ٹرینڈاڈ: انگلینڈ کی خواتین کر کٹ ٹیم نے ویسٹ انڈیز کی ٹیم کوآخری میچ میں89رن سے شکست دے کر تین میچوں پر مشتمل سیریز دو صفر سے جیت لی ۔ٹرینڈاڈ میں کھیلے گئے سیریز کے فیصلہ کن میچ میں مہمان ٹیم پہلے کھیلتے ہوئے 185رنز پر آﺅٹ ہوگئی اور کوئی بھی کھلاڑی ساراٹیلر کا ساتھ نہیں دے سکی، سارا ٹیلر نے شاندار سنچری بناڈالی جبکہ ویسٹ انڈیز کی جانب سے انیسہ محمد نے بہترین باﺅلنگ کا مظاہرہ کرتے ہوئے 26رن کے عوض چار کھلاڑیوں کو آﺅٹ کر دیا ، جواب میں ویسٹ کی ٹیم 37ویں اوو ر میں صرف 96رن بنا کر آﺅٹ ہوگئی ،ویسٹ کی جانب سے شاکوانا نے 36رن بنائے انگلینڈ کی ہالی کولون نے چار کھلاڑیوں کو آﺅٹ کر دیا ۔

کاکا میگارا: جاپان کے شہر کاکا میگا را میں جاری ایشین ہاکی چمپیئن شپ میں پاکستان آج ملائیشیا کے مدمقابل ہو گا ۔ ابتدائی دو میچوں میںکامیابی کے بعد قومی ٹیم اپنا تیسرا میچ ملائیشیا کے خلاف کھیلے گی ، دیگر میچوں میں میزبان جاپان کی ٹیم چین کا جبکہ بھارت عمان کے مدمقابل ہو گا ، رویتی حریف پاکستان اور بھارت کی ٹیمیں سات نومبر کوٹکرائیں گی ، قومی ٹیم نے اب تک کھیلے گئے میچوںمیں عمان کو آٹھ صفر اور چین کو ایک کے مقابلے میں پانچ گو ل سے شکست دی ہے ۔

سڈنی: آسٹریلوی آل راﺅنڈر شین واٹسن نے کہا ہے کہ انگلینڈ کے خلاف پہلے ٹیسٹ میں شرکت کے لیے پر امید ہوں ۔ شین واٹسن بھارت کے خلا ف ایک روزہ سیریز میں شرکت کے بعد پیر کی صبح سڈنی پہنچ گئے ،سڈنی ائر پورٹ پر صحافیوں سے بات چیت کر تے ہوئے واٹسن نے کہا کہ میں اب کافی بہتر ہوں اور میری فٹنس باﺅلنگ کے لحاظ سے بہتر ہو رہی ہے ،انھوں نے کہاکہ یہ کوئی تشویش ناک انجری نہیں تھی بلکہ ایک بدقست جھٹکا تھا،اب ایک یا دو ہفتوں کے آرام سے میں تازہ دم ہو کر انگلینڈ کے خلا ف پہلے ٹیسٹ میں حصہ لو ں گا، یاد رہے ایشنر سیریز کا پہلا ٹیسٹ 21نومبر سے برسبین میں کھیلا جائے گا ،واٹسن نے کہا کہ میں نے کبھی یہ نہیں کہا کہ تشویش کی کوئی بات نہیں ہے لیکن میں پچھلے آٹھ نو ماہ سے ایسی صورت حال کا سامنا کرتا رہا ہوں اور میں ایسے صور ت حال سے باہر آنے کا راستہ جانتا ہوں اور یہی چیز مجھے یہاں بھی مدد دے گی،میں پر امید ہو ں کہ اگلے چند دنوں میں مکمل طور پر صحت یاب ہو کر ایشنر میںحصہ لوں گا۔ شین واٹسن بھارت کے خلاف ایک روزہ سیریز کے آخری میچ میں ہمسٹرنگ کا شکار ہو گئے تھے جہاں آسٹریلیاکو بھارت کے ہاتھوں شکست کا سامنا کرنا پڑا تھا ۔

بلغراد: سربیا کے دارلحکومت بلغراد میں فٹبال میچ آتش بازی کی نذر ہوگیا۔بلغراد میں ریڈ اسٹار اور پارٹیزن کی ٹیموں کے درمیان مقابلہ جاری تھا کہ دوسرے ہاف کے آغاز کے ساتھ ہی اچانک شائقین کی جانب سے آتش بازی شروع کی گئی،دونوں ٹیموں کے حامیوں کی جانب سے ایک دوسرے پر فلئیرز پھینکے گئے جبکہ شائقین نے ایتھلیٹک ٹریک پر آگ بھی لگادی جس سے ہنگامی صورت حال بگڑ گئی،حالات کو قابو کر نے کے لیے انتظامیہ کو پولیس بلانا پڑاجبکہ گراونڈ کے اندر موجود کھلاڑی اسٹیڈیم میں لگی آگ دیکھ کر پریشان ہوگئے،اس دوران میچ کو دس منٹ کے لئے روک دیا گیا،پولیس نے صورت حال کو قابو کر لیا اور میچ دوبارہ شروع کرایا گیا۔

پیرس: عالمی نمبر ایک ٹینس سٹار رافیل نڈال اور روجر فیڈرر کو پیرس ماسٹرز ٹینس ٹورنامنٹ میں شکست ہو گئی،سربین سٹار نوواک جوکووچ اور سپین کے ڈیوڈ فیریر فائنل کھیلیں گے۔پیرس میں جاری اے ٹی پی سنگلز ایونٹ کے سیمی فائنلز کھیلے گئے جن میں ورلڈ نمبر ون سپینش سٹار رافیل نڈال کو ڈیوڈ فیریر سے اپ سیٹ شکست ہوئی۔دفاعی چیمپئن ڈیوڈ فیریر نے شاندار کھیل کا مظاہرہ کرتے ہوئے ہم وطن حریف کو زیر کیا۔ڈیوڈ فیریر کی سٹریٹ سیٹس میں فتح کا سکور چھ تین اور سات پانچ رہا۔دوسری جانب رواں سال اے ٹی پی رینکنگ میں بدترین ساتویں پوزیشن پر موجود سوئس سٹار روجر فیڈرر،عالمی نمبر دو نوواک جوکووچ کے خلاف ٹینس کورٹ میں اترے۔دونوں کھلاڑیوں نے دو گھنٹے کے مقابلے میں جارحانہ سٹروکس کھیل کر میچ کو دلچسپ بنایا۔سربین سٹار نوواک جوکووچ نے پہلا سیٹ ہارنے کے بعد شاندار کم بیک کیا اور چار چھ ، چھ تین اور چھ دو سے فتح اپنے نام کی۔