کوئٹہ (پی پی آئی)کوئٹہ کے علاقے کچلاک میں گشت پر مامور پولیس کی گاڑی پر دہشت گردوں نے فائرنگ اور دستی بم سے حملہ کیا ہے۔پولیس کے مطابق دہشتگردوں کی فائرنگ سے ایک پولیس اہلکارزخمی ہوا ہے جس کو سول ہسپتال منتقل کردیا گیا ہے جہاں اس کی حالت تسلی بخش ہے۔پی پی آئی کے مطابق واقعے کی اطلاع ملتے ہی پولیس اور امدادی ٹیمیں موقع پر پہنچ گئیں، پولیس کی جوابی فائرنگ سے حملہ آور فرار ہوگیا۔پولیس کی جانب سے واقعے کی تفتیش کی جارہی ہے۔
زینگژو، چین، 21 ستمبر 2023ء/سنہوا-ایشیانیٹ/– ہیرے کی صنعت سے متعلق 2023ء کانفرنس 18 سے 22 ستمبر تک صوبہ ہینان کے شہر ژینگژو سٹی میں منعقد ہو رہی ہے۔ “صنعتی زنجیر کے فوائد کو جمع کرنا اور ہیرے کے مواد کے مستقبل کو مشترکہ طور پر تخلیق کرنا” کے موٹو کے ساتھ ، کانفرنس انتہائی بااثر سائنسدانوں اور کاروباری افراد کو تقاریر کرنے اور مصنوعی ہیروں کے عالمی میدان میں تکنیکی سرحدوں ، صنعت کے رجحانات اور گرم مسائل کے بارے میں اعلی درجے کے مکالموں کی میزبانی کرنے کے لئے مدعو کرتی ہے۔ آرگنائزنگ کمیٹی کے مطابق اس کے ساتھ ہی 2023 کی گرون ڈائمنڈ نمائش اور 2023 کے گرون ڈائمنڈ ڈیزائن مقابلے جیسی سرگرمیاں بھی ہوں گی۔
چین کے مصنوعی ہیرے کے شعبے کا آغاز 1963 میں ہوا تھا اور اسے ژینگژو میں صنعتی بنایا گیا ہے۔ 60 سال کی ترقی کے بعد، اس کی تعریف کی گئی ہے: “عالمی ہیروں کے لئے، چین کو دیکھیں۔ چینی ہیروں کے لیے ہینان کو دیکھو۔ اس وقت، چین عالمی سپر ہارڈ مواد کی صنعت میں ایک اہم ملک بن گیا ہے، مصنوعی ہیرے کی پیداوار عالمی کل کا تقریبا 95٪ ہے، جس میں سے 80٪ ہینان میں تیار کیا جاتا ہے. زینگژو ہائی ٹیک انڈسٹریل ڈیولپمنٹ زون ، ژینگژو کی مصنوعی ہیرے کی صنعت کا اہم کلسٹر ، لسٹڈ کمپنیوں ، یونیورسٹیوں اور صنعتی انجمنوں جیسے امیر اختراعی وسائل کا مالک ہے۔ اب، یہ بین الاقوامی طور پر تسلیم شدہ اور معروف گھریلو مصنوعی ہیرے کی صنعت کی بنیاد کی تعمیر میں تیزی لا رہا ہے..
ماخذ: ڈائمنڈ انڈسٹری پر 2023 کانفرنس کی آرگنائزنگ کمیٹی
تصویری منسلکات لنکس:https://iop.asianetnews.net/view-attachment?attach-id=442340
کراچی(پی پی آئی)شہر قائد کی پولیس کراچی کے مختلف علاقوں میں دوران ڈکیتی مزاحمت پر شہریوں کے قتل کے درست اعداد و شمار سے لاعلم نکلی۔پی پی آئی کے مطابق ترجمان کراچی پولیس نے دعویٰ کیا ہے کہ رواں سال اب تک 82 شہری ڈکیتی مزاحمت پر جاں بحق ہوئے ہیں، اور 361 شہری زخمی ہوئے۔ جب کہ دوسری طرف پولیس تھانہ جات، اسپتال اور ریسکیو ذرائع نے تصدیق کی ہے کہ رواں سال اب تک شہر کے مختلف علاقوں میں ڈکیتی مزاحمت پر 100 افراد جاں بحق ہو چکے ہیں۔کراچی پولیس نے گزشتہ 9 ماہ کے دوران ہونے والے پولیس مقابلوں کے اعداد و شمار بھی جاری کر دیے ہیں، ایڈیشنل آئی جی کراچی خادم حسین رند کے مطابق 9 ماہ کے دوران 755 پولیس مقابلے ہوئے، جن میں 123 ملزمان ہلاک ہوئے۔جن ملزمان کو زخمی حالت میں گرفتار کیا گیا ان کی تعداد 926 ہے، اور دیگر گرفتار ملزمان کی تعداد 5 ہزار 339 ہے۔ اے آئی جی نے اپنے پیغام میں کہا کہ کراچی پولیس شہریوں کے جان و مال کی حفاظت اور امن کے قیام کے لیے مصروف عمل ہے۔
کھٹمنڈو (پی پی آئی) پاکستانی کوہ پیما نائلہ کیانی نے دنیا کی آٹھویں بلند ترین چوٹی نٹ مناسلو کامیابی سے سر کر لی، نائلہ کیانی 8 ہزار میٹر سے زائد بلند چوٹیاں سر کرنے والی پہلی پاکستانی خاتون بن گئیں۔پی پی آئی کے مطابق نیپال میں واقع ماونٹ مناسلو دنیا کی آٹھویں بلند چوٹی ہے، نائلہ نیبدھ کی شام چھ بجے کیمپ ٹو سے سمٹ کی جانب پیش قدمی شروع کی تھی اور جمعرات کی صبح سوا سات بجے مناسلو کے ٹاپ پر پہنچیں۔ نائلہ کیانی 8 ہزار میٹر سے بلند 9 چوٹیاں سر کرنے والی پہلی پاکستانی خاتون ہیں، نائلہ اس سے قبل ماونٹ ایوریسٹ، کے ٹو، نانگا پربت، جی ون، جی ٹو، اناپورنا، لوٹسے اور براڈ پیک سر کرچکی ہیں۔ نانگا پربت، جی ون، جی ٹو، اناپورنا، لوٹسے اور براڈ پیک کے ٹاپ پر بھی جانے والی نائلہ پہلی پاکستانی خاتون تھیں۔ نائلہ اس سیزن میں چین کی چوایو اور شیشاپنگما بھی سر کریں گی، نائلہ کیانی 8 ہزار میٹر سے بلند تمام 14 چوٹیاں سر کرنے کا عزم رکھتی ہیں۔ نائلہ کیانی کا تعلق پنجاب کی تحصیل گوجر خان سے ہے۔
لندن: فٹبال پریمیئر لیگ میں لیور پول نے مانچسٹر یونائیٹڈ کو ایک صفر سے ہرا دیا۔ سوانسی اور آرسنل نے اپنے میچ جیت لیے۔دنیا کے ہر دلعزیز کھیل فٹبال میں دلچسپ مقابلے ہوئے اینفیلڈ میں لیور پول نے مانچسٹر یونائیٹڈ کا سارا غرور خاک میں ملا دیا۔ ایک صفر کی جیت کے ساتھ انہوں نے انیس سو چورانوے پچانوے کے بعد لیگ سیزن کا شاندار آغاز کیا ہے۔ دوسرے میچ میں سوانسی نے ویسٹ بروم کو دو صفر کی شکست سے دوچار کیا۔ پہلے ہاف میں فاتح ٹیم کو ایک صفر کی برتری حاصل تھی۔ ادھر آرسنل کا پہلے ہاف میں کیا ہوا گول ٹوٹنہم کے خلاف فیصلہ کن ثابت ہوا۔
نیویارک: یو ایس اوپن میں عالمی نمبر ایک نواک جوکووچ اور اینڈی مرے چوتھے راو¿نڈ میں پہنچ گئے جبکہ سرینا ولیمز نے کوارٹر فائنل میں سیٹ پکی کر لی۔ٹینس سیزن کے چوتھے اور آخری گرینڈ سلیم میں زبردست مقابلے جاری ہیں۔ ٹاپ سیڈ نواک جوکووچ نے پرتگالی حریف کو اسٹریٹ سیٹ میں شکست دی۔ جوکووچ چھ صفر، چھ دو اور چھ دو سے جیت کر چوتھے راو¿نڈ میں پہنچ گئے۔ برطانوی ٹینس اسٹار اینڈی مرے نے جرمن مدمقابل کو زیر کیا۔ ویمن سنگلز میں عالمی نمبر ایک سرینا ولیمز نے برتری دکھاتے ہوئے اپنی ہی ہموطن امریکی کھلاڑی کو زیر کر دیا۔ دفاعی چیمپئن سرینا ولیمز نے چھ چار اور چھ ایک سے کامیابی اپنے نام کر کے کوارٹر فائنل میں جگہ بنا لی۔
لندن( پی پی آئی ) برٹش موٹو جی پی بائیک ریس میں سپین کے رائیڈرز نے میدان مار لیا۔ موٹو جی پی کا ٹائٹل ورلڈ چیمپئن جارج لورینزو نے اپنے نام کیا۔برطانیہ میںسلور اسٹون سرکٹ پر ہونے والی موٹو جی پی ریس کے فائنل میں دلچسپ مقابلہ دیکھنے کو ملا۔ جس میں شائقین کی بڑی تعداد نے شرکت کی۔ عالمی چیمپئن سپینش رائیڈرجارج لورینزومقررہ فاصلہ چالیس منٹ 52 سیکنڈ میں طے کرکے تیز ترین رائیڈر قرار پائے۔ ریس میں سپین ہی کے مارک مارکیوزدوسری اورڈینی پیڈروسا تیسری پوزیشن پر رہے۔
میڈرڈ( پی پی آئی ) دنیا کے مہنگے ترین کھلاڑی کا اعزاز حاصل کرنے والے برطانوی فٹ بالر گیرتھ بیل ہسپانوی کلب ریال میڈرڈ سے معاہدے پر دستخط کے لئے میڈرڈ پہنچ گئے۔ فٹ بال ایک ایسا کھیل جس سے دیوانگی کی حد تک وابستگی رکھنے والوں کی تعداد دنیا بھر میں کروڑوں میں ہے، یہی وجہ ہے کہ دنیا کے نامی گرامی کھلاڑیوں کے حصول کیلئے فٹ بال کلبس اپنے خزانوں کے منہ کھول دیتے ہیں۔ برطانوی فٹ بالر گیرتھ بیل سے چھ سالہ معاہدے کیلئے ہسپانوی کلب ریال میڈرڈ نے بھی کچھ ایسا ہی کیا جب انگلش کلب ٹوٹنہم کی نمائندگی کرنے والے گیرتھ بیل کی خدمات ایک سو ملین یوروز کے عوض حاصل کرلیں جو تاریخ میں کسی بھی فٹ بالر کو دیئے جانے والا سب سے بڑامعاوضہ ہے۔پاکستانی روپے کے حوالے سے یہ رقم 13ارب روپے بنتی ہے ۔ اس سے قبل عالمی شہرت یافتہ فٹبالرپرتگال کے کرسٹیانو رونالڈو کے لئے ریال میڈرڈ نے دو ہزار نو میں چورانوے ملین یوروز ادا کئے تھے۔
لندن: فٹبال پریمئر لیگ میں مانچسٹر سٹی سمیت پانچ ٹیموں نے اپنے میچ جیت لیے۔ مانچسٹر سٹی نے ہل کے خلاف شاندار کھیل پیش کیا بغیر کسی گول کے ختم ہونے والے پہلے ہاف نے میچ کو زیادہ سنسنی خیز بنا دیا۔ مانچسٹر سٹی کے کھلاڑیوں نے برتری دکھاتے ہوئے پینسٹھ اور نوے منٹ میں گول داغ کر دو صفر سے کامیابی اپنے نام کی۔ نیو کاسل نے فلہم، نارویچ نے ساتھمپٹن کو اور اسٹوک سٹی نے ویسٹ ہام کو ایک صفر سے شکست دی۔ کرسٹل پیلس نے سندر لینڈ کو ایک کے مقابلے میں تین گول سے شکست دی۔
نئی دہلی( پی پی آئی )بھارتی کرکٹر ویرات کوہلی کو ارجنا ایوارڈ دے دیا گیا۔بھارتی کرکٹ ٹیم کے مڈل آرڈر بلے باز ویرات کوہلی کو گذشتہ روز بھارتی دارالحکومت نئی دہلی میں منعقدہ ایک سرکاری تقریب میں صدر پرناب مکھرجی نے ارجنا ایوارڈ دیا۔ اس سے قبل یہ ملکی سول ایوارڈ یوراج سنگھ کو 2012 اور فاسٹ باﺅلر ظہیر خان کو 2011 میں دیا گیا تھا۔ ویرات کوہلی نے ملکی ایوارڈ ملنے کو اپنی زندگی کا یادگار لمحات میں سے ایک قرار دیا۔ ویرات کوہلی کے علاوہ بھارت کے دیگر کھیلوں میں بھی کارہائے نمایاں سرانجام دینے والوں کو ایوارڈ دیا گیا۔
