میرپورخاص: سابق وفاقی وزیر برائے مذہبی امور حامد سعید کاظمی نے کہا ہے کہ مذاکرات کی آڑ میں طالبان وقت لینا چاہتے ہیں اور حکومت وقت گزارنا چاہتی ہے۔ان خیالا ت کا اظہار انھوں نے میرپورخاص میں ادارہ نورالقران میں منعقدہ تقریب سے خطاب کرتے ہوئے کیا۔،اس موقع پر پیر عزت شاہ جیلانی ،مفتی محمد شریف شعیدی ،التماس صابر قادری ،مولانا محمد صادق سعیدی ،احمد سعید قائم خانی ،جی ایم سومرو اور دیگر بھی موجود تھے ۔حامد سعید کاظمی نے مزید کہا کہ بھارت ،اسرائیل اور امریکہ طالبان کو تعاون فراہم کرتے ہیں اور وہ کسی صورت پاکستان میں امن نہیں دیکھنا چاہتے ۔ان کا کہنا تھا کہ مزاکرات کے نتیجے میں کیا طالبان ہتھیا ر ڈال دیں گے ؟ وہ ایسا ہر گز نہیں کر سکتے پھر مزاکرات کا مفہوم کیا ہے جن کا خون بہتا رہا ہے اور جنہوں نے جنازے اُ ٹھائے ہیں کیا اُن سے کسی نے مزاکرات کا پوچھا ہے ؟انھوں نے کہاکہ خون بہا بھی مقتول کے ورثاءکی مرضی کے بغیر نہیں ہو سکتا اور یہاں معافی بھی اُنکی اجازت کے بغیر ہو رہی ہے، قانون اور،شریعت اسکی اجازت نہیں دیتے۔، حامد سعید کاظمی نے کہا کہ پرویز مشرف کے معاملے پربڑے بڑے نجومیوں کی پیشنگوئیاں غلط ثابت ہوئی ہیں ،یہ ایسا مسئلہ بن چکا ہے کے سانپ چھچندر نگل بھی نہیں سکتا اور اگل بھی نہیں سکتا۔ایک اور سوال کے جواب میں حامد سعید کاظمی کا کہنا تھا کہ کہ عمران خان اور طاہر القادری کا اپنے ورکرز پر کنٹرول ہے لیکن یہ کافی نہیں ہے اچھا ہوتا کہ عمران خان اور طاہر القادری عوام سے پوچھ کر مظاہروں کا ٹائم فریم دیتے ، کیونکہ ابھی گرمی کاموسم ہے اور عوام سوچ سمجھ کر ہی کر باہر نکلے گے۔

میرپورخاص: پاکستان مسلم لیگ (ن) لیبر ونگ کے زیراہتمام شکا گو کے شہیدوں کو سلام پیش کرنے کے لئے سیمینار کا انعقاد کیا گیا۔ ،اس موقع صوبائی صدر غلام قادر جٹ نے کہاکہ مزدور اتحاد کا مظاہرہ کرتے ہوئے اپنی جدوجہد اسی طرح جاری رکھیں اورجیسے شکاگو کے مزدوروں نے اپنی جانوں کا نذرانہ پیش کرکے طبقاتی نظام میں 8گھنٹے ڈیوٹی دینے کا قانون منوایا اس طرح پاکستان کے مزدور بھی اتحاد کے ساتھ اپنے حق کے لیے آواز بلند کریں۔ سیمینار میں عہدیداران کے علاوہ کارکنوں کی بڑی تعداد نے شرکت کی اس موقع پر چیف آرگنائیزر پاکستان مسلم لیگ (ن)لیبر ونگ میرپورخاص ڈویژن رفیق مغل نے بھی خطاب کیا۔

میرپورخاص: پاکستان مسلم لیگ فنگشنل کے ضلعی صدر وصوبائی نائب صدر مبارک مہر کا کہنا ہے کہ میرپورخاص میں روزانہ ڈکیتی و قتل کی درجنوں واردات ہورہی ہیں ، شہر کھنڈرات میں تبدیل اور گندے پانی کے جوہڑکا منظر پیش کررہا ہے۔ برداری کی جانب سے مبارک مہر کو راجستھانی پگڑی پہنانے کی تقریب سے خطاب کرتے ہوئے ان کا کہنا تھا کہ پاکستان مسلم لیگ فنگشنل نے ہمیشہ ملک کی سالمیت اور ترقی کےلئے کام کیا، اور کرتے رہےںگے، انھوں نے کہا کہ موجودہ اتحادی اور حکومتی نمائندوںنے اس شہر کو خود تباہ کیا اور اب اس پر مال کمانے کے ساتھ ساتھ سیاست بھی کررہے ہیں ،اب شہریوں کو ایسے لوگوں سے چھٹکارا حاصل کرکے پیر صاحب پگار ا کا ساتھ دےناہوگا۔اس موقع پر معززین شہر نے پیر صاحب پگار ا سے اپیل کی ہے کہ مبارک مہر ایک باصلاحیت نوجوان ہے اس کو وفاق میں مشیر بنایا جائے۔