اسلام آباد (پی پی آئی)چیف جسٹس قاضی فائز عیسیٰ نے اراضی کیس میں وکیل کی سرزنش کردی، چیف جسٹس پاکستان نے ریمارکس دیتے ہوئے کہاکہ اپنے ذہن سے یہ تصور نکال دیں کہ سپریم کورٹ جا کر تاریخ لے لیں گے۔پی پی آئی کے مطابق سپریم کورٹ میں اراضی تنازع کیس میں چیف جسٹس قاضی فائز عیسیٰ نے وکیل کی سرزنش کردی،چیف جسٹس کی سربراہی میں تین رکنی بنچ نے تاریخ دینے کی استدعا مسترد کردی۔چیف جسٹس پاکستان نے ریمارکس دیتے ہوئے کہاکہ اپنے ذہن سے یہ تصور نکال دیں کہ سپریم کورٹ جا کر تاریخ لے لیں گے،باقیوں کیلئے بھی یہ پیغام ہے کہ تاریخ لینے والا رحجان اب نہیں چلے گا، سپریم کورٹ میں زیرالتوا مقدمات کی تعداد کافی زیادہ ہے،یہاں تو ایک تاریخ پر نوٹس اور اگلی تاریخ پر دلائل ہو جانے چاہئیں۔چیف جسٹس نے وکیل سے مکالمہ کرتے ہوئے کہاکہ دلائل بھی ایک زبان میں دیں،اپنی اردو بہتر کریں یا انگریزی۔
سوچی اولمپکس : امریکی ایتھلیٹس حادثے میں بال بال بچ گئیں
ڈوپ ٹیسٹ پر آسٹریا کی شکایت آئی او سی نے مسترد کردی
ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
بھارتی بلائنڈ کرکٹ ٹیم واہگہ کے راستے پاکستان پہنچ گئی
ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
نجم سیٹھی کو پی سی بی کے قوانین کا علم نہیں ہے : عامر سہیل
تازہ ترین خبریں
وفاقی وزیرِ داخلہ محسن نقوی کا نیشنل پولیس اکیڈمی کا دورہ
پاکستان کے پہلے رومانوی ہیرو سنتوش کمار کی میراث کا جشن
پاسپورٹ کی گھر کی دہلیز تک فراہمی کے منصوبے پر نمایاں پیش رفت
- April 25, 2026
- April 23, 2026
- April 22, 2026
- April 22, 2026
- April 07, 2026
اشتہار
تازہ ترین
کراچی میں نشے کے عادی شخص سے اقوام متحدہ کے نمائندے کا چھینا گیا فون برآمد
کراچی (پی پی آئی)بوٹ بیسن میں پولیس نے کارروائی کرتے ہوئے ایک ڈاکو کو گرفتار کر لیا، ایس ایس پی ساوتھ عمران قریشی کے مطابق گرفتار ملزم نے اقوامِ متحدہ کے نمائندے سے موبائل فون چھینا تھا۔پی پی آئی کے مطابق گرفتار ملزم کے قبضے سے مسروقہ موبائل فون اور اسلحہ برآمد ہوا ہے، گرفتار ملزم فرمان علی نشے کا عادی ہے۔
سرکاری ملازمین کی ای میلز ہیک ہونے کا خدشہ، متعلقہ وزارتوں اور محکموں کو ہائی الرٹ جاری
اسلام آباد (پی پی آئی)وفاقی حکومت نے سرکاری ملازمین کی ای میلز ہیک ہونے کے خدشے کے پیش نظر تمام متعلقہ وزارتوں اور محکموں کو الرٹ جاری کردیا۔ ہیکرز کی طرف سے سرکاری ملازمین کی ای میلز ہیک کیے جانے کا خدشہ ظاہر کیا گیا ہے، جس کے باعث وفاقی حکومت نے تمام سرکاری ملازمین کو ای میل کمیونیکیشن محفوظ بنانے کی ہدایت کی ہے،پی پی آئی کے مطابق اس سلسلے میں وفاقی حکومت نے تمام متعلقہ وزارتوں اور محکموں کو مراسلہ ارسال کر دیا۔وفاقی حکومت کی جانب سے جاری کردہ مراسلہ میں کہا گیا ہے کہ مخصوص سول اور ملٹری حکام کو ای میلز، فشنگ ٹیکنیکس کے ذریعے نشانہ بنایا جاسکتا ہے، مذکورہ ای میلز عہدے اور نام کے ساتھ اصلی کی طرح تشکیل دے کر بھجوائی جاتی ہیں، نتیجے کے طور پر ای میل موصول کرنے والا ٹریپ ہوجاتا ہے۔معلوم ہوا ہے کہ مراسلہ میں آفیشل ای میلز کو محفوظ بنانے کی تجاویز بھی دیتے ہوئے وفاقی حکومت کا کہنا ہے کہ کمزور پاس ورڈز استعمال نہ کریں، پاس ورڈ تبدیل کرتے رہیں، غیر متعلقہ افراد کو ای میل آئی ڈی دینے سے گریز کیا جائے، آفیشل ای میلز کیلئے ذاتی اکاؤنٹ استعمال نہ کیا جائے۔وفاقی حکومت نے مراسلہ میں احتیاطی تدابیر کے طور پر یہ بھی کہا ہے کہ موبائل فونز پر آفیشل ای میلز کا استعمال نہ کریں، ایسی ای میلز جن کے ساتھ کوئی لنک کا مواد منسلک ہوں انہیں کھولنے سے گریز کیا جائے، مشکوک ای میلز کا جواب یا کسی لنک پر کلک نہ کریں اور لائسنس یافتہ اینٹی وائرس کا استعمال کرکے آفیشل ای میلز کو محفوظ بنایا جا سکتا ہے۔
پاکستانی جیلوں میں نائجیرین، انڈین، بنگلہ دیشی، برطانوی، ایرانی، ماریشس اور چینی شہری مقید
ا اسلام آباد (پی پی آئی)آبادی کے لحاظ سے پاکستان کے سب سے بڑے صوبہ پنجاب کی جیلوں میں غیرملکی قیدیوں کی تعداد 150 کے قریب پہنچ گئی ہے۔محکمہ جیل خانہ جات کے اعدادوشمار میں یہ بات سامنے آئی ہے کہ ان قیدیوں میں سے کئی ایسے ہیں جن کی سزائیں پوری ہو چکی ہیں لیکن اس کے باوجود وہ رہا نہیں ہو سکے۔ اعدادوشمار کے مطابق ان جیلوں میں سب سے زیادہ افغان شہری قید ہیں جن کی تعداد 92 ہے۔ ان کے علاوہ نائجیرین، انڈین، بنگلہ دیشی، برطانوی، ایرانی، ماریشس اور چینی شہری بھی قیدیوں میں شامل ہیں۔ حکام کے مطابق ’ان غیرملکیوں میں کم سے کم 38 قیدی ایسے ہیں جو اپنی سزائیں پوری کر چکے ہیں تاہم اس کے باوجود بھی وہ رہا نہیں ہو سکے۔‘ پاکستان نے 2021 میں ایلین ایکٹ کے نام سے ایک قانون پاس کیا تھا جس کے ذریعے غیرملکی قیدیوں کی جیلوں سے رہائی کے عمل میں آسانی پیدا کی گئی تھی۔ نئے قانون سے پہلے غیرملکی قیدیوں کو سزا پوری ہونے کے بعد صرف ایف آئی اے اور وزارت خارجہ کے ذریعے رہا کیا جاتا تھا۔تاہم اب کوئی بھی پاکستانی شہری سزا پوری کرنے والے غیرملکی قیدی کی شخصی ضمانت دے کر اسے رہا کروا سکتا ہے، لیکن تاحال اس قانون کا فائدہ ان قیدیوں تک نہیں پہنچ سکا۔
تلاش کریں
خبریں

سوچی اولمپکس : امریکی ایتھلیٹس حادثے میں بال بال بچ گئیں
ماسکو: سوچی میں جاری ونٹر اولمپکس میں باب سلیڈ مقابلوں کے لئے ٹریننگ کے دوران دو امریکی ایتھلیٹس حادثے کا شکار ہوگئیں تاہم اس واقعے میں کوئی زخمی نہیں ہوا ۔ پہلے ٹریننگ راﺅنڈ میں امریکی نمبر ایک کھلاڑی ایلینا مائرز اور کیٹی ایبرلنگ کا باب سلیڈ کریش ہوگیا البتہ حادثے میں دونوں امریکی کھلاڑی محفوظ رہیں ۔

ڈوپ ٹیسٹ پر آسٹریا کی شکایت آئی او سی نے مسترد کردی
سوچی: انٹرنیشنل اولمپک کمیٹی نے ان شکایات کو مسترد کردیا جن کے مطابق کھلاڑیوں کے ڈوپنگ ٹیسٹ پریشان کن حالات میں رات کو لئے گئے اور کھلاڑیوں کو تیاریوں کے عمل میں دشواری کا سامنا کرنا پڑا ۔آسٹریا کی اولمپک کمیٹی نے آئی او سی سے شکایت کی تھی کہ اس کی اسکی اسٹار الیزبتھ جارجل کا ڈوپنگ ٹیسٹ منگل کو رات گئے اس وقت لیا گیا جب اگلے روز انہیں ڈاﺅن ہل مقابلے میں حصہ لینا تھا ۔آئی اوسی کے ترجمان مارک ایڈمز نے کہا ہے کہ ٹیسٹ لینے کے حوالے سے قواعد وضوابط طے ہیں اور جارجل کا ٹیسٹ معیاری طریقے سے لیا گیا ہے ۔

ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
ویلنگٹن: ویلنگٹن ٹیسٹ کے پہلے روز کھیل کے اختتام پر بھارت نے پہلی اننگز میں 2 وکٹ پر 100 رنز بنا لیے۔ نیوزی لینڈ کے خلاف اننگز کی برتری ختم کرنے کے لیے اسے مزید 92 رنز درکار ہیں۔ سیریز کے دوسرے ٹیسٹ میچ میں مہمان بھارتی ٹیم نے ٹاس جیت کر فیلڈنگ کا فیصلہ کیا جو اس کے لیے مفید ثابت ہوا۔ میزبان کیویز پہلی اننگز میں 192 رنز پر آوٹ ہو گئی۔ کین ولیم سن 47 رنز کے ساتھ ٹاپ اسکورر رہے۔ بھارت کی جانب سے ایشانت شرما نے 6 اور محمد شامی نے 4 وکٹیں حاصل کیں۔ بھارت کو بھی پہلی اننگز کے آغاز میں نقصان ہوا۔ 2 رنز پر اوپنر مرلی وجے پویلین لوٹے تو پوجارا بھی19رنز کا اضافہ کر کے آوٹ ہوئے۔ ذمہ دارانہ بیٹنگ کرتے ہوئے شیکھر دھون نے نصف سنچری مکمل کی۔ دھوان71 اور ایشانت شرما 3رنز کے ساتھ کریز پر موجود ہیں۔

بھارتی بلائنڈ کرکٹ ٹیم واہگہ کے راستے پاکستان پہنچ گئی
لاہور: بھارتی بلائنڈ کرکٹ ٹیم پاکستان پہنچ گئی۔ مہمان ٹیم یہاں تین ٹی 20 اور تین ون ڈے میچ کھیلے گی۔ انڈین بلائنڈ کر کٹ ٹیم پاکستان میں واہگہ کے راستے تین ٹی 20 اور تین ون ڈے میچ کھیلنے کے لئے لاہور پہنچ گئی ہے۔ اس موقعہ پر میڈیا سے گفتگو میں منیجر انڈین بلائنڈ ٹیم ڈیوڈ جون کا کہنا تھا کہ ہر کھیل محبت کا پیغام دیتا ہے۔ پاکستان آکر خوشی ہوتی ہے۔ بھارت کے مقابلے میں پاکستان کرکٹ بورڈ اپنی بلائنڈ ٹیم کی زیادہ سپورٹ کرتا ہے یہ امر قابل قدر ہے۔

ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
روٹرڈیم: عالمی نمبر چھ برطانوی ٹینس اسٹار اینڈی مرے اور ارجنٹائن کے یوآن مارٹن ڈیل پوٹرو ورلڈ انڈور ٹینس ٹورنامنٹ کے تیسرے راونڈ میں پہنچ گئے۔ ہالینڈ کے شہر روٹر ڈیم میں کھیلے گئے ٹینس ٹورنامنٹ کے دوسرے راونڈ میں ومبلڈن چیمپئن اینڈی مرے نے جارحانہ کھیل کا مظاہرہ کیا۔ اینڈی مرے نے آسٹریا کے ڈومینیک کو دو گھنٹے اور21 منٹ کے طویل مقابلے کے بعد شکست دی۔ اینڈی مرے کی فتح کا اسکور چھ چار، تین چھ اور چھ تین رہا۔ سنگلز مقابلوں میں ارجنٹائن کے ڈیل پوٹروفرانس کے پال ہنری کے خلاف ان ایکشن ہوئے،پوٹرو نے حریف کھلاڑی کو پانچ دو اور سات چھ سے زیر کیا۔ دوسری جانب گیلبس ارنیسٹ نے ڈمرٹوف کو چھ دو، ایک چھ اور چھ چار سے جبکہ جمہوریہ چیک کے تھامس برڈیج نے فرانسیسی حریف نکولس میہوٹ کو چھ چار، چھ دو، سے ہر ا کر اگلے راونڈ میں جگہ بنائی۔

نجم سیٹھی کو پی سی بی کے قوانین کا علم نہیں ہے : عامر سہیل
روٹرڈیم: سابق ٹیسٹ کرکٹر عامر سہیل نے کہا ہے کہ نئے چیئرمین کو پی سی بی کے قانون کا علم ہی نہیں۔ وزیر اعظم کو غلط مشورے دیے گئے، جب انتظامی ڈھانچہ ہی معطل ہے تو یہ نیا آ ئین کیسے بنا سکتے ہیں۔ ایک نجی ٹی وی سے گفتگو کرتے ہوئے انھوں نے کہا کہ آج پاکستان کی کرکٹ کی حالت دیکھ کر مجھے ہنسی بھی آتی ہے اور افسوس بھی ہوتا ہے کہ کرکٹ کی باگ ڈور کیسے کیسے لوگوں کے ہاتھ میں جا رہی ہے۔ ذکا اشرف منتخب چیئرمین تھے، نئے چیئرمین کو اخلاقیات کا مظاہرہ کرتے ہوئے وزیراعظم سے کہنا چاہیے تھا کہ ان کو نہ ہٹائیں، اگر موجودہ وزیراعظم پرویز مشرف کے اقدام کو غلط قرار دیتے ہیں تو یہ اقدام بھی ویسا ہی ہے۔ مجھے کرکٹ بورڈ میں آنے کی ضرورت نہیں، میں میڈیا سے جڑا بندہ ہوں۔ ایک نجی ٹی وی پر کامیاب پروگرام بھی کر رہا ہوں۔ کرکٹ کو جب بھی میری ضرورت ہوئی میں اپنی خدمات پیش کروںگا لیکن نجم سیٹھی کے ساتھ کام کرنے کا سوال ہی پیدا نہیں ہوتا۔ ٹیم کے انتخاب میں فیورٹ ازم ہے، اچھے کھلاڑی کو بھی سفارش یا رشوت کی ضرورت ہوتی ہے، میں کسی کا نام نہیں لینا چاہتا لیکن بہت کچھ ہو رہا ہے۔مجھے بھی کئی مرتبہ پیسے کی آفرز ہوئیں لیکن میں نے اس کو حرام سمجھا، پی سی بی کا آئین بنانے کا اختیار وزیراعظم کے پاس بھی نہیں ہے، یہ انتہائی غلط فیصلے کر رہے ہیں۔ جب جنرل باڈی ہی معطل ہے تو پھر ترمیم کیسے ہوسکتی ہے۔ خرابی آئین میں نہیں، بورڈ ممبران میں ہے اور بورڈ کو چلانے کے طریقے میں خرابی ہے۔ بگ تھری کا معاملہ آیا تو ان کو9 جنوری کو ہی پتہ چل گیا تھا لیکن انہوں نے پتہ نہیں کیوں معاملے کو دبائے رکھا، چپ رہے اور کوئی تیاری ہی نہیں کی۔ اس ایشوکا مقصد یہ تھا کہ جتنے بھی بڑے کرپشن کے معاملات ہیں ان کو دبایا جاسکے اور وہ اس میں کامیاب بھی ہو گئے ہیں۔ آئی پی ایل میں پاکستان اور سری لنکا کے کسی کھلاڑی کی بولی نہیں لگائی گئی۔ شکیل شیخ نے لائیو ٹی وی شو میں مجھ سے معافی مانگ لی، میرے لئے اتنا ہی کافی ہے۔ اس موقع پر پی سی بی مینجمنٹ کمیٹی کے رکن شکیل شیخ نے کہا کہ میں نے اگر جذبات میں آکر عامر سہیل اور باسط علی کے بارے میں کچھ غلط باتیں کی تھیں تو میں وہ واپس لیتا ہوں۔

