائیں گے۔ اس موقع پر انھوں نے کہا کہ وہ اپنی آخری ریس میں اپنے مداحوں کے لیے کچھ خاص کرنا چاہتے ہیں۔ان کا کہنا تھا کہ وہ برازیل میں شاندار کارکردگی دکھاتے ہوئے فتح حاصل کریں گے۔مارک ویبر 12 سال کے دوران 215 مقابلوں میں حصہ لے چکے ہیں۔
ایشز سیریز پہلا ٹیسٹ:انگلینڈ کی پوری ٹیم 136 رنز پرآﺅٹ ہوگئی
(November 22, 2013)
برسبین: ایشز سیریز کے پہلے ٹیسٹ کے دوسرے روز انگلینڈ کی ٹیم صرف 136رنز پر پویلین واپس لوٹ گئی،فاسٹ باﺅلر سٹیورٹ براڈ نے 32 رنز بنا کر ٹیم کے سکور میں اضافہ کیا۔آسٹریلیا کی جانب سے جانسن نے چار ،ہیرس نے تین کھلاڑیوں کو پویلین کی راہ دکھائی،اوپننگ بلے باز کاربری کے علاوہ انگلینڈ کی ٹیم کا کوئی بلے باز خاطر خواہ کارکردگی کا مظاہرہ نہ کر سکا۔کاربری نے 40 رنز کی اننگ کھیلی۔کیون پیٹرسن نے 18سکور کیے ،اسی طرح وکٹیں متواتر گرتی رہیں اور 91 کے مجموعی سکور پر انگلینڈ کی آٹھ کھلاڑی پویلین لوٹ گئے۔ مچل جونسن اسٹریلیا کی جانب سے سب زیادہ وکٹیں حاصل کرنے والے باولر رہے۔اس سے قبل آسٹریلیا کی ٹیم پہلی اننگز میں 295 رنز بنا کر پویلین لوٹ گئی۔
بیونس آئرس : عالمی چیمپئن نوواک جوکووچ نے بچوں کو ٹینس کے گر سکھائے
(November 22, 2013)
بیونس آئرس: عالمی چیمپئن سربین ٹینس اسٹار نواک جوکووچ ننھے کھلاڑیوں کو ٹینس سیکھا کر خوب محظوظ ہوئے۔ارجنٹائن کے شہر بیونس آئرس میںکھلاڑی نے ا سکول کے بچوں کو ٹینس کے گر سکھائے۔اس موقع پر نواک جوکووچ کا کہنا تھا کہ وہ ٹینس کے فروغ کے لیے ان دنوں لاطینی امریکہ کے ملک میں موجود ہیں۔ان کا مزید کہنا تھا کہ اس طرح کی ٹریننگ سیشنز سے ابھرتے کھلاڑیوں کو تلاش کرنے کا موقع بھی ملتا ہے۔
جونیئر ٹیبل ٹینس چیمپئن شپ 16دسمبر سے کراچی میں شروع ہوگی
(November 22, 2013)
کراچی: کراچی ٹیبل ٹینس کے زیر اہتما م کراچی جونیئر ٹیبل ٹینس چیمپئن شپ 16سے 20دسمبر تک کھیلی جائے گی ۔چیمپئن شپ میں کراچی کے 300سے زائد لڑکے اور لڑکیا ں شرکت کریں گی ۔اس سے قبل چیمپئن شپ کے لئے 3دسمبر کی تاریخ مقرر کی گئی تھی لیکن تعلیمی اداروں میں امتحانات کی وجہ سے تاریخوں میں تبدیلی کی گئی ہے ۔ چیمپئن شپ میں مختلف کیٹیگریز کے مقابلے ہوں گے ۔جس میں انڈر 16،انڈر12کے ساتھ ساتھ سنگلز اور ڈبلز میں بھی مقابلہ ہوگا۔
30 ویں گورنرز گالف کپ ٹورنامنٹ کالاہور میں آغاز
(November 22, 2013)
لاہور: 30 ویں گورنرز گالف کپ ٹورنامنٹ کالاہور میں آغاز ہوگیا۔ٹورنامنٹ میں ملک بھر سے 197گالفرز ان ایکشن دکھائی دیں گے۔ ٹورنامنٹ کے منتظمین نے پریس کانفرنس میں بتایاکہ لاہور جمخانہ کلب کے گالف کورس میں کھیلے جانیوالے تین روزہ ایونٹ میں95ایمچورز،45سینئرز، 34 ویٹرنز اور30 خواتین گالفرز کی انٹریز موصول ہوئی ہیں۔ جبکہ ایمچور ایونٹ میں ملک بھر سے ٹاپ گالفرز کی شرکت یقینی ہے۔ محسن ظفر اپنے اعزاز کا دفاع کریں گے اور ٹائٹل ٹرافی بہترین نیٹ گالفرز کو ملے گی۔