اسلام آباد(پی پی آئی)اسلام آباد کی مقامی عدالت نے لانگ مارچ توڑپھوڑ کیس میں  چیئرمین پی ٹی آئی عمران خان اور شیخ رشید کو عدالت پیش کرنے کی درخواستوں پر فیصلہ محفوظ کرلیا۔پی پی آئی کے مطابق  چیئرمین پی ٹی آئی اور شیخ رشید کیخلاف لانگ مارچ توڑپھوڑ کیس ایڈیشنل سیشن جج صہیب بلال کی عدالت میں پی ٹی آئی وکیل نعم پنجوتھا پیش ہوئے،نعیم پنجوتھا نے عدالت  پروڈکشن کی 2 درخواستیں دائر کردیں۔پی پی آئی کے مطابق  درخواست میں استدعا کی گئی ہے کہ چیئرمین پی ٹی آئی گرفتار اور شیخ رشید اغوا ہیں، عدالت پیش کرنے کا حکم دیا جائے،ملک میں جو پریس  کانفرنس کرے اس کو چھوڑ دیاجاتا ہے،شیخ رشید کی پریس کانفرنس نہیں آئی جس کے باعث منظر عام پر نہیں آئے، صداقت علی عباسی کا بھی کوئی اتا پتہ نہیں ہے،عدالت نے  درخواستوں پر فیصلہ محفوظ کرلیا۔

کراچی (پی پی آئی)پیپلز پارٹی کے چیئرمین بلاول بھٹو زرداری کی35ویں سالگرہ  21ستمبر کو  ملک بھر میں منائی جائے گی۔پی پی آئی کے مطابق پی پی پی سندھ کے صدر نثار کھوڑو نے کہا ہے کہ پیپلز پارٹی کے رہنماوں و کارکنان کی جانب سے سندھ کے تمام اضلاع میں 21ستمبر کو چیئرمین بلاول بھٹو زرداری کی سالگرہ تقریبات میں کیک کاٹے جائینگے-

نیویارک(پی پی آئی)اقوام متحدہ کا ایک بڑا ایونٹ ”ماحولیاتی سربراہی ایکشن“ کے موضوع پر 20ستمبر کو منعقد ہوگا اور سیکرٹری جنرل انتونیو گوئتریس اس کی سربراہی کریں گے۔پی پی آئی کے مطابق اس ایونٹ کا مقصد پیرس ماحولیاتی سمجھوتہ کے مقاصد سے انحراف کو ختم کرنا اور ماحولیاتی تبدیلیوں سے نمٹنے کیلئے نئے سنجیدہ اقدامات میں حکومتوں کی حوصلہ افزائی کرناہے۔پاکستان سمیت 100 سے زائد ممالک کے عہدیدار اجتماع میں شریک ہیں۔