لاہور(پی پی آئی)چیف جسٹس پاکستان کی ریٹائرمنٹ کے حوالے سے ہونے والی تقریبات کیلئے ججز روسٹر میں ترمیم کی گئی ہے۔پی پی آئی کے مطابق چیف جسٹس ہائیکورٹ کی منظوری کے بعد تیسرا ترمیمی ججز روسٹر جاری کیا گیا،چیف جسٹس لاہور ہائیکورٹ 14 سے 18ستمبر تک راولپنڈی بنچ میں سماعت کریں گے،جسٹس ملک شہزاد احمد خان 14 سے 18ستمبر تک راولپنڈی بنچ میں سماعت کریں گے۔ جسٹس شجاعت علی خان 14 سے 17 ستمبر تک راولپنڈی بینچ میں سماعت کریں گے،نامزد چیف جسٹس جسٹس قاضی فائز عیسیٰ اور سپریم کورٹ کے ججز 14ستمبر کو عشائیہ دینگے۔سپریم کورٹ میں ریٹائر ہونیوالے چیف جسٹس عمر عطابندیال کے اعزاز میں عشائیہ دیا جائیگا،عشائیہ میں چیف جسٹس لاہور ہائیکورٹ سمیت دیگر ججز شرکت کریں گے۔ عشائیہ میں جسٹس ملک شہزاد احمد خان، جسٹس صداقت علی خان، جسٹس جواد حسن شرکت کرینگے،جسٹس طارق سلیم شیخ، جسٹس مرزا وقاص رؤف، جسٹس محمد رضا قریشی شرکت کریں گے۔،پرنسپل سیٹ پرچیف جسٹس کی عدالت میں 14 سے 18ستمبر تک سماعت نہیں ہوگی۔جسٹس ملک شہزاد احمد ملک کی عدالت میں بھی 14سے 18 ستمبر تک سماعت نہیں ہوگی،جسٹس شجاعت علی خان کی عدالت میں 14سے 17ستمبر تک سماعت نہیں ہوگی۔
انڈین چیمپئنز لیگ: پاکستانی ٹیم کو ویزے دینے سے بھارت کا انکار
امید ہے پاک بھارت کرکٹ رابطے جلد بحال ہونگے:وسیم اکرم
لیونل میسی نے ارجنٹینا کی ٹیم کو ورلڈ کپ 2014میں پہنچا دیا
ومبلڈن چیمپئن اینڈی مرے نے ذاتی مینجمنٹ کمپنی قائم کردی
وزیر صحت و بلدیات سندھ کا ڈیوٹی میں غفلت برتنے اور غیر حاضر رہنے والے ڈاکٹروں کے خلاف نوٹس
پشاور:تیسری ویمنزاسکواش چیمپئن شپ میں16 کھلاڑیوں کی شرکت
تازہ ترین خبریں
- April 22, 2026
- April 22, 2026
اشتہار
تازہ ترین
پی آئی اے میں انتہائی ضروری اسامیوں پر بھرتی کیلئے درخواستیں طلب
کراچی (پی پی آئی) پاکستان انٹر نیشنل ایئر لائن(پی آئی اے) میں انتہائی ضروری اسامیوں پر بھرتی کیلئے درخواستیں طلب کی جا رہی ہیں۔ پی پی آئی کے مطابق سپریم کورٹ کی اجازت سے 5 سال کے وقفے سے ایک سالہ قابل توسیع کنٹریکٹ پر 210 اسامیوں پرنئی بھرتیوں کے لیے موزوں امیدواروں سے 25 ستمبر تک درخواستیں طلب کی گئی ہیں، پی آئی اے میں پائلٹس کی آخری بھرتی 2016 اور فضائی میزبانوں کی آخری بھرتی 2017 میں کی گئی تھی،2017 میں بھرتی کردہ 60 فضائی میزبانوں کے بیج کو ایک سال کا کنٹریکٹ مکمل ہونے کے بعد فارغ کر دیا گیا تھا۔۔
دنیا بھر میں آئی ٹی کے شعبے میں مہارت رکھنے والے افراد کی طلب میں اضافہ
کراچی(پی پی آئی)دنیا بھر میں انفارمیشن ٹیکنالوجی کے شعبے میں مہارت رکھنے والے تعلیم یافتہ افراد کی طلب میں مسلسل اضافہ ہو رہا ہے۔ اوورسیز ایمپلائمنٹ کارپوریشن کے مطابق ‘ بیرون ملک جانے والے پاکستانی آئی ٹی ماہرین کی تعداد میں گذشتہ سال کے مقابلے میں 44 فیصد اضافہ ہوا ہے۔‘حکام کا کہنا ہے کہ ‘اگر جاپان کے ساتھ آئی ٹی ماہرین کو بھجوانے کے پروگرام میں پیش رفت ہوتی ہے تو ہزاروں کی تعداد میں پاکستانی آئی ٹی ماہرین جاپان میں ملازمتیں حاصل کر سکیں گے۔
چیف جسٹس عمر عطا بندیال کی ریٹائرمنٹ میں 5 روز باقی، 16 ستمبر کو ریٹائر ہوں گے
اسلام آباد (پی پی آئی)چیف جسٹس پاکستان عمر عطا بندیال کی ریٹائرمنٹ میں 5 روز باقی رہ گئے،چیف جسٹس عمر عطابندیال 16 ستمبر کو ریٹائر ہوں گے،17ستمبرکو جسٹس قاضی فائز عیسیٰ چیف جسٹس آف پاکستان کے عہدے کا حلف اٹھائیں گے۔قبل ازیں نامزد چیف جسٹس جسٹس قاضی فائز عیسیٰ اور سپریم کورٹ کے ججز 14ستمبر کو عشائیہ دینگے۔پی پی آئی کے مطابق چیف جسٹس کی حلف برداری تقریب میں اعلیٰ عدلیہ کے ججز و وکلارہنماشرکت کرینگے،
تلاش کریں
خبریں
انڈین چیمپئنز لیگ: پاکستانی ٹیم کو ویزے دینے سے بھارت کا انکار
نئی دہلی: بھارتی حکومت انتہا پسند ہندوؤں کے سامنے بے بس ہوکر رہ گئی اور سیکورٹی کے نام پر پاکستانی ٹیم کو چیمپئنز لیگ کیلئے ویزے جاری کرنے سے ہی انکار کردیا۔چیمپئنزلیگ کے لئے بھی بھارتی حکومت نے پاکستانی چیمپئن ٹیم کو ویزا جاری کرنے سے انکارکردیا۔ بھارتی حکومت کا مؤقف ہے کہ پاکستانی کھلاڑیوں کو حکومت سیکورٹی نہیں دے سکتی۔سترہ ستمبر سے شروع ہونے والے چیمپئنز لیگ ٹی ٹوئنٹی کے کوالیفائنگ راؤنڈ میں شریک چار ٹیموں میں فیصل آباد وولفز بھی شامل تھی۔بھارتی حکومت کی جانب سے انکار کے بعد ٹیم ٹورنامنٹ میں شرکت نہیں کرسکے گی۔ بھارتی میڈیا کے مطابق انتہا پسندوں نے حکومت پر ٹیم کو ویزا جاری نہ کرنے کے لئے دباؤ ڈالا۔
امید ہے پاک بھارت کرکٹ رابطے جلد بحال ہونگے:وسیم اکرم
لاہور: پاکستان کرکٹ ٹیم کے سابق کپتان وسیم اکرم کا کہنا ہے کہ کھیلوں کو سیاست سے دوررکھنا چاہیے، وہ امید کرتے ہیں کہ پاکستان اور بھارت کے درمیان کرکٹ روابط جلد بحال ہوں گے۔لاہور ائیرپورٹ پر اپنی اہلیہ شنیراتھامسن کے ہمراہ میڈیا سے گفتگو کرتے ہوئے وسیم اکرم نے کہا کہ وہ بھارت کے خلاف بہت کھیلے ہیں۔۔ پڑوسی ملک سے کرکٹ کھیلنے کا مزہ ہی کچھ اور ہے۔۔کھیلوں کو سیاست میں کبھی شامل نہیں کرنا چاہیے امید ہے دونوں ممالک جلد اکٹھے ہوں گے اور کرکٹ کھیلیں گے۔ایک سوال پروسیم اکرم نے کہا کہ ان کی اہلیہ کو لاہور بہت اچھا لگا۔جلد پاکستان کے دیگر شہروں میں بھی گھومنے جائیں گے۔ اس موقع شنیراتھامسن نے کہا کہ وہ پاکستان آکر بہت محظوظ ہورہی ہیں۔ یہاں کے لوگ اچھے اورمہمان نوازہیں۔وسیم اکرم نے گزشتہ ماہ لاہور میں شنیرا تھامسن سے نکاح کیا تھا۔
لیونل میسی نے ارجنٹینا کی ٹیم کو ورلڈ کپ 2014میں پہنچا دیا
پیراگوئے: ارجنٹائن نے فٹبال ورلڈ کپ کوالیفائرمیچ میں پیراگوئے کو 5-2سے شکست دیدی ۔ارجنٹائن ٹیم کے کپتان لیونل میسی نے دوگو ل کرکے اپنی ٹیم کی کامیابی کو یقینی بنایا۔ اس فتح کے بعد ارجنٹائن نے فٹبال ورلڈ کپ 2014کے لئے کوالیفائی کرلیا ہے ۔ارجنٹائن کی طرف سے دیگر تین گول سرگیو ایگیورو، اینجل دیماریا اور میکسی نے کیے ۔
ومبلڈن چیمپئن اینڈی مرے نے ذاتی مینجمنٹ کمپنی قائم کردی
لند: برطانوی ٹینس اسٹار اور ومبلڈن چیمپئن اینڈی مرے نے ذاتی مینجمنٹ کمپنی قائم کردی ۔برطانیہ نے ومبلڈن چیمپئن شپ کا ٹائٹل 77سال کے بعد جیتا اسی مناسبت سے اینڈ ی مرے نے اپنی کمپنی کانام 77رکھا ہے ۔اینڈی مرے نے سات جولائی کو سربین ٹینس اسٹار نوواک جوکووچ کو شکست دے کر ومبلڈن ٹائٹل کے لئے برطانیہ کا طویل انتظار ختم کیا ۔اینڈی مرے نے اس کمپنی کو اپنے منیجر سائمن فُلر کے ساتھ مل کر قائم کی ہے ۔
وزیر صحت و بلدیات سندھ کا ڈیوٹی میں غفلت برتنے اور غیر حاضر رہنے والے ڈاکٹروں کے خلاف نوٹس
کراچی: سندھ کے وزیر صحت و بلدیات سید اویس مظفر نے محکمہ صحت میں ڈیوٹی پر نہ آنے والے9 ڈاکٹروں کو معطل جبکہ 11 ڈاکٹروں کو شوکاز نوٹس جاری کرنے کی ہدایت کر دی ۔ معطل کئے جانے والے 9 ڈاکٹروں کے کیس نیب اور اینٹی کرپشن میں بھی بھیجے جانے کا بھی فیصلہ کیا گیا ہے، یہ ڈاکٹرز گذشتہ 3 سے 4 سال سے اپنی ملازمتوں سے غیر حاضر تھے اور حکومتی خزانے سے تنخواہیں بھی وصول کررہے تھے،شوکاز دئیے جانے والے11 ڈاکٹروں پر ڈیوٹیوں سے غفلت برتنے کا الزام ہے۔ وزیر صحت سید اویس مظفر نے سیکرٹری صحت سندھ کو ہدایات دی ہیں کہ محکمے کے ڈاکٹروں سمیت دیگر تمام ملازمین اپنے پیشہ وارانہ امور کو تندہی سے انجام دیں بصورت دیگر سخت محکمہ جاتی کارروائی کی جائے گی۔ غفلت برتنے والے افسران اور ملازمین کو کسی صورت معاف نہیں کیا جائے گا۔ اس کے علاوہ ڈاکٹر ذوالفقارطیاراور ڈاکٹر عاشق بھٹو کو کرپشن کی بنیاد پر ان کے کیس کی انکوائیری کے احکامات جاری کئے گئے ہیں۔دریں اثنا وزیر صحت سید اویس مظفر نے کہا ہے کہ محکمے میں احتسابی عمل شروع کردیا گیا ہے۔ تمام افسران اور ملازمین کی تصدیق بھی کی جائے گی، جس کے لئے ایک چار رکنی کمیٹی بھی قائم کردی گئی ہے۔ انھوں نے کہا کہ اب تک محکمہ صحت میں مجموعی طور پر 59ڈاکٹروں کی معطلی کے احکامات جاری کردئیے گئے ہیں اور اب بھی جو ڈاکٹر اپنی ڈیوٹیوں پر نہیں آئیں گے یا کسی بھی کرپشن میں ملوث ہوں گے ان کے خلاف کارروائی کی جائے گی۔ انھوں نے کہا کہ ہم محکمہ صحت میں کرپشن کے خاتمے کے لئے پرعزم ہیں اور اس سلسلے میں ضرورت پڑنے پر سندھ اسمبلی میں قانون سازی بھی کی جائے گی۔
پشاور:تیسری ویمنزاسکواش چیمپئن شپ میں16 کھلاڑیوں کی شرکت
پشاور : قیوم سپورٹس کمپلیکس پشاور میں کھیلی جانیوالی تیسری خیبر پختونخواویمنز سکواش چیمپئن شپ میں پشاور، مردان، بنوں اور ایبٹ آباد کی 16کھلاڑی حصہ لے رہی ہیں۔ پہلے روز کھیلے گئے میچز میں پشاور کی کھلاڑیوں نے عمدہ کھیل کا مظاہرہ کیا اور حریفوں کو مات دی۔ چیمپئن شپ میں شرکت سے قبل نوآموز کھلاڑیوں کو ایک ماہ تربیت دی گئی ہے۔ صوبائی سکواش ایسوسی ایشن کے جنرل سیکرٹری قمر زمان کے مطابق ایونٹ میں نمایاں رہنے والی کھلاڑی قومی چیمپئن شپ میں خیبر پختونخوا کی نمائندگی کرینگی۔ویمنز سکواش چیمپئن شپ تین دن تک جاری رہے گی۔