لاہور(پی پی آئی)ریلوے ملازمین نیتنخواہوں کی عدم ادائیگی پر احتجاج کرتے ہوئے لاہور سے کراچی ٹرین آپریشن بند کردیا اور واشنگ لائن پر احتجاج کیا۔تفصیلات کے مطابق احتجاج کے باعث لاہور سے کراچی ٹرین آپریشن بند ہوگیا۔پی پی آئی کے مطابق لاہور سے کراچی جانیوالی علامہ اقبال ایکسپریس، پاک بزنس اور قراقرم ایکسپریس روانہ نہ ہو سکی ہیں۔احتجاجی ملازمین کا کہنا ہے کہ تنخواہوں کی ادائیگی تک مین ٹریک کو بند رکھا جائے گا۔ریلویز کے ایف این سی او، ڈپٹی ڈی ایس لاہور واشنگ لائن مذاکرات کیلئے پہنچ گئے ہیں۔
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
فاسٹ بولرجنید خان کالنکا شائر سے معاہدہ
30 ویں ایشین اسنوکر چیمپیئن شپ کے لیے قومی گروپ کا اعلان
جنوبی افریقاکو ٹیسٹ ٹیم کے کپتان کی تلاش
مومن آباد میں رینجرز کا آپریشن10مشتبہ افراد گرفتار
دیگر شہریوں کی طرح ہمیں بھی جینے کا حق دیا جائے:رہنمامہاجرقومی موومنٹ آفتاب حسن
تازہ ترین خبریں
اشتہار
تازہ ترین
امجد صابری قتل کیس، ماسٹر مائنڈ سے تفتیش کیلئے جے آئی ٹی بنانے کا فیصلہ
کراچی (پی پی آئی)معروف قوال امجد صابری قتل کیس میں گرفتار ماسٹر مائنڈ قاسم رشید سے تفتیش کیلئے جے آئی ٹی بنانے کا فیصلہ کر لیا گیا۔پی پی آئی کے مطابق جے آئی ٹی کی تشکیل کیلئے اعلیٰ حکام کو خط لکھ دیا گیا۔ دہشت گرد قاسم رشید عرف گنجا کا تعلق کالعدم لشکر جھنگوی سے بتایا گیا ہے۔ سی ٹی ڈی کراچی نے چند روز قبل کارروائی کے دوران پٹیل پاڑہ کے علاقے سے گرفتار کیا تھا۔بتایا گیا ہے کہ قاسم رشید نے عاصم کیپری اور اسحق بوبی کو اکسا کر امجد صابری، رینجرز کے 4 جوانوں اور شیعہ کمیونٹی کے 4 افراد کو قتل کرایا تھا۔
سندھ بھر میں لاکھوں افغان باشندے غیر قانونی طور پر موجود
کراچی (پی پی آئی)سندھ بھر میں لاکھوں افغان باشندے غیر قانونی طور پر موجود ہیں۔ایک اندازے کے مطابق ان کی تعداد لاکھوں میں ہے اور ان افغانیوں کے پاس کوئی قانونی دستاویز بھی موجود نہیں اس کے باوجود وہ اپنے ملک واپس نہ جانے کی ہٹ دھرمی پر قائم ہیں۔پی پی آئی کے مطابق حکومت پاکستان کی اعلان کردہ ڈیڈ لائن 4 روز بعد، 31 اکتوبر کو ختم ہو رہی ہے، دوسری صورت میں افغان باشندوں کے خلاف سخت قانونی کارروائی کی جائے گی۔۔
اسرائیل فلسطین جنگ خاتمے کیلئے مسیحی برادری نے یوم دعا منایا
کراچی (پی پی آئی)پاکستان کی مسیحی برادری نے اسرائیل فلسطین جنگ کے خاتمے کے لئے جمعہ27اکتوبر کویوم دعا کے طور پر منایا۔گرجا گھروں میں خصوصی دعائیہ سروسز کا اہتمام کیا گیا۔پی پی آئی کے مطابق آرچ بشپ ڈاکٹر جوزف ارشد نے اسرائیل اور فلسطین کے مابین فوری جنگ بندی کی اپیل کی ہے۔
تلاش کریں
خبریں
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
(April 23, 2014)
بارسلونا: جاپان کے کی نیشیکوری اور اسپین کے ٹومی روبریڈو نے بارسلونا اوپن ٹینس کے تیسرے مرحلے مین پہنچ گئے۔ پاکستان کے اعصام الحق اور بھارت کے روہن بوپننا کی جوڑی مینز ڈبلز کے کوارٹر فائنل میں پہنچ گئی۔ اسپین کے شہر بارسلونا میں کھیلے جانے والے کلے کورٹ ایونٹ میں فورتھ سیڈ جاپان کے کی نیشیکوری نے دوسرے مرحلے میںمقامی کھلاڑی روبرٹو باتستا کو تین سیٹ کے مقابلے کے بعد شکست دی۔ نیشیکوری کی فتح کا اسکور 6-1، 6-4 اور6-3 رہا۔ ففتھ سیڈ اسپین کے ٹومی روبریڈو نے آسٹریلیا کے مارنکو میتسووچ کو مات دی۔ روبریڈو نے آسٹریلوی حریف کے خلاف 6-3 اور6-4 کے اسکور سے کامیابی حاصل کی۔
فاسٹ بولرجنید خان کالنکا شائر سے معاہدہ
(April 23, 2014)
لندن: قومی کرکٹ ٹیم کے فاسٹ بولرجنیدخان نے کاونٹی کلب لنکا شائر سے نئے سیزن کے لیے معاہدہ کرلیا۔جنید خان انگلش کاونٹی کے نئے سیزن میں شر کت کے لیے اگلے ماہ وہ لندن روانہ ہوں گے۔کاﺅنٹی کے سیزن میں جنید خان ٹی ٹوئنٹی اور ون ڈے کرکٹ میں لنکا شائر کی نمائندگی کریں گے۔ جنید خان اس سے قبل 2011میں بھی لنکا شائر کی جانب سے کاﺅنٹی کر کٹ میں حصہ لے چکے ہیں۔
30 ویں ایشین اسنوکر چیمپیئن شپ کے لیے قومی گروپ کا اعلان
(April 23, 2014)
کراچی: قومی ٹینس ایسو سی ایشن نے 30 ویں ایشین اسنوکر چیمپیئن شپ کے لیے پاکستان کے گروپ کا اعلان کردیا۔ قومی چیمپئین محمد آصف ٹوبا گروپ ایف کے ٹاپ سیڈ ہوں گے۔قومی اسنوکرٹیم تین کھلاڑیوں پر مشتمل ہے جس میں قومی چیمپئن محمدآصف ٹوبا، حمزہ اکبر اور اسجد اقبال شامل ہیں جب کہ حاجی عبدالرشید ٹیم مینیجرکے فرائض انجام دیں گے۔ قومی چیمپیئن شپ کے رنرز اپ حمزہ اکبر کو گروپ ایچ کا ٹاپ سیڈ مقرر کیا گیا ہے۔ پاکستانی کیوئسٹ اسجد اقبال گروپ پی کے سیکنڈ سیڈ کھلاڑی ہوں گے۔ ایشین اسنوکر چیمپئن شپ 26اپریل سے تین مئی تک متحدہ عرب امارات کی ریاست الفجیرہ میں کھیلی جارہی ہے۔ جس میں شرکت کے لئے ٹیم جمعے کو دبئی روانہ ہوگی۔ٹورنامنٹ کی تیاری کے لئے تربیتی کیمپ کراچی میں جاری ہے جس میں شامل کیوئسٹ کا کہنا ہے کہ وہ ٹورنامنٹ میں اپنی بھرپور صلاحیتوں کامظاہرہ کرتے ہوئے قوم کومایوس نہیں کریں گے۔ پی بی ایس اے کے صدر عالمگیر شیخ کہتے ہیں کہ کھلاڑیوں نے کیمپ میں بھرپور تیاری کی ہے اور وہ چیمپیئن شپ میں قومی کیوئسٹس کی جانب سے بہترین کارکردگی کے لئے پرامید ہیں۔
جنوبی افریقاکو ٹیسٹ ٹیم کے کپتان کی تلاش
(April 23, 2014)
کراچی: جنوبی افریقا کرکٹ بورڑنے ٹیسٹ ٹیم کے لیے نئے کپتان کی تلاش شروع کردی ہے۔سابق کپتان گریم اسمتھ کی کرکٹ سے ریٹائرمنٹ کے بعد سے جنوبی افریقی بورڈ حتمی طور پرٹیسٹ کپتان کا اعلان نہیں کر سکا۔ٹیم کی کپتانی کے لیے ون ڈے کپتان اے بی ڈیویلئیرز،ٹی ٹوئنٹی کپتان فاف ڈوپلیسی ،ہاشم آملہ اور جے پی ڈومینی کے نام زیر غور ہےں۔جنوبی افریقی کرکٹ بورڈ نے کپتان کے تقرر کے لیے اینڈریو ہڈسن کی سر براہی میں ایک پینل بنایا ہے جو اپنی سفارشات پیش کرے گا۔ کپتان کا اعلان بورڈ کے اگلے اجلاس میں کیا جائے گا۔جنوبی افریقا کی کرکٹ ٹیم رواں سال جون میں سری لنکا کا دورہ کرے گی جس میں ون ڈے اور ٹی ٹوئینٹی کے علاوہ ٹیسٹ سیریز بھی کھیلی جائے گی۔
مومن آباد میں رینجرز کا آپریشن10مشتبہ افراد گرفتار
(April 23, 2014)
کراچی: کراچی سائٹ کے علاقے مومن آباد میں رینجرز نے جرائم پیشہ افراد کے خلاف کارروائی کرتے ہوئے10مشتبہ افراد کو گرفتار کرکے نامعلوم پر مقام پر منتقل کر دیا ،ملزمان کے قبضے سے اسلحہ بھی برآمد کیا گیا ہے۔ دوسری جانب منگھو پیر میں نامعلوم افراد کی فائرنگ سے ایک شخص جاں بحق ہوگیا ،لاش کو ہسپتال منتقل کردیا تا ہم لاش کی شناخت نہیںکی جاسکی۔پولیس کے مطا بق میوہ شاہ قبرستان سے 2نامعلوم لاشیں ملی ہےں۔
دیگر شہریوں کی طرح ہمیں بھی جینے کا حق دیا جائے:رہنمامہاجرقومی موومنٹ آفتاب حسن
(April 23, 2014)
کراچی: مہاجرقومی مومنٹ کے رہنما آفتاب حسن نے کراچی پریس کلب میں پریس کانفرنس کرتے ہوئے کہا کہ مہاجر قومی مومنٹ کے کارکنان اور ان کے اہل خانہ کے علاقوں سے جبری بے دخلی اوراعلیٰ عدالتی احکام پر صوبائی حکومت کی ہٹ دھرمی کے خلاف عدالت عظمٰی میں توہین عدالت کی درخوست دائر کر رہے ہیں۔ان کا کہنا تھا کہ پچھلے 11سالوں سے ہم دربدر گھوم رہے ہیں۔ہمارے سینکڑوں کارکنان پر جھوٹے مقدمات بنا کر اسیری کی زندگی گزارنے پر مجبور کیا گیا ۔ہماری خواتین کے ساتھ بد سلوکیاں کی گئیں،غیر قانونی طور پر ہمارے مرکز بیت الحمزہ کو مسمار کیا گیا۔ہم نے 21اکتوبر 2013کو عدالت عظمٰی میں کراچی بد امنی کیس ،نو گو ایریاز کے خاتمہ سمیت مہاجر خاندانوں کی بحفاظت گھروں پر واپسی کے لےے درخواست کی تھی جس پر چیف جسٹس آف پاکستان نے تمام بے دخل مہاجرین کوحکومت کی سرپرستی میں گھروں میں واپس لانے کی ہدایت کی تھی۔آفتاب حسن کا کہنا تھا کہ سابق سربراہ الیکشن کمیشن آف پاکستان فخرالدین جی ابرہیم نے ہمیں مکمل طور پر الیکشن میں حصہ لینے کی اجازت دی تھی لیکن گورنر عشر ت ا لعباد نے مہاجر قومی مومنٹ پر غیرقانونی پابندی لگا دی ان کا مزید کہنا تھا کہ ہم اس ملک کے شہری ہیں اور حکومت ہمیں دیگر شہریوں کی طرح مکمل آزادی دے۔