گوادر(پی پی آئی)بلوچستان کے ساحلی شہرگوادر سے سابق وفاقی وزیر فرخ حبیب،بھائی اور دیگر 4 ساتھیوں کو گرفتار کر لیا گیا۔پی پی آئی کے مطابق پی ٹی آئی کا کہنا ہے کہ پولیس یونیفارم میں ملبوس ایک شخص اور 7-8 سادہ کپڑوں میں نامعلوم افراد نے آدھی رات کے وقت بغیر کسی وارنٹ کے حراست میں لیا۔
پی سی بی کے سابق چیئرمین ذکاءاشرف کےخلاف وائٹ پیپر تیار
پاک بھارت بلائنڈ کرکٹ سیریز کا 14فروری سے آغاز ہوگا
انٹرنیشنل اولمپک کمیٹی نے بھارت کی رکنیت بحال کردی
پی سی بی کا بگ تھری معاملے پر یوٹرن لینے کا فیصلہ
پی سی بی کا انڈر 19اور ویمن کرکٹ کیلئے قطر کو ہوم وینیو بنانے کا فیصلہ
فیفا انڈر 17ویمن ورلڈ کپ کا 15مارچ سے کوسٹاریکا میں آغاز
تازہ ترین خبریں
- April 22, 2026
- April 22, 2026
اشتہار
تازہ ترین
بیرون ملک گرفتار 90 فیصدبھکاری پاکستانی،عراق،سعودی عرب عاجز آگئے
اسلام آباد (پی پی آئی)اسلام آباد میں سینیٹ قائمہ کمیٹی سمندر پار پاکستانی کا چئیرمین منظور کاکڑ کی زیر صدارت اجلاس ہوا، اس موقع پر سینیٹر رانا محمود الحسن کا کہنا تھا کہ جاپان نے 3 لاکھ 40 ہزار ہنر مند افراد مانگے تو بھارت نے ڈیڑھ لاکھ اور نیپال نے 91 ہزار افراد بھیجے۔انہوں نے کہا کہ بنگلہ دیش اور سری لنکا نے بھی ہنر مند افراد جاپان بھیجے مگر پاکستان سے صرف 200 افراد ہی جاپان گئے۔سینیٹر رانا محمود نے کہا کہ ہمارے پاس 50 ہزار انجینئرز بیروزگار ہیں، سعودی عرب کی جانب سے اب ہنرمند افراد کو بلایا جا رہا ہے، مگر انہیں سادہ لیبر نہیں بلکہ اسکلڈ لیبر چاہئے۔اجلاس کےکو بریفنگ دیتے ہوئے سیکرٹری سمندرپار پاکستانیز کا کہنا تھا کہ تقریباً 10 لاکھ سے زائد پاکستانی بیرون ملک میں ہیں، متحدہ عرب امارات میں 16 لاکھ، سعودی عرب میں 30 لاکھ اور قطر میں ہمارے دو لاکھ افراد موجود ہیں۔ان کا کہنا تھا کہ ہمارے فقیر سب سے زیادہ باہر جا رہے ہیں، جتنے فقیر گرفتار ہوتے ہیں ان میں 90 فیصد پاکستانی ہوتے ہیں، عراقی اور سعودی سفیر کہتے ہیں کہ آپ عادی مجرم بھیجتے ہیں جن سے ان کی جیلیں بھر گئی ہیں۔سیکرٹری اوورسیز پاکستانیز نے کہا کہ یہاں سے جہاز بھر بھر کر بھکاری بیرون ملک جا رہے ہیں، حرم سے جتنے جیب کترے پکڑے جاتے ہیں ان میں اکثریت پاکستانیوں کی ہے، یہ زیارات پر بھیک مانگنے جاتے ہیں۔
آئندہ عام انتخابات کیلئے تمام پولنگ اسٹیشنز میں سے نصف سے زائد حساس قرار
اسلام آباد (پی پی آئی) آئندہ سال جنوری کے آخری ہفتے میں منعقد ہونے والے عام انتخابات کے لیے قائم کیے جانے والے تقریباً 55 فیصد پولنگ اسٹیشنزالیکشن کمیشن آف پاکستان نے ’حساس’قرار دیے ہیں۔پی پی آئی کے مطابق انتخابات میں تقریباً 91 ہزار 809 پولنگ اسٹیشنز قائم کیے جائیں گے جن میں سے 49 ہزار 919 کو ’حساس‘ یا ’انتہائی حساس‘ قرار دیا گیا ہے۔ ان میں سے 17 ہزار 411 کو انتہائی حساس اور 32 ہزار 508 کو حساس قرار دیا گیا ہے جبکہ 41 ہزار 809 (تقریباً 45 فیصد) کو غیرمعمولی حالات سے پاک (نارمل) قرار دیا گیا ہے۔ عام انتخابات میں قومی اسمبلی کے 266 اور صوبائی اسمبلیوں کے 593 حلقے ہوں گے، آئندہ عام انتخابات کے لیے تقریباً 10 لاکھ پولنگ عملہ درکار ہوگا
جیل میں پرویز الہیٰ کو بہتر سہولتیں فراہم کی جائیں:لاہور ہائیکورٹ کی ہدایت
لاہور(پی پی آئی)لاہور ہائی کورٹ راولپنڈی بینچ نے پی ٹی آئی کے صدر چوہدری پرویز الہیٰ کی درخواست نمٹاتے ہوئے سیکریٹری داخلہ پنجاب کو ہدایت کی ہے کہ سابق وزیراعلیٰ پنجاب چوہدری پرویز الہی کو وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں جسٹس صداقت علی خان پرویز الہیٰ کی درخواست پر سماعت کی جس میں اپنے استحقاق کے مطابق بہتر سہولیات فراہم کرنے کی استدعا کی گئی تھی۔پی پی آئی کے مطابق کیس کی سماعت کے دوران پرویز الہیٰ کے وکیل سردار عبدالرازق خان نے دلائل دیتے ہوئے کہا کہ درخواست گزار نہ صرف سابق وزیراعلیٰ ہیں بلکہ اس سے قبل وہ نائب وزیراعظم بھی رہ چکیہیں، انہوں نے عدالت کو آگاہ کیا کہ جیل انتظامیہ نے مبینہ طور پر ماحول کو گھٹن زدہ کرنے کے لیے ان کے مؤکل کی بیرک کی کھڑکی کے ساتھ دیوار تعمیر کردی۔انہوں نے کہا کہ پی ٹی آئی رہنما نے یہ بھی شکایت کی کہ ان کی پرائیویسی کی خلاف ورزی کے لیے ان کے سیل کے باہر ایک اجنبی شخص کو تعینات کیا گیا ہے۔عدالت عالیہ نے محکمہ داخلہ کو ہدایت کی کہ انہیں وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں، ہائی کورٹ نے پندرہ روز کے اندر تعمیلی رپورٹ بھی طلب کی۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
(June 17, 2026)
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
(June 17, 2026)
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
(June 17, 2026)
پی سی بی کے سابق چیئرمین ذکاءاشرف کےخلاف وائٹ پیپر تیار
(February 11, 2014)
لاہور: پی سی بی کی نئی انتظامیہ نے سبکدوش کیے گئے سابق چیئرمین ذکاءاشرف کے کیخلاف وائٹ پیپر تیا رکرلیا ۔ایڈہاک مینجمنٹ کمیٹی کے مطابق سابق چیئرمین ذکاءاشرف نے مالی بے ضابطگیوں کے ساتھ اختیارات کا ناجائز استعمال بھی کیا، وائٹ پیپر میں 13 الزامات اور 10 بڑی ناکامیوں کا ذکر کیا گیا ہے۔ذکاءاشرف ساڑھے 3 کروڑ کا ہوٹل اور گراونڈ بغیر کسی ٹینڈر کے بنوانا چاہتے تھے، جبکہ سپر لیگ کے نام پر 4 کروڑ روپے ضائع کئے، 70 لاکھ کی پرآسائش گاڑیاں خریدیںاور 23 لاکھ روپے کے چیمپئنز ٹرافی 2013ءکے ٹکٹس فیملی میں تقسیم کئے۔وائٹ پیپر میں کرپشن الزامات کے ساتھ ناکامیاں بھی گنوائی گئی ہیں۔ 10 بڑی ناکامیوں میں بنگلہ دیش کی ٹیم کو پاکستان نہ لانا،بگ تھری میں ناکامی، ڈومیسٹک کرکٹ سے کرپشن اور اقرباءپروی کوفروغ، بڑے اسپانسر بھی حاصل نہ کرنا بھی شامل ہے۔ذکاءاشرف پر یہ بھی الزامات ہیں کہ انہوں نے سابقہ پنجاب اور وفاقی حکومتوں میں غلط فہمیاں پیدا کیں اور بورڈ کو سیاسی انداز میں چلایا۔
پاک بھارت بلائنڈ کرکٹ سیریز کا 14فروری سے آغاز ہوگا
(February 11, 2014)
کراچی: پاکستان اور بھارت کے درمیان بلائنڈ کرکٹ سیریز14فروری سے کھیلی جائے گی۔ مہمان ٹیم جمعرات کو لاہور پہنچے گی۔کراچی میں نیوزکانفرنس سے خطاب کرتے ہوئے پاکستان بلائنڈ کرکٹ کونسل کے چیئرمین سلطان شاہ نے کہا کہ بھارتی ٹیم 13 فرورہ کو براستہ واہگہ بارڈر لاہور پہنچے گی۔ انہوں نے بتایا کہ پاکستان اور بھارت کی ٹیموں کے درمیان تین ٹوئنٹی اور تین ون ڈے میچ کھیلے جائیں گے۔ ٹی ٹوئنٹی مقابلے لاہور اور فیصل آباد میں ہوں گے جبکہ ون ڈے مقابلے نیشنل اسٹیڈیم اور ساوتھ اینڈ کلب میں ہوں گے۔اس موقع پر پاکستان انڈیا بلائنڈ کرکٹ سیریزٹرافی کی رنگا رنگ تقریب رونمائی بھی منعقد ہوئی۔
انٹرنیشنل اولمپک کمیٹی نے بھارت کی رکنیت بحال کردی
(February 11, 2014)
نئی دہلی: انٹرنیشنل اولمپک کمیٹی نے بھارت کی رکنیت بحال کردی ۔ بھارتی اولمپک ایسوسی ایشن کی رکنیت 2012میں اس وقت معطل کی گئی تھی جب آئی او اے ایسے افراد کو منتخب کیا گیا تھا جن پر بدعنوانی کے الزامات تھے ۔ سوچی میں جاری سرمائی اولمپکس میں میں بھارتی کھلاڑی آئی ای سی کے پرچم تلے شریک ہیں لیکن پابندی کے خاتمے کے بعد اب تمام ایتھلیٹ بھارتی پرچم تلے کھیلوں میں حصہ لیں سکےں گے ۔
پی سی بی کا بگ تھری معاملے پر یوٹرن لینے کا فیصلہ
(February 11, 2014)
لاہور: چیئرمین پی سی بی ذکاءاشرف کی عہدے سے برطرفی کے بعد پاکستان کرکٹ بورڈ نے بگ تھری معاملے پر یوٹرن لینے کا فیصلہ کرلیا ۔ باوثوق ذرائع کے مطابق پی سی بی عبوری انتظامی کمیٹی آئی سی سی کے آئندہ اجلاس میں بگ تھری کو ووٹ دے گی۔ ذرائع کے مطابق وزیراعظم نواز شریف کی جانب سے ذکاءاشرف کو عہدے سے ہٹانے کے بعد پی سی بی عبوری انتظامی کمیٹی نے بگ تھری معاملے پر یوٹرن لے لیا۔ ذرائع کا کہنا ہے کہ حکومت کی جانب سے گرین سگنل ملنے کے بعد پی سی بی عبوری انتظامی کمیٹی نے بگ تھری کے ساتھ بغلگیر ہونے کا فیصلہ کرلیا ہے۔ انتظامی کمیٹی اپریل میں ہونیوالیاجلاس میں بگ تھری کے حق میں ووٹ دیگی۔ ذرائع کا یہ بھی کہنا ہے کہ عبوری انتظامی کمیٹی بھارت کے ساتھ باہمی سیریز اور دیگر ایشوز پر بات چیت بھی کریگی۔
پی سی بی کا انڈر 19اور ویمن کرکٹ کیلئے قطر کو ہوم وینیو بنانے کا فیصلہ
(February 11, 2014)
لاہور: پاکستان کرکٹ بورڈ نے اے ٹیم ،انڈر 19اور ویمن کرکٹ ٹیم کے لئے قطر کو اپنا ہوم وینیو بنانے کا فیصلہ کرلیا ۔ سینئر کرکٹ ٹیم کی ہوم سیریز متحدہ عرب امارارت میںہی ہوگی ۔ اس سے قبل پاکستان ویمن ،انڈر 19اور پاکستان اے کرکٹ ٹیم کے ہوم ایونٹس نیوٹرل وینیو یو اے ای میں منعقد ہوتے ہیں ۔
فیفا انڈر 17ویمن ورلڈ کپ کا 15مارچ سے کوسٹاریکا میں آغاز
(February 11, 2014)
سین جوز: فیفا انڈر 17ویمنز ورلڈکپ 15مارچ سے کوسٹاریکا میں شروع ہوگا ۔ ایونٹ میں شریک 16ٹیموں کو چار گروپوں میں تقسیم کیا گیا ہے ۔ گروپ اے میں کوسٹاریکا ،وینزویلا ،اٹلی اور زمبیا،گروپ بی میں گھانا ،کوریا ،جرمنی اورکینیڈا ،گروپ سی میں نیوزی لینڈ ،پیراگوئے ،اسپین اور جاپان جبکہ گروپ ڈی میں میکسیکو ،کولمبیا ،چین اور نائیجیریا شامل ہیں ۔