قاہرہ/ اسلام آباد (پی پی آئی)پاکستان کی جانب سے مظلوم فلسطینی عوام کیلئے امداد کی پہلی کھیپ مصر پہنچ گئی، امدادی سامان میں 1 ہزار خیمے،4 ہزار کمبل اور 3 ٹن ادویات شامل ہیں۔پی پی آئی کے مطابق پاکستان کی جانب سے غزہ کے مظلوم فلسطینیوں کیلئے بھیجی گئی امدادی کھیپ مصر پہنچ گئی، امدادی کھیپ پاک فوج اور این ڈی ایم اے کی کاوش سے بھیجی گئی۔امداد ی طیارے نے لعریش ائیرپورٹ پر لینڈ کیا،جہاں مصر میں پاکستان کے سفیر ساجد بلال نے امداد مصری ہلال احمر کے حوالے کی۔العریش ائیرپورٹ غزہ کی سرحدسے 40کلومیٹرفاصلے پرہے، پی پی آئی کے مطابق مصری ہلال احمرپاکستان کی طرف سے بھیجی گئی اشیاغزہ تک پہنچائے گی۔پاک فوج کی جانب سے خیموں، کمبل اورادویات پر مشتمل 81 ٹن امدادی بھجوائی گئی ہے، امداد میں 1 ہزار خیمے،4 ہزار کمبل اور 3 ٹن ادویات شامل ہیں۔
اسٹیٹ بینک کے کپتان کاشف صدیق ڈوپ ٹیسٹ مثبت آنے پر معطل
نجم سیٹھی مختصر وقت کے لیے پی سی بی کے چیئرمین ہیں: جاوید میانداد
ممبئی انڈینز کے لیے دھچکا ،ظہیر خان ان فٹ ہوگئے
ڈینس للی کم معاوضے کے باعث بولنگ کنسلٹنٹ سے دستبردار
پی سی بی ریجنل انٹر ڈسٹرکٹ انڈر 19میرپور خاص نے بدین کو ہرادیا
ٹم پین تسمانیہ کی نائب کپتانی سے مستعفی
تازہ ترین خبریں
- April 23, 2026
- April 22, 2026
اشتہار
تازہ ترین
شہر قائدمیں خشک میوہ جات کی خرید و فروخت اور قیمتوں میں اضافہ
کراچی (پی پی آئی)شہر قائدمیں خشک میوہ جات کی خرید اری بڑھنے سے قیمتوں میں بھی میں بھی اضافہ ہو گیا ہے۔ڈرائی فروٹ شاپس مالکان شہریوں سے من مانے دام وصول کررہے ہیں شہریوں نے پی پی آئی کو بتایاکہ کراچی میں مونگ پھلی 680روپے فی کلو، چلغوزہ6ہزار روپے سے 7ہزار روپے فی کلو،بادام 19سو روپے سے 25سو روپے فی کلو فروخت ہو رہا ہے۔کاجو 3ہزار روپے سے4ہزار روپے فی کلو، کاغذی اخروٹ 800روپے سے 1200 روپے فی کلو، پستہ 3ہزار روپے سے 35سو روپے فی کلو،کشمش 700روپے سے ایک ہزار روپے فی کلو اور ریوڑی 600روپے سے 800روپے فی کلو گرام فروخت کی جا رہی ہے۔
اسلام آباد ہائی کورٹ نے عافیہ صدیقی کیس کی سماعت 17 نومبر تک ملتوی کر دی
اسلام آباد (پی پی آئی)جسٹس سردار اعجاز اسحاق پر مشتمل اسلام آباد ہائی کورٹ کے سنگل بنچ نے ڈاکٹر عافیہ صدیقی کی صحت، زندگی اوروطن واپسی سے متعلق آئینی درخواست (3139/2015) کی سماعت 17 نومبر تک ملتوی کر دی ہے۔پی پی آئی کے مطابق درخواست گزار ڈاکٹر فوزیہ صدیقی کی نمائندگی ان کے وکیل عمران شفیق ایڈووکیٹ نے کی۔سینیٹر مشتاق احمد خان سماعت میں شریک ہوئے، امریکہ میں ڈاکٹر عافیہ صدیقی کے وکیل کلائیو اسٹافورڈ سمتھ سماعت میں آن لائن شریک تھے البتہ ڈاکٹر فوزیہ صدیقی بیرون ملک طبی کانفرنس میں شرکت کی وجہ موجود نہ تھیں۔کلائیو اسمتھ نے عافیہ کیس کو آگے بڑھانے کے لیے اسلام آباد ہائی کورٹ میں سماعت پر اطمینان کا اظہار کیا۔انہوں نے عدالت سے درخواست کی کہ سماعت 15 نومبر تک ملتوی کی جائے کیونکہ وہ ڈاکٹر عافیہ کی رہائی کے لیے امریکہ میں کوششیں جاری رکھے ہوئے ہیں۔وہ کوشش کررہے ہیں کہ عافیہ کو کسی اور جیل میں منتقل کیا جائے۔ جس پر عدالت نے ان کی درخواست منظور کرتے ہوئے کیس کی سماعت 17 نومبر تک ملتوی کر دی۔
طاہر اشرفی نگران وزیراعظم کے بھی معاون خصوصی مقرر
اسلام آباد (پی پی آئی)ممتاز عالم دین مولانا طاہر اشرفی کو نگران وزیراعظم انوار الحق کاکڑ نے بھی اپنامعاون خصوصی مقرر کردیا ہے۔پی پی آئی کے مطابق مولانا طاہر اشرفی کو مڈل ایسٹ اوراسلامی ممالک کے لیے بین المذاہب ہم آہنگی کا نمائندہ خصوصی مقرر کیا گیاہے وہ اس سے قبل عمران خان اور میاں شہباز شریف کے بھی معاون خصوصی کے طور پر فرائض انجام دیتے رہے ہیں نگران وزیراعظم انوار الحق کاکڑ کے پرنسپل سیکرٹری توقیر شاہ نے ان کی تقرری کا نوٹیفکیشن بھی جاری کردیا ہے۔
تلاش کریں
خبریں
اسٹیٹ بینک کے کپتان کاشف صدیق ڈوپ ٹیسٹ مثبت آنے پر معطل
(May 7, 2014)
کراچی: پاکستان کرکٹ بورڈ نے اسٹیٹ بینک کرکٹ ٹیم کے کپتان کاشف صدیق کو ڈوپ ٹیسٹ مثبت آنے پر 2سال کے لیے معطل کردیا ۔32سالہ کاشف صدیق کا نومبر2013میں ڈیپارٹمنٹل ٹی ٹوئنٹی ٹورنامنٹ کے دوران ڈوپ ٹیسٹ لیا گیا تھاجس کے بعدکرکٹ بورڈ نے جنوری 2014میں انھیں عارضی طور پر کرکٹ کھیلنے سے روک دیا تھا۔پی سی بی کی جانب سے قائم 3رکنی پینل نے ٹیسٹ کی رپورٹ مثبت آنے کے بعد کاشف صدیق کو 2سال کے لیے معطل کردیا،کمیٹی میں سابق وکٹ کیپر وسیم باری،ڈاکٹر اکسے ملک اور شاہد کریم شامل تھے۔کاشف صدیق 131فرسٹ کلاس میچوں میں پاکستان کسٹم،پاکستان انٹرنیشنل ائیر لائن اور اسٹیٹ بینک کی نمائندگی کرچکے ہیں۔
نجم سیٹھی مختصر وقت کے لیے پی سی بی کے چیئرمین ہیں: جاوید میانداد
(May 6, 2014)
کراچی: پاکستان کرکٹ ٹیم کے سابق کپتان اور سابق ڈائریکٹر جنرل پی سی بی جاوید میانداد نے کہا ہے کہ چیئرمین نجم سیٹھی کی تقرری محدود مدت کے لیے ہے لہذا وہ قومی ٹیم کے مختلف عہدوں پرطویل مدت کے لیے تقرریاں نہیں کر سکتے۔ جاوید میانداد کا کہنا تھا کہ نجم سیٹھی کو پی سی بی کا نظام رواں بنانے کے لیے چار مہینے دیے گئے تھے لیکن وہ اس عمل کی نگرانی کرنے کے ساتھ ساتھ دوسرے امور بھی دیکھنے لگے ہیںمیرے خیال میں نجم سیٹھی طویل مدتی تقرریوں کے مجاز نہیں۔ انھوں نے کہا کہ نجم سیٹھی کے فیصلے یک طرفہ اور آئین کے خلاف ہیں کیونکہ انہیں صرف الیکشن کرانے، پی سی بی اور ایسوسی ایشنز کو جمہوری بنانے کا منڈیٹ دیا گیا۔ انھوں نے کہا میں یہ سب اس لیے نہیں کہہ رہا کہ میرے ان سے ذاتی اختلافات ہیں بلکہ میں یہ سب کچھ کرکٹ کی بہتری کے لیے کہہ رہا ہوں۔جاوید میانداد نے کہا کہ مارچ، 2009 لاہور میں سری لنکن ٹیم پر حملے سے ملکی کرکٹ کو بہت نقصان پہنچا لیکن بورڈ کی موجودہ انتظامیہ کے متضاد فیصلے کھیل کے لیے مزید نقصان کا سبب ہوں گے،ان تقرریوں کے عدالتوں میں چیلنج ہونے کے امکانات موجود ہیں۔ انھوں نے کہا کہ قومی ٹیم کے لیے بہت زیادہ تقرریاں کرنے سے بہتری آنے کے بجائے نقصان کا اندیشہ ہے، بہت زیادہ کوچوں کی موجودگی میں چیزیں مزید خراب ہو جائیں گی، آپ کئی سالوں سے ملک کے لیے کھیلنے والوں کی کوچنگ نہیں کر سکتے، اگر کسی کھلاڑی کی تکنیک میں کوئی مسئلہ ہے تو اسے نیشنل کرکٹ اکیڈمی بھیجا جانا چاہیئے۔واضح رہے نجم سیٹھی کے چیئرمین پی سی بی بننے کے بعد جاوید میانداد نے اپنے عہدے سے استعفیٰ دیا تھا۔
ممبئی انڈینز کے لیے دھچکا ،ظہیر خان ان فٹ ہوگئے
(May 6, 2014)
دبئی: ممبئی انڈینز کے فاسٹ بولر ظہیر خان پٹھوں میں درد کے باعث آئی پی ایل کے اگلے میچ سے باہر ہوگئے ۔ ممبئی انڈینز آئی پی ایل میں مسلسل پانچ شکستوں کے بعدکنگز الیون پنجاب کے خلاف پہلی کامیابی حاصل کرنے میں کامیاب ہوگئی لیکن وہ رائل چیلنجر بنگلور کے خلاف اپنے اگلے اہم میچ میں تجربہ کار فاسٹ بولرظہیر خان کی خدمات سے محروم ہوگئی۔ممبئی انڈینز کے کپتان روہیت شرما کا کہناہے کہ ظہیر خان اگلے میچ میں حصہ نہیں لے سکیں گے ،انھوںنے کہا یہ ہمارے لیے بہت بڑا نقصان ہے۔ممبئی انڈینز کے کوچ جان رائٹ نے کہا کہ ظہیر خان دائیں پٹھوں میں درد کے باعث ڈاکٹروں کی نگہداشت میں ہیںاور اگلے میچ میں حصہ نہیں لے سکیں گے۔
ڈینس للی کم معاوضے کے باعث بولنگ کنسلٹنٹ سے دستبردار
(May 6, 2014)
سڈنی: سابق آسٹریلوی فاسٹ بولر ڈینس للی نے معاوضہ کم ملنے پر آسٹریلوی کرکٹ ٹیم کے بولنگ کنسلٹنٹ کی حیثیت سے کام جاری رکھنے سے انکار کردیا۔ڈینس للی نے بولنگ کنسلٹنٹ کی حیثیت سے کام کرنے کرنے کے لیے معاوضہ بڑھانے کا مطالبہ کیا تھا جسے کرکٹ آسٹریلیا نے مسترد کردیا۔کرکٹ آسٹریلیا کے ترجمان کا کہنا ہے کہ للی نے معاہدے میں توسیع کے لیے معاوضہ بڑھانے کا مطالبہ کیا تھا تاہم کرکٹ آسٹریلیا کے انکار پر انھوں نے کام جاری رکھنے سے معذرت کرلی۔ ترجمان کا کہنا تھا کہ ڈیسن للی عظیم کھلاڑی ہیں اور کرکٹ بورڈ کے دروازے ان کے لیے ہمیشہ کھلے ہیں۔واضح رہے کہ للی نے آسٹریلوی فاسٹ بولرز کی کارکردگی میں اہم کردار ادا کیا ہے اورمچل جانسن کے کیرئیر کو دوبارہ عروج پر پہنچانے میں ان کا کردار اہم رہا ہے۔
پی سی بی ریجنل انٹر ڈسٹرکٹ انڈر 19میرپور خاص نے بدین کو ہرادیا
(May 6, 2014)
میرپور خاص: پی سی بی ریجنل انٹر ڈسٹرکٹ انڈر 19کرکٹ ٹورنامنٹ کے میچ میں میرپورخاص کی ٹیم نے بدین کو 206رنز سے ہرا دیا۔ میونسپل اسپورٹس کمپلیکس میں کھیلے گئے میچ میں پہلی اننگ میں میرپورخاص کی ٹیم نے 265رنز بنائے شیر خان نے 61رنز کئے بدین کے آزان علی نے چار اور غلام رسول نے تین وکٹیں حاصل کیں جواب میں بدین کی ٹیم پہلی اننگ میں 101رنز بناکر آﺅٹ ہو گئی۔ میرپورخاص کی طرف سے سمیع اللہ نے پانچ اور انس نے تین کھلاڑیوں کو آﺅٹ کیا،میرپورخاص کی ٹیم نے دوسری اننگ میں 150رنز بناکر اننگ ڈکلیئرڈ کردی محمد بہزاد نے 72رنز اسکورکئے بدین کے کپتان اکبر احمد نے تین کھلاڑیوں کو آﺅٹ کیا بدین کی ٹیم 315رنز کے ہدف کے تعاقب میں 108رنز بنا کر آﺅٹ ہوگئی اسامہ نور نے21رنز بنائے ،میرپورخاص کے آف اسپنر شیر خان پانچ کھلاڑیوں کو آﺅ ٹ کیا۔میچ کے امپائرعبد القیوم اور نذیر بٹ جبکہ آفیشل اسکورر عاطف بلوچ تھے ۔
ٹم پین تسمانیہ کی نائب کپتانی سے مستعفی
(May 6, 2014)
تسمانیہ: آسٹریلوی کرکٹ ٹیم کے بیٹسمین ٹم پین نے تسمانیہ کی ٹیم کے نائب کپتان حیثیت سے استعفیٰ دے دیا۔ ٹم پین کی جگہ الیکس ڈولان کو نائب کپتان مقرر کر دیا گیا ۔ آسٹریلوی ٹیم کے کپتان کے مضبوط امیدوار سمجھے جانے والے ٹم پین نے کار کردگی میں مسلسل زوال کے باعث مستعفی ہونے کا فیصلہ کرلیا جبکہ خراب کارکردگی کے باعث وہ 2011سے ٹیم سے باہر ہیں۔29سالہ ٹم پین نے آسٹریلیا کی جانب سے چار ٹیسٹ اور 26ون ڈے میچز کھیلے۔