کراچی (پی پی آئی)کراچی ایسٹ پولیس نے شہرکے مختلف علاقوں میں تین کارروائیوں کے دوران 3ملزمان گرفتار کرلیے پولیس کے مطابق ملزمان ا سٹریٹ کرائم، کارلفٹنگ، منشیات فروشی اور چھالیہ سپلائی میں ملوث ہیں، گرفتار ملزمان میں صدیق، بصیر اورممتاز علی شامل ہیں۔پی پی آئی کے مطابق پولیس کا کہنا ہے کہ ملزمان سے غیرقانونی اسلحہ،پسٹل وایمونیشن،چوری شدہ کار 1 کلو550 گرام چرس، بھاری مقدار میں چھالیہ بھی برآمدکی گئی ہے، ملزمان کا مجیدلاشاری کے بدنام زمانہ گروہ سے تعلق ہے جو کارچوری کی وارداتوں میں ملوث ہے۔اگرفتار ملزمان کا سابقہ کرمنل رکارڈ چیک کیا جا رہا ہے،تفتیش جاری ہے۔
پی ٹی سی ایل کا نوجوانوں کیلئے خصوصی تر بیتی ورکشاپ کا انعقاد
ابو ظہبی ٹیسٹ : پاکستانی ٹیم پہلی اننگز میں 383رنز بنا کر آﺅٹ ہوگئی
آسٹریلیا اور انگلینڈ کے درمیان ایشز سیریز کا پانچواں معرکہ آج سڈنی میں سجے گا
مائیکل شوماکر کی حالت قدرے بہترلیکن خدشات برقرار
مارٹن گپٹل مسلسل دوسری مرتبہ نئے سال میں سب سے پہلے آﺅٹ
آکلینڈ کلاسک ٹینس : وینس ولیمز کوارٹر فائنل میں پہنچ گئیں
تازہ ترین خبریں
- April 23, 2026
- April 22, 2026
- April 22, 2026
اشتہار
تازہ ترین
پہلا اورآخری کیس میرا:میاں بلال ایڈووکیٹ کاچیف جسٹس بندیال سے مکالمہ
اسلام آباد (پی پی آئی)چیف جسٹس پاکستان عمر عطابندیال کے بطور چیف جسٹس پاکستان آخری کیس میں سماعت کے اختتام پر وکیل میاں بلال نے چیف جسٹس سے کہا کہ جب ہائی کورٹ میں آپ کا پہلا کیس تھا تو بھی میں ہی آپ کے سامنے پیش ہوا، آج سپریم کورٹ میں آپ کا آخری کیس ہے تب بھی پیش ہو رہا ہوں۔پی پی آئی کے مطابق چیف جسٹس عمر عطا بندیال نے وکیل سے کہا کہ آپ کا کیس تو غیر موثر ہو گیا ہے لیکن اگر دلائل دیں گے تو دل کو خوش رکھنے کو غالب یہ خیال اچھا ہے۔وکیل میاں بلال نے کہا کہ آپ نے ہمیشہ تحمل سے ہمیں سنا۔چیف جسٹس پاکستان عمر عطا بندیال نے جواب دیا کہ ہمارا فریضہ ہے کہ سب کو تحمل سے سنیں، بار کی طرف سے ہمیشہ تعاون اور سیکھنے کو ملا ہے۔
شکر گزار ہوں اللہ نے مجھ سے ملک اور انصاف کی خدمت لی: چیف جسٹس
اسلام آباد (پی پی آئی)چیف جسٹس پاکستان عمر عطابندیال نے کہا ہے کہ شکر گزار ہوں اللہ نے مجھ سے ملک اور انصاف کی خدمت لی۔پی پی آئی کے مطابق چیف جسٹس عمر عطا بندیال نے آخری کیس میں وکلا سے گفتگو کرتے ہوئے کہا کہ “گڈ ٹوسی یو آل مائی فرینڈز”۔چیف جسٹس نے کہا کہ کالا کوٹ پہن کر ہم خود کو بار کا حصہ سمجھتے ہیں، جسٹس ساحر علی کہا کرتے تھے کہ بار تو ہماری ماں ہے، ان شااللّٰہ بار روم میں ملیں گے۔انہوں نے کہا کہ میڈیا کے ساتھیوں کا بھی شکریہ جنہوں نے مجھے مستعد رکھا، میڈیا کی تنقید کو ویلکم کرتے ہیں، میڈیا فیصلوں پر تنقید ضرور کرے لیکن ججز پر نہ کرے۔چیف جسٹس پاکستان نے کہا کہ تنقید کے جواب میں ججز اپنا دفاع نہیں کر سکتے، جج پر تنقید سے پہلے یہ ضرور دیکھیں کہ سچ پر مبنی ہے یا قیاس آرائیوں پر، ججز پر تنقید جھوٹ کی بنیاد پر نہیں ہونی چاہیے۔چیف جسٹس عمر عطا بندیال کا یہ بھی کہنا تھا کہ اللّٰہ تعالیٰ کا شکر گزار ہوں جس نے مجھ سے ملک اور انصاف کی خدمت لی، اللّٰہ کے لیے اپنا فریضہ ادا کیا۔
سابق صدر اور 6 سابق وزرائے اعظم کے نیب کیسز دوبارہ بحال
اسلام آباد(پی پی آئی) سپریم کورٹ کی جانب سے نیب ترامیم کو کالعدم قرار دیے جانے کے بعد عوامی عہدے رکھنے والی بہت سی شخصیات کے کیسز بحال ہوگئے ہیں، ان میں سابق صدر آصف علی زرداری، سابق وزیراعظم نواز شریف اور سابق وزیراعظم یوسف رضا گیلانی کے خلاف تمام ریفرنسز بھی شامل ہیں۔پی پی آئی کے مطابق سپریم کورٹ کی جانب سے نیب ترامیم کالعدم ہونے کے بعد سابق وزیراعظم نواز شریف، شہبازشریف، آصف زرداری اور یوسف رضا گیلانی کا توشہ خانہ کیس جبکہ آصف زرداری کیخلاف پنک ریزیڈنسی ریفرنس بھی بحال ہوگیا ہے۔سابق وزیراعظم شاہد خاقان عباسی کا ایل این جی کیس سپیشل جج سینٹرل سے احتساب عدالت کو واپس منتقل ہوگا۔اسی طرح سابق وزیراعظم شوکت عزیز، سابق وزیرخزانہ شوکت ترین کیخلاف مقدمات بھی دوبارہ کھل جائینگے۔سلیم مانڈوی والا کے خلاف کڈنی ہل ریفرنس اور سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس بھی واپس احتساب عدالت کو منتقل ہوگا۔مراد علی شاہ کے خلاف نیب ریفرنس بھی واپس احتساب عدالت کو منتقل ہوگا۔سابق وزیراعظم راجہ پرویز اشرف کے خلاف رینٹل پاور کیسز بھی بحال ہوں گے۔لاہور کی احتساب عدالتوں میں متعدد کیسزبھی بحال ہوگئے ہیں، جن میں شہباز شریف اور حمزہ شہباز کے خلاف رمضان شوگر ملز ریفرنس، خواجہ سعد رفیق اور خواجہ سلمان رفیق کے خلاف پیرا گون ہاؤسنگ ریفرنس بھی بحال ہوگیا۔واضح رہے کہ چیف جسٹس پاکستان عمر عطا بندیال کی سربراہی میں 3 رکنی بنچ نے چیئرمین پاکستان تحریک انصاف کی نیب ترامیم کے خلاف درخواست منظور کرتے ہوئے نیب ترامیم کی 10 میں سے 9 شقوں کو کالعدم قرار دے دیا سپریم کورٹ نے اپنے فیصلے میں عوامی عہدوں پر موجود شخصیات کے خلاف کیسز بحال کر دیئے جبکہ نیب کو 50 کروڑ روپے سے کم مالیت کے کرپشن کیسز کی تحقیقات کی اجازت دے دی گئی ہے۔
تلاش کریں
خبریں
پی ٹی سی ایل کا نوجوانوں کیلئے خصوصی تر بیتی ورکشاپ کا انعقاد
(January 3, 2014)
کراچی: پاکستان ٹیلی کمیونیکیشن کمپنی لمیٹڈ(پی ٹی سی ایل ) نے کمپنی کے ملازمین کے بچوں کے لئے ایک متنوع اور منفرد ورکشاپ کا ا نعقا د کیا جس کا مقصد بچوںکی ذ ہنی صلاحیتوں کو ابھارنا اور ا نہیں ذمہ دار اور با ہمی اختلافات کو بہتر طر یقے سے سمجھنے کے حوالے سے ان کی شخصیت کی تعمیر تھا۔ایک دن پر محیط اس ورکشاپ کا اہتما م بچوں کی تخلیقی صلاحیتوں کو ابھا رنے اور انہیں اپنی ذہنی صلاحیتوں کو بہتر انداز میں استعمال کرتے ہوئے ہر قسم کے مسائل کو سمجھنے اور ان کا حل تلاش کرنے کیلئے تیار کرنا تھا ۔پی ٹی سی ایل کے چیف ہیومن ریسورس آفیسر سید مظہر حسین نے اس موقع پر خطاب کرتے ہوئے کہا کہ پی ٹی سی ایل اس بات پر یقین رکھتا ہے کہ نہ صرف ملازمین بلکہ ان کے خاندان بھی پی ٹی سی ایل فیملی کا اہم حصہ ہیں ۔ورکشاپ اس انداز میں مرتب کی گئی جس سے بچوں کو زند گی کے مقاصد کا حصول اور مثبت انداز میں آ گے بڑ ھنے کے قابل بنایا جا سکے ۔سید مظہر حسین نے بچوں میں سرٹیفکیٹس تقسیم کئے ۔جبکہ بچوں نے اس ورکشا پ میں بھر پور اند از میں شر کت کی اور اس سے لطف اندوز بھی ہوئے ۔
ابو ظہبی ٹیسٹ : پاکستانی ٹیم پہلی اننگز میں 383رنز بنا کر آﺅٹ ہوگئی
(January 2, 2014)
ابوظہبی: ابوظہبی میں کھیلے جانے والے پہلے ٹیسٹ میچ کے تیسرے روز پاکستان کی پہلی اننگز 383 رنز بنا کر مکمل ہو گئی۔ پاکستانی ٹیم کو سری لنکا پر 179 رنز کی برتری ہے۔ میچ کے ابتدائی سیشن کا آغاز مصباح الحق اور اسد شفیق نے کیا تاہم اسد شفیق زیادہ دیر تک وکٹ پر نہ ٹھہر سکے۔ اس کے بعد پاکستان کے لوئر آرڈرز کے بلے باز یکے بعد دیگرے پویلین لوٹتے رہے۔ مصباح الحق 135 رنز بنا کر آوٹ ہونے والے آخری کھلاڑی تھے۔ دوسرے روز کے کھیل کے اختتام پر پاکستان نے اپنی پہلی اننگز میں چار وکٹوں کے نقصان پر 327 رنز بنائے تھے اور یوں اسے سری لنکا پر 123 رنز کی برتری حاصل تھی۔ مصباح کے علاوہ یونس خان نے بھی سنچری بنائی۔ وہ 136 رنز کی اننگز کھیل کر آوٹ ہوئے اور یہ ٹیسٹ کرکٹ میں ان کی 23ویں سنچری تھی۔ گزشتہ روز پاکستان کی جانب سے احمد شہزاد اور محمد حفیظ 46 رنز ایک کھلاڑی آوٹ پر بیٹنگ کے لیے آئے۔ پاکستانی ٹیم کو دوسرا نقصان 59 کے مجموعی سکور پر ہوا جب محمد حفیظ صرف 11 رنز بنا کر آوٹ ہوئے۔ قومی ٹیم کی تیسری وکٹ 83 رنز پر گری۔ احمد شہزاد 38 رنز بنا کر پویلین لوٹے۔ اس کے بعد یونس خان اور کپتان مصباح الحق میدان میں آئے۔ دونوں بلے بازوں کی ذمہ دارانہ بیٹنگ کرتے ہوئے ٹیم کو سنبھالا۔ اس میچ میں پاکستان نے ٹاس جیت کر سری لنکا کو پہلے کھیلنے کی دعوت دی تھی۔ میچ کے پہلے روز پاکستانی باﺅلرز نے کسی بھی سری لنکن بلے باز کو کھل کر کھیلنے کا موقع فراہم نہیں کیا تھا۔ سری لنکن بلے باز جنید خان اور بلاول بھٹی کی باﺅلنگ کے سامنے بے بس دکھائی دیے۔ جنید خان نے شاندار باﺅلنگ کا مظاہرہ کرتے ہوئے 5 کھلاڑیوں کو آﺅٹ کیا تھا۔ سری لنکا کی پوری ٹیم میچ کے پہلے ہی دن 204 رنز بنا کر آوٹ ہوگئی تھی۔
آسٹریلیا اور انگلینڈ کے درمیان ایشز سیریز کا پانچواں معرکہ آج سڈنی میں سجے گا
(January 2, 2014)
سڈنی: آسٹریلیا اور انگلینڈ کے درمیان پانچ میچز کی ایشز سیریز کا آخری ٹیسٹ آج (جمعہ) سے سڈنی میں کھیلا جائے گا۔ کینگروز سیریز میں کلین سوئپ اور انگلش ٹیم بقا کی جنگ لڑنے کے لئے میدان میں اتریں گے۔ انگلینڈ کے لئے حالیہ ایشیز سیریز ڈراونا خواب بن گئی ہے۔پے در پے ناکامیوں نے انگلش ٹیم کے ہوش اڑادیئے ہیں۔ انگلینڈ کے لئے اب ایشز میں کلین سوئپ بچانے کے لالے پڑگئے ہیں۔ اب آخری معرکے کے لئے سڈنی میں میدان سجے گا۔ انگلینڈ ساکھ بچانے کی پوری کوشش کرے گا۔ادھر آسٹریلیا 2006کے بعد ایشیز سیریز میں وائٹ واش کے لئے میدان میں اترے گا۔ انگلینڈ کے خلاف آخری ٹیسٹ جیت کر میزبان ٹیم آئی سی سی رینکنگ میں پانچویں سے تیسرے نمبر پر آجائے گی۔فاسٹ بولر مچل جونسن کے پاس پانچ میچز کی ایشز میں آسٹریلیا کی جانب سے سب سے زیادہ وکٹیں حاصل کرنے کا بہترین موقع ہے۔ مچل جونسن چار میچز میں اکتیس شکار کرچکے ہیں۔ مائیکل کلارک آخری ٹیسٹ جیت کر انگلینڈ کو ایشیز میں کلین سوئپ کرنے والے تیسرے کپتان بن سکتے ہیں۔
مائیکل شوماکر کی حالت قدرے بہترلیکن خدشات برقرار
(January 2, 2014)
پیرس: فرانس میں اسکیئنگ کے دوران زخمی ہونے والے سابق فارمولا ون چیمپئن مائیکل شوماکر کی حالت میں کچھ بہتری آئی ہے لیکن وہ اب بھی خطرے سے باہر نہیں ہیں۔44سالہ مائیکل شوماکر اتوارکوفرانس میں اسکیئنگ کرتے ہوئے گر کر زخمی ہوگئے تھے جس میں ان کے دماغ پر شدید چوٹیں آئی تھیں۔ جرمن ڈرائیور گرینوبل کے ہسپتال میں زیر علاج ہیں۔ شوماکر کی ایجنٹ سبائن کی ہم نے ہسپتال کے باہر میڈیا کو بتایا کہ گزشتہ رات شوماکر کی حالت بہتر رہی لیکن وہ ابھی خطرے سے باہر نہیں آئے ہیں کیونکہ ان کی انجری بہت شدید ہے۔ انہوں نے درخواست کی کہ میڈیا شوماکر کی پرائیوسی کا خیال رکھے۔ گزشتہ روز ایک جرنلسٹ نے شوماکرکے کمرے میں گھسنے کی کوشش کی جسے گارڈ نے ناکام بنادیا۔ کیہم نے بتایا کہ شوماکر اپنی سالگرہ، کرسمس اورنئے سال کے موقع پر اپنی فیملی کے ہمراہ گرینوبل آئے تھے۔ جرمن ڈرائیورآج 45 سال کے ہوجائیں گے۔
مارٹن گپٹل مسلسل دوسری مرتبہ نئے سال میں سب سے پہلے آﺅٹ
(January 2, 2014)
کوئنز لینڈ: نیوزی لینڈ کرکٹ ٹیم کے بلے باز مارٹن گپٹل مسلسل دوسری مرتبہ سال کے پہلے روز آﺅٹ ہونے والے دنیا کے پہلے کرکٹر بن گئے ۔گپٹل2013ءکے بعد2014ءمیں بھی سال کے پہلے روز پہلے آﺅٹ ہونے والے کھلاڑی بن گئے ۔کوئنز ٹاﺅن میں ویسٹ انڈیز کے خلاف سیریز کے پہلے میچ میں کیوی بلے باز مارٹن گپٹل کو ویسٹ انڈیز کے جیسن ہولڈر نے ایک رنز پر پویلین بھیج دیا اور نئے سال میں آﺅٹ ہونے والے دنیا کے پہلے کرکٹر بن گئے ۔مارٹن گپٹل 2013میں بھی سال کے پہلے روز جنوبی افریقا کے ویرنن فلینڈ ر کے ہاتھوں آﺅٹ ہوئے تھے ۔
آکلینڈ کلاسک ٹینس : وینس ولیمز کوارٹر فائنل میں پہنچ گئیں
(January 2, 2014)
آکلینڈ: امریکا کی وینس ولیمز ،سربیا کی اینا آئیوانوچ اور جاپان کی کرومی نارا آکلینڈ کلاسک اوپن ٹینس کے کوارٹر فائنل میں پہنچ گئیں۔نیوزی لینڈ میں جاری ٹورنامنٹ میں وینس ولیمز نے آسٹریا کی وونی میوسبرگر کو پہلے سیٹ چھ چار سے شکست کھانے کے باوجود اگلے دونوں سیٹ میں چھ تین اور چھ دو سے ہرا دیا ۔ اینا آئیوانوچ نے سویڈن کی جوہانا لارسن کو سٹریٹ سٹیس میں چھ ایک اور چھ ایک سے شکست دیدی ۔ایک اور میچ میں جاپان کی کرومی نارا نے اپنی ہم وطن ایومی موریٹا کو آسانی کے ساتھ چھ صفر اور چھ ایک سے ہرا کر کوارٹر فائنل کے لئے کوالیفائی کرلیا ۔