ممبئی: بگ تھری کے باس اور بی سی سی آئی کے سربراہ سری نواسن کے داماد گروناتھ می اپن پرآئی پی ایل میچ فکسنگ کے الزامات ثابت ہو گئے۔ آئی پی ایل کرپشن ا سکینڈل کی تحقیقاتی رپورٹ بھارتی سپریم کورٹ میں جمع کروا دی گئی۔رپورٹ کے مطابق گروناتھ می اپن پر کرپشن الزامات درست ہیں۔گروناتھ می اپن آئی پی ایل ٹیم چنائی سپر کنگز کے چیف اور بی سی سی آئی کے سربراہ سری نواسن کے داماد ہیں۔کرکٹ پریمیئر لیگ کے چھٹے ایڈیشن میں پانچ کھلاڑیوں کے ساتھ گروناتھ می اپن پر بھی میچوں پر سٹے بازی کے الزامات لگائے گئے تھے لیکن چند روز جیل کی ہوا کھانے کے بعد گروناتھ ضمانت پر رہا ہو گئے تھے۔تحقیقاتی رپورٹ سامنے آنے کے بعد گروناتھ می اپن پر فرد جرم عائد کر دی گئی ہے۔بھارتی ذرائع کے مطابق الزامات ثابت ہوئے تو ان کی ٹیم چنائی سپر کنگز پر پابندی لگ سکتی ہے۔سٹے بازی کے الزامات میں ملوث راجھستان رائلز کی مالک شلپا شیٹھی اور انکے شوہر کے خلاف بھی مزید تحقیقات کی جائیں گی۔

کیلیفورنیا: امریکہ کے جمی والکر نے نیشنل گالف چیمپئن شپ کا ٹائٹل جیت لیا۔امریکی ریاست کیلیفورنیا کے پیبل پیچ میں ہونیوالے پی جی اے گالف ٹور کے فائنل راونڈ میں کھلاڑیوں کے درمیان کانٹے کا مقابلہ ہوا۔امریکہ کے جمی والکر نے عمدہ کھیل کا مظاہرہ کرتے ہوئے ہم وطن ڈوسٹن جانسن کے خلاف ایک سٹروک کی برتری حاصل کر کے فتح سمیٹی۔جمی سیزن کا تیسرا جبکہ کیرئیر کا آٹھواں ٹائٹل جیتنے میں کامیاب ہوئے۔اس سے پہلے یہ اعزاز عالمی نمبر ایک امریکی سٹار گالفر ٹائیگر ووڈز ، فل میکسن اور ڈیوڈ ڈوول کے پاس ہے۔

روساریو، ارجنٹائن: ارجنٹائن فٹ بال لیگ میں بوکا جونیئرز اور نیوویلز اولڈ بوائے کے درمیان میچ سنسنی خیز مقابلے کے بعد بغیر کسی گول کے برابر ہو گیا۔ارجنٹائن کے شہر روساریو میں ہونیوالے فٹ بال لیگ کے میچ میں اولڈ بوائز اور بوکا جونیئرز کی ٹیمیں ان ایکشن ہوئیں۔دونوں ٹیموں کے کھلاڑیوں نے دلچسپ کھیل کا مظاہرہ کیا۔پہلے ہاف تک جونیئرز ٹیم کی جانب سے حریف ٹیم کے گول پوسٹ پر دو حملے کیے گئے جسے اولڈ بوائز کے مضبوط دفاع نے مسلسل ناکام بنایا۔دوسرے ہاف میں بھی جونیئرز اور سینئرز کے درمیان سنسنی خیز مقابلہ رہا۔سٹرائیکرز نے ایک دوسرے کے گول پوسٹ پر حملے کیے لیکن کوئی بھی ٹیم گول کرنے میں ناکام رہی۔

اوہائیو: فیڈ کپ ورلڈ گروپ میں اٹلی کی ٹیم نے امریکہ کو تین ایک سے شکست دیکر سیمی فائنل میں جگہ بنا لی۔امریکی ریاست اوہائیومیں ہونیوالے ویمن ٹینس ٹورنامنٹ کے پہلے راونڈ میں سنگلز مقابلوں میں مہمان اطالوی ٹیم نے شاندار پرفارمنسسز دکھائیں۔اٹلی کی کیرن نیپ نے میزبان حریف الیسن رسکے کو دلچسپ مقابلے کے بعد شکست دی۔کیرن کی فتح کا سکور چھ تین اور سات پانچ رہا۔اس سے پہلے کھیلے گئے سنگلز میچز میں بھی مہمان اطالوی کھلاڑیوں نے جارحانہ کھیل پش کر کے دو صفر کی برتری حاصل کی تھی جس کے بعد اسے ڈبلز میچ میں میزبان ٹیم سے شکست کا سامنا بھی کرنا پڑا تھا۔سیمی فائنل میں اٹلی کا مقابلہ اپریل میں سپین یا جمہوریہ چیک کی ٹیموں سے ہو گا۔

سوچی: سوچی سرمائی اولمپکس میں ناروے سات تمغوں کے ساتھ سب سے آگے نکل گیا ۔ سوچی اولمپکس میں کانٹے کے مقابلے جاری ہیں، اسکئنگ اور شوٹنگ کے بائیتھلون مقابلوں میں ناروے کے کھلاڑی چھا گئے۔ بارہواں میڈل جیت کر سرمائی اولمپکس میں سب سے زیادہ میڈلز جیتنے کا ریکارڈ برابر کر دیا۔ فگر اسکیٹنگ میں روس کی نوعمر ایتھلیٹ جولیا نے سب کو آوٹ کلاس کر دیا۔ دس پوائنٹس حاصل کر کے روس کی پوزیشن مضبوط بنا دی۔ جوڑی کے مقابلوں میں بھی روس آگے رہا۔ کیسینا اور فیڈور نے اپنی ٹیم کیلئے پانچ پوائنٹس جوڑے۔ لوج مقابلوں میں گولڈ میڈل کی دوڑ میں جرمنی کے کھلاڑی سب سے سب سے آگے رہے۔ سوچی اولمپکس کے دوسرے دن پوائنٹس ٹیبل پر ناروے سات میڈلز کے ساتھ پہلے، کینیڈا اور ہالینڈ تین تین میڈلز کے ساتھ دوسرے اور امریکا دو میڈلز کے ساتھ تیسرے نمبر پر ہے۔