کراچی (پی پی آئی نیشنل اکیڈمی آف پرزن ایڈمنسٹریشن (ناپا) لاہور نے ”صاف ہوا کا بین الاقوامی دن برائے نیلگوں آسمان“ منایا یہ دن ماحول سے جڑی انسانی صحت کی خرابی سے آگاہی کے دن کے طور پر ہر سال منایا جاتاہے۔پی پی آئی کے مطابق ناپا نے آگاہی واک کا اہتمام کیا جس میں ا سٹاف، طلبہ و طالبات، پولیس افسران اور عوام نے شرکت کی اور آلودگی کم کرنے سے متعلق پمفلٹ تقسیم کئے۔
مارٹن گپٹل مسلسل دوسری مرتبہ نئے سال میں سب سے پہلے آﺅٹ
آکلینڈ کلاسک ٹینس : وینس ولیمز کوارٹر فائنل میں پہنچ گئیں
پاکستان بیس بال فیڈریشن کا غیر قانونی نام استعمال کرنے پر قانونی چارہ جوئی کا فیصلہ
صومالیہ: ہوٹل کے باہر 3 بم دھماکے، 18 افراد ہلاک
کورے اینڈرسن نے 36 گیندوں پر سنچری بنا کر آفریدی کا ریکارڈ توڑ ڈالا
تیسرا ون ڈے ،نیوزی لینڈ نے ویسٹ انڈیز کو 159رنز سے ہرا دیا
تازہ ترین خبریں
- April 25, 2026
- April 23, 2026
اشتہار
تازہ ترین
ہنڈی حوالہ کاروبار پر کریک ڈاؤن سے ترسیلات زر بڑھنے کی توقع
کراچی (پی پی آئی)ہنڈی حوالہ کے کاروبار پر حالیہ کریک ڈاؤن سے اگلے ماہ ترسیلات زر بڑھنے کی توقع ہے،تجزیہ کاروں کا کہنا ہے کہ جولائی کے مقابلے اگست کے مہینے میں ترسیلات زر میں اضافہ ریکارڈ کیا گیا ہے، پی پی آئی کے مطابق گزشتہ ماہ ترسیلات زر میں 3 اعشاریہ 1 فیصد اضافہ ہوا ہے۔گزشتہ ایک سال سے ترسیلات زر میں ہر ماہ کمی ریکارڈ کی جا رہی تھی جبکہ اگست میں کچھ بہتری دیکھی جا رہی ہے، جولائی کے مقابلے اگست کے مہینے میں ترسیلات زر 3.1 فیصد اضافے سے 2 ارب 9 کروڑ 30 لاکھ ڈالر رہیں، جولائی 2023ء میں ترسیلات زر تقریباً 2 ارب 2 کروڑ 90 لاکھ ڈالر تھیں، رواں مالی سال جولائی تا اگست ترسیلات زر 21 اعشاریہ 50 فیصد کمی سے 4 ارب 12 کروڑ ڈالر رہیں۔ماہانہ بنیادوں پر پاکستان میں ریکارڈ ترسیلات زر اپریل 2022 میں 3 ارب 10 کروڑٰ ڈالر آئی تھیں اسی مالی سال یعنی مالی سال 2022 میں ریکارڈ 31 ارب ڈالر ترسیلات زر پاکستان کو موصول ہوئی تھیں۔
ملک بھرکی پاور ڈسٹری بیوشن کمپنیوں کے بورڈ آف ڈائریکٹرز تبدیل کرنیکا فیصلہ
سلام آباد (پی پی آئی) نگراں وفاقی حکومت نے ملک بھر کی پاور ڈسٹری بیوشن کمپنیوں کے بورڈ آف ڈائریکٹرز تبدیل کرنے کا فیصلہ کر لیا ہے۔ذرائع وزارت توانائی کے مطابق پاورکمپنیوں میں ٹیکنیکل، اہل اور غیر سیاسی افراد شامل کرنیکا فیصلہ کیا گیا ہے، اس سلسلے میں ڈسٹری بیوشن کمپنیوں اور این ٹی ڈی سی کے نئے بورڈ تشکیل دئیے جائیں گے۔پی پی آئی کے مطابق ماضی میں پاور ڈسٹری بیوشن کمپنیوں کے بورڈ میں سیاسی اور من پسند افراد کو شامل کیا گیا تھا جبکہ اکثر بورڈ ممبران نان ٹیکنیکل اور سیاسی گھرانوں سے تعلق رکھتے ہیں۔
نیو کراچی سلیم سنٹر کے قریب فائرنگ سے عمر جہانزیب نامی شخص جاں بحق
کراچی (پی پی آئی)نیو کراچی سلیم سینٹر کے قریب نامعلوم افراد نے فائرنگ کر کے ایک شخص کی جان لے لی۔پی پی آئی کے مطابق ریسکیو ذرائع کا کہنا ہے کہ فائرنگ سے جاں بحق شخص کی شناخت عمر جہانزیب کے نام سے ہوئی ہے، لاش کو ہسپتال منتقل کر دیا گیا ہے۔قبل ازیں کراچی کے علاقے سرجانی ٹاؤن خدا کی بستی میں بھی فائرنگ کا واقعہ پیش آیا تھا جس میں فرحان نامی شہری جان کی بازی ہار گیا تھا۔
تلاش کریں
خبریں
مارٹن گپٹل مسلسل دوسری مرتبہ نئے سال میں سب سے پہلے آﺅٹ
(January 2, 2014)
کوئنز لینڈ: نیوزی لینڈ کرکٹ ٹیم کے بلے باز مارٹن گپٹل مسلسل دوسری مرتبہ سال کے پہلے روز آﺅٹ ہونے والے دنیا کے پہلے کرکٹر بن گئے ۔گپٹل2013ءکے بعد2014ءمیں بھی سال کے پہلے روز پہلے آﺅٹ ہونے والے کھلاڑی بن گئے ۔کوئنز ٹاﺅن میں ویسٹ انڈیز کے خلاف سیریز کے پہلے میچ میں کیوی بلے باز مارٹن گپٹل کو ویسٹ انڈیز کے جیسن ہولڈر نے ایک رنز پر پویلین بھیج دیا اور نئے سال میں آﺅٹ ہونے والے دنیا کے پہلے کرکٹر بن گئے ۔مارٹن گپٹل 2013میں بھی سال کے پہلے روز جنوبی افریقا کے ویرنن فلینڈ ر کے ہاتھوں آﺅٹ ہوئے تھے ۔
آکلینڈ کلاسک ٹینس : وینس ولیمز کوارٹر فائنل میں پہنچ گئیں
(January 2, 2014)
آکلینڈ: امریکا کی وینس ولیمز ،سربیا کی اینا آئیوانوچ اور جاپان کی کرومی نارا آکلینڈ کلاسک اوپن ٹینس کے کوارٹر فائنل میں پہنچ گئیں۔نیوزی لینڈ میں جاری ٹورنامنٹ میں وینس ولیمز نے آسٹریا کی وونی میوسبرگر کو پہلے سیٹ چھ چار سے شکست کھانے کے باوجود اگلے دونوں سیٹ میں چھ تین اور چھ دو سے ہرا دیا ۔ اینا آئیوانوچ نے سویڈن کی جوہانا لارسن کو سٹریٹ سٹیس میں چھ ایک اور چھ ایک سے شکست دیدی ۔ایک اور میچ میں جاپان کی کرومی نارا نے اپنی ہم وطن ایومی موریٹا کو آسانی کے ساتھ چھ صفر اور چھ ایک سے ہرا کر کوارٹر فائنل کے لئے کوالیفائی کرلیا ۔
پاکستان بیس بال فیڈریشن کا غیر قانونی نام استعمال کرنے پر قانونی چارہ جوئی کا فیصلہ
(January 2, 2014)
کراچی: پاکستان بیس بال فیڈریشن نے فیڈریشن کا غیر قانونی طور پرنام استعمال کرنے کا نوٹس لیتے ہوئے متعلقہ عناصر کے خلاف قانونی کاروائی کرنے کا فیصلہ کرلیا ۔پاکستان بیس بال فیڈریشن کی ڈویلپمنٹ کمیٹی کا اجلاس کراچی میں منعقد ہوا،جس کی سربراہی فیڈریشن کے چیئر مین جاوید یوسف نے کی ۔ڈویلپمنٹ کمیٹی نے پاکستان بیس بال فیڈریشن کو سافٹ بال کی ترقی اور ایشین گیمز کے لئے علیحد ہ کمیشن مقرر کرنے کی درخواست کی تاکہ قومی بیس بال ٹیم ایشین گیمز میں مثبت نتائج دے سکے ۔
صومالیہ: ہوٹل کے باہر 3 بم دھماکے، 18 افراد ہلاک
(January 2, 2014)
موغادیشو: صومالیہ کے دارالحکومت موغادیشو میں ایک ہوٹل کے باہر ہونے والے تین بم دھماکوں میں18افراد ہلاک اور17 زخمی ہو گئے۔ موغادیشو میں ایک ہوٹل کے باہر یکے بعد دیگرے تین بم دھماکے ہوئے،جن میں18 افراد ہلاک اور17 زخمی ہوگئے،پولیس کا کہنا ہے کہ دو دھماکے ہوٹل کے باہر اور ایک پارکنگ میں کھڑی گاڑی میں کیا گیا تھا، دھماکوں کی ذمہ داری اب تک کسی گروپ نے قبول نہیں کی۔ اس سے پہلے صومالیہ بھر میں ہونے والے بم دھماکوں اور پرتشدد واقعات کی ذمہ داری شدت پسند تنظیم الشباب قبول کرتی رہی ہے۔ دھماکوں کے بعد اسپتالوں میں ایمرجنسی کا اعلان کردیا گیا۔
کورے اینڈرسن نے 36 گیندوں پر سنچری بنا کر آفریدی کا ریکارڈ توڑ ڈالا
(January 1, 2014)
کوئنز لینڈ: ویسٹ انڈیز کے خلاف تیسرے ون ڈے میچ میں نیوزی لینڈ کے بلے باز کورے اینڈرسن نے صرف 36گیندوں پر سنچری بنا کر شاہد آفریدی کا 37 گیندوں پر تیز ترین سنچری بنانے کا ریکارڈ توڑ ڈالا۔کیوی بلے باز کی دھواں دار بیٹنگ کی بدولت صرف اکیس اوورز کے میچ میں نیوزی لینڈ نے ویسٹ انڈیز کو فتح کے لیے 284 رنز کا ہدف دیا۔کورے اینڈرسن نے دو چوکوں اور چھ چھکوں کی مدد سے 20 گیندوں پر نصف سنچری سکور کی جبکہ بارہ چھکوں اور چار چوکوں کی مدد سے ون ڈے کے تیز ترین سنچری بنانے کا اعزاز حاصل کیا۔
تیسرا ون ڈے ،نیوزی لینڈ نے ویسٹ انڈیز کو 159رنز سے ہرا دیا
(January 1, 2014)
کوئنز لینڈ: نیوزی لینڈ نے ویسٹ انڈیز کو تیسرے ایک روزہ میچ میں 159 رنز سے شکست دے دی۔کوئنز ٹاون میں کھیلے گئے تیسرے ایک روزہ میچ میں ویسٹ انڈیز نے ٹاس جیت کر فیلڈنگ کا فیصلہ کیا۔ بارش کے باعث میچ 21 اوورز تک محدود کر دیا گیا۔نیوزی لینڈ کو 84 رنز پر 3 وکٹوں کا نقصان اٹھانا پڑا۔کورے اینڈرسن نے شاندار کھیل کا مظاہرہ کرتے ہوئے ٹوٹل میں 131 رنز جوڑے۔حریف ٹیم کے جیسن ہولڈر نے دو کھلاڑیوں کا شکار کیا۔284 رنز کے ہدف کے تعاقب میں ویسٹ انڈیز ٹیم 124 رنز بنا سکی۔پانچ ایک روزہ میچوں کی سیریز 1-1 سے برابر ہے جبکہ ایک میچ بارش کی نظر ہو گیا تھا۔