اسلام آباد (پی پی آئی) انٹر نیشنل مانیٹری فنڈ(آئی ایم ایف) نے ورلڈ اکنامک رپورٹ جاری کی ہے، جس میں پیشگوئی کی ہے کہ پاکستان میں گزشتہ سال کی نسبت اس سال مہنگائی میں کمی واقع ہو گی۔پی پی آئی کے مطابق آئی ایم ایف نے پاکستان کے کرنٹ اکاؤنٹ خسارے میں اضافے کی پیش گوئی کرتے ہوئے، مہنگائی اور بے روزگاری میں کمی کی پیشگوئی کی ہے، جاری رپورٹ میں کہا گیا ہے کہ رواں مالی سال کرنٹ اکاؤنٹ خسارہ 1.8 فیصد تک رہنے کا امکان ہے،گزشتہ مالی سال پاکستان کا کرنٹ اکاؤنٹ خسارہ 0.7 فیصد تھا،رواں مالی سال پاکستان میں اوسط مہنگائی 23.6 فیصد تک رہنے کی توقع ہے،گزشتہ مالی سال میں پاکستان میں اوسط مہنگائی 29.2 فیصد تھی۔ ا?ئی ایم ایف کی جانب سے کہا گیا ہے کہ رواں مالی سال معاشی شرح نمو 2.5 فیصد تک رہنے کی توقع ہے،گزشتہ مالی سال پاکستان کی معاشی شرح نمو منفی 0.5 فیصد تھی،رواں مالی سال پاکستان میں بے روزگاری کی شرح 8.5 فیصد تک رہنے کا امکان ہے،گزشتہ مالی سال پاکستان میں بے روزگاری کی شرح 8 فیصد تھی۔
پاکستان کرکٹ ٹیم رواں سال آسٹریلیا سے سیریز کھیلے گی
آسٹریلین اوپن : جوکووچ اور سرینا کا فاتحانہ آغاز ،سارہ ایرانی آﺅٹ
کارکردگی سے مایوس نہیں ،آخری ٹیسٹ جیت کر دکھائیں گے : سعید اجمل
نوابشاہ :ٹریفک حادثے میں21 طلبہ سمیت24 افراد جاں بحق
ذکاءاشرف بحالی ، ورلڈ ٹی 20اور انڈر 19ورلڈ کپ کیلئے ٹیموں کے اعلان میں تاخیر کا خدشہ
پی ٹی سی ایل کا ایووٹیب ڈیوائس کے ساتھ 10ماہ مفت انٹرنیٹ دینے کا اعلان
تازہ ترین خبریں
اشتہار
تازہ ترین
عمران کی بیٹوں سے فون پر بات کروانے سے سپرنٹنڈنٹ اڈیالہ جیل کا انکار
اسلام آباد (پی پی آئی)سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے فون پر بات کروانے سے انکار کر دیا،عدالت نے سپرنٹنڈنٹ اڈیالہ جیل سے قیدیوں سے فون پر بات کروانے سے متعلق جیل ایس او پیز طلب کرلئے۔پی پی آئی کے مطابق آفیشل سیکرٹ ایکٹ عدالت میں چیئرمین پی ٹی آئی سے اڈیالہ جیل میں بیٹوں سے ٹیلی فونک بات کروانے کی سماعت ہوئی،اڈیالہ جیل سپرنٹنڈنٹ نے جج ابوالحسنات ذوالقرنین کی عدالت میں جواب جمع کروا دیا،سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے فون پر بات کروانے سے انکار کر دیا،عدالت نے سپرنٹنڈنٹ اڈیالہ جیل سے قیدیوں سے فون پر بات کروانے سے متعلق جیل ایس او پیز طلب کرلئے،عدالت نے 18اکتوبر تک سپرنٹنڈنٹ اڈیالہ جیل کو ایس او پیز جمع کروانے کا حکم دیدیا۔
نوازشریف سعودی عرب نہیں پہنچے ہنوز لندن میں ہی موجود
مکہ مکرمہ/لندن/اسلام آباد (پی پی آئی) مسلم لیگ (ن) کے سینیٹر عرفان صدیقی نے نوازشریف کے سعودی عرب میں موجود ہونے سے متعلق خبروں کی تردید کر تے ہوئے بتایا ہے کہ نوازشریف کے سعودی عرب پہنچ جانے سے متعلق خبروں میں صداقت نہیں، وہ ابھی لندن میں ہی موجود ہیں۔پی پی آئی کے مطابق نواز شریف11 اکتوبر کو لندن سے سعودی عرب روانہ ہوں گے۔ انہوں نے بتایا کہ نوازشریف کا دورہ سعودی عرب نجی نوعیت کا ہے جہاں وہ عمرہ ادا کریں گے۔ ان کی سعودی اعلیٰ حکام سے ملاقاتیں طے نہیں۔
مولانا فضل الرحمان29اکتوبر سے بلوچستان کا دورہ کرینگے
کوئٹہ(پی پی آئی) جمعیت علمائے اسلام کے سربراہ مولانا فضل الرحمٰن 29اکتوبر سے بلوچستان کا دورہ کریں گے۔پی پی آئی کے مطابق جمعیت کے صوبائی امیر مولانا عبدالواسع نے دورے کی تیاریوں کو حتمی شکل دینے کیلئے جمعیت کا اہم اجلاس 19اکتوبر کو صبح 11بجے صوبائی سیکرٹریٹ جی او آر کالونی میں طلب کیا ہے، اجلاس میں تمام اضلاع کے امرااور نظما کوشرکت کی تاکید کی گئی ہے۔اجلاس میں جمعیت کے مرکزی امیر مولانا فضل الرحمٰن کے 29اکتوبر کو دورے اورآنے والے انتخابات کی تیاریوں پر غور کیا جا ئے گا۔
تلاش کریں
خبریں
پاکستان کرکٹ ٹیم رواں سال آسٹریلیا سے سیریز کھیلے گی
لاہور: پاکستان کرکٹ ٹیم رواں سال آسٹریلیا سے سیریز کھیلے گی۔ پی سی بی نے کرکٹ آسٹریلیا کو سیریز میں تین کی بجائے دو ٹیسٹ میچز کرانے کی تجویز دی ہے۔ پاکستان اور آسٹرلیا کے درمیان سیریز اکتوبر میں شیڈول ہے، پاکستان نے کرکٹ آسٹریلیا کو تجویز دی ہے کہ سیریز میں تین کی بجائے دو ٹیسٹ کرائے جائیں، تیسرے ٹیسٹ کی جگہ ون ڈے اور ٹی ٹوئنٹی کھیلے جائیں تا کہ پاکستان کو ورلڈکپ 2015 کی تیاری کا زیادہ موقع مل سکے۔ کرکٹ آسٹریلیا کے چیف ایگزیکٹوجیمزسدرلینڈ کا کہنا ہے کہ پاکستان سیریز کا میزبان ہے، فیصلہ اسے ہی کرنا ہے کہ کتنے میچز کھیلنے ہیں۔ ممکنہ طور پر یہ سیریز یواے ای میں ہو گی۔
آسٹریلین اوپن : جوکووچ اور سرینا کا فاتحانہ آغاز ،سارہ ایرانی آﺅٹ
میلبورن: سربین ٹینس اسٹارنوواک جوکووچ اورامریکا کی سرینا ولیمز نے آسٹریلین اوپن ٹینس ٹورنامنٹ کا فاتحانہ آغاز کردیا، اٹلی کی سارا ایرانی اپ سیٹ شکست کے بعد ایونٹ سے باہر ہوگئیں۔میلبورن میں جاری سال کے پہلے گرینڈ سلم ایونٹ کے میز سنگلز کے پہلے راونڈ کے میچ میں سیکنڈ سیڈ سربیا کے نوواک جوکووچ نے سلواکیہ کے لوکاس لیکو کو اسٹریٹ سیٹس میں شکست دے کر دوسرے راونڈ کے لئے کوالیفائی کرلیا۔سرب کھلاڑی کی فتح کا اسکور چھ تین، سات چھ اور چھ ایک رہا۔ ویمنز سنگلز میں عالمی نمبر ایک امریکہ کی سرینا ولیمز نے آسٹریلیا کی ایشلگ بارٹی کو زیر کرکے ایونٹ کا فاتحانہ آغاز کردیا۔سرینا نے چھ دو اور چھ ایک سے حریف کھلاڑی کو قابو کیا۔ اٹلی کی سارہ ایرانی کو پہلے راونڈ میں جرمنی کی جولیا جورجز نے اپ سیٹ شکست دے کر ٹورنامنٹ سے باہر کردیا۔
کارکردگی سے مایوس نہیں ،آخری ٹیسٹ جیت کر دکھائیں گے : سعید اجمل
شارجہ: پاکستان کرکٹ ٹیم کے اسٹار آف اسپنر سعید اجمل کا کہنا ہے کہ ما یوس نہیں، اچھی کارکردگی دکھاکر ٹیسٹ سیریز کاآخری میچ جیتنے کی کوشش کرینگے۔شارجہ میں میڈیا سے گفتگو کرتے ہوئے آف اسپنر سعید اجمل کا کہنا ہے کہ خراب کارکردگی پر مایوس نہیں اچھی کارکردگی دکھاکر سیریز کے تیسرا جیت کر سیریز برابر کرنے کی کوشش کرینگے۔سعید اجمل کا کہنا ہے کہ چھ سال سے یو اے ای میں کرکٹ کھیل رہا ہوں لیکن کبھی ایسی وکٹ نہیں دیکھی، جس سے اسپنرز کو مدد نہ ملے، زیادہ کرکٹ کھیلنے یا توقعات پر پورا اترنے کو کوئی بوجھ نہیں ہے۔ سری لنکن بلے باز میری گیندوں کو نہایت احتیاط کے ساتھ کھیل رہے ہے۔
نوابشاہ :ٹریفک حادثے میں21 طلبہ سمیت24 افراد جاں بحق
نوابشاہ: نوابشاہ میں ہونے والے ٹریفک حادثے میں21 طلبہ سمیت24 افراد جاں بحق ہوگئے۔تفصیلات کے مطابق بدھ کے روز قاضی احمد لنک روٹری کینال مگسی اسٹاپ کے قریب ایک تیز رفتار ڈمپر نے طالب علموں سے بھری وین کو ٹکر ماردی ۔ہولناک تصادم سے وین کے پرخچے اڑگئے ۔حادثے کے باعث برائٹ فیوچر اسکول کے طلباءاور اساتذہ سمیت 24افراد اپنی جان سے ہاتھ دھو بیٹھے ۔ہلاک شدگان میں معظم ،ہمایوں ،لاریب ،آصف ،ارباز ،یامین ،آفاق ،نعمان ،عمران ،مختیار،عاطف ،عصمت ،ثناء،روبینہ ،سعدیہ ،عائشہ ،زکیہ ،اقراء،فریحہ اور پرنسپل قاری بشیر بتائے جاتے ہیں ۔حادثے کے بعد نوابشاہ پی ایم سی ہسپتا ل میں ایمر جنسی نافذ کردی گئی۔وزیراعلٰی سندھ سید قائم علی شاہ اور گورنر سندھ ڈاکٹر عشرت العباد نے نے حادثے کا فوری نوٹس لیتے ہوئے جلد ازجلد رپورٹ پیش کرنے کا حکم جاری کیا ہے ۔ ڈی سی نواب شاہ اعتراف کرتے ہیں کہ قاضی احمد لنک روڈ ایک خطرناک موڑ ہے جہاں پہلے بھی کئی حادثے ہوچکے ہیں، جاں بحق ہونے والے تمام بچوں کا تعلق دولت پور سے ہے۔
ذکاءاشرف بحالی ، ورلڈ ٹی 20اور انڈر 19ورلڈ کپ کیلئے ٹیموں کے اعلان میں تاخیر کا خدشہ
لاہور: چوہدری ذکاءاشرف کی چیئرمین پی سی بی کے عہدے پربحالی کے بعد ورلڈ ٹی 20 اورانڈر19 ورلڈ کپ کیلئے ٹیموں کا اعلان مزید تاخیرکا شکارہوسکتا ہے۔مارچ میں بنگلہ دیش میں ہونیوالے ورلڈ ٹی20 کیلئے ابتدائی30 کھلاڑیوں کی فہرست آئی سی سی کوبھجوانے اورانڈر19 ورلڈ کپ کیلئے جونیئرٹیم کے اعلان کے معاملات پہلے ہی تاخیرکا شکارہیں، اب ذکاءاشرف کے چیئرمین پی سی بی کے عہدے پربحال ہونے کے بعد اس میں مزید تاخیرہوسکتی ہے۔ ذرائع کے مطابق سلیکشن کمیٹی نے کھلاڑیوں کوشارٹ لسٹ کرنے کیلئے40کھلاڑیوں کی فہرست منیجرمعین خان کوبھجوادی ہے لیکن ذرائع کا کہنا ہے کہ ذکاءاشرف کی بحالی کے بعد یہ معاملہ بھی الجھ گیا ہے اوران کے دوبارہ عہدہ سنبھالنے کے بعد ہی کھلاڑیوں کی فہرست آئی سی سی کوبھجوائی جائیگی۔ دوسری جانب بورڈ نے کچھ کھلاڑیوں کی فٹنس کے باعث انڈر19 ٹیم کے نام بھجوانے کیلئے آئی سی سی مزید تین روزکی مہلت طلب کرلی ہے۔ پی سی بی کے مطابق تین چارکھلاڑیوں کی فٹنس رپورٹ موصول ہونے کے بعدانڈر19 ٹیم کا اعلان کیا جائیگا۔
پی ٹی سی ایل کا ایووٹیب ڈیوائس کے ساتھ 10ماہ مفت انٹرنیٹ دینے کا اعلان
اسلام آباد: پاکستان ٹیلی کمیونیکیشن کمپنی لمیٹڈ ( پی ٹی سی ایل ) نے ہر نئی ایوو ٹیب ڈیوائس کے سا تھ دس ماہ کیلئے مفت انٹرنیٹ دینے کا اعلان کیا ۔ پی ٹی سی ایل ایوو ٹیب کو اینڈرائیڈ4.0.1 آپریٹنگ سسٹم و ڈوئیل کور 1.2گیگا ہاٹس پروسیسر اور 1GB ریم کے ساتھ اپ گریڈ کیا گیا ہے جس کے ذریعے صارفین ملٹی میڈیا سروسز استعمال کرسکیں گے ۔ اس ڈیوائس میں ہائی ڈیفینیشن ٹچ سکرین ، ایچ ڈی کوالٹی ویڈیو پلے بیک ،فور جی بی میموری اور دوہرے کیمرے کی سہولیات دی گئیں ہیں ۔ سامنے اور پیچھے کے کیمرے اعلیٰ معیار کی ویڈیو کانفرنسنگ اور فوٹو گرافی و ویڈیو گرافی کیلئے بہترین ہے ۔ انتہائی وسیع کوریج اور سب سے بڑے ڈیٹا نیٹ ورک کے ساتھ پی ٹی سی ایل براڈ بینڈ پاکستان بھر میں لوگوں کو دنیا تک رسائی دے رہا ہے اور وہ ملک بھر سے رابطے اور معلومات کیلئے رسائی کی سہولت رکھتے ہیں ۔اس ٹیب میں 3GEVODO اور ” آن دی گو“ رابطے کیلئے وائی فائی ، سی ڈی ایم اے ون ایکس اور ایس ایم ایس کے ساتھ ساتھ 6گھنٹے تک استعمال ہونے والی بیٹری رکھی گئی ہے جس کا سٹینڈ بائی وقت 20گھنٹے ہے ۔