اسلام آباد (پی پی آئی) اربوں روپے مالیت کے کرپشن ریفرنسز دوبارہ کھولنے کے بعد نیب نے مزید اہم فیصلے کر لیے ہیں۔پی پی آئی کے مطابق چیئرمین نیب نے کرپشن کے خلاف کارروائیوں کے لیے حساس اداروں کے افسران کی خدمات لینے کا فیصلہ کیا ہے، نیب نے اہم عہدوں پر تقرریوں کے لیے ڈیپوٹیشن پر حساس اداروں سے افسران مانگ لیے ہیں۔حساس اداروں کے افسران آئندہ چند روز میں نیب میں کام شروع کردیں گے، چیئرمین نیب لیفٹیننٹ جنرل ریٹائرڈ نذیر احمد کی منظوری سے حساس اداروں کے افسران کی خدمات کے لیے خط لکھ دیا گیا۔نیب حکام نے کہا ہے کہ نیب میں تمام خالی آسامیوں پر بھی فوری طور پر تقرریاں کردی جائیں گی، ڈپٹی چیئرمین نیب اور پراسیکیوٹر جنرل کے عہدوں پر بھی مستقل افسران کا تقرر کردیا جائے گا۔
فارمولاون کے چوتھے پریکٹس سیشن میں فلپی ماسا نے سب کو پیچھے چھوڑدیا
مائیکل ہسی اور لیوک رائٹ پلیئر آف دی بگ بیش کیلئے شارٹ لسٹ
پاکستان کرکٹ بورڈ کے گورننگ بورڈ کا اجلاس 3فروری کو ہوگا
میٹ ہنر ی ڈیبیو میچ میں 4وکٹیں سمیٹنے والے تیسرے کیوی کرکٹر بن گئے
روس ٹیلر 10سنچریاںبنانے والے دوسرے کیوی کرکٹر بن گئے
معاوضوں کے تنازع پر زمبابوین کرکٹرز کی ہڑتال ختم ہونے کا امکان
تازہ ترین خبریں
وفاقی وزیرِ داخلہ محسن نقوی کا نیشنل پولیس اکیڈمی کا دورہ
(June 11, 2026)
پاکستان کے پہلے رومانوی ہیرو سنتوش کمار کی میراث کا جشن
(June 11, 2026)
پاسپورٹ کی گھر کی دہلیز تک فراہمی کے منصوبے پر نمایاں پیش رفت
(June 10, 2026)
- April 25, 2026
- April 23, 2026
- April 22, 2026
- April 07, 2026
اشتہار
تازہ ترین
پرویز الٰہی کو کسی بھی مقدمہ میں گرفتارنہ کرنے کے حکم پر عملدرآمد کیس کی سماعت ملتوی
لاہور(پی پی آئی)لاہور ہائیکورٹ نے پرویز الٰہی کو کسی بھی مقدمہ میں گرفتارنہ کرنے کے حکم پر عملدرآمد کیس کی سماعت 4اکتوبر تک ملتوی کردی۔پی پی آئی کے مطابق لاہور ہائیکورٹ میں پرویز الٰہی کو کسی بھی مقدمہ میں گرفتار نہ کرنے کے حکم پر عملدرآمد کیس کی سماعت ہوئی،عدالت نے کہاکہ اس درخواست میں تو نیب کو بھی فریق بنایا گیا ہے،سنگل بنچ نیب کیس کی کیسے سماعت کر سکتا ہے، نیب پراسیکیوٹر نے کہاکہ سنگل بنچ نیب کیس سماعت نہیں کر سکتا،لاہور ہائیکورٹ نے کہاکہ فریقین کو سن کر آئین اور قانون کے مطابق فیصلہ کریں گے،وکیل پرویز الٰہی نے استدعا کی کہ عدالت پرویز الٰہی کو کسی بھی کیس گرفتار نہ کرنے کے حکم پر عملدرآمد کرائے،عدالت نے درخواست پر سماعت 4اکتوبر تک ملتوی کردی۔
پراپرٹی کیس میں عدالت کا وقت ضائع کرنے پر وکیل کو 5ہزار روپے جرمانہ
اسلام آباد (پی پی آئی)چیف جسٹس قاضی فائز عیسیٰ نے پراپرٹی کیس میں عدالت کا وقت ضائع کرنے پر وکیل کو 5ہزار روپے جرمانہ کردیا۔پی پی آئی کے مطابق سپریم کورٹ میں پراپرٹی کیس کی سماعت ہوئی، چیف جسٹس قاضی فائز عیسیٰ نے سماعت کی،چیف جسٹس قاضی فائز عیسیٰ نے وکیل کو 5ہزار روپے جرمانہ کردیا،پراپرٹی کیس میں عدالت کا وقت ضائع کرنے پر وکیل کو جرمانہ کیا گیا.چیف جسٹس پاکستان نے کہاکہ وکیل نے متعلقہ دستاویزات کی طرف پوائنٹ کرنے کے بجائے عدالت کا وقت ضائع کیا، رخواست گزار کے وکیل نے عدالت کو مس لیڈ کرنے کی کوشش کی، چیف جسٹس نے وکیل سے مکالمہ کرتے ہوئے کہاکہ آپ کے اس عمل سے عدالت کو آپ پر اعتبار نہیں رہا،آپ جرمانے کی رقم اپنی مرضی کے خیراتی ادارے میں جمع کراکے رسید پیش کریں۔
سیشن کورٹ اسلام آباد میں عمران کے خلاف تھانہ کورال مقدمہ کی سماعت
اسلام آباد(پی پی آئی)ڈسٹرکٹ اینڈ سیشن کورٹ اسلام آباد میں چیئرمین پی ٹی آئی کے خلاف تھانہ کورال میں درج مقدمے کی سماعت ک ہوئی۔پی پی آئی کے مطابق ڈسٹرکٹ اینڈ سیشن کورٹ اسلام آباد میں چیئرمین پی ٹی آئی کے خلاف تھانہ کورال میں درج مقدمے کی سماعت ہوئی، چیئرمین پی ٹی آئی کے وکیل نعیم پنجوتھا جوڈیشل مجسٹریٹ نوید خان کی عدالت میں پیش ہوئے،وکیل نے کہاکہ گزشتہ سماعت پر چیئرمین پی ٹی آئی کو عدالت میں لانے کی درخواست کی تھی، چیئرمین پی ٹی آئی کو عدالت لانے پر بہانے بنائے جارہے ہیں،اسی عدالت میں چیئرمین پی ٹی آئی پیش ہو چکے ہیں، سکیورٹی انتظامیہ نے دینی ہے،جج نوید خان نے کہاکہ چیئرمین پی ٹی آئی اس وقت اٹک جیل ہیں، طلب کرنا عام معاملہ نہیں، آپ چیئرمین پی ٹی آئی کی طلبی کی درخواست دیں میں فیصلہ جاری کرتا ہوں۔
تلاش کریں
خبریں

فارمولاون کے چوتھے پریکٹس سیشن میں فلپی ماسا نے سب کو پیچھے چھوڑدیا
(February 1, 2014)
میڈرڈ: اسپین میں جاری فارمولاون کے چوتھے اور آخری پریکٹس سیشن میں ولیمز کے فلپی ماسا نے سب کو پیچھے چھوڑ دیا ۔ دفاعی چیمپئن ریڈبل کی ٹیم پریکٹس سیشن میں قابل ذکر کارکردگی کا مظاہرہ نہ کرسکی ۔جیریز سرکٹ پر منعقدہ چوتھے پریکٹس سیشن میں فلپی ماسا نے مقررہ فاصلہ ایک منٹ 28اعشاریہ دو سیکنڈز میں طے کیا ۔ ریڈ بل کو ٹیسٹنگ سیشن میں تیکنیکی خرانی کا سامنا کرنا پڑا ۔ فراری کے فرننڈ اولنسو دوسرے نمبر پر رہے ۔مرسڈیز ٹیم کے دو ڈرائیور برطانیہ کے لوئس ہملٹن اور جرمنی کے نیکوروز برگ نے 132لیپس مکمل کیے ۔ فارمولا ون کے نئے سیزن کا آغاز 16مارچ کو آسٹریلیا میں ہوگا۔

مائیکل ہسی اور لیوک رائٹ پلیئر آف دی بگ بیش کیلئے شارٹ لسٹ
(February 1, 2014)
سڈنی: آسٹریلیا کے معروف کرکٹر مائیکل ہسی اور انگلش آل راﺅنڈر لیوک رائٹ سمیت آٹھ کھلاڑیوں کو بگ بیش کرکٹ لیگ پلیئرز آف دی ٹورنامنٹ ایوارڈ کیلئے شارٹ لسٹ کرلیا گیا ۔ کھلاڑیوں میں مائیکل ہسی ،لیوک رائٹ کے علاوہ جیکسن برڈ ،بین ڈنک ،جان ہیسٹنگز،موئسز ،ہنریکس،بریڈ ہوگ اور کرس لائن شامل ہیں ۔ فاتح کھلاڑی کو پلیئر آف دی ٹورنامنٹ ایوارڈ سیمی فائنل مرحلے کے آغاز سے قبل 3فروری کو دیا جائے گا۔

پاکستان کرکٹ بورڈ کے گورننگ بورڈ کا اجلاس 3فروری کو ہوگا
(February 1, 2014)
لاہور: پاکستان کرکٹ بورڈ کی گورننگ بورڈ کا اہم اجلاس تین فروری کو نیشنل کرکٹ اکیڈمی لاہور میں منعقد ہوگا۔ چیئرمین پی سی بی چوہدری ذکاءاشرف کی زیر صدارت ہونے والے اجلاس میں بورڈ اراکین کو آئی سی سی اجلاس کے حوالے سے بریفنگ دینے کے ساتھ ساتھ آئی سی سی کے آئندہ اجلاس اور بگ تھری منصوبے کے حوالے سے ممبران کی منظوری حاصل کی جائے گی ۔

میٹ ہنر ی ڈیبیو میچ میں 4وکٹیں سمیٹنے والے تیسرے کیوی کرکٹر بن گئے
(February 1, 2014)
ویلنگٹن: نوجوان فاسٹ بولر میٹ ہنر ی ڈیبیو ون ڈے میں 4وکٹیں حاصل کرنے والے نیوزی لینڈ کے تیسرے کرکٹر بن گئے۔ ہنری نے بھارت کے خلاف پانچویں ایک روزہ میچ میں یہ اعزاز حاصل کیا ۔ نیوزی لینڈ کی طرف سے اس سے قبل ڈیبیو ون ڈے میں چار وکٹیں لینے کا اعزاز میکلینا گھان اور رچرڈہیڈلی کو حاصل ہے ۔ ہنری کی شاندار پرفارمنس کی بدولت نیوزی لینڈ کی ٹیم بھارت کیخلاف تاریخی کلین سویپ کرنے میں کامیاب رہی ۔

روس ٹیلر 10سنچریاںبنانے والے دوسرے کیوی کرکٹر بن گئے
(February 1, 2014)
ویلنگٹن: مایہ ناز مڈل آرڈر بلے باز روس ٹیلر انٹرنیشنل ون ڈے کرکٹ میں 10سنچریاں مکمل کرنے والے نیوزی لینڈ کے دوسرے بلے باز بن گئے ۔ ٹیلر نے یہ اعزاز بھارت کیخلاف سیریز کے آخری ون ڈے میں شاندار سنچری اسکور کرکے حاصل کیا ۔ نیوزی لینڈ کی طرف سے ون ڈے کرکٹ میں سب سے زیادہ سنچریاں بنانے کا اعزاز نیتھن ایسٹل کو حاصل ہے ۔ایسٹل نے 223میچوں میں 16سنچریاں اسکور کی ہیں ۔

معاوضوں کے تنازع پر زمبابوین کرکٹرز کی ہڑتال ختم ہونے کا امکان
(February 1, 2014)
ہرارے: زمبابوین کرکٹرز کی طرف سے ڈومیسٹک کرکٹ میں معاوضو ں کی وجہ سے جاری ہڑتال ختم ہونے کے امکانات پیدا ہوگئے ۔ کھلاڑیوں سے بورڈ کے حکام نے یقین دہانی کروائی ہے کہ وہ آئندہ 10روز میں تمام کھلاڑیوں کو واجبات کی ادائیگی کردیں گے جبکہ بنگلہ دیش میں شیڈول ٹی 20ورلڈ کپ کی تیاریوں کو مدنظر رکھتے ہوئے مارچ میں تربیتی کیمپ کا انعقاد کیا جائے گا ۔

