اسلام آباد (پی پی آئی)پاکستان تحریکِ انصاف (پی ٹی ا?ئی) کے رہنما بیرسٹر ڈاکٹر محمد علی سیف نے کہا ہے کہ مریم نواز کے فلاپ شو نے نواز شریف کی مقبولیت کا پول کھول دیا۔پی پی آئی کے مطابق بیرسٹر ڈاکٹر محمد علی سیف کا مریم نواز کے جلسے پر رد عمل کا اظہار کرتے ہوئے کہنا تھا کہ مریم بی بی آئندہ تنگ گلیوں میں ہی جلسیاں کریں گی، ان کے ابا 4 سال تک عدالتوں کے مفرور رہے، پاکستان میں انقلاب کے کھوکھلے دعوے کرنے آ رہے ہیں۔انہوں نے کہا کہ اقتدار کی خاطر مریم کے ابا ہر روز اپنا بیانیہ بدل رہے ہیں، نواز شریف کے استقبال کے لیے لوگوں کو موٹر سائیکل کی آفر ہو رہی ہے، میاں صاحب لندن سے عوام کی لوٹی ہوئی دولت ساتھ لیتے آئیں۔ان کا کہنا تھا کہ مریم کے چاچو نے 10 ارب روپے اپنی تشہیر پر اڑا دئیے، مریم کے ابا کا استقبال لاہور میں جیل کے قیدی کریں گے، ان کے ابا پھولوں کے ہاروں کے بجائے ہتھکڑیاں پہنیں گے۔پی ٹی آئی رہنما نے یہ بھی کہا ہے کہ مریم کے ابا واپسی کی سیٹ کنفرم رکھیں ورنہ چیئرمین پی ٹی آئی جیل سے نکل آئے تو بھاگنے کے لیے فلائٹ نہیں ملے گی۔
بھارتی ہاکی ٹیم رواں برس مارچ میں پاکستان کا دورہ کرے گی
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
اسنوکر فیڈریشن کا انعامی رقم نہ ملنے پر احتجاج کرنے کا اعلان
سعید اجمل کا جنوبی افریقا کی ڈومیسٹک ٹی 20ایونٹ میں شاندار آغاز
وزارت خارجہ نے قومی کرکٹ ٹیم کو بنگلہ دیش نہ بھیجنے کا مشورہ دیدیا
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
لاہور میں وکلا کیخلاف مقدمہ پر سیشن کورٹ میں تالہ بندی
لاہور(پی پی آئی))لاہور میں وکلا نے مقدمہ کے اندراج پر سیشن کورٹ میں تالہ بندی کردی۔پی پی آئی کے مطابق تھانہ اسلام پورہ میں وکلا پر مقدمے کے اندراج پر وکلا نے سیشن کورٹ کے مرکزی دروازوں کو تالے لگا دیئے،سیشن کورٹ میں پولیس اور سائلین کا داخلہ بند کر دیا گیا، عدالتی اہلکار بھی مرکزی دروازے تک محدود ہو گئے،وکلا کا کہنا ہے کہ وکلا پر درج جھوٹا مقدمہ خارج کیا جائے۔
ایک ایک انچ پر انٹیلی جنس بیسڈ آپریشن کرنا پڑا تو کرینگے،جان اچکزئی
کوءٹہ(پی پی آ ئی )نگران صوبائی وزیر اطلاعات بلوچستان جان اچکزئی نے کہاہے کہ دہشت گردوں کے خلاف ایک ایک انچ پر انٹیلی جنس بیسڈ آپریشن کرنا پڑا تو کیا جائے گا ۔ مستونگ دھماکے کے حوالے سے میڈیا سے گفتگو کرتے ہوئے انہوں نے کہا کہ جتنا ہو سکے گا شہدا کے خاندانوں کی مالی مدد کریں گے،جان اچکزئی نے کہا کہ بلوچستان کے عوام پاکستان کی بقا اور سلامتی کی جنگ لڑ رہے ہیں ، سکیورٹی کے معاملات کو مزید بہتر کیا جائے گا ۔ نگراں وزیر اطلاعات بلوچستان نے کہا کہ مستونگ دھماکے کے شہدا کے لواحقین کو 15 لاکھ روپے دیئے جائیں گے،ان کا کہناتھا کہ شدید زخمیوں کو 5 لاکھ روپے جبکہ معمولی زخمیوں کو 2 لاکھ روپے دیئے جائیں گے،جان اچکزئی نے کہاکہ بلوچستان میں دہشت گردی کے واقعات میں بھارت ملوث ہے، سکیورٹی پلان از سرِ نو ترتیب دیا جا رہا ہے ۔
گردوں کی غیرقانونی پیوندکاری میں ملوث ڈاکٹر فواد گرفتار
لاہور)پی پی آ ئی )وزیراعلیٰ پنجاب محسن نقوی نے کہاہے کہ گردوں کی غیرقانونی پیوندکاری میں ملوث ڈاکٹر فوادکو گرفتارکرلیاگیا ۔ وزیراعلیٰ پنجاب نے پریس کانفرنس کرتے ہوئے کہاکہ ڈاکٹر فواد نے گردوں کے 328 غیرقانونی آپریشنز کا اعتراف کیا،لاہور پولیس نے پورے گینگ کا کھوج لگایا، محسن نقوی نے کہاکہ ڈاکٹر فواد کو پہلے بھی گرفتار کیا گیا تھا،گھناوَنے کام میں شامل 8 افراد کو بھی گرفتار کرلیاگیا ۔ وزیراعلیٰ پنجاب نے کہاکہ آپریشن میں معاونت کرنے والا ڈاکٹر فواد کا شاگرد موٹر مکینک ہے،ملزمان کے سہولت کاروں کو جلد گرفتار کرلیا جائےگا، یہ گروہ آزادکشمیر میں آپریٹ کررہا تھا ۔
تلاش کریں
خبریں
بھارتی ہاکی ٹیم رواں برس مارچ میں پاکستان کا دورہ کرے گی
لاہور: بھارتی ہاکی فیڈریشن (بی ایچ ایف) نے مارچ میں پاکستان کے دورے کی حامی بھر لی۔ تین میچوں کی پاک بھارت سیریز مارچ میں ہوگی۔ ذرائع کے مطابق پاکستان ہاکی فیڈریشن کے سیکرٹری رانا مجاہد نے جمعہ کو اپنے بھارتی ہم منصب نریندرا پترا سے ٹیلیفونک گفتگو کی۔ پاکستان ہاکی فیڈریشن کے سیکرٹری رانا مجاہد نے گفتگو کے بعد یہ دعویٰ کیا ہے کہ بھارتی ہاکی فیڈریشن نے مارچ میں پاکستان کا دورہ کرنے کی یقین دہانی کراتے ہوئے اس بات کی حامی بھری ہے کہ بھارتی ہاکی ٹیم حکومت کی اجازت کے بعد مارچ میں پاکستان کا دورہ کرے گی۔ انہوں نے کہا کہ تین میچوں کی پاک بھارت سیریز مارچ میں ہوگی۔ سیریز کے تمام میچ ایک ہی شہر میں ہوں گے تاہم تاریخ اور وقت کا فیصلہ نہیں کیا گیا۔
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
لاہور: آسٹریلیا کے کیڈل ایونز نے ٹور ڈاﺅن انڈر سائیکل ریس کا تیسرا مرحلہ جیت لیا ۔ آسٹریلیا کے مضافات میں ہونے والی ریس کا تیسرا مرحہ 145کلو میٹر طویل تھا ۔ میزبا ن رائیڈر ایونز نے ابتدا ءسے ہی حریفوں پر اپنی برتری قائم رکھی اور مقررہ فاصلہ 3گھنٹے 34منٹ ، 5سیکنڈز میں سب سے پہلے طے کیا ۔ ایونز کے ہم وطن نیتھن ہاس 15سیکنڈز کے فرق کے ساتھ دوسرے نمبر پر رہے ۔ ریس کے چوتھے مرحلے میں سائیکلسٹس 148.5کلومیٹر کا فاصلہ طے کریں گے ۔
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
میلبورن: بھارت کی ثانیہ مرزا نے اپنے پارٹنر ہوریا ٹیکاﺅکے ہمراہ آسٹریلین اوپن کے مکسڈ ڈبلز فائنل میں جگہ بنالی۔ میلبورن میں جاری سال کے پہلے گرینڈ سلم ایونٹ کے مکسڈ ڈبلز سیمی فائنل میں بھارتی ٹینس اسٹار ثانیہ مرزا اور ہوریا ٹیکاﺅکی جوڑی نے ایک سیٹ کے خسارے میں جانے کے باوجود آسٹریلیا کے میتھیوایبڈن اور جارمیلا گاجدوسووا کو شکست دی۔ ثانیہ اور ٹیکاو نے آسٹریلین جوڑی کے خلاف عمدہ کھیل پیش کیا اور73منٹ میں پہلے سیٹ میں دوچھ سے ناکامی کے بعد اگلے دو سیٹس میں چھ تین اوردس دوسے فتح سمیٹ کر فائنل کیلئے کوالیفائی کرلیا۔ ثانیہ اور ٹیکاو نے کوارٹرفائنل میں پاکستان کے اعصام الحق اور یولیا گورجیس کے پیئرکوہرایا تھا۔
اسنوکر فیڈریشن کا انعامی رقم نہ ملنے پر احتجاج کرنے کا اعلان
کراچی: پاکستان اسنوکر فیڈریشن کے صدر عالم گیر شیخ کا کہنا ہے کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ کراچی پریس کلب میں نیوزکانفرنس سے خطاب کرتے ہوئے عالم گیرشیخ کا کہنا تھا کہ محمد آصف ، محمد سجاد اور دیگر کھلاڑیوں نے پانچ ٹائٹل جیت کر دنیا میں پاکستان کا نام روشن کیا لیکن حکومت نے ان کے لیے اسپورٹس پالیسی کے تحت وقف دو کروڑاسی لاکھ روپے کی انعامی رقم اب تک ادا نہیں کی۔ عالم گیر شیخ نے کہا کہ ہاکی فیڈریشن کو متعدد ناکامیوں کے باوجود پانچ سال میں سو کروڑ روپے کی گرانٹ دی گئی لیکن اسنوکر کھلاڑیوں کو فتح کے باوجود انعام سے محروم رکھنا زیادتی ہے۔ انہوں نے کہا کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ عالم گیر شیخ نے ہاکی کی جگہ اسنوکرکو قومی کھیل کا درجہ دینے کا مطالبہ بھی کیا۔
سعید اجمل کا جنوبی افریقا کی ڈومیسٹک ٹی 20ایونٹ میں شاندار آغاز
کیپ ٹاون: پاکستان کرکٹ ٹیم کے مایہ ناز آف اسپنر سعید اجمل نے جنوبی افریقی ڈومیسٹک ٹی 20ایونٹ میں ٹائٹینز کو جوائن کرلیا ۔ سعید اجمل نے پہلے مقابلے میں مقررہ چار اووز میں 21رنز دے کر 3وکٹیں حاصل کیں جس کی بدولت کیپ کوبراز کی ٹیم 9وکٹ پر صر ف 129رنز ہی بنا پائی ۔ میچ سے قبل ٹائٹینز کے کوچ روب والٹر کا کہنا تھا کہ سعید اجمل دنیا کے بہترین اسپنرز میں سے ایک ہیں اور ہم ان کو اپنے ساتھ رکھ کر فخر محسوس کرتے ہیں ۔
وزارت خارجہ نے قومی کرکٹ ٹیم کو بنگلہ دیش نہ بھیجنے کا مشورہ دیدیا
اسلام آباد: پاکستانی وزارت خارجہ نے پاکستان کرکٹ بورڈ کو بنگلہ دیش میں شیڈول ایشیا کپ میں شرکت کے لئے قومی کرکٹ ٹیم کو نہ بھیجنے کا مشورہ دے دیا ۔ایشیا کپ کا آغاز 25فروری کو بنگلہ دیش میں ہوگا لیکن عوامی احتجاج کے سب گزشتہ کئی ماہ سے بنگلہ دیش میں حالات انتہائی کشیدہ ہیں ۔بنگلہ دیش کرکٹ بورڈ کے حکام نے پاکستان کو فول پروف سیکیورٹی دینے کی یقین دہانی کرائی ہے لیکن اس حوالے سے وزارت خارجہ نے پی سی بی کو مشورہ دیا ہے کہ وہ ٹیم کو وہاں نہ بھیجیں کیوں کہ وہاں کہ حالات پاکستانی کھلاڑیوں کے لئے سازگار نہیں ہیں ۔