ڈربن: جنوبی افریقی کر کٹ بورڑ نے سابق کھلاڑی اور کوچ گیری کرسٹن کو آسٹریلیا کے خلا ف بقیہ میچوں میں ٹیم کی مددکے لیے کنسلٹنٹ مقرر کردیا۔گیری کرسٹن مئی 2013میں ہیڈ کوچ کی ذمہ داریوں سے سبک دوش ہونے کے بعد پروٹیز کے بیٹنگ کنسلٹنٹ کی حیثیت سے ذمہ داریاں نبھا رہے تھے۔ کرسٹن کی کنسلٹنٹ کی تقرری پر ٹی ٹوئنٹی کے کپتان فیف ڈوپلیسی نے خوش کا اظہار کر تے ہوئے کہا ہے کہ ہماری ٹیم میں ان کی موجودگی ہمیشہ مثبت رہی ہے، وہ ہماری ٹیم کے بارے میں بہتر جانتے ہیں اور خصو صاً میرے لیے ان کے قیمتی مشورے بہت اہمیت رکھتے ہیں،کیونکہ وہ ہمیں گیم کی منصوبہ بندی کے حوالے سے ہماری رہنمائی کر تے ہیں۔فیف ڈوپلیسی کا کہنا تھا کہ ٹی ٹوئنٹی کے فارمیٹ میں آسٹریلیا بہت خطرنا ک ٹیم ہے،ان کی اصل طاقت ارون فلنچ اور ڈیوڈ وارنر ہیں جو میچ کے ابتدائی لمحات میں تیز کھیلنے کے ماہر ہیں تاہم ہمارے پا س میچ کے وسط اور اختتام کے لیے بہترین کھلاڑی موجود ہیں۔جنوبی افریقا ٹی ٹوئنٹی ورلڈ کپ کے گروپ 1میں سری لنکا ، انگلینڈ اور نیوزی لینڈ کے خلا ف نبرد آزما ہو گا۔

میڈرڈ: اٹیلیٹکو میڈردڈنے اے سی میلان کو4-1سے شکست دے کر کوارٹر فائنل میں جگہ بنالی۔ اسٹار کھلاری ڈیاگو کوسٹا کے خوبصورت دو گول کے بدولت اٹلیٹکو میڈرڈ نے اے سی میلان کو باآسانی 4کے مقابلے میں 1گول سے شکست دے کر کوارٹر فائنل میں جگہ بنالی۔ سان سیرو اسٹیڈیم میں کھیلے گئے میچ کے پہلے ہاف میں دو صفر کی برتری حاصل کر نے بعد دوسرے ہاف کے ابتدا میں اے سی میلان کے کا کا نے گول کرکے میچ کو سنسی خیز بنا دیا تاہم ایٹلیٹکوکی طرف سے ڈیاگو کے بہترین گول نے میلا ن کو شکست سے دو چار کر دیا ۔

ڈربن: آسٹریلوی کرکٹ ٹیم کے آل راﺅنڈر شین واٹسن نے کہاکہ آسٹریلیا بنگلہ دیش میں ہونے والے ٹی ٹوئنٹی ورلڈ کپ کے لیے فیورٹ ہے ۔ ٹی ٹوئنٹی ورلڈ کپ واحد ٹرافی ہے جو ابھی تک آسٹریلوی کرکٹ سے روٹھی ہوئی ہے ، آسٹریلیا کو2010کے ورلڈ کپ میں فائنل تک رسائی کے باوجود انگلینڈ کے ہا تھوں شکست کا سامنا کر نا پڑا تھا ۔ شین واٹس اب تک کھیلے گئے چاروں ورلڈ کپ میں آسٹریلیا کی نمائندگی کر چکے ہیں، ا ن کا کہنا ہے کہ موجودہ آسٹریلوی ٹیم گزشتہ ورلڈ کپ میں شرکت کر نے والی تمام ٹیموں سے بہترین ٹیم ہے ، جنوبی افریقاکے خلا ف دوسرے ٹی ٹوئنٹی کے دوران واٹسن کا کہنا تھا کہ ہما رے پاس ایک سے نمبر دس تک تمام کھلاڑی کسی بھی ٹیم کو تہس نہس کر نے کی صلا حیت رکھتے ہیں، اسی طرح ہمارے پاس عمدہ فاسٹ بولرزاور بہترین اسپنرز موجو د ہیں۔ واٹسن کا کہنا تھا کہ موجودہ اسکواڈ ٹی ٹوئنٹی ورلڈ کپ میں برصغیر کی کنڈیشن سے جلد ہی ایڈجسٹ کر لے گا ، ان کا کہنا تھاکہ میرے خیال میں جو صلاحیت ہمارے اسکواڈ میں ہے شاید ہی کسی اور ٹیم میں ایسا ہو، ہم کسی بھی جگہ کسی بھی ٹیم کو ہرانے کی صلاحیت رکھتے ہیں اس لیے ورلڈ کپ جیتنے کے لیے ہم فیورٹ ہیں۔آسٹریلیا ورلڈ کپ سے پہلے جنوبی افریقا کے خلا ف ٹی ٹوئنٹی سیریز میں مصروف ہے جبکہ ورلڈ کپ میں ان کا پہلا میچ پاکستان کے خلاف23مارچ کو ہو گا۔

اوکلاہوما: امریکن نیشنل باسکٹ بال ایسوسی ایشن میں اوکلاہوما سٹی تھنڈرکی ٹیم نے ہیوسٹن راکٹ کو زبردست مقابلے کے بعد شکست دے دی۔ امریکا کی ریاست اوکلاہوما میں ہونیوالے باسکٹ بال ٹورنامنٹ میں دلچسپ اور سنسنی خیز مقابلے ہوئے۔ میچ میں میزبان ٹیم اوکلاہوما سٹی تھنڈر اور ہیوسٹن راکٹ کی ٹیمیں مد مقابل آئیں۔ دونوں ٹیموں کے کھلاڑیوں نے جارحانہ کھیل پیش کیا۔ پہلے اور دوسرے کوارٹرز میں ہیوسٹن راکٹ کے کھلاڑی چھائے رہے ،تاہم تیسرے کوارٹر میں میزبان ٹیم نے کم بیک کیا اور 5 پوائنٹ کی برتری حاصل کی۔ چوتھے کواٹر میں اوکلاہوما سٹی تھنڈر نے 8 پوانٹس کی برتری حاصل کی۔ میزبان ٹیم کو 98 کے مقابلے میں 106 پوائنٹس سے کامیابی حاصل ہوئی۔

دبئی: انگلینڈ کے روی بوپارا ، ویسٹ انڈیز کے ڈیرن سمی اور مارلون سیموئلز کو آئی سی سی قوانین کی خلاف ورزی کرنے پر جرمانہ عائد کر دیا گیا۔ برج ٹاون میں کھیلے گئے ٹی 20 میچ کے دوران جب بارہویں اوور میں روی بوپارا نے رنز بناتے ہوئے مارلون سیموئلز کے خلاف نازیبا الفاظ استعمال کیے جس پر تینوں کھلاڑیوںکے درمیان تلخ کلامی ہوئی۔ ویسٹ انڈین کپتان ڈیرن سمی نے بھی اس گفتگو میں حصہ لیا اور روی بوپارا کو سنائیں جس کے بعد فیلڈ امپائرز (Joel Wilson ) اور ( Peter Nero) نے مداخلت کر کے تینوں کھلاڑیوں کو کھیل پر توجہ دینے کی تنبیہ کی۔ آئی سی سی کی جانب سے قوانین کی خلاف ورزی کرنے پر روی بوپارا پر میچ فیس کا 25 فیصد ، ڈیرن سمی پر 20 فیصد جبکہ مارلون سیموئلز پر 10 فیصد جرمانہ عائد ہوا۔

کابل: سابق آسٹریلوی فرسٹ کلاس کر کٹراور پاپوا نیو گنی کے کوچ پیٹر اینڈر سن کو افغا نستان کی پہلی نیشنل کر کٹ اکیڈمی کاکوچ مقررکر لیا گیا۔پیٹر اینڈر سن اس سے قبل پاپوا نیو گنی میں کرکٹ کوچنگ کے فرائض سر انجام دے رہے تھے۔ پیٹر اینڈرسن نے آسٹریلیا کی فرسٹ کلاس کرکٹ میں 56میچ کھیلے، اینڈرسن پاپوا نیوگنی میں انڈر 17اورانڈ ر19منز ار وومنز کرکٹ کی قومی ٹیموںکی بہتری کے لیے کام کیا۔افغانستان میں کوچنگ کے لیے تعینا تی کے بعد اینڈرسن کا کہنا تھا کہ میں بہت خوش ہوں کہ افغانستان میں فطری ٹیلنٹ کے حامل کرکٹرز موجود ہیں ، میری بھر پور کوشش ہوگی کہ کھلاڑیوں کو ان کے مقاصد کے حصو ل میںمدد کرسکوںاور بحیثیت نیشنل کرکٹ اکیڈمی کے کوچ کی حیثیت سے کھلاڑیوں کی تکینیک کو سنواروں اوران میں بہتری لے کر آﺅں۔اینڈرسن کو کوچنگ کے دوران دی گئی ذمہ داریوں میں نئے ٹیلنٹ کی تلاش اور کھلاڑیوں کی خامیوں پر قابو پانا، اسکول اور انڈر 19ٹیم کے کھلاڑیوں کی مدد کر نا شامل ہے ۔اینڈرسن کی کوچنگ میں پاپوا نیو گنی کی کرکٹ ٹیم آئی سی سی کی رینکنگ میں 19سے 16نمبر میں پہنچی ہے اوراگلے چار سالوں کے لیے آئی سی سی ون ڈے اسٹیٹس بھی حاصل کیا ۔افغان کر کٹ بورڑ کے چئیرمین نور محمد مراد نے کہا کہ ہم پیٹر اینڈرسن کو افغان نیشنل کر کٹ کے چیف کو چ کی حیثیت سے استقبال کے لیے بہت خوش ہیں، ہماری کر کٹ کو اینڈر سن کے آسٹریلیا اور عالمی طور پر کوچنگ کے تجر بے سے بہت فائدہ ہوگا۔