لاہور: قومی کر کٹ ٹیم کے اسٹار اوپنر احمد شہزاد کی دلکش بیٹنگ نے لبنانی حسینانیتھالی فراج کے ہوش اڑا دیئے ہیں۔سماجی رابطے کی ویب سائٹ میں نیتھالی فراج نے احمد شہزادکو مخاطب کر تے ہوئے یہ کہا ہے کہ “آپ کو بیٹنگ کرتے دیکھنا مجھے اچھا لگتا ہے، میں آپ کی کارکردگی سے بہت متاثر ہوں “۔نیتھالی فراج2010 کی حسینائے لبنان، 2011میں مِس ارتھ اور 2012 میں مِس ایشیا پیسفک ورلڈ اسٹار اور مس گلوب کا ٹائٹل جیت کر ایوارڈز کی ہیٹ ٹرک مکمل کر چکی ہیں۔احمد شہزاد نے نیتھالی فراج کی بال پرزواردار اسٹروک کھیلتے ہوئے جواب دیا کہ “شکریہ مجھے بھی آپ کا کام بہت پسند ہے اور نیک خواہشات کا اظہار بھی کیا”۔ حال ہی میں قومی اوپنرنے روسی ٹینس اسٹار ماریہ شراپوا کے مداح ہونے کا اعتراف کیا تھا ۔

میرپورخاص: طالبان مزاکراتی کمیٹی کے رکن مولانا سید یوسف شاہ نے کہا ہے کہ حکومت اور طالبان امن مذاکرات میں فوج اور طالبان اسٹک ہولڈر ہیں ،فوج کو فرنٹ لائن میں ہونا چاہیے ،امریکا،بھارت اور کرزئی حکومت طالبان اور حکومت کے درمیان امن مذاکرات کو ناکام بنانے کے لیے ملک میں بم دھماکے کر کے ملک کو غیر مستحکم کر رہے ہیں،5 مئی سے امن مذاکرات کا سلسلہ دوبارہ شروع ہو رہا ہے ،جگہ کا تعین ہو گیا ہے اور اس سلسلے میں وزیر دفاع اور تمام سیکریٹریز کو اطلاع دی گئی ہے ،ہماری یہ کوشش ہے کہ دونوں قریقین کے درمیان جنگ بندی اور مذاکرات کامیاب ہوں۔ جمعیت علماءاسلام کے مرکزی رہنماءاور طالبان مذاکراتی کمیٹی کے رکن مولانا سید یوسف شاہ نے میرپورخاص میں مولانا عزیز الرحمن کی رہائشگاہ پر صحافیوں سے بات چیت کررہے تھے۔انھوں نے کہا کہ اس وقت ملک کے حالات انتہائی تشویشناک ہیں ،ملک کو چاروں طرف سے ملک دشمن قوتوں نے گھیرا ہوا ہے اور ملک کو غیر مستحکم کرنے کی شازشوں میں مصروف ہیں ،اس وقت حکومت اور طالبان کے درمیان امن مذاکرات سے عوام نے سکھ کا سانس لیا ہے اورکچھ لوگ آپریشن کا مطالبہ کر رہے ہیں ،جو غلط ہے کیونکہ جنگ اور آپریشن کسی بھی مسئلہ کا حل نہیں ہے ،بندوق اور طاقت کے ذریعے یہ معاملہ حل نہیں ہو گا ،حل ہے تو صرف کامیاب مذاکرات، اس کے لیے دونوں فریقین کو مذاکرات کے لیے سنجیدہ ہونا پڑے گا،یہ کوئی دو افراد کا معاملہ نہیں 12 سالوں سے پھیلا ہوا گند ہے ،جس سے دونوں جانب بڑا نقصان ہوا ہے اور اس آگ کو روکنا اور امن وامان کی بحالی ہماری اولین ترجیح ہے ،انھوں نے کہا یہ ہمارا اندرونی معاملہ ہے ،اس کے باوجود ہندوستان ،امریکہ اور کرزئی حکومت امن مذاکرات کو ناکام بنانے کے لیے مختلف حربے استعمال کر رہے ہیں ،فوج اور نواز شریف پر دباﺅ ڈالا جا رہا ہے ،ملک میں بم دھماکے کرائے جارہے ہیںاور امن مذاکرات کو سبو تاژاور ملک کو غیر مستحکم کرنے کے لیے سازشیں کی جارہی ہیں ،ہم نے یہ واضح کر دیا ہے کہ دونوں فریقین امن مذاکرات کے لیے سنجیدہ ہو جائیں،ملک کے عوام مذاکرات کی کامیابی کا شدت سے انتظار کررہے ہیں ،انھوں نے کہا کہ ہم چاہتے ہیں کہ تمام حقائق آرمی چیف جنرل راحیل شریف سے ملاقات کے دوران ان کے سامنے رکھے ،کیونکہ فوج اور طالبان امن مذاکرات کے اسٹیک ہولڈر ہیں ،اور فوج کو فرنٹ لائن میں آنا چاہیے ،انھوں نے کہا کہ حکومت نے خیر سگالی کے طور پر جو 19 قیدی رہا کئے ہیں ،ان کا طالبان سے کوئی تعلق نہیں ہے ،رہا ہونے والے قیدی جرائم پیشہ لوگ ہیں جن کی روزانہ گرفتاری اور رہائی ہوتی رہتی ہے اور جو طالبان نے غیر عسکری قیدیوں کی فہرست حکومت کو دی ہے اس میں سے ایک بھی قیدی رہا نہیں ہوا ہے ، انھوں نے کہا کہ ہم تو یہ بھی چاہتے ہیں کہ تمام مذہبی اور سیاسی جماعتیں بھی ہمارے ساتھ مل کر ملک میں امن وامان کے قیام میں

کراچی02 مئی 2014ء/ ایشیانیٹ پاکستان —  پاکستان پریس فاﺅنڈیشن نے عالمی یوم آزادی ءصحافت کی مناسبت سے پی پی ایف آزادیءصحافت ایوارڑ شہید صحافی شان ڈاہر کے نا م کر دیا۔ شان ڈاہر نجی ٹی وی چینل اب تک کے لاڑکانہ میں ضلعی نمائندہ تھے ، شان ڈاہر کو 31دسمبر 2013کی رات صوبہ سندھ کے ضلع لاڑکانہ کے علاقے بدھ میں گولیوں کا نشا نہ بنایا گیا تھا ، انھیں پیٹھ پر گولیا ں لگی تھیں جبکہ انھیں اسپتال پہنچانے کے باوجود وقت پر طبی امداد نہیں دی گئی جس کے باعث وہ جانبر نہ ہو سکے تھے،شان ڈاہر کے لواحقین میں دو معصوم بچیاں اور بیوہ شامل ہیں۔پی پی ایف کے سیکرٹری جنرل اویس اسلم علی نے اس موقع پر کہا کہ باوجود اس کے کہ شان ڈاہر کومقامی اسپتالوں میں جعلی دواﺅں کے استعمال پر خبر دینے کے پاداش میںنشانہ بنا یا گیا لیکن پولیس رپورٹ میں ان کی موت کو حادثہ قرار دیا گیا ہے،انھوں نے شفاف تحقیقات سے عوام  کوآگاہ کرنے کا مطالبہ کیا۔پی پی ایف آزادیءصحافت ایوارڑ ایک لاکھ روپے مالیت کے برابر ہے۔

میرپورخاص: ڈسٹرکٹ اینڈ سیشن جج کے حکم پر پولیس نے چھاپہ مار کر زمیندار کی قید سے 17خواتین اور مرد ہاری بازیاب کر وادیا۔ڈسٹرکٹ اینڈ سیشن جج کے حکم پر پھلاڈیوں پولیس کی ایک ٹیم نے زمیندار لکھانو شر کی زمینوں پر چھاپہ مار کر زمیندار کی قید سے 17ہاریوں جن میں میوہ، ہرما ، راج، تاری، نوراں ، دام بائی ، جمو، بھوری،رمیش سورجن سمیت دیگر شامل ہیںکو بازیاب کر الیا ، ڈسٹرکٹ اینڈ سیشن جج میرپورخاص کی عدالت میں شریمتی کومت نے ایک درخواست دی تھی جس میں موقف اختیار کیا گیا تھا کہ مذکورہ زمیندار ان کا حساب کتا ب گزشتہ کئی سال سے نہیں کر رہا ہے جس پر معزز عدالت نے پھلاڈیوں پولیس کو حکم دیا کہ ہاریوں کو بازیاب کر کے عدالت میں پیش کیا جائے جس پر پولیس نے چھاپہ مار کر قید کےے گئے ہاریوں کو بازیاب کر لیا۔