اسلام آباد (پی پی آئی)جوڈیشل کمپلیکس حملہ کیس میں چودھری پرویز الٰہی کے جوڈیشل ریمانڈ میں 24اکتوبر تک توسیع کر دی گئی۔پی پی آئی کے مطابق جوڈیشل کمپلیکس حملہ کیس میں چودھری پرویز الٰہی کو ڈیوٹی جج کے سامنے پیش کیا گیا، اے ٹی سی جج ابوالحسنات ذوالقرنین کی رخصت کے باعث پرویز الٰہی کو ڈیوٹی جج شاہ رخ ارجمند کی عدالت میں پیش کیا گیا۔ڈیوٹی جج شاہ رخ ارجمند نے استفسار کیا کہ کیا پرویز الٰہی کی حد تک چالان عدالت جمع ہو گیا؟اے ٹی سی عدالتی عملہ نے کہاکہ پرویز الٰہی کی صرف جوڈیشل ریمانڈ کی توسیع کرنی ہے،تفتیشی افسر نے کہاکہ پرویز الٰہی کی حد تک چالان آ گیا ہے، نوٹس بھی ہو گیا ہے،ڈیوٹی جج نے کہاکہ شریک ملزمان کیساتھ ہی پرویز الٰہی کی بھی اگلی تاریخ رکھ لیتے ہیں،عدالت نے پرویز الٰہی کے جوڈیشل ریمانڈ میں 24اکتوبر تک توسیع کرتے ہوئے سماعت ملتوی کردی۔
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
بھارتی ہاکی ٹیم رواں برس مارچ میں پاکستان کا دورہ کرے گی
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
اسنوکر فیڈریشن کا انعامی رقم نہ ملنے پر احتجاج کرنے کا اعلان
تازہ ترین خبریں
اشتہار
تازہ ترین
ڈیرہ بگٹی سے 2افراد اغوا، علاقیہ کا محاصرہ،مغویوں کی تلاش شروع
ڈیرہ بگٹی (پی پی آئی)بلوچستان کے ضلع ڈیرہ بگٹی کے علاقے مرو سے 2افراد کو اغوالیا گیا ہے،لیویز حکام کے مطابق ضلع ڈیرہ بگٹی کے علاقے مرو سے نامعلوم مسلح افراد شہری خالق عرف حاجی اور غلام حسین کو اسلحے کے زور پر اغوا کرکے نامعلوم مقام پر لے گئے۔پی پی آئی کے مطابق اطلاع ملنے پر لیویز نے علاقے کو گھیرے میں لے کر مغویوں کی تلاش شروع کردی ہے،لیویز حکام کا کہنا ہے کہ اغواء کیے جانے والے افراد ڈیرہ بگٹی کے رہائشی ہیں۔
اسلام آباد میں دفتر خارجہ کی پرانی عمارت میں شارٹ سرکٹ کے باعث آتشزدگی
اسلام آباد (پی پی آئی)اسلام آباد میں دفتر خارجہ کی عمارت میں آگ لگ گئی، فائر بریگیڈ اور ایم سی آئی کی ٹیموں نے آگ پر قابو پا لیا۔ترجمان دفتر خارجہ نے بتایا ہے کہ آگ پرانی عمارت میں لگی، سی ڈی اے عملے کے پرانے ایئر کنڈیشننگ پلانٹ کو ختم کرنے کے دوران آتشزدگی کا یہ واقعہ پیش آیا، ایئرکنڈشنگ پلانٹ میں استعمال ہونے والے آلات میں شارٹ سرکٹ کے باعث آگ بھڑک اٹھی،پی پی آئی کے مطابق ترجمان نے مزید بتایا کہ وزارت خارجہ کے ہنگامی ردعمل نے فوری طور پر فائر بریگیڈ کی مدد سے آگ پر قابو پا لیا، آتشزدگی واقعہ کی جگہ وزارت خارجہ کی مرکزی عمارت سے باہر ہے، آگ کی وجہ سے کسی ریکارڈ یا انفراسٹرکچر کو کوئی نقصان نہیں پہنچا۔
اڈیالہ جیل میں چیئرمین پی ٹی آئی سے رابطہ نہیں ہوا: چودھری پرویز الٰہی
اسلام آباد (پی پی آئی)سابق وزیراعلیٰ پنجاب اور تحریک انصاف کے صدر چودھری پرویز الٰہی اڈیالہ جیل میں چیئرمین پی ٹی آئی سے رابطے کے سوال پر کھل کر بول پڑے۔پی پی آئی کے مطابق جوڈیشل کمپلیکس پیشی پر صحافی نے سوال کیا ”سنا ہے کہ آپکے ساتھ خان صاحب کی اڈیالہ میں کوئی پیغام رسانی ہوئی ہے،ٹکٹوں کی تقسیم کے حوالے سے تجاویز مانگی ہیں،جس پر پرویز الٰہی نے انکار کرتے ہوئے کہاکہ نہیں ایسا تو کچھ نہیں ہوا۔
تلاش کریں
خبریں
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
(January 24, 2014)
جوہانسبرگ: جنوبی افریقی کرکٹ بورڈ نے آئندہ ماہ آسٹریلیا کے خلاف سیریز کی میزبانی سے قبل زمبابوے کی ٹیسٹ میچ کھیلنے کی پیشکش کردی ۔ آسٹریلوی ٹیم دورئہ جنوبی افریقا کے دوران ٹیسٹ اور ٹی 20میچوں کی سیریز کھیلے گی اور دونوں ٹیموں کے درمیان سیریز کا آغاز 12فروری کو ہوگا ۔زمبابوین بورڈ نے اس پیشکش کا اب تک جواب نہیں دیا ہے کیوں کہ کھلاڑیوں اور بورڈ کے درمیان تنخواہوں کے حوالے سے تنازع چل رہا ہے ۔
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
(January 24, 2014)
لاہور: پاکستان کرکٹ بورڈ کے چیئرمین ذکاءاشرف کا کہنا ہے کہ کوچ ڈیو واٹمور نے پاکستان کرکٹ کے لیئے بہترین کام کیا۔ جب کہ پاک بھارت کرکٹ سیریز کی بحالی کے لیئے بھارتی بورڈ سے بات چیت جاری ہے۔ نیشنل کرکٹ اکیڈمی لاہور میں پی سی بی چیئرمین ذکاءاشرف نے غیر ملکی کوچ ڈیوواٹمور اور فیلڈنگ کوچ جولین فاونٹین سے ملاقات کی اور انکی کرکٹ کیلئے خدمات کا اعتراف کرتے ہوئے تحائف دیئے۔ میڈیا سے گفتگو کرتے ہوئے ذکاءاشرف نے کہا کہ دونوں غیرملکی کوچز نے قومی ٹیم کو بلندی پر لے جانے میں بھرپور محنت کی۔ ذکاءاشرف کا کہنا تھا کہ28 جنوری کو دبئی میں شروع ہونے والی آئی سی سی میٹنگ میں بھارتی کرکٹ بورڈ سربراہ سری نواسن سے ملاقات بھی ہو گی جس میں پاک بھارت کرکٹ سیریز کی بحالی میں پیش رفت پر بات چیت کریں گے۔ آخری بار2013 میں پاکستان نے بھارت کا دور کیا تھا اور اب روایتی حریف کی پاکستان آنے کی باری ہے۔
بھارتی ہاکی ٹیم رواں برس مارچ میں پاکستان کا دورہ کرے گی
(January 24, 2014)
لاہور: بھارتی ہاکی فیڈریشن (بی ایچ ایف) نے مارچ میں پاکستان کے دورے کی حامی بھر لی۔ تین میچوں کی پاک بھارت سیریز مارچ میں ہوگی۔ ذرائع کے مطابق پاکستان ہاکی فیڈریشن کے سیکرٹری رانا مجاہد نے جمعہ کو اپنے بھارتی ہم منصب نریندرا پترا سے ٹیلیفونک گفتگو کی۔ پاکستان ہاکی فیڈریشن کے سیکرٹری رانا مجاہد نے گفتگو کے بعد یہ دعویٰ کیا ہے کہ بھارتی ہاکی فیڈریشن نے مارچ میں پاکستان کا دورہ کرنے کی یقین دہانی کراتے ہوئے اس بات کی حامی بھری ہے کہ بھارتی ہاکی ٹیم حکومت کی اجازت کے بعد مارچ میں پاکستان کا دورہ کرے گی۔ انہوں نے کہا کہ تین میچوں کی پاک بھارت سیریز مارچ میں ہوگی۔ سیریز کے تمام میچ ایک ہی شہر میں ہوں گے تاہم تاریخ اور وقت کا فیصلہ نہیں کیا گیا۔
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
(January 24, 2014)
لاہور: آسٹریلیا کے کیڈل ایونز نے ٹور ڈاﺅن انڈر سائیکل ریس کا تیسرا مرحلہ جیت لیا ۔ آسٹریلیا کے مضافات میں ہونے والی ریس کا تیسرا مرحہ 145کلو میٹر طویل تھا ۔ میزبا ن رائیڈر ایونز نے ابتدا ءسے ہی حریفوں پر اپنی برتری قائم رکھی اور مقررہ فاصلہ 3گھنٹے 34منٹ ، 5سیکنڈز میں سب سے پہلے طے کیا ۔ ایونز کے ہم وطن نیتھن ہاس 15سیکنڈز کے فرق کے ساتھ دوسرے نمبر پر رہے ۔ ریس کے چوتھے مرحلے میں سائیکلسٹس 148.5کلومیٹر کا فاصلہ طے کریں گے ۔
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
(January 24, 2014)
میلبورن: بھارت کی ثانیہ مرزا نے اپنے پارٹنر ہوریا ٹیکاﺅکے ہمراہ آسٹریلین اوپن کے مکسڈ ڈبلز فائنل میں جگہ بنالی۔ میلبورن میں جاری سال کے پہلے گرینڈ سلم ایونٹ کے مکسڈ ڈبلز سیمی فائنل میں بھارتی ٹینس اسٹار ثانیہ مرزا اور ہوریا ٹیکاﺅکی جوڑی نے ایک سیٹ کے خسارے میں جانے کے باوجود آسٹریلیا کے میتھیوایبڈن اور جارمیلا گاجدوسووا کو شکست دی۔ ثانیہ اور ٹیکاو نے آسٹریلین جوڑی کے خلاف عمدہ کھیل پیش کیا اور73منٹ میں پہلے سیٹ میں دوچھ سے ناکامی کے بعد اگلے دو سیٹس میں چھ تین اوردس دوسے فتح سمیٹ کر فائنل کیلئے کوالیفائی کرلیا۔ ثانیہ اور ٹیکاو نے کوارٹرفائنل میں پاکستان کے اعصام الحق اور یولیا گورجیس کے پیئرکوہرایا تھا۔
اسنوکر فیڈریشن کا انعامی رقم نہ ملنے پر احتجاج کرنے کا اعلان
(January 24, 2014)
کراچی: پاکستان اسنوکر فیڈریشن کے صدر عالم گیر شیخ کا کہنا ہے کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ کراچی پریس کلب میں نیوزکانفرنس سے خطاب کرتے ہوئے عالم گیرشیخ کا کہنا تھا کہ محمد آصف ، محمد سجاد اور دیگر کھلاڑیوں نے پانچ ٹائٹل جیت کر دنیا میں پاکستان کا نام روشن کیا لیکن حکومت نے ان کے لیے اسپورٹس پالیسی کے تحت وقف دو کروڑاسی لاکھ روپے کی انعامی رقم اب تک ادا نہیں کی۔ عالم گیر شیخ نے کہا کہ ہاکی فیڈریشن کو متعدد ناکامیوں کے باوجود پانچ سال میں سو کروڑ روپے کی گرانٹ دی گئی لیکن اسنوکر کھلاڑیوں کو فتح کے باوجود انعام سے محروم رکھنا زیادتی ہے۔ انہوں نے کہا کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ عالم گیر شیخ نے ہاکی کی جگہ اسنوکرکو قومی کھیل کا درجہ دینے کا مطالبہ بھی کیا۔