اسلام آباد (پی پی آئی) چیف جسٹس پاکستان قاضی فائز عیسیٰ نے سپریم جوڈیشل کونسل کا اجلاس طلب کرلیا۔ذرائع کے مطابق چیف جسٹس کی سربراہی میں جوڈیشل کونسل کا اجلاس کل دن ساڑھے گیارہ بجے ہوگا، پی پی آئی کے مطابق کونسل اجلاس ججز کیخلاف زیر التواشکایات پر غور کرنے کیلئے طلب کیا گیا ہے۔ذرائع کے مطابق جوڈیشل کونسل میں جسٹس سردار طارق، جسٹس اعجاز الاحسن، جسٹس امیر حسین بھٹی،جسٹس نعیم اختر شامل ہیں۔ذرائع کاکہنا ہے کہ جوڈیشل کونسل میں اس وقت دو درجن سے زائد شکایات زیر التوا ہیں۔
شین ژہن اوپن ٹینس: ٹومی روبرٹونے سیمی فائنل میں جگہ بنالی
ایشین گیمز:دفاعی چمپین پاکستان نے بنگلہ دیش کو ویمنز کرکٹ میں بے حال کردیا
سیری اے:یوڈینس سرفہرست ٹیموں میں تیسرے نمبر پر
لیسسٹر شائر کاآسٹریلوی فاسٹ بولر میک کے سے معاہدہ
ہانگ کانگ کے اہم سورسنگ شوز کے لیے گنتی شروع
مارون اتاپتو سری لنکا کرکٹ ٹیم کے مستقل ہیڈ کوچ مقرر
تازہ ترین خبریں
- April 22, 2026
اشتہار
تازہ ترین
ن لیگ ہاؤس حملہ کیس میں پی ٹی آئی رہنما صنم جاوید و
لاہور(پی پی آئی)لاہور کی انسداد دہشت گردی عدالت نے مسلم لیگ ن ہاؤس حملہ کیس میں پی ٹی آئی رہنما صنم جاوید و دیگر کی درخواست ضمانت بعد ازگرفتاری پر ریکارڈ طلب کرتے ہوئے صنم جاوید کو مختلف مقدمات میں گرفتار کرنے کی رپورٹ بھی مانگ لی۔ پی پی آئی کے مطابقدوران سماعت سینئر وکیل نصیر الدین نئیر نے کہا کہ قانون بنایا جائے جو 9 مئی کے ایک مقدمہ میں گرفتار ہوا اسے تمام مقدمات میں شامل کریں، صنم جاوید کو نو مئی کے تمام مقدمات میں گرفتار کیا جا رہا ہے۔وکیل نے عدالت سے استدعا کی کہ صنم جاوید کی ضمانت منظور کر کے رہا کیا جائے۔ پراسیکیوشن نے عدالت میں موقف پیش کیا کہ مقدمہ کا ریکارڈ موجود نہیں ہے، پولیس مراد سعید کو گرفتار کرنے گئی ہے، پولیس کے تین سے چار ڈالے سوات کے پی کے گئے ہوئے ہیں، مقدمہ کا ریکارڈ ساتھ لے کے گئے ہیں واپس آتے تو پیش کرتے ہیں۔بعدازاں لاہور کی انسداد دہشت گردی عدالت نے صنم جاوید سمیت دیگر کی درخواست ضمانت پر سماعت 2 نومبر تک ملتوی کر دی۔
نوازشریف اتنا بہادر ہے تو میرے خلاف الیکشن لڑ کر دکھائے: یاسمین راشد کا چیلنج
لاہور(پی پی آئی)پاکستان تحریک انصاف کی رہنما ڈاکٹر یاسمین راشد نے قائد مسلم لیگ ن کو چیلنج کرتے ہوئے کہا ہے کہ اگر نوازشریف اتنا بہادر ہے تو میرے خلاف الیکشن لڑ کر دکھائے۔انسداد دہشت گردی عدالت میں پیشی کے موقع پر تحریک انصاف کی رہنما ڈاکٹر یاسمین راشد اور عمر سرفراز چیمہ نے صحافیوں سے غیر رسمی گفتگو کی۔ پی پی آئی کے مطابق ڈاکٹر یاسمین راشد نے گفتگو کرتے ہوئے کہا کہ نواز شریف اتنے بہادر ہیں تو میرے خلاف الیکشن لڑ کر دکھائیں، لیول پلیئنگ فیلڈ کا مطلب ہے کہ جس نے الیکشن لڑنا ہے وہ باہر ہو، نواز شریف سزا یافتہ اور اشتہاری ہے اس کو آپ باہر سے الیکشن کے لیے لے آئے ہیں۔سابق صوبائی وزیر نے مزید کہا کہ نواز شریف کو پروٹوکول دیا جا رہا ہے، ہمارے کیسز کا چالان بھی تین چار ماہ سے آج تک نہیں آیا، یہ بات پہلے سے کنفرم ہے کہ الیکشن نہیں سلیکشن ہے۔
تعلیم گاہ اسکول رتن تلاؤ کی اراضی پر قبضہ کرکے تعمیر کی گئی 18دکانیں مسمار
کراچی (پی پی آئی)تعلیم گاہ اسکول رتن تلاؤ کی اراضی پر قبضہ کرکے تعمیر کی گئی 18دکانیں ڈپٹی کمشنر ساؤتھ کی ہدایت پر مسمار کردی گئیں۔پی پی آئی کے مطابق آپریشن کی نگرانی اسسٹنٹ کمشنر آرام باغ ندا سمن، انچارج آپریشن شاہنواز ڈی ایم سی صدر نے کی۔اس موقع پر اسسٹنٹ کمشنر آرام باغ ندا سمن نے کہا کہ سرکاری اراضی پر تجاوزات کی اجازت نہیں دی جائے گی۔۔
تلاش کریں
خبریں
شین ژہن اوپن ٹینس: ٹومی روبرٹونے سیمی فائنل میں جگہ بنالی
(September 26, 2014)
شین ژہن:چین کے صوبے گوانگ ڈانگ کے شہر شین ژہن جاری ٹینس ٹورنامنٹ میں اسپین کے 4سیڈڈ ٹومی روبرٹو نے اینڈریاس سیپی کو شکست دے کر سیمی فائنل میں جگہ بنالی۔ٹومی روبرٹو نے شین ژہن اوپن ٹینس میں اٹلی کے کھلاڑی اینڈریاس سیپی کو4-6، 7-6اور3-6سے شکست دے دی۔دونوں کھلاریوں نے خوبصورت کھیل کا مظاہرہ کیا اور یہ اعصاب شکن مقابلہ 2گھنٹے اور36منٹ جاری رہا۔دوسرے کوارٹر فانل میںسیکنڈڈ اینڈی مرے کا مقابلہ سلووکیہ کے لوکاس لیکو کے درمیان ہورہاہے جبکہ تیسرا کوارٹر فائنل سربیا کے وکٹر ٹروئسکی اورع کولمبیا کے سینٹیاگو گیرالڈو کے درمیان ہو گا۔
ایشین گیمز:دفاعی چمپین پاکستان نے بنگلہ دیش کو ویمنز کرکٹ میں بے حال کردیا
(September 26, 2014)
انچیون:دفاعی چمپیئن پاکستان نے ایشین گیمز کے ویمنز کرکٹ مقابلوں میں بنگلہ دیش کو ہرا کر گولڈ میڈل حاصل کرلیا۔گولڈ میڈل کے لیے کھیلے جانے والے فائنل میچ کو بارش کے باعث مکمل نہیں کیا جاسکا اور ڈک ورتھ لوئس میتھڈ کے بنیاد پر پاکستان کو چار رنز سے فتح یاب قرار دیا گیا۔پاکستانی ٹیم نے پہلے کھیلتے ہوئے 97رنز بنائے ،پاکستان کی جانب سے بسمہ معروف نے 24اورنین عابدی 18رنز بنا کر نمایاں رہیں،پاکستان کی وکٹیں وقفے وقفے سے گرتی رہیں جس کے نتیجے میں بڑا ہدف نہیں دیا جا سکا۔بنگلہ دیش کی رومانا احمد نے 13رنز کے عوض دو وکٹیں حاصل کیں۔ بنگلہ دیشی ٹیم ہدف کے تعاقب کے لیے میدان میں اتری تو بارش نے رکاوٹ ڈالی ،بنگلہ دیش کی ٹیم ایک وقت میں دو وکٹیں کھو کر 30رنز بنا چکی تھی تاہم جب میچ بارش کی وجہ سے روکنا پڑا تو 38رنز پر ان کی نو وکٹیں گر چکی تھیں۔بنگلہ دیش کی رومانا احمد نے 10اور فرغانہ حق نے بھی 10رنز بنائے ،پاکستان کی جانب سے ندا ڈار نے دو رنز کے عوض دو وکٹیں جبکہ سادیہ نے دو وکٹیں لینے کے صرف دو رنز دے دیے۔ واضح رہے پاکستانی ٹیم اپنے اعزاز کے دفاع میں کامیاب ہوگئی۔
سیری اے:یوڈینس سرفہرست ٹیموں میں تیسرے نمبر پر
(September 26, 2014)
روم:اطالوی فٹ بال لیگ سیری اے میں یوڈینس نے لازیو کو شکست دے کر پوائنٹس ٹیبل میں تیسری پوزیشن حاصل کرلی۔ یوڈینس نے فارورڑ سیرل تھیریو کے گول کے بدولت لازیو کو0-1سے شکست دے دی ۔یوڈینس اطالوی لیگ میں مسلسل چوتھی فتح کے ساتھ تیسری پوزیشن حاصل کرنے میں کامیاب ہوگیا ہے،لازیو کے خلاف فتح کے بعد ملنے والے تین پوائنٹ نے انھیں جوینٹس اور روما کے بعد ٹاپ پوزیشن پر لاکھڑا کیاہے۔یوڈینس کی سیری اے میں بہترین کارکردگی 1955میںتھی جب دوسری پوزیشن حاصل کی تھی جبکہ 1998اور2012میں تیسری پوزیشن حاصل ہوئی تھی۔
لیسسٹر شائر کاآسٹریلوی فاسٹ بولر میک کے سے معاہدہ
(September 26, 2014)
لندن:انگلش کاﺅنٹئی لیسسٹر شائر نے 2015کے سیزن کے لیے آسٹریلیا کے فاسٹ بولرکلنٹ میک کے سے معاہدہ کرلیا۔لیسسٹر شائر کے ڈائرکٹر کرکٹ فل ویٹی کیس نے معاہدہ کے حوالے سے بات کرتے ہوئے کہا کہ ہمیں میک کے سے معاہدے پر بہت خوشی ہے۔فل ویٹی کیس کا کہنا تھا کہ میک کے بین الاقوامی اور ڈومیسٹک کرکٹ کا وسیع تجربہ رکھتے ہیں اورہمیں امید ہے کہ ان کے شامل ہونے سے ہمارے نوجوان فاسٹ بولروں کو ان کے تجربے سے بہت فائدہ ہوگا۔31سالہ میک کے نے آسٹریلیا کے لیے صرف ایک ٹیسٹ کھیلا ہے تاہم ون ڈے میں وہ مسلسل آسٹریلیا کی نمائندگی کرتے رہے ہیں،میک کے انگ،انگلش کاﺅنٹی میں اسے پہلے یورک شائر کی نمائندگی کر چکے ہیں۔
ہانگ کانگ کے اہم سورسنگ شوز کے لیے گنتی شروع
(September 26, 2014)
ہانگ کانگ، 26 ستمبر 2014ء/پی آرنیوزوائر/ایشیانیٹ پکستان — اکتوبر میں شروع ہونے والے میگا شو پارٹ 1 اور پارٹ 2 بین الاقوامی تجارتی خریداروں کے لیے 20 سے 23 اکتوبر اور 27 سے 29 اکتوبر 2014ء کے سات اہم ایام کے دوران 34 ممالک کے 3872 فراہم کنندگان کے ساتھ 5254 سے زیادہ نمائشی اسٹینڈز پیش کرنے کا ہدف رکھتے ہیں۔ طویل عرصے سے مستحکم یہ دونوں تجارتی میلے ہانگ کانگ میں ہونے والے اہم اور اعلیٰ ترین سورسنگ مواقع ہیں اور تحفوں، گھریلو مصنوعات، انعامات اور کھلونے خریداروں والے 57,000 سے زیادہ عالمی خریداروں کے سالانہ روزنامچے میں درج تاریخیں بن چکے ہیں۔ یہ صنعت کے واحد دو مواقع ہیں جو ہر اکتوبر میں ایشیا میں برآمد کے لیے تیار کردہ عالمی مصنوعات کی وسیع اور جامع ترین رینج پیش کرتے ہیں۔ 2014ء میں نیا میگا شو پارٹ 1 اور میگا شو پارٹ 2 ایک نمایاں اور صارف متحرک تنظیم نو سے گزرے ہیں اور اجناس کا متنوع ملاپ تجارت کے سلسلے میں زمرہ بند کیا گیا ہے، جن میں سے ہر واضح طور پر متعین مقام پر ہے اور خریداروں کو میلے کے ساتھ دنوں میں مقام پر گھومنے پھرنے میں آسانی فراہم کررہا ہے۔ 20 اکتوبر پیر سے 23 اکتوبر بدھ تک جاری میگا شو پارٹ 1 میں 8 مصنوعاتی سیریز ہیں: ایشیائی تحفے اور انعامات کا شو ایشیائی تحفوں کا ملفوف اور پیکیجنگ شو ایشیائی تہواری، کرسمس اور موسمی ایشیائی گھریلو مصنوعات اور گھریلو سجاوٹ ایشیائی باورچی خانہ اور ضیافت– نیا! ایشیائی شیشے کے برتنوں کے رحجانات ایشیائی کھلونے اور گیمز ایشیائی بچوں اور ان کے کمرے کی دنیا – نیا! 27 اکتوبر پیر سے 29 اکتوبر بدھ تک میگا شو پارٹ 2 میں 4 مصنوعاتی سلسلے ہیں: ایشیائی گھریلومصنوعات اور گھریلو پارچہ بافی ایشیائی کاغذ سیاہی ایشیائی گھریلو سجاوٹ اور بیرون خانہ زندگی ایشیائی تحفوں کی مصنوعات اس سال کے میلوں میں “سبز” مصنوعات کی وسیع تر پسند کے ساتھ ماحول دوست فراہم کنندگان کی تعداد میں اضافہ بھی شامل ہے، جس میں میگا شو پارٹ 1 کے لیے باورچی خانہ اور ضیافت اور ساتھ ساتھ بچوں اور ان کے کمروں کے لیے مخصوص مقام اور بنگلہ دیش، برعظیم چین، ہندوستان، انڈونیشیا، ملائیشیا، جنوبی کوریا، تائیوان، تھائی لینڈ، فلپائن، ویت نام اور برطانیہ کے لیے مخصوص ملکی مقامات شامل ہیں۔ ایشیا اور اس سے باہر سے 879 سے زیادہ نئے ادارے میگا شو کے اس موسم میں اپنے خصوصی ہانگ کانگ فروخت پلیٹ فارم کے طور پر نمائش پیش کررہے ہیں، جو تجارتی خریداروں کو نہ صرف برآمدات کے مانوس چہروں سے ملنے بلکہ نئے پیداواری اداروں کو ڈھونڈنے اور عالمی سورسنگ کے مرکز ہانگ کانگ میں عالمی اداروں کے ساتھ تجارت کرنے کا موقع دیتےہیں۔ ہدایات برائے مدیران: میگاایکسپو (ہانگ کانگ) لمیٹڈ ای میل [email protected] www.mega-show.com سوالات برائے ذرائع ابلاغ جناب بین وونگ ای میل: [email protected] ٹیلی فون: 9688 3588 852+
مارون اتاپتو سری لنکا کرکٹ ٹیم کے مستقل ہیڈ کوچ مقرر
(September 25, 2014)
کولمبو:مارون اتاپتوکو سری لنکا کرکٹ ٹیم کا مستقل ہیڈ کوچ مقرر کردیا گیا۔سابق کپتان مارون اتاپتوسری لنکا کرکٹ ٹیم کے15 سال بعدپہلے مقامی کوچ مقرر ہوئے ہیں۔سری لنکا کرکٹ ٹیم کے سابق کوچ پال فیبرس کی جانب سے معاہدے کو ختم کرنے کے بعداتاپتو کو تین ماہ کے لیے ٹیم کا عبوری کوچ مقرر کردیا گیا تھا۔سری لنکا کی کوچ تلاش کمیٹی نے منگل کو اتاپتو سمیت دیگر امیدواروں کے انٹرویو کیے جس کے بعد اتاپتو کو ٹیم کا مستقل ہیڈ کوچ بنانے کی سفارش کی گئی تھی۔سری لنکا کرکٹ بورڑ کی ایگزیکٹو کمیٹی نے اس فیصلے کی منظوری دے دی اور اتاپتو کوسری لنکا کی قومی کرکٹ ٹیم کے ہیڈ کوچ بنانے کے فیصلے پر فوری عمل درآمد کی منظوری بھی دی۔