اوسلو، ناروے، 16 مارچ 2016ء/پی آرنیوزوائر/– ڈجیٹل مرین سلوشنز نے آج اعلان کیا ہے کہ اس نے جیپیسن کے مرین ڈویژن کی خریداری کے معاہدے پر دستخط کردیے ہیں، جو انضباطی منظوری سے مشروط ہے۔ معاہدے کی شرائط کے تحت سابق جیپیسن مرین اپنے وسائل کے ساتھ ایک علیحدہ ادارے کے طور پر کام کرے گا اور سی-میپ برانڈ نام کے تحت تجارت کرے گا۔ جیپیسن بدستور بوئنگ کمپنی کا حصہ رہے گا۔ ڈجیٹل مرین سلوشنز آلٹور 2003ء فنڈ کی ملکیت ہے، جو نارڈک مقیم آلٹور خاندان کے نجی ایکوئٹی فنڈز کا حصہ ہیں۔ یہ تزویراتی حصول بحری صنعت میں آلٹور کے تجربے کو سہارا دیتا ہے، جہاں وہ پہلے ہی ناویکو کے بحری برانڈز میں اکثریت کا مالک ہے۔ ڈجیٹل مرین سلوشنز یقینی بنائے گا کہ ناویکو اور دیگر تیسرے فرق کی برقی مصنوعات کو بدسور سی-میپ کے پورٹ فولیو تک رسائی حاصل رہے، تفریحی اور کمرشل بحری دونوں مقاصد کے لیے۔ وقت کے ساتھ ڈجیٹل مرین بحری نقشوں، ڈجیٹل مواد اور خدمات کے حل بنا کر سی-میپ کی صلاحیتوں اور فروخت کو بڑھائے گا۔ خریدار کے مستقبل کے چیئرمین لیف اوٹوسن نے کہا کہ “جیپیسن مرین برقی نقشہ سازی اور تفریحی و کمرشل بحری مقاصد کے لیے اضافی خدمات کے اہم اداروں میں سے ایک ہے۔ ہماری نظریں تازہ جدتیں تخلیق کرنے کے لیے جیپیسن مرین کی ٹیم پر اور مستقبل میں کاروبار کو بڑھانے کے لیے جیپیسن مرین کے موجودہ صارفین کے ساتھ کام جاری رکھنے پر مرکوز ہیں۔” جیپیسن مرین میں لائف مرین پورٹ فولیو کے ڈائریکٹر جیمز ڈیٹر نے کہا کہ “یہ بحری برقیات کی صنعت، جیپیسن مرین کے عملے اور صارفین کے لیے ایک اچھی خبر ہے، کیونکہ سی-میپ کی انتہائی معیاری مصنوعات و خدمات بدستور پیش ہوتی رہیں گی اور یں مارکیٹ میں تنوع برقرار رہے گا۔” “ہمارا ماننا ہے کہ ڈجیٹل مرین سلوشنز کے نظریے اور اقدار کے ساتھ ہم اپنے پورٹ فولیو کو مزید بہتر بنا سکتے ہیں اور اپنے صارفین کو بہتر خدمات دے سکتے ہیں۔” جیپیسن مرین میں وویاژ سلوشنز کے ڈائریکٹر ایجل آرستاد نے کہا۔ انضباطی منظوری سے مشروط یہ مالی سودہ ممکنہ طور پر 2016ء کی دوسری سہ ماہی کے اختتام تک مکمل ہو جائے گا۔ جیپیسن مرین کے بارے میں مزید معلومات کے لیے c-map.jeppesen.com اور ww1.jeppesen.com/marine دیکھیں۔

شنگھائی، چین، 9 مارچ 2016ء/سن ہوا-ایشیانیٹ/– خانہ داری سے متعلق مصنوعات تیار کرنے والے بڑے ادارے میڈیا نے 8 مارچ کو چین کی گھریلو مصنوعات کی صنعت کی اہم ترین تقریب اے ڈبلیو ای (اپلائنس اینڈ الیکٹرونکس ورلڈ ایکسپو) 2016ء کے آغاز پر ایم-اسمارٹ پر تازہ ترین پیشرفت سے آگاہ کیا ہے، جو ایک خاندانی زندگی کے مستقبل کے لیے تیار کیا گیا ایک اسمارٹ ہوم سسٹم ہے۔ میڈیا کے سی ٹی او زیک ہو نے، ایم اسمارٹ کے بنیادی منصوبہ ساز لی چیانگ کے ساتھ مل کر بالترتیب میڈیا کی اسمارٹ گھریلو مصنوعات اور ایم –اسمارٹ کے دانشمندانہ ماحول کی خاکہ بندی کی، جو کھلے تعاون کی حکمت عملی کو نمایاں کر رہی ہے، اور باہم کنیکٹ ہونے کے غیر معمولی تجربے کی جانب رہنمائی کرے گی۔ 200 ملین سے زیادہ سالانہ گھریلو یونٹوں کے ساتھ 30 سے زیادہ مصنوعات کا احاطہ کرتا ہوا میڈیا صارفی مصنوعات تیار کرنے والا چین کا سب سے بڑا ادارہ ہے اوسط چینی گھرانہ میڈیا کی مصنوعات کی 2.5 اکائیاں رکھا ہے۔ تیس ملین میڈیا کی اسمارٹ مصنوعات 2016ء تک پیش کی جانی متوقع ہیں۔ اسمارٹ ہوم مارکیٹ آنے والے تین سے پانچ سالوں میں 100 بلین امریکی ڈالرز تک پہنچ سکتی ہے، جیسا کہ کئی مارکیٹ تحقیق اشارہ کررہی ہیں۔ دنیا بھر میں گھریلو مصنوعات کی نمبر ایک فراہمی کے ساتھ میڈیا کے پاس کافی وسائل ہیں کہ وہ اپنے اسمارٹ ہوم منظرنامے اور صارفین کی ضروریات پر تیاری کرنے میں کامیابی حاصل کر سکے۔ دنیا بھر میں بہتر پہچان حاصل کرکے میڈیا خود کو ایم-اسمارٹ کےساتھ ماحولیاتی لحاظ سے ایک ٹیکنالوجی رہنما بنا رہا ہے، اورانٹیلی جنٹ ہارڈویئر کے ماسٹر کے طور پر اپنی ساکھ بنا رہا ہے۔ 50 سے زیادہ شراکت دار جن میں ہواوے، کوفکو، آئی بی ایم اور آن اسٹار شامل ہیں۔ میڈیا نے جی ایم آن اسٹار کے ساتھ تزویراتی تعاون کے معاہدے پر کھی دسخط کیے، جو چین میں کنیکٹ شدہ گاڑیوں اور اسمارٹ ہوم نظاموں کی بہترین حرکت پذیری کے درمیان زبردست ماحول قائم کر رہا ہے، جسے پہلی بار جدید بوئیک لاکروس میں دیکھا جائے گا۔ یہ چین میں مختلف زمروں کی انٹیلی جنٹ ڈیوائسز کو باہم منسلک کرنے کی پہلی مثال ہے۔ اب تک میڈیا ایم-اسمارٹ آزاد رسائی حاصل کرنے کے لیے کئی بڑے اداروں کی مدد کر چکا ہے؛ ان میں ہواوے، ٹین سینٹ، سیاؤمی، ٹی سی ایل، ایل ای ٹی وی اور آن اسٹار وغیرہ شامل ہیں، جو صارفین کو اپنی گھریلو مصنوعات کو زیادہ موثر انداز میں اسعمال کرنے کی سہولت دیتے ہیں۔ آئی بی ایم، علی بابا کلاؤڈ اور ایمیزن نے میڈیا کے ساتھ “بینڈ آف برادرز” اتحاد قائژ کر رکھا ہے تاکہ وہ گھریلو مصنوعات کا ماحول بنا سکے اور پورے عمل کے دوران انفرادی خدمات پیش کر سکے، آپریشن سسٹمز سے لے کر بین الزمرہ جاتی انٹیلی جنٹ استعمال اور جدید بعد از فروخت خدمات تک۔ مزید معلومات کے لیے ملاحظہ کیجیے: http://www.midea.com/global/?mtag=40005.1.7 ذریعہ: میڈیا گروپ

شنگھائی، چین، 9 مارچ 2016ء/سن ہوا – ایشیانیٹ/– چینی سیاحوں کے بیرون ملک اخراجات کے تجزیے کی بنیاد پر یونین پے انٹرنیشنل تیزی اور درستی سے کوئیک پاس کاروبار کو بیرون ملک توسیع دے رہا ہے۔ ہانگ کانگ، مکاؤ، تائیوان، جنوبی کوریا، آسٹریلیا، نیوزی لینڈ، سنگاپور میں 180,000 پی او ایس مقامات “کوئیک پاس” علامت رکھنے والے یونین پے چپ کارڈز اور معدد موبائل کوئیک پاس رکھنے والی مصنوعات کو قبول کرتے ہیں۔ یونین پے کوئیک پاس کے غیر ملکی لین دین کا حجم 2015ء میں 8گنا بڑھا، اور اس سال بھی تیزی سے بڑھ رہا ہے۔ اس وقت یونین پے واحد بین الاقوامی کارڈ ادارہ ہے جو مقامی کارڈ رکھنے والوں کو کانٹیکٹ لیس موبائل ادائیگی  خدمت فراہم کررہا ہے۔ یونین پے کوئیک پاس موبائل فون اور دیگر موبائل آلات سے آف لائن کانٹیکٹ لیس ادائیگی کو سپورٹ کرا ہے، اور ساتھ ساتھ ریموٹ آن لائن ادائیگی کو بھی۔ یہ ایچ سی ای اور ایپل پے جیسی موبائل ادائیگی مصنوعات کا احاطہ کرا ہے اور مختلف ٹرمینلز اور آپریٹرز کو سپورٹ کرتا ہے ۔ صارفین بیرون ملک “کوئیک پاس” کی علامت رکھنے والے پی او ایس مقامات پر سہولت اور حفاظت کے ساتھ بذریعہ موبائل فون ادائیگی کر سکتے ہیں۔ دیگر موبائل ادائیگی طریقوں کے مقابلے میں یونین پے کلاؤڈ کوئیک پاس محفوظ تر ہے۔ یہ متعدد حفاظتی سہولیات رکھتا ہے جیسا کہ ڈائنامک پنز اور ٹوکنز شامل ہیں۔ حقیقی کارڈ نمبرز ادائیگی کے دوران ظاہر نہیں ہوتے اور ٹرانزیکشن معلومات کی جاری کنندہ اور یونین پے کی جانب سے سختی سے حفاظت کی جاتی ہے۔ یونین پے کوئیک پاس کے وسیع پیمانے پر استعمال اور سخت حفاظت بیرون ملک تاجروں کی بڑی تعداد کی توجہ یہ سروس پیش کرنے کی جانب مبذول کروائی ہے۔ کے جیان بو، سی ای او یونین پے انٹرنیشنل نے کہا کہ “یونین پے نے دنیا بھر میں کمرشل بینکوں اور بڑے موبائل فون بنانے والے اداروں کے ساتھ مل کر موبائل کوئیک پاس جاری کیا ہے۔ یہ موبائل فون برانڈز کا احاطہ کرتا ہے جیسا کہ ہواوے، زیڈ ٹی ای اور ایپل، اور مختلف ادائیگی چینل کو سپورٹ کرا ہے۔ یونین پے اپنے جال اور ٹیکنالوجی کا فائدہ اٹھائے گا تاکہ موبائل کوئیک پاس کو بیرون ملک جاری کرنے میں تیزی آئے، اور کارڈ رکھنے والوں کو بین السرحدی ادائیگی کا محفوظ اور آسان تجربہ مل سکے۔ یونین پے کے لیے عالمی سطح پر کلاؤڈ کوئیک پاس کو پھیلانا بھی اہم ہے۔” یونین پے نے پہلے انٹرنیشنل چینی سیاحوں کی جانب سے سب سے زیادہ دیکھی جانے والی مارکیٹوں میں موبائل کوئیک پاس سروس فراہم کی۔ آسٹریلیا وہ غیر ملکی مارکیٹ ہے جہاں سب سے زیادہ کوئیک پاس مقامات موجود ہیں۔ یونین پے کارڈز قبول کرنے والے 30 فیصد روزمرہ مصنوعات فروخت کرنے والے اسٹورز کوئیک پاس قبول کرے ہیں۔ یونین پے کوئیک پاس  مکاؤ میں کانٹیکٹ لیس ادائیگی کے لیے سب سے زیادہ استعمال ہونے والا برانڈ بھی ہے۔ کانٹیکٹ لیس ادائیگی قبول کرنے والے 90 فیصد تاجر کوئیک پاس قبول کرے ہیں۔ ہانگ کانگ میں سوگو، 7-11، ساسا اور میننگز، جنوبی

ریڈمنڈ، واشنگٹن اور تائی پے، تائیوان، 8 مارچ 2016ء/پی آرنیوزوائر/– سوموار کو مائیکروسافٹ کارپوریشن اور وسٹرون کارپوریشن نے ایک تازہ اینڈرائیڈ پیٹنٹ لائسنسنگ معاہدے کا اعلان کیا ہے جو اینڈرائیڈ اور کروم پلیٹ فارمز چلانے والی وسٹرون کے ٹیبلٹس، موبائل فونز، ای ریڈرز اور دیگر صارفی ڈیوائسزکو مائیکروسافٹ کو پیٹنٹ پورٹ فولیو کے تحت احاطہ کرے گا۔ Microsoft company logo. لوگو –http://photos.prnewswire.com/prnh/20000822/MSFTLOGO وسٹرون کے لیگل ڈویژن کے سربراہ ایرکایچ ما نے کہا کہ “ہماری نظریں مائیکروسافٹ کے ساتھ اپنی جدید و مضبوط شراکت داری کے ذریعے بہتر صارفی تجربہ جاری رکھنے پر ہیں۔” مائیکروسافٹ ٹیکنالوجی لائسنسنگ کے صدر نک سائیہوگیوس نے کہا کہ “مائیکروسافٹ کی جدید ٹیکنالوجی کا وسٹرون کی متاثر کن انجینئرنگ گنجائش کے ساتھ ملاپ بہتر صارفیحلوں کے لیے ایک طاقتور ترکیب ہے۔ وسٹرون کے ساتھ ہماری شراکت داری باہمی احترام اور ملکیت دانش کی صف آرائی کے ذریعے تخلیق پانے والے مواقع کو نمایاں کرتی ہے۔” لائسنسنگ آئی پی سے مائیکروسافٹ کی وابستگی پیٹنٹ معاہدہ ایک صحت مند اور تحریک پاتےہوئے ٹیکنالوجی نظام کو یقینی بنانے میں آئی پی کے اہم کردار کی ایک اور مثال ہے۔ جب سے مائیکروسافٹ نے دسمبر 2003ء میں آئی پی لائسنسنگ پروگرام شروع کیا ہے،تب سے یہ 1,200 سے زیادہ لائسنسنگ معاہدے کر چکا ہے۔ مائیکروسافٹ کے لائسنسنگ پروگرام کے بارے میں مزید معلومات http://www.microsoft.com/iplicensing پر دستیاب ہیں۔ وسٹرون کارپوریشن کے بارے میں وسٹرون ایک فورچیونگلوبل 500 کمپنی اور اپنے عالمی صارفین کو آئی سی ٹی (انفارمیشن و کمیونیکیشن ٹیکنالوجی) مصنوعات، خدمات اور سسٹمز پیش کرنے والا ٹیکنالوجی خدمات فراہم کنندہ ہے۔ ہم ڈسپلےورٹیکلانٹیگریشن، کلاؤڈ اور گرین ریسائیکلنگ کے شعبوں میں جدید ترین حل بنانے کے ذریعے اپنی خدمات کی اہمیت کو بڑھانے سے وابستہ ہیں۔ مزید معلومات کے لیے ملاحظہ کریں: www.wistron.com۔ مائیکروسافٹ ٹیکنالوجی لائسنسنگ کے بارے میں مائیکروسافٹ ٹیکنالوجی لائسنسنگ ایل ایل سی کا قیام 2014ء میں عمل میں آیا تاکہ مائیکروسافٹ کے پیٹنٹ پورٹ فولیو کو حاصل، منظم اور لائسنس کیا جائے۔ مائیکروسافٹ کو بارے میں مائیکروسافٹ (نیس ڈیک “MSFT” @microsoft) پہلے موبائل، پہلے کلاؤڈ دنیا میں معروف پلیٹ فارم اور پروڈکٹیوٹی کمپنی ہے اور اس کا مقصد کرۂ ارض پر ہر شخص اور ہر ادارے کو زیادہ سے زیادہ حاصل کرنے کی طاقت دینا ہے۔

گوانگ چو، چین، 25 فروری 2016ء/پی آرنیوزوائر/– 119 واںکینٹن میلے نے حال ہی میں ممکنہ مہمانوں کی توجہ مبذول کرانے کے لیے وڈيوتشہیر کے سلسلے کا استعمال شروع کرنے کا اعلان کیا ہے۔ کینٹن میلے نے 2014ء میں عالمی تشہیر کے لیے پہلی بار انٹرنیٹ ٹیکنالوجی کا استعمال کیا تھا اور 2016ء میں کینٹن میلے اور اس کے متوقع مہمانوں کے درمیان رابطے کو بہتر بنانے کے لیےپیمانے کو مزید پھیلائے گا۔ 119th Canton Fair remote video sessions schedule. 119 ویںکینٹن میلے کے لیے 18 فروری سے مارچ کے اختتام تک ریموٹ وڈیو کانفرنسز کا سلسلہ پیش ہو رہا ہے۔ 15 ممالک میں 15 وڈیو کانفرنس کی جائیں گی۔ ہدف پر موجود مارکیٹوں میں روس، ترکی، بھارت، سعودی عرب، متحدہ عرب امارات، مصر اور مزید شامل ہیں۔ دریں اثناءکینٹن میلہ امریکی مارکیٹ میں بھی گہرائی کو تلاش کرے گا۔ 2016ء کے دوران 36 ریموٹ وڈیو کانفرنسز چھ خطوں – ایشیا، مغربی ایشیا اور افریقہ، یوریشیا، یورپ، امریکین اور اوقانوسیہ- کے 33 ممالک میں ہوں گی۔ کینٹن میلے میں دفتر امور خارجہ کے ڈپٹی ڈائریکٹر جنرل جناب لیو چوانڈونگ نے کہا کہ “کینٹن میلہ اب تیزی سے شراکت داروں کی تلاش کر رہا ہے اور صنعتی و کمرشل محکمہ جات، معروف ٹریول ایجنسیوں اور دنیا بھر کی ایئرلائنوں کے ساتم کام کر رہا ہے۔ہم 106 صنعتی وکمرشل اداروں کے ساتھ تعاون کے معاہدوں اور مفاہمت کی یادداشتوں پر دستخط کر چکے ہیں جن میں گریٹرنیویارک چیمبر آف کامرس، آسٹریلیا چائنا بزنس کونسل، نیوزی لینڈچائنا ٹریڈ ایسوسی ایشن اور کیمرا ڈی کمرشیو اٹالو چائنیز جیسی بڑی انجمنیں شامل ہیں۔ تشہیری تقریبات بذریعہ وڈیو کنکشن کو دنیا بھر میں ہمارےی شراکت داروں کا سہارا بھی حاصل ہے۔” وڈیو کانفرنس کو کاروابری پیشرفت اور معلومات کے بہاؤ کے عمل کو مارکیٹ کے میلان کے مطابق بنانے کے لیے کیا گیا ہے۔ وڈیو سیشن کا شیڈول دیکھنے کے لیے یہاں کلک کریں: http://static.prnasia.com/pro/media/201602/cf/video_schedule.jpg مزید معلومات کے لیے رابطہ کیجیے: [email protected] کینٹن میلے کے بارے میں چائنا درآمدات و برآمدات میلہ، جسے کینٹن میلہ بھی کہا جاتا ہے، ہر سال دو مرتبہ موسم بہار و خزاں میں گوانگ چو میں منعقد ہوتا ہے۔ 1957ء کے موسم بہار میں آغاز کے بعد سے اب تک 60 سال کی تاریخ رکھنے والا یہ میلہ طویل ترین تاریخ، اعلیٰ ترین سطح اور مصنوعات کی سب سے بڑی تعداد کے ساتھ ساتھ عالمی خریداروں کی وسیع تر تقسیم اور چین میں سب سے زیادہ کاروباری آمدنی رکھنے والی جامع نمائش ہے۔ کینٹن میلہ چین میں 24,000اور بیرون ملک سے 500 سے زیادہ اداروں کی توجہ حاصل کرچکا ہے جو اچھی ساکھ اور زبردست استحکام رکھتے ہیں۔ کینٹن میلے کی توجہ لچک دار اور متنوع انداز تجارت کے ساتھ درآمدی و برآمدی تجارت پر ہوتی ہے، اور ساتھ ساتھ یہ نمائش کنندگان اور خریداروں کو خدمات بھی فراہم کررہا ہے۔ تصویر –http://photos.prnasia.com/prnh/20160225/0861601543-b

ہانگ چو، چین، 4 مارچ 2016ء/سن ہوا-ایشیانیٹ/– 15 اگست 2005ء کو سی جن پنگ، جو اس وقت سی پی سی چی جیانگ کمیٹی کے سیکریٹری تھے، نے صوبے کے شمال میں یوکون گاؤں، تیان ہوانگ پنگ قصبے، انجی کاؤنٹی، ہوچو شہر  کا معائنہ کیا۔ اس دورے میں انہوں نے مشاہدہ کیا، “ماضی میں ہم صاف پانی اور سبز پہاڑچاہتے تھے اور ہم اسی وقت سونے اور چاندی کے پہاڑ بھی چاہتے تھے۔ حقیقت میں صاف دریا اور سبز پہاڑ ہی سونے اور چاندی کے پہاڑ ہیں!” ایک دہائی گزر گئی۔ کیا سی کی اس رائے میں نظر آنے والی امید صوبے میں تکمیل کو پہنچی؟ “ہم اپنے سامنے پہاڑوں کا سلسلہ در سلسلہ دیکھتے ہیں اور بانس کے جنگلات جو سمندر کی طرح پھیلے ہیں۔ انجی میں قدم رکھ کر ہم ہر طرف سبزہ دیکھتے ہیں،” چین کے نمبر 1 اخبار اور یونیسکو کی جانب سے دنیا کے دس سرفہرست اخبارات میں سے ایک پیپلز ڈیلی کے پہلے صفحے کی ایک سرخی تبصرہ کرتی ہے۔ گزشتہ دس سالوں میں ماحول دوست منصوبوں نے چی جیانگ میں ماحولیاتی تحفظ کی اہمیت کے حوالے سے عوامی شعور کو بہت بہتر بنایا ہے۔ منصوبے پورے صوبے کو تبدیل کر چکے ہیں، مغرب میں پہاڑوں سے لے کر بحیرۂ مشرقی چین کے ساحلوں تک، شمال میں ہوانگ چو-جیاسنگ-ہوچو کی سطح ہائے مرتفع سے جنوب میں اوجیانگ دریا تک۔ چی جیانگ کا ایک سفر کریں اور آپ خوبی سے محفوظ بنائی گئی فطرت کا شاعرانہ حسن ہر جانب دیکھ سکیں گے۔ خوبصورت چی جیانگ، ایک تشہیری فلم جسے چی جیانگ کی صوبائی عوامی حکومت کے محکمہ اطلاعات نے بنایا ہے، اس سوال کا جواب ہے کہ “چی جیانگ درحقیقت کتنا خوبصورت ہے۔” اس فلم کو پیش کرنے میں ایک سال سے زیادہ عرصہ لگا۔ یہ چار موسموں میں صوبے میں ہونے والی تبدیلیوں کو نمایاں کرتی ہے، یہ تاریخ و ثقافت کی صوبائی دولت کو ظاہر کرتی ہے اور خاکہ پیش کرتی ہے کہ گزشتہ دہائیوں میں صوبہ کس طرح اپنی جدت کی تحریک کو چلا رہا ہے۔ پانیوں کی کہانی کی پیروی کرتے ہوئے فلم پانی کی صورت میں صوبے کو پیش کرتی ہے: آسمان سے پانی، انسانی دنیا کا پانی، اور دریاؤں اور سمندروں کا پانی۔ قریبی اور وسیع مناظر اور سینما کی کئی تکنیک صوبے کے فطرت، تاریخ، ثقافتی اور مجموعی ترقیاتی حسن کو ظاہر کرنے کے لیے استعمال کی گئی ہیں۔ فلم صوبے کے مزاج اور شخصیت، طلسم اور جذبے کی قابل یقین کہانی بیان کرتی ہے۔ فلم دیکھنے کے لیے اپنا وقت نکالیں۔ یہ آپ کو خوبصورت ارضی مناظر کی طرف لے جائے گی، صوبے کی تاریخ و ثقافت کا لطف اٹھانے کا موقع دے گی، صوبے کی معاشی ترقی، اس کے بہترین سیاحتی اور تاریخی و ثقافتی دلچسپی کے مقامات دیکھنے دے گی۔ فلم دیکھیں اور آپ جانیں گے کہ چی جیانگ قلب و روح سے کیسا لگتا ہے۔ ذریعہ: چی جیانگ صوبائی بیورو برائے خبر ملٹی میڈیا نیوز ریلیز کا لنک: http://asianet.multimediarelease.com.au/bundles/7a929d9a-64f1-4bc7-b085-d1ebbc752ed1