کراچی (پی پی آئی)سابق وزیراعظم عمران خان کی سابق اہلیہ اور پاکستانی نژاد برطانوی صحافی ریحام خان نے حال ہی میں اپنی تیسری شادی سے متعلق انکشاف کیا ہے کہ دوسری طلاق کے بعد ابتدائی طور پر انہوں نے سوچ لیا تھا کہ وہ کسی پاکستانی شخص سے دوبارہ شادی نہیں کریں گی۔پی پی آئی کے مطابق ماضی میں بی بی سی اور دیگر اداروں سے بحیثیت براڈکاسٹر وابستہ رہنے والی 50 سالہ صحافی ریحام خان نے دسمبر 2022 میں 36 سالہ مرزا بلال بیگ سے تیسری شادی کی ہے۔انہوں نے پہلی شادی 1990 میں کی تھی جو 2005 میں طلاق پر ختم ہوئی، انہیں پہلی شادی سے 3 جواں سالہ بچے بھی ہیں جو کہ برطانیہ میں مقیم ہیں۔ریحام خان نے دوسری شادی جنوری 2015 میں پاکستان تحریک انصاف کے چیئرمین اور سابق وزیر اعظم عمران خان سے کی تھی مگر 10 ماہ بعد ہی ان کے درمیان اکتوبر 2015 میں طلاق ہوگئی تھی۔عمران خان سے شادی اور طلاق کے بعد ہی ریحام خان کو عالمی سطح پر شہرت ملی، وہ فلم پروڈکشن میں بھی قسمت آزمائی کر چکی ہیں۔ریحام خان نے کہا کہ ’میں کبھی کسی پاکستانی شخص سے دوبارہ شادی نہیں کرنا چاہتی تھی اور میرے بچے بھی ایسا چاہتے تھے، اپنی شادی سے متعلق بچوں سے بات کرنے میں کافی وقت لگا۔انہوں نے کہا کہ ’جب بڑی بیٹی کو میری شادی کے بارے میں معلوم ہوا تو اس نے مجھے روکا کہ امی آپ دوبارہ غلطی کررہی ہیں، دوبارہ کسی پاکستانی شخص سے شادی کرنا احمقانہ فیصلہ ہے۔‘ریحام خان نے کہا کہ شادی کے بعد اب حالات ٹھیک ہوگئے ہیں، بلال کے میرے بچوں سے بہت اچھے تعلقات ہیں۔اسی دوران مرزا بلال بیگ نے بھی انکشاف کیا کہ ریحام خان سے قبل ان کی 2 شادیاں ہوچکی ہیں جن سے ان کی طلاق بھی ہوچکی ہیں۔ریحام خان نے ہنستے ہوئے کہا کہ ’بلال سے شادی کرنے سے قبل میں نے ثبوت کے طور پر طلاق نامے دیکھے تھے‘۔ریحام خان نے کہا کہ کم عمر مرد سے شادی کوئی نئی بات نہیں ہے، میرے علاوہ بھی کئی لوگوں نے ایسی شادیاں کر رکھی ہیں لیکن وہ عوامی شخصیات نہیں ہیں
آئی پی ایل 7:یوراج سنگھ ،سہواگ اوریوسف پٹھان کی دوکروڑ روپے قیمت مقرر
بنگلہ دیشن پریمیئر لیگ فکسنگ کیس :مشرفی مرتضیٰ ٹربیونل کے سامنے پیش
جرمن فٹبال لیگ : بائرن میونخ نے اسٹٹ گارٹ کو 2-1سے شکست دیدی
میرپورٹیسٹ :سری لنکا نے بنگلہ دیش کو اننگز اور 248 رنز سے ہرا دیا
بگ تھری کے ذریعے 30کروڑ ڈالر ہڑپ کیے جائیں گے : احسان مانی
پنجاب یوتھ فیسٹیول: چھانگا مانگا میں بسنت منانے کی تیاریاںمکمل
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
اشتہار
تازہ ترین
عارف علوی کو5 سالہ مدت پوری کرنے والے چوتھے صدر مملکت کا اعزاز حاصل
کراچی (پی پی آئی) کراچی سے تعلق رکھنے والے ڈاکٹر عارف علوی 5 سالہ مدت پوری کرنے اور ملک کے جمہوری طور پر منتخب چوتھے صدر ہیں۔پی پی آئی کے مطابق اس سے قبل تین صدور چوہدری فضل الہٰی (پانچویں صدر، 1973 تا 1978)، آصف علی زرداری (گیارہویں صدر، 2008 تا 2013) اور ممنون حسین (بارہویں صدر، 2013 تا 2018) نے اپنی مدت صدارت مکمل کی تھی، لہٰذا ڈاکٹر عارف علوی مدت پوری کرنے والے مسلسل تیسرے صدر ہیں۔صدر کے انتخاب کے لیے ضروری الیکٹورل کالج کی عدم موجودگی میں ڈاکٹر عارف علوی کے غیر معینہ مدت تک عہدے پر رہنے کا امکان ہے، اس سے وہ ملکی تاریخ کے ان سربراہان مملکت میں سے ایک بن جائیں گے جن کی مدت میں توسیع ہوگی،پی پی آئی کے مطابق چونکہ عام انتخابات کے انعقاد پر پراسرایت ہے، الیکشن کمیشن بظاہر جنوری کے آخر میں انتخابات کا منصوبہ بنا رہا ہے، اس لیے ڈاکٹر عارف علوی کتنی دیر تک عہدے پر فائز رہیں گے، اس کا صرف اندازہ ہی لگایا جاسکتا ہے۔
یوم بحریہ پربہادر سپوتوں کے عظیم کارناموں کو خراج تحسین پیش کرتے ہیں: محسن نقوی
؎لاہور(پی پی آئی)نگران وزیر اعلیٰ پنجاب محسن نقوی نے نیوی ڈے پر ا پنے پیغام میں کہا ہے کہنیوی ڈے پاک بحریہ کے بہادر سپوتوں کے عظیم کارناموں کو خراج تحسین پیش کرنے کا دن ہے۔۔ پی پی آئی کے مطابق محسن نقوی کا اپنے پیغام میں مزید کہنا تھا کہ فضائیہ کی طرح بحری فوج کے جوان بھی دشمن کے خلاف جوانمردی سے لڑے، پاک بحریہ کے جانبازوں نے پاکستان کی سمندری حدود کا دفاع کرتے ہوئے دشمن کو شکست دی، پاکستان کی سمندری حدود کی حفاظت کرنے والے پاک بحریہ کے افسر اور جوان ہمارا فخر ہیں، 1965 کی جنگ میں پاک بحریہ کے ناقابل فراموش کردارکو سنہری حروف سے تاریخ میں ہمیشہ یاد رکھا جائے گا۔ نگران وزیر اعلیٰ پنجاب کا کہنا تھا کہ پاکستان نیوی اپنی بڑھتی ہوئی ذمّہ داریوں کے ساتھ خطے میں ایک باصلاحیت اور متحرک بحری فورس بن کر اْبھری ہے۔
ٹریفک حادثے میں زخمی پی ٹی آئی رہنمامیاں شوکت لالیکاچل بسے
لاہور(پی پی آئی)ٹریفک حادثے میں زخمی سابق صوبائی وزیر و پی ٹی آئی رہنما میاں شوکت علی لالیکا انتقال کرگئے۔ اسلام آباد جاتے ہوئے میاں شوکت علی لالیکا کی گاڑی کو کوٹ مومن کے قریب حادثہ پیش آیا جس میں گذشتہ روز ان کی اہلیہ کا انتقال ہوا اور وہ شدید زخمی تھے۔ پی پی آئی کے مطابق میاں شوکت علی لالیکا زخموں کی تاب نہ لاتے ہوئے لاہور کے نجی ہسپتال میں دم توڑ گئے۔ مرحوم تین مرتبہ ایم پی اے، صوبائی وزیر اور وزیراعلیٰ کے مشیر رہ چکے تھے۔ پی ٹی آئی کی حکومت میں مرحوم شوکت لالیکا صوبائی وزیر زکوٰۃو عشر رہ چکے ہیں۔9 مئی کے واقعات کے بعد مرحوم روپوش تھے اور گذشتہ روز حادثے کی صورت میں منظرعام پر آئے تھے۔ مرحوم کو نماز جنازہ ان کے آبائی گاؤں چک امیر میں ادا کی گئی۔
تلاش کریں
خبریں
آئی پی ایل 7:یوراج سنگھ ،سہواگ اوریوسف پٹھان کی دوکروڑ روپے قیمت مقرر
ممبئی: ناقص کارکردگی کے باعث بھارتی کرکٹ ٹیم سے باہر ہونے کے باوجود بھارتی کھلاڑی وریندر سہواگ ،یوسف پٹھان اور یوراج سنگھ کی آئی پی ایل سیون کیلئے دو کروڑ روپے قیمت مقرر کی گئی ہے ۔واضح رہے کہ اس ایونٹ کیلئے 208کھلاڑیوں کی نیلامی کی جائے گی جس میں سے 46کھلاڑیوں کا تعلق بھارت سے ہوگا۔
بنگلہ دیشن پریمیئر لیگ فکسنگ کیس :مشرفی مرتضیٰ ٹربیونل کے سامنے پیش
ڈھاکا: بنگلہ دیش پریمیئر لیگ میں اسپاٹ فکسنگ کیس کی تحقیقات کیلئے بی سی بی کے تشکیل کردہ اینٹی کرپشن یونٹ کے سامنے فاسٹ بولر مشرفی مرتضیٰ بطور چشم دید گواہ پیش ہوئے ۔مشرفی تفتیشی حکام کے ساتھ تقریباً20منٹ تک رہے ۔مشرفی نے میڈیا کے نمائندوں کو تفصیلات بتانے سے اجتناب کیا ۔ واضح رہے کہ گزشتہ سال بی پی ایل میں ڈھاکا گلیڈی ایٹرز اور چٹاگانگ کنگز کے درمیان میچ پر فکسنگ کے الزامات عائد کیے گئے تھے ۔
جرمن فٹبال لیگ : بائرن میونخ نے اسٹٹ گارٹ کو 2-1سے شکست دیدی
اسٹٹ گارٹ: جرمن فٹبال لیگ میں بائرن میونخ نے اسٹٹ گارٹ فٹبال کلب کو شکست دے دی، فتح کے ساتھ ہی بائرن میونخ پوائنٹس ٹیبل پر پہلے نمبر پر آگئی۔اسٹٹ گارٹ میں جاری ایونٹ کے ایک میچ میں بائرن میونخ اور اسٹٹ گارٹ فٹبال کلب کی ٹیمیں مد مقابل تھیں، کھیل کے 29 ویں منٹ میں اسٹٹ گارٹ کے اسٹرائیکر وداد ابیسیوک نے گیند کو جال میں پہنچا کر اپنی ٹیم کو برتری دلادی۔دوسرے ہاف کے 76 ویں منٹ میں بائرن میونخ کے کلاوڈیو پزارو نے گول کرکے مقابلہ ایک ایک سے برابر کردیا۔کھیل کے آخری لمحات میں بائرن میونخ کے رفینہا کروسس نے گول کرکے اپنی ٹیم کو 1-2 سے کامیابی دلادی۔اس فتح کے بعد فٹبال لیگ کے پوائنٹس ٹیبل پر بائرن میونخ 13 پوائنٹس کے ساتھ سرفہرست آگئی ہے۔
میرپورٹیسٹ :سری لنکا نے بنگلہ دیش کو اننگز اور 248 رنز سے ہرا دیا
میرپور: سری لنکا نے میرپور ٹیسٹ میں بنگلہ دیش کو اننگز اور248رنز سے شکست دے دی۔ سری لنکا اور بنگلہ دیش کے درمیان میرپور میں کھیلے گئے پہلے ٹیسٹ کے چوتھے روز بنگلہ دیش نے اپنی دوسری اننگز 35 رنز ایک وکٹ کے نقصان پر دوبارہ شروع کی تو دن کے آغاز کے ساتھ ہی وکٹ گرنے کا سلسلہ شروع ہو گیا شمس الرحمان 9 رنز بنا کر پویلین لوٹ گئے۔ مارشل ایوب 18 اور شکیب الحسن 25 رنز اسکور کر سکے۔ مومن الحق نصف سنچری بناتے ہوئے پریرا کی بال پر ایل بی ڈبلیو ہو گئے۔ مشفیق الرحمان 14سوہاگ غازی 23 اور ربیع السلام ایک اور ربیل حسین 17 رنز بنا سکے۔ الامین حسین32رنز بنا کر ناٹ آوٹ رہے۔ سری لنکن باولرز نے بنگلہ دیش کی پوری ٹیم کو250 رنز پر پویلین بھیج کر اپنی ٹیم کو اننگز اور248رنز سے فتح دلا دی۔ سری لنکا نے اپنی پہلی اننگز چھ وکٹوں کے نقصان پر 730رنز بنا کر ڈکلیئر کردی تھی۔سری لنکا کی جانب سے دلروان پریرا نے پانچ اور سرنگا لکمل نے تین کھلاڑیوں کو آوٹ کیا۔
بگ تھری کے ذریعے 30کروڑ ڈالر ہڑپ کیے جائیں گے : احسان مانی
لاہور: آئی سی سی کے سابق صدر احسان مانی کا کہنا ہے کہ بھارت، انگلینڈ اورآسٹریلیا ایسوسی ایٹس ممالک کے30 کروڑ ڈالر کا فنڈز ہڑپ کرنا چاہتے ہیں جو ایسوسی ایٹ ممالک کے ساتھ زیادتی ہے۔ ایک انٹرویومیں احسان مانی کا کہنا تھا کہ اس سے بڑھ کے اورکوئی زیادتی نہیں ہوسکتی کہ ایسوسی ایٹ ممالک کے ترقیاتی فنڈزمیں 30 کروڑ ڈالر کم کرکے بھارت، انگلینڈ اور آسٹریلیا کو دے دیئے جائیں۔ ان تینوں ممالک کو پیسے کی کیا کمی ہے جبکہ ایسوسی ایٹ ممالک کو اپنی کرکٹ کی ترقی کے لیے پیسے ہی کی ضرورت ہوتی ہے۔ احسان مانی کا کہنا ہے کہ اس میں کوئی شک و شبہ نہیں کہ بھارت، انگلینڈ اور آسٹریلیا آئی سی سی کے اگلے اجلاس سے قبل حالات اپنے حق میں کرنے کے لیے سری لنکا اور بنگلہ دیش پردباﺅ ڈالیں گے۔ انہوں نے کہا کہ ویسٹ انڈیزکو زیادہ سے زیادہ دو طرفہ سیریز کھیلنے کی یقین دہانی پہلے ہی کرائی جا چکی ہے۔
پنجاب یوتھ فیسٹیول: چھانگا مانگا میں بسنت منانے کی تیاریاںمکمل
لاہور: پنجاب حکومت لاہور میں رواں برس بسنت منانے کے بارے میں تاحال فیصلہ نہیں کرسکی، تاہم پنجاب یوتھ فیسٹیول کے سلسلہ میں چھانگا مانگا میں بسنت منانے کی تیاریاں کرلی گئی ہیں۔ لاہور میں صوبائی وزیر کھیل رانا مشہود احمد خان نے پریس کانفرنس کے دوران دعویٰ کیا کہ پاکستان نے اسپورٹس فیسٹیول کے شرکاءنے اپنا ہی گنیز ورلڈ ریکارڈ توڑ دیا ہے کیونکہ گزشتہ فیسٹیول میں32لاکھ افراد کی شرکت سے ریکارڈ بنا تھا جو رواں فیسٹیول کے تیسرے مرحلے کے اختتام پر ہی38لاکھ افراد کی شرکت سے ٹوٹ گیا ہے۔ انہوں نے بتایا کہ اپریل میں ورلڈ باکسنگ لیگ ہوگی جس میں دنیا کے بارہ ہیوی ویٹس ان ایکشن دکھائی دیں گے۔جبکہ موجودہ حالات میں لاہور میں بسنت منانے کا معاملہ زیر غور ہے۔ رانا مشہود احمد نے بتایا کہ برطانوی فٹ بال کلب پاکستان کا دورہ کرے گی اور اس حوالے سے اسپورٹس بورڈ پنجاب اور فٹ بال کلب میں معاہدہ طے پاگیا ہے۔