دبئی: اانٹرنیشنل کرکٹ کونسل(آئی سی سی ) نے سال2014 کے بہترین کھلاڑیوں کے حتمی ناموں کا اعلان کردیا۔آسٹریلیا کے فاسٹ بولر مچل جونسن دو ایوارڑ کے حق دار قرار پائے ہیں، آئی سی سی نے مچل جونسن کو سال کا بہترین ٹیسٹ کھلاڑی اور آئی سی سی کرکٹر آف دی ائر کا انعام دیا، مچل جانسن نے ایشنر سیریز اور جنوبی افریقا کے خلاف ٹیسٹ سیریز میں نمایاں کارکردگی دکھاتے ہوئے مجموعی طور پر37وکٹیں حاصل کی تھیں۔مچل جانسن سابق کپتان رکی پونٹنگ کے بعدتاریخ کے پہلے کھلاڑی ہیں جنھیں سال کا بہترین ٹیسٹ کھلاڑی کا ایوارڑ دیا گیا ہے۔ جنوبی افریقا کے ون ڈے ٹیم کے کپتان اے بی ڈی ولیئر کو سال بہترین ون ڈے کھلاڑی کا ایوارڑ دیا گیاہے،انگلینڈ کے بائیں ہاتھ کے نوجوان کھلاڑی گیری بیلنس کو ایمرجنگ پلیئر آف دی ائر کا ایوارڑ دیا گیا، گیری بیلنس ے جنوری میں آخری ایشنر میچ میں سڈنی میں اپنے کیرئر کا آغاز کیا تھا انھوں نے اب تک 8ٹیسٹ میچوں میں تین سنچریوں اور تین نصف سنچریوں کے بدولت 60.75اوسط سے 725بنائے ہیں۔ انگلینڈ کے رچرڈ کیٹلبوروف نے سال کے بہترین ایمپائر کا ایوار ڑ جیت لیا۔

 قاہرہ:افریقن فٹ بال کنفیڈریشن نے مراکش کے انکار کے بعد افریقن نیشنز کپ کی میزبانی افریقا کے چھوٹے سے ملک ایکواٹورئیل گوئنیا کو سونپ دی۔ مراکش نے ایبولا وائرس کے خوف سے ٹورنامنٹ کو ملتوی کرنے کی درخواست کی تھی جس سے کنفیڈریشن نے مسترد کرتے ہوئے میزبانی جنوبی افریقی ملک کو دے دی۔ ایکواٹورئیل گوئینیا تیل کی دولت سے مالا مال ملک ہے جہاں کی زیادہ تر آبادی ہسپانوی زبان بولتی ہے، ایکواٹورئیل گوئینیا نے 2012میں ہمسایہ ملک گابون کے ساتھ مشترکہ طورپر فائنل کی میزبانی کی تھی تاہم اب 16ملکوں کی ٹیموں کی میزبانی اکیلے ان کو دی گئی ہے جہاں صرف دو اسٹیڈیم بین الاقوامی معیار کے ہیں،دوسری جانب سے یہ ابھی تک واضح نہیں ہوسکاہے کہ نئے میزبان ملک اس ذمہ داری کو اکیلے نبھا سکتاہے یا نہیں،یاد رہے ایکواٹورئیل کو شروع میں غلط بیانی پر نااہل قرار دیا گیاتھا۔ افریقن نیشنز کپ 17جنوری سے8فروی تک کھیلاجائے گا۔