اسلام آباد (پی پی آئی)سابق چیف جسٹس عمر عطا بندیال اور جسٹس اعجاز الاحسن مس کنڈکٹ کے الزامات سے بری ہو گئے، جسٹس سردار طارق مسعود نے دونوں ججز کیخلاف مس کنڈکٹ کی شکایات کو بے بنیاد قرار دے دیا۔پی پی آئی کے مطابق ذرائع کا کہنا ہے کہ سابق چیف جسٹس عمر عطا بندیال، جسٹس اعجازالاحسن کیخلاف مس کنڈیکٹ کی شکایات دائر کی گئیں تھیں،دونوں ججز کیخلاف شکایات عام شہریوں نے دائر کی تھیں۔ جسٹس سردار مسعود نے دونوں شکایات پر قانونی رائے دیدی۔
فارمولا ون چیمپئن لوئس ہملٹن کی کار کو پریکٹس کے دوران حادثہ
پی ٹی سی ایل کا زیر سمندر کیبل سسٹم کیلئے بین الاقوامی ٹیلی کام آپریٹرز کے سا تھ معا ہدہ
بھارتی کرکٹ بورڈ نے آئی پی ایل سے پاکستانی کرکٹرز کو آﺅٹ کردیا
نیوزی لینڈ نے بھارت کو چوتھے ون ڈے میں بھی شکست دے دی
سوچی اولمپکس کی مشعل کا داغستان میں روائتی انداز میں استقبال
فنڈزکی کمی کے باعث قومی ٹیم اذلان شاہ کپ میں شرکت نہیں کریگی : ہاکی فیڈریشن
تازہ ترین خبریں
- April 23, 2026
اشتہار
تازہ ترین
احتساب، اسٹیبلشمنٹ اور جوڈیشری کا بھی ہونا چاہیے:منظور وسان
خیرپور (پی پی آئی) پیپلز پارٹی کے سینئر رہنما اور سابق صوبائی وزیر منظور وسان نے کہا ہے کہ احتساب، اسٹیبلشمنٹ اور جوڈیشری کا بھی ہونا چاہیے۔پی پی آئی کے مطابق میڈیا سے گفتگو کرتے ہوئے رہنما پیپلز پارٹی منظور وسان نے کہا کہ میں نے پہلے کہا تھا الیکشن جنوری کے آخر یا فروری میں ہوں گے، الیکشن کمیشن نے اعلان کیا ہے کہ الیکشن جنوری میں ہوں گے، پی ٹی آئی کا کوئی مستقبل نہیں، اگلے انتخابات میں ن لیگ اور پیپلزپارٹی کے درمیان مقابلہ ہوگا، سندھ میں پیپلز پارٹی اکثریت سے جیتے گی، مختلف جماعتیں جی ڈی اے میں شامل ہوں گی لیکن پیپلز پارٹی کا مقابلہ نہیں کر سکتیں۔ منظور وسان نے کہا کہ میرا خیال ہے نواز شریف واپس آئیں گے، عوام انہیں چاہتے ہیں جو عوام کو ریلیف دے، نگران حکومت کا کام الیکشن کروانا ہے، مہنگائی سے غریب عوام متاثر ہوتے ہیں، کرپشن کرنے والوں کا احتساب ہونا چاہیے، احتساب کے نام پر سیاسی انتقام نہ لیا جائے۔
جرمنی میں مقیم پاکستانیوں کی وطن عزیز بھیجی گئی رقوم میں 5.03فیصداضافہ ریکارڈ
کراچی (پی پی آئی)جرمنی میں مقیم پاکستانیوں کی وطن عزیز بھیجی گئی رقوم میں رواں مالی سال کے پہلے 2 ماہ یعنی جولائی اور اگست میں سالانہ بنیادوں پر5.03فیصداضافہ ریکارڈ کیا گیا۔اسٹیٹ بینک کے جاری اعدادوشمار میں بتایا گیا ہے کہ جولائی اور اگست میں جرمنی سے ترسیلات زرکاحجم 88.5 ملین ڈالرریکارڈ کیا گیا جوگزشتہ مالی سال کی اسی مدت کے 84.1 ملین ڈالر کے مقابلہ میں 5.3 فیصدزیادہ ہے۔پی پی آئی کے مطابق اگست میں جرمنی سے ترسیلات زرکاحجم 44.3 ملین ڈالرریکارڈ کیا گیا جوجولائی میں 44.2 ملین ڈالراورگزشتہ سال اگست میں 40.5 ملین ڈالرتھا۔واضح رہے کہ رواں مالی سال کے پہلے 2 ماہ میں سمندرپارپاکستانیوں کی ترسیلات زرکاحجم 4.12 ارب ڈالرریکارڈکیاگیا جوگزشتہ مالی سال کی اسی مدت میں 5.25 ارب ڈالرتھا۔
ن لیگ کے بیانیہ اور منشور کیلئے کمیٹی قائم، سی ای سی ممبران سے تجاویز بھی طلب
لندن (پی پی آئی)لندن میں مقیم مسلم لیگ(ن)کے قائد نواز شریف نے ن لیگ کے بیانیہ اور منشور کیلئے کمیٹی قائم کرتے ہوئے سی ای سی ممبران سے تجاویز تجاویز طلب کرلی ہیں، کہا گیا ہے کہ 7 روزکے اندر اندر تحریری طور پرتجاویز نوازشریف کو بھیجی جائیں۔ دیگر معاملات کے بجائے صرف معاشی اہداف پر توجہ مرکوز رکھی جائے گی۔پی پی آئی کے مطابق سابق وزیراعظم نوازشریف پارٹی رہنماوں کے تحفظات کے پیش نظر تمام معاملات براہ راست خود دیکھ رہے ہیں۔ دوسری جانب اس موقع پر شہباز شریف نے کہا کہ نوازشریف ن لیگ کی جانب سے وزیراعظم کے متفقہ امیدوار ہیں، نواز شریف کی سربراہی پر کسی بھی سینئر ممبر کو اعتراض نہیں ہو گا۔
تلاش کریں
خبریں
فارمولا ون چیمپئن لوئس ہملٹن کی کار کو پریکٹس کے دوران حادثہ
(January 29, 2014)
میڈرڈ: برطانوی فارمولا ون ڈرائیور لوئس ہملٹن اسپین میں سیز ن سے قبل ریسنگ ٹریک پر نئی مرسڈیز کار کی جانچ کے دوران حادثے کا شکار ہوگئے ۔ وہ گاڑی کے اگلے حصے میں فنی خرابی کے باعث سخت افسردہ دکھائی دیے ۔ ہملٹن نے پریکٹس سیشن کے 18چکر پورے کیے اور دن کا اختتام دوسرے تیز ترین ڈرائیور کی حیثیت سے کیا ۔
پی ٹی سی ایل کا زیر سمندر کیبل سسٹم کیلئے بین الاقوامی ٹیلی کام آپریٹرز کے سا تھ معا ہدہ
(January 29, 2014)
کراچی: پاکستان ٹیلی کمیونیکیشن کمپنی لمیٹڈ (پی ٹی سی ایل) نے دنیا کے 16 بین الاقوامی ٹیلی کام آپریٹرز کیساتھ مل کر سب سے بڑے انٹر نیشنل سب میرین کیبل کنسورشیم سسٹم کی تعمیر کے معا ہد ہ پر د ستخط کیے۔ ز یر سمندر کیبل سسٹم پر کروڑوں ڈالر سرمایہ کاری کی جائے گی اور اس سے پاکستان کی مستقبل میں انفارمیشن کمیونیکیشنز ضروریات پوری ہوں گی۔ سمجھوتے پر دستخط کی تقریب میں پی ٹی سی ایل کی نمائندگی ایگزیکٹو وائس پریذیڈنٹ انٹرنیشنل بزنس ریلیشنز سید محمد عمران اور عیساءخلفیہ السعا ودی ، پی ٹی سی ایل ایگزیکٹو وائس پریذیڈنٹ انٹرنیشنل ا نویسٹ منٹ اینڈ کیپسٹی سیلز نے کی ۔نیا کیبل سسٹم جسے ایشیائ‘ افریقہ‘ یورپ ون (AAE-1) کا نام دیا گیا ہے‘ کے ذریعے بحیرہ عرب کے مشرقی اور مغربی ا طر اف بین الاقوامی ڈھانچے کی بہتری کیساتھ ساتھ پی ٹی سی ایل کی بین الاقوامی صلاحیت میںٹیرابٹس بینڈوتھ شامل ہوں گے۔پی ٹی سی ایل کے صدر اور سی ای او ولید ارشید نے کہا کہ یہ عالمی اقدام پاکستان میںکنزیو مر اور کارپوریٹ دونوں شعبوں کی براڈ بینڈ اور ڈیٹا سروسز کی بڑھتی ہوئی ضروریات پوری کرنے کے لئے ہمارے ویژن کا عکاس ہے۔ولید ارشید نے مزید کہاکہ پی ٹی سی ایل کا زیر سمندر یہ چوتھا کیبل سسٹم ہے جس سے ملک میں نتہائی کم وقت میں رابطے کے حوالے سے نما یا ں ترقی ہو گی ۔کمپنی پہلے ہی تین بین الاقوامی کیبل کنسورشیم سسٹمز SMW3,SMW4 اور IMEWEمیں سرمایہ کاری کرچکی ہے۔جو پاکستان کو اطلاعات کے سپر ہائی وے پر رسا ئی کیلئے گیٹ وے کی حیثیت رکھتے ہیں۔ 100Gbps ٹیکنالوجی سے لیس یہ کیبل سسٹم کم ترین وقت میں رابطے اور 40 ٹیرابٹس سے زائد صلاحیت ر کھتا ہے۔25 ہزار کلومیٹر پر محیط AAE-1 سب میرین کیبل سسٹم کے زر یعے ہانگ کانگ‘ سنگاپور‘ مشرق وسطیٰ‘ افریقہ اور یورپ کو ملایا گیا ہے اور اس کے ذریعے پاکستان اور دنیا بھر کے درمیان کم ترین وقت کا متبادل روٹ فراہم کیا گیا ہے۔ منصوبہ کی باقاعدہ شرو عات کے معا ئد ہ پر چائنہ یونی کام ،چوان وی،جبوتی ٹیلی کام،اتصالات،موبی لی،اومان ٹیل،اوٹی گلوب،اوریڈو،پی سی سی ڈبلیو گلوبل،پاکستان ٹیلی کمیونیکیشن کمپنی لمیٹڈ(پی ٹی سی ایل)، مصرٹیلی کام ،ٹی او ٹی ،وائیٹل سمیت دیگر بڑی کمپنیوں نے کنسورشیم اور مینٹیننس ایگریمنٹ پر 27 جنوری کو ہانگ کانگ میں دستخط کئے۔ کیبل سسٹم کے زریعے ایشیاء(ہانگ کانگ اور سنگاپور) میں دو پوائنٹس آف پریزنس (PoP) اور بعد ازاں یورپ (براستہ فرانس‘ اٹلی اور یونان) کے زریعے تین قسم کے رابطے فراہم کئے جائیں گے جس سے ان علاقوں اور صارفین کو سہولت فراہم ہوگی۔AAE-1 کیبل کی تکمیل کیلئے 2016ءکا ہدف مقرر کیا گیا ہے اور تکمیل پر ہانگ کانگ‘ ویتنام‘ کمبوڈیا‘ ملائیشیائ‘ سنگاپور‘ تھائی لینڈ‘ بھارت‘ پاکستان‘ اومان‘ یو اے ای‘ قطر‘ یمن‘ جبوتی‘ سعودی عرب‘ مصر‘ یونان‘ اٹلی اور فرانس آپس میں مربوط ہوجائیں گے۔
بھارتی کرکٹ بورڈ نے آئی پی ایل سے پاکستانی کرکٹرز کو آﺅٹ کردیا
(January 28, 2014)
نئی دہلی: پاکستان کو نیوٹرل وینیو پر سیریز کھیلنے کی دعوت دینے والے بھارتی بورڈ کے میگا انٹرنیشنل ایونٹ آئی پی ایل کے ساتویں ایڈیشن میں پاکستانی کرکٹرز کو ایک بار پھر نظر انداز کر دیا گیا۔ انڈین پریمئیر لیگ کے ساتویں ایڈیشن کی بولی کے لیے 233 بھارتی اور انٹرنیشنل کرکٹرز کے ناموں کی فہرست جاری کر دی گئی ہے جس میں ایک بار پھر پاکستانیکھلاڑیوں کو اس میں شامل نہیں کیا گیا۔ پاکستانی کرکٹرز کو اس سے پہلے بھی آئی پی ایل میں شرکت کرنے سے محروم رکھا گیا تھا۔
نیوزی لینڈ نے بھارت کو چوتھے ون ڈے میں بھی شکست دے دی
(January 28, 2014)
ہملٹن: نیوزی لینڈ نے بھارت کو چوتھے ون ڈے میں بھی شکست دے دی۔ نیوزی لینڈ نے سات وکٹ سے کامیابی کے ساتھ پانچ ایک روزہ سیریز میں 0-3 کی فیصلہ کن برتری بھی حاصل کر لی۔ سیریز کے چوتھے ایک روزہ میچ میں بھارت نے پہلے بیٹنگ کرتے ہوئے 5 وکٹوں پر 278 رنز بنائے۔ روہت شرما اور کپتان دھونی نے 79، 79 رنز جوڑے۔ نیوزی لینڈ کے ٹم ساﺅتھی نے 2 کھلاڑیوں کو آوٹ کیا۔ میزبان کیویز نے مقررہ ہدف 48 اعشاریہ ایک اوورز میں تین وکٹوں کے نقصان پر حاصل کر لیا۔روس ٹیلر نے 112 رنز کی شاندار ناٹ آوٹ اننگز کھیلی کین ولیمسن نے ٹوٹل میں 60 رنز کا اضافہ کیا۔
سوچی اولمپکس کی مشعل کا داغستان میں روائتی انداز میں استقبال
(January 28, 2014)
میخاکیلا،داغستان: سوچی اولمپکس کی مشعل کا داغستان میں روائتی انداز میں استقبال کیا گیا۔ سوچی ونٹر اولمپکس کی مشعل کو اسٹیڈیم میں لاتے ہی شائقین نے انتہائی پر جوشی کے ساتھ اس کا اس کا استقبال کیا۔ مختلف رنگوں کے ملبوس فنکاروں نے رنگا رنگ پر فارمنسز دے کر مشعل کا خیر مقدم کیا۔ سوچی اولمپکس کی مشعل تقریبا 123 دنوں میں پینسٹھ ہزار کلومیٹر کا فاصلہ طے کر کے سوچی پہنچے گی۔ حکام کا کہنا ہے کہ مشعل کے سفر سے روس کی ثقافت کو اجاگر کرنے میں بھی مدد ملے گی۔ سوچی ونٹر اولمپکس 7 سے 23 فروری تک روس میں ہوں گے۔
فنڈزکی کمی کے باعث قومی ٹیم اذلان شاہ کپ میں شرکت نہیں کریگی : ہاکی فیڈریشن
(January 28, 2014)
لاہور: پاکستان ہاکی فیڈریشن کی نئی مینجمنٹ تاحال فنڈز کے حصول میں ناکام رہی ہے،فیڈریشن کے حکام کاکہنا ہے کہ حکومت کی جانب سے فنڈز نہ ملنے کی صورت میں قومی ٹیم اذلان شاہ کپ میں نہیں بھیجیں گے۔ تاریخ کا یہ پہلا موقع ہے کہ قومی ہاکی ٹیم کی اذلان شاہ کپ میں شرکت پر سوالیہ نشان لگ رہے ہیں،، ٹورنامنٹ کا13 مارچ سے ملائیشیا میں آغاز ہونا ہے اور ابھی تک تیاری کیلئے کھلاڑیوں کا تربیتی کیمپ تک شروع نہیں ہوا۔ پی ایچ ایف کے پیٹرن انچیف وزیراعظم نواز شریف ہیں اور ان کے اقتدار میں آنے سے اب تک فیڈریشن کو ایک روپیہ تک نہیں مل سکا۔ سابق اولمپئنز کے مطابق حکومت قومی کھیل کو سنجیدگی سے نہیں لے رہی۔ قومی ہاکی ٹیم نے نومبر2013 میں آخری بین الاقوامی ایونٹ کھیلا تھا اور اگر اذلان شاہ کپ میں حصہ نہیں لیتی تو پھر اولمپکس 2016 کے کوالیفائنگ راونڈ ایشین گیمز میں دس ماہ بعد ان ایکشن دکھائی دے گی۔