اسلام آباد (پی پی آئی)قائمہ کمیٹی برائے انسانی حقوق سینٹ کے سینیٹر ولید اقبال نے کہا ہے کہ انھوں نے چیئرمین پی ٹی آئی اور خواتین کی گرفتاری کے معاملے پر بھی اہم اجلاس بلانے کا فیصلہ کیا،ولید اقبال نے کہا کہ رواں ماہ ہی انسانی حقوق کمیٹی کا اہم اجلاس بلائیں گے، چیئرمین پی ٹی آئی اور خواتین کی گرفتاری کا معاملہ اجلاس کا ایجنڈہ ہوگا۔
راجن پور : اونٹوں کا دنگل ”پوپٹ “ نامی اونٹ نے جیت لیا
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
سڈنی ٹیسٹ : آسٹریلیا کی ٹیم پہلی اننگز میں326 رنزبناکر آوٹ
چنائے اوپن: اعصام، بوپننا کی جوڑی کو کوارٹر فائنل میں شکست
ویرات کوہلی شکست کا غم بھلانے ائیرپورٹ سے انوشکا کے گھر پہنچ گئے
آسٹریلوی کرکٹ ٹیم آئندہ ماہ جنوبی افریقا کا دورہ کرے گی
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
شرمیلا فاروقی کو پی ایچ ڈی ڈگر ی کیخلاف درخواست پر جواب طلب
کراچی (پی پی آئی)سندھ ہائیکورٹ نے رہنما پیپلزپارٹی شرمیلا فاروقی کو پی ایچ ڈی کی ڈگری دینے کیخلاف درخواست پر 28ستمبر تک جواب طلب کرلیا۔پی پی آئی کے مطابق سندھ ہائیکورٹ میں رہنما پیپلزپارٹی شرمیلا فاروقی کو پی ایچ ڈی کی ڈگری دینے کیخلاف درخواست کی سماعت ہوئی، درخواست میں جامعہ کراچی، چیئرمین ایچ ای سی، شرمیلا فاروقی و دیگر کو فریق بنایاگیا،درخواست گزار کی جانب سے موقف اختیار کیا گیا کہ سندھ ہائیکورٹ نے کراچی یونیورسٹی کا پی ایچ ڈی پروگرام بند کردیاتھا، کراچی یونیورسٹی نے 29اگست 2023کو شرمیلا فاروقی کو پی ایچ ڈی کی ڈگری دی،کراچی یونیورسٹی کے پاس 2014سے 2019تک پی ایچ ڈی کرنیوالوں کا ریکارڈ نہیں،شرمیلا فاروقی کو سیاسی بنیادوں پر پی ایچ ڈی کی ڈگری دی گئی،درخواست میں استدعا کی گئی ہے کہ عدالت شرمیلا فاروقی کی پی ایچ ڈی ڈگری منسوخ کرنے کا حکم دے،عدالت نے فریقین سے 28ستمبر تک جواب طلب کرلیا
چیئرمین پی ٹی آئی اور گرفتار خواتین سے ملاقات کی جانی چاہئے:سینیٹر فلک ناز چترالی
اسلام آباد (پی پی آئی)سینیٹر ولید اقبال کی زیر صدارت سینیٹ کی قائمہ کمیٹی برائے انسانی حقوق کے اجلاس کے دوران سینیٹر فلک ناز چترالی نے کہا کہ چیئرمین پی ٹی آئی اور گرفتار خواتین سے ملاقات کرنی چاہیے، خواتین بنا کسی کیس کے کئی ماہ سے گرفتار ہیں، ان خواتین سے جیل میں جاکر ملاقات کرنی چاہیے۔پی پی آئی کے مطابق چیئرمین قائمہ کمیٹی نے کہا کہ ٹھیک ہے ہم جیل جاکر ملاقات کرتے ہیں، اس معاملے پر چیئرمین سینیٹ سے بھی بات کرتا ہوں۔فلک ناز چترالی نے کہا کہ چیئرمین پی ٹی آئی کی گرفتاری ہوئی اور 35 خواتین جیلوں میں ہیں،
تلاش کریں
خبریں
راجن پور : اونٹوں کا دنگل ”پوپٹ “ نامی اونٹ نے جیت لیا
(January 3, 2014)
راجن پور: راجن پور میں ہونے والا اونٹوں کا دنگل” پوپٹ“ نامی اونٹ نے جیت لیا۔ نواحی علاقہ آسنی میں سردی کے باوجود اونٹ پال شوقین حضرات نے اونٹوں کا دنگل منعقد کیا جس میں ڈیرہ غازی خان اور رحیم یار خان سے اونٹوں نے شرکت کی۔ دنگل کو دیکھنے کے لئے ہزاروں کی تعداد میں شائقین دو سو روپے ٹکٹ ہونے کے باوجود پنڈال میں پہنچے۔ اونٹوں کی اس لڑائی میں ساٹھ جوڑوں نے حصہ لیا۔ فائنل مقابلہ پوپٹ نامی اونٹ اور بھورل نامی اونٹ کے درمیاں ہوا۔ کافی جدوجہد کے بعد پوپٹ نامی اونٹ نے فائنل جیت لیا۔ جیتنے والے پوپٹ نامی اونٹ کے مالک فیض گوپانگ نے انتہائی مسرت کا اظہار کیا اور کہا کہ جہاں یہ میلے تفریح کا باعث ہیں وہاں سیکورٹی انتظامات نہ ہونے کے باعث کسی بڑے حادثے کا سبب بھی بن سکتے ہیں۔
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
(January 3, 2014)
لاہور: صوبائی وزیر کھیل رانا مشہود کا کہنا ہے کہ یوتھ فیسٹیول میں اس بار سو ورلڈ ریکارڈز بنائے جائیں گے۔نیشنل ہاکی اسٹیڈیم لاہور میں پریس کانفرنس کرتے ہوئے رانا مشہود کا کہنا تھا کہ اس بار یوتھ فیسٹول کے پہلے مرحلے میں بارہ لاکھ شہریوں نے حصہ لیا جو گزشتہ برس محض اڑھائی لاکھ تھے۔ انہوں نے کہا کہ انٹرنیشنل کرکٹ کی بحالی کے لیئے انٹرنیشنل کرکٹرز کو بھی فیسٹیول میچ میں بلایا جائے گا۔ رانا مشہود کا کہنا تھا کہ بسنت کے حوالے سے قانون سازی کی جا رہی ہے اور حکومتی منظور شدہ ڈور کے علاوہ ڈور استعمال کرنے والے کو دس سال قید کی سزا بھی ہوسکتی ہے۔
سڈنی ٹیسٹ : آسٹریلیا کی ٹیم پہلی اننگز میں326 رنزبناکر آوٹ
(January 3, 2014)
سڈنی: نگلینڈ کے خلاف سڈنی ٹیسٹ میں آسٹریلیا کی ٹیم پہلی اننگز میں326 رنزبناکر آوٹ ہوگئی۔ سڈنی میں کھیلے جانے والے میچ کا ٹاس انگلینڈ نے جیت کر آسٹریلیا کو بیٹنگ کی دعوت دی۔ انگلینڈ نے اننگز کا آغاز کیا تو ڈیوڈ وارنر16 رنزبناکر براڈ کی گیند پر بولڈ ہوگئے۔کرس راجرز بھی زیادہ دیر تک وکٹ پر نہ ٹھر سکے اور11 رنزبناکر اپنی وکٹ گنوابیٹھے۔ واٹسن نے کچھ مزاحمت کی وہ43رنزبناکر آوٹ ہوئے۔ اسٹیون اسمتھ نے ذمہ دارانہ بیٹنگ کرتے ہوئے سنچری بنائی اور ٹیم کی پوزیشن مستحکم کی۔ اسمتھ نے115 رنزبنائے۔بریڈ ہیڈن نے ان کا بھرپور ساتھ دیتے ہوئے 75 رنز کی اننگز کھیلی۔ میزبان ٹیم پہلی اننگز میں326رنزبناکر آوٹ ہوگئی۔ جواب میں انگلینڈ نے پہلے روز کھیل کے اختتام تک ایک وکٹ پر آٹھ رنزبناسکی۔
چنائے اوپن: اعصام، بوپننا کی جوڑی کو کوارٹر فائنل میں شکست
(January 3, 2014)
چنائے: پاکستانی ٹینس اسٹاراعصام الحق اوران کے بھارتی پارٹنر روہن بوپننا کوچنائے اوپن کے کوارٹرفائنل میں شکست کا سامنا کرنا پڑا۔ اعصام الحق اور روہن بوپننا تقریبا دوسال بعد چنائے اوپن میں دوبارہ ایک ساتھ نظر آئے۔ دونوں نے مینز ڈبلز کے پہلے راﺅنڈ میں توباآسانی کامیابی حاصل کرلی لیکن انڈوپاک ایکسپریس کا سفر کوارٹر فائنل میں ختم ہوگیا۔ ٹاپ سیڈ جوڑی کو روس کے کیرن کھاچانوو اوربھارت کے ساکتھ مائینینی کے پئیر نے تین سیٹ کے سخت مقابلے کے بعد شکست دے دی۔ کیرن اور ساکتھ کی فتح کا اسکور سات پانچ دوچھ اوربارہ دس رہا۔
ویرات کوہلی شکست کا غم بھلانے ائیرپورٹ سے انوشکا کے گھر پہنچ گئے
(January 3, 2014)
ممبئی: جنوبی افریقا سے ون ڈے اور ٹیسٹ سیریز ہار کر وطن واپس پہنچنے والی بھارتی ٹیم کے بیٹسمین ویرات کوہلی گھر جانے کے بجائے پہلا روز گزارنے بھارتی اداکارہ انوشکا شرما کے گھر چلے گئے ۔ویرات کوہلی ائیر پورٹ پر بھارتی بورڈ کی بس میں بیٹھنے کے بجائے اکیلے انتظار کرتے رہے اور تمام کھلاڑیوں کے جانے کے بعد ایک گاڑی میں روانہ ہوئے ۔اداکارہ کے قریبی ذرائع کے مطابق ویرات اور انوشکا کے درمیان شیمپو کے کمرشل سے شروع ہونے والا عشق تاحال اپنے انجام کو نہیں پہنچا۔دونوں اکثر مختلف ہوٹلوں پر اکٹھے کھانا کھاتے دکھائی دیتے ہیں ۔
آسٹریلوی کرکٹ ٹیم آئندہ ماہ جنوبی افریقا کا دورہ کرے گی
(January 3, 2014)
میلبورن: آسٹریلوی کرکٹ ٹیم آئندہ ماہ جنوبی افریقا کا دورہ کرے گی ۔کرکٹ آسٹریلیا کے اعلامئے کے مطابق کینگروز آئندہ ماہ جنوبی افریقاکا دورہ کریں گے جہاں سیریز کے دوران وہ تین ٹیسٹ اور تین ٹی ٹوئنٹی میچ کھیلیں گے ۔ آسٹریلیا اور جنوبی افریقا انویٹیشنل لیول کے درمیان پانچ فروری سے پریکٹس میچ کا آغاز ہوگا ۔دونوں ٹیموں کے درمیان پہلا ٹیسٹ 12فروری سے سینچورین میں شیڈول ہے ۔