لندن: آسٹریلیا اور ساﺅتھ افریقہ کرکٹ ٹیم کے سابق کوچ مکی آرتھر کا کہنا ہے کہ انگلینڈاینڈ ویلز کرکٹ بورڈ کو ایشلے جائلز کو ٹیم کوچ برقرار رکھنا چاہیے۔مکی آرتھر کا کہنا ہے کہ ورلڈ ٹی ٹوئنٹی میں خراب کارکردگی کے باوجود کوایشلے جائلز کو محدود اوورز کی کرکٹ میں انگلینڈ کا کوچ ہونا چاہیے۔ میڈیا سے گفتگو کرتے ہوئے آرتھر کا کہنا تھا کہ انگلینڈ نے اینڈی فلاور کی کوچنگ میںٹیسٹ کرکٹ اور ایشلے جائلز کی کوچنگ میں ون ڈے کرکٹ میں کامیابیاں سمیٹی ہیں اس لیے ان کو ہٹا نا درست فیصلہ نہیں ہوگا۔سابق آسٹریلیوی کرکٹ ٹیم کے کوچ نے کہا کہ میرے خیال میں انگلش بورڑ کو اسی کامیا ب منصوبہ بندی کو جاری رکھنا چاہیے۔آرتھر نے کہا کہ مورس اچانک کوچ کے لیے مضبوط امیدوار کی حیثیت سے سامنے آئے ہیںلیکن ان کے لیے دوبارہ کرکٹ میں وہ کچھ کر دکھانا آسان نہیں ہوگاان کا کہنا تھا کہ انگلش بورڑ کو چاہیے کہ یہ ذمہ داری ایشلے جائلز کو دے پھر دیکھے کیا ہوتا ہے۔مکی آرتھر جنوبی افریقی ٹیم کے بھی کوچ رہ چکے ہیں ۔

لندن: انگلش کائنٹی ڈرہم رواں سیزن کے لیے سری لنکن کرکٹ ٹیم کے سابق کپتان کمار سنگا کاراسے مختصر مدتی معاہدہ کر نے کی خواہاں ہے ۔ڈرہم شائر کمار سنگاکارا سے حتمی بات کر نے کی خواہش مند ہے لیکن انتظامہ اس قسم کے معاہدے سے خوش نہیں۔ ڈرہم کے کوچ جان لیویس کا کہنا ہے کہ سری لنکن ٹیم کے سا بق کپتان ڈررہم کے لیے بہترین ثابت ہوںگے ۔انھو ں نے کہا کہ میر ا نہیں خیال دنیا کا کوئی بھی بہترین کھلاڑی آئی پی ایل کا حصہ نہ رہا ہو۔36سالہ سنگاکا را نے حال ہی میں بنگلہ دیش میںٹی ٹوئنٹی و رلڈکپ جیتنے کے بعد مختصر فارمیٹ سے ریٹائرمنٹ کا اعلان کیا تھا ، انھوں نے 2007میں واروکشائر اور 2010میں لنکاشائر سے معاہدہ کیا لیکن کوئی میچ کھیل نہیں پائے تھے۔ تاہم ڈرہم نے آسٹریلین آل راﺅنڈر جوہن ہاسٹینگز سے 2014سیزن کے لیے معاہدہ کر لیا ہے۔

ابو ظہبی: سری لنکن ٹی ٹوئنٹی کر کٹ ٹیم کے چمپیئن کپتان لاستھ ملنگا نے آئی پی ایل میں کلکتہ نائٹ رائیڈر سے ان کی ٹیم ممبئی انڈینز کی ہا رکا ذمہ دار خود کو قرار دیا ۔ لاستھ ملنگا کا کہنا ہے جیک کیلس کا ڈراپ ہونے والا کیچ ان کی ہار کا باعث بنا ،انھوں نے کہا کہ میری جانب سے ٹاپ اسکورر جیک کیلس کا قیمتی کیچ ڈراپ ہو نا میچ کا فیصلہ کن مرحلہ تھا ۔آ پی ایل کے افتتاحی میچ میں شاہ رخ خان کی کلکتہ نائٹ رائیڈر نے جیک کیلس کے 72رنز کی مدد سے ممبئی انڈینز کو 41رنز کے واضح فرق سے ہر ایا تھا۔

لاہور: پا کستان کر کٹ بورڑ نے کھلاڑیوں کی فیلڈنگ بہتری کے لےے جنوبی افریقا کے سابق بیٹسمین اور مایہ نازفلڈر جونٹی روڈز کی خدمات حاصل کرنے کافیصلہ کیا ہے۔ پی سی بی نے کھلاڑیو ںکی فیلڈنگ میں بہتری کے لیے مختصر مدت کے لیے سابق جنوبی افریقہ کے اسٹار پلیئر جونٹی روڈز کی خدمات حاصل کرنے کا فیصلہ کر لیا ہے اور اس سلسلے میں ان سے باضا بطہ رابطہ بھی کیا ۔سابق پروٹیز کھلاڑی سے معاملات طے کرنے کا ٹاسک سابق کپتان وسیم اکرم کو سونپا گیا تھا۔ روڈز کے ساتھ معاہدے کو آئندہ چند روز میں حتمی شکل دے دی جائے گی۔ واضح رہے کہ جونٹی روڑز اس سے قبل بھی پاکستان ٹیم کیلئے فیلڈنگ کوچ کی خدمات انجام دے چکے ہیں۔