اسلام آباد (پی پی آئی)مسلم لیگ(ق) کے سربراہ چوہدری شجاعت حسین اورجے یو آئی کے سربراہ مولانافضل الرحمٰن پیپلزپارٹی اور مسلم لیگ(ن) کے درمیان ”سیزفائر“ کروانے کے لیے متحرک ہوگئے ہیں۔ آصف علی زرداری چوہدری شجاعت حسین اور سابق صدر زرداری کے درمیان حالیہ ملاقات کے بعدمولانافضل الرحمٰن کے بھی میاں نواز شریف اور آصف علی زرداری سے رابطہ کی اطلاعات ہیں اور انھوں نے دونوں شخصیات کو گلگت بلتستان کے الیکشن کا حوالہ دیا جہاں مد مقابل ہونے کی صورت میں پی ٹی آئی کامیاب ہو گئی تھی حالانکہ زیاددہ ووٹ پی پی اور ن لیگ کے تھے۔کہا جارہا ہے کہ ن لیگ اور پی پی کی محاذ آرائی سے شہباز شریف بھی خوش نہیں ہیں وہ چاہتے ہیں اتحاد یا سیٹ ایڈجسٹمنٹ ہو۔
عالمی گالف رینکنگ میں امریکا کے ٹائیگر ووڈز کی حکمرانی بدستور قائم
جنوبی افریقا کی موجودگی میں ٹورنامنٹ جیتنا بڑا خوش آئند ہے: ثناءمیر
یو ایس پی جی اے گالف اوپن چیمپئن شپ میں اسکاٹ اسٹالنگ کی فتح
سیزن 2014کیلئے کنگ فشر کی جدید فارمولا ون کار کی تقریب رونمائی
باکسرعامر خان اور ماڈل کے درمیان تعلقات کا انکشاف، بیوی کی تردید
افریقن ہینڈ بال چیمپئن شپ کا فائنل الجیریا کی ٹیم نے جیت لیا
تازہ ترین خبریں
- April 23, 2026
- April 22, 2026
اشتہار
تازہ ترین
ایف آئی اے لاہور کا کریک ڈاون، ہنڈی حوالہ اور کاپی رائٹ مافیا کے 5 ملزمان گرفتار
لاہور(پی پی آئی) ایف آئی اے کے ڈائریکٹر لاہور زون کی ہدایت پر ہنڈی حوالہ اور کاپی رائٹ مافیا کے خلاف بڑا کریک ڈاؤن جاری ہے، پی پی آئی کے مطابق کارپوریٹ کرائم سرکل لاہور نے کریک ڈاؤن کے دوران 5 ملزمان کوگرفتار کرلیا۔ایف آئی اے کارپوریٹ کرائم سرکل کی جانب سے کارروائیاں بادامی باغ، سبزہ زار کے علاقوں میں کی گئیں، پہلی کارروائی میں ہنڈی حوالہ میں ملوث ملزم عثمان بٹ کو گرفتار کیا گیا۔ملزم کے قبضے سے 17 لاکھ 88 ہزار روپے برآمد کر لئے گئے، ملزم حوالہ ہنڈی اور کرنسی کی غیر قانونی ایکسچینج میں ملوث تھا۔دوسری کارروائی میں غیر معیاری انجن آئل کی تیاری اور فروخت میں ملوث 4 ملزمان کو گرفتار کیا گیا ہے، گرفتار ملزمان میں سرفراز احمد، وقار محمود، محمد عادل اور نیئر رفیق شامل ہیں۔دوران ریڈ ملزمان کے قبضہ سے بھاری مقدار میں رجسٹرڈ کمپنی کا پائریٹڈ اور غیر معیاری انجن آئل برآمد کیا گیا ہے۔ملزمان غیر معیاری انجن آئل تیار کرکے رجسٹرڈ کمپنی کا نام استعمال کرتے ہوئے فروخت کر رہے تھے۔
منشیات اسمگلنگ کیخلاف کارروائیاں، افغان باشندے سمیت7 ملزمان گرفتار
کراچی (پی پی آئی)اینٹی نارکوٹکس فورس (ایاین ایف) نے منشیات ا سمگلنگ کیخلاف تین کارروائیوں میں افغان باشندے سمیت7 ملزمان گرفتار کرلیے۔ترجمان اے این ایف کے مطابق کارروائیوں میں 56کلوگرام منشیات اور بھاری مقدارمیں ممنوعہ کیمیکل برآمد کیا گیا ہے۔پی پی آئی کے مطابق ترجمان کابتانا ہے کہ لگژری گاڑیوں کے ذریعے منشیات کی اسمگلنگ ناکام بنا دی گئی، یہ کارروائیاں اسلام اباد،لاہور اور کوئٹہ میں کی گئیں، کارروائی میں 30 کلوگرام ہیروئن،24کلوگرام چرس برآمد کی گئی۔ترجمان ایاین ایف کے مطابق ملزمان کے قبضے سے 2 کلو آئس، 190 لٹر ہائیڈرو کلورک ایسڈ اور مختلف اقسام کا ممنوعہ پاؤڈر برآمد کیا گیا، دوران کارروائی ایک گاڑی سے5عدد30 بورپستول بمعہ میگزین بھی برآمد کیا گیا ہے۔ترجمان کے مطابق گرفتار ملزمان کیخلاف انسدادِ منشیات ایکٹ کے تحت مقدمات درج کرلیے گئے ہیں۔
افغان حکومت کی پاکستان پر حملہ کرنیوالوں کیخلاف کارروائی کی یقین دہانی
اسلام آباد/کابل(پی پی آئی) افغان عبوری حکومت نے پاکستان پر حملہ کرنے والوں کے خلاف کارروائی کی یقین دہانی کروا دی ہے۔پاکستان کے نمائندہ خصوصی برائے افغانستان آصف درانی کے دورہ کابل کے موقع پر پاک افغان کشیدگی کے خاتمے میں بڑی پیش رفت سامنے آئی ہے۔پی پی آئی کے مطابق ذرائع کا کہنا ہے کہ آصف درانی اور افغان وزیر خارجہ ملا امیر متقی کے درمیان ملاقات میں افغان حکومت نے یقین دہانی کرائی کہ تمام دہشت گرد تنظیموں کے خلاف مؤثر کارروائی کی جائے گی۔ذرائع کے مطابق ملا امیر متقی نے کہا کہ کالعدم تحریک طالبان پاکستان سمیت کسی دہشت گرد تنظیم کو پاکستان کے خلاف افغان سرزمین استعمال کرنے نہیں دی جائے گی۔
تلاش کریں
خبریں
عالمی گالف رینکنگ میں امریکا کے ٹائیگر ووڈز کی حکمرانی بدستور قائم
(January 28, 2014)
نیویارک: گالف کی تازہ ترین عالمی درجہ بندی جاری کردی گئی ۔امریکا کے شہر آفاق گالفر ٹائیگر ووڈز 10.83پوائنٹس کے ساتھ ٹاپ پوزیشن پر براجمان ہیں ۔ آسٹریلیا کے اسکاٹ ایڈم 8.93پوائنٹس کے ساتھ دوسری اور سوئیڈن کے ہینرک اسٹین تیسری پوزیشن پر ہیں ۔
جنوبی افریقا کی موجودگی میں ٹورنامنٹ جیتنا بڑا خوش آئند ہے: ثناءمیر
(January 27, 2014)
کراچی: پاکستانی ویمنزکرکٹ ٹیم کی کپتان ثناءمیر نے کہا ہے کہ جنوبی افریقا جیسی مضبوط ٹیم کی موجودگی میں ٹورنامنٹ جیتنا بڑا خوش آئند ہے۔ اس سے کھلاڑیوں کے حوصلے بلند ہوئے ہیں۔ سہ ملکی کرکٹ ٹورنامنٹ جیتنے کے بعد دوحہ سے وطن واپس پہنچنے پر کراچی ایئرپورٹ پر میڈیا سے گفتگو کرتے ہوئے ثناءمیر کا کہنا تھا کہ متحدہ عرب امارات میں کھیلا گیا 3 ملکی ٹورنامنٹ جیتنے پر بےحدخوشی ہے تمام کھلاڑیوں نے عمدہ کارکردگی کا مظاہرہ کیا، مستقبل میں بھی اچھی کارکردگی دکھانے کی کوشش کریں گے۔ پاکستان ویمن ٹیم نے دوحہ قطر میں کھیلے گئے 3 ملکی ٹی 20 کرکٹ ٹورنامنٹ کے فائنل میں جنوبی افریقا کو 7 وکٹوں سے شکست دی تھی۔
یو ایس پی جی اے گالف اوپن چیمپئن شپ میں اسکاٹ اسٹالنگ کی فتح
(January 27, 2014)
کیلی فورنیا: یو ایس پی جی اے گالف اوپن چیمپئن شپ میں اسکاٹ اسٹالنگ نے فتح حاصل کر لی۔ گالف کے میگا ایونٹ میںاسٹالنگ نے ایک اسٹروک کی برتری کے ساتھ فتح سمیٹی۔ انھوں نے میگا ایونٹ میں 68 پوانٹس کے ساتھ آخری روز فائنل راونڈ کے جیت اپنے نام کی۔ دوسرے نمبر پر امریکہ کے گیری ووڈ لینڈ رہے۔ تیسرے نمبر پر آسٹریلیا کے مارک لیشمین رہے۔
سیزن 2014کیلئے کنگ فشر کی جدید فارمولا ون کار کی تقریب رونمائی
(January 27, 2014)
برن: مشہور کار کمپنی کنگ فشر نے سیزن 2014ءکے اپنی نئی فارمولا ون کار کو نمائش کے لیے پیش کر دیا۔سوئٹزر لینڈ میں ہونے والی تقریب رونمائی میں جدید ریسنگ کار کو میڈیا کے سامنے پیش کیا گیا۔ اس موقع پر جرمنی کے فار مولا ون ڈرائیور ایڈرین سوئٹل نے کار کی خوبیاں بتاتے ہو ئے کہا کہ کار نئی فارمولا ون کار سال 2014ءمیں شاندار کار کردگی کا مظاہرہ کرے گی۔کمپنی کے ترجمان کے مطابق نئی فار مولا ون کار کو جدید ٹیکنالوجی کے ساتھ انتہائی برق رفتار بنایا گیا ہے۔
باکسرعامر خان اور ماڈل کے درمیان تعلقات کا انکشاف، بیوی کی تردید
(January 27, 2014)
لندن: برطانوی اخبار نے پاکستانی نڑاد باکسر عامر خان اور برطانوی ماڈل کے درمیان تعلقات کا انکشاف کیا۔ عامر کی بیوی فریال مخدوم نے خبر کو بے بنیاد قرار دے دیا۔ برطانوی اخبار ”دی سن” نے باکسر عامر خان کی ماڈل کریسٹنی کے ساتھ مبینہ تصویر شائع کی ہے اور دعویٰ کیا کہ عامر خان کئی دنوں سے برطانوی ماڈل کے فلیٹ میں ہیں۔ برطانوی اخبار کے مطابق عامر خان کی خفیہ ویڈیو بھی بنا لی گئی ہے۔ دوسری جانب امریکا میں مقیم عامر کی اہلیہ فریال مخدوم نے شوہر کے برطانوی ماڈل کے ساتھ تعلقات کو افواہ قرار دے دیا۔ اپنے ٹوئٹر پیغام میں انہوں نے عامر کی ماڈل کریسٹنی کے ساتھ مبینہ تصویر پر افسوس کا اظہار کیا۔ فریال نے اپنے پیغام میں لکھا کہ کسی کو کچھ ثابت کرنے کی ضرورت نہیں ہے۔
افریقن ہینڈ بال چیمپئن شپ کا فائنل الجیریا کی ٹیم نے جیت لیا
(January 27, 2014)
الجیر: افریقن ہینڈ بال چیمپئن شپ کا فائنل الجیریا کی ٹیم نے جیت لیا۔مردوں کے مقابلوں میں میزبان ملک الجیریا ٹیم کا مقابلہ تیونس کی ٹیم سے ہوا الجیریا ٹیم نے جارحانہ کھیل پیش کر کے حریف ٹیم کو 21 کے مقابلے 25 پوانٹس سے زیر کر کے ٹائٹل اپنے نام کیا۔ دوسری جانب خواتین مقابلوں میںتیونس اور ڈیموکریٹک ری پبلک آف کانگوکی ٹیمیں ان ایکشن ہوئیں۔تیونس کی ٹیم نے 20 کے مقابلے 23 پوانٹس سے فتح حاصل کی۔