میرپورخاص: نامعلوم افراد کی فائرنگ سے جاں بحق ہونے والی خاتون کے قتل کا مقدمہ پولیس اہلکار سمیت 4 افراد کے خلاف مقتولہ کے شوہر کی مدعیت میںٹاﺅن پولیس نے درج کرلیا۔گزشتہ روز ٹاﺅن تھانے کی حدود میں کمشنر ہاﺅس کے قریب نا معلوم مسلح افراد نے رکشہ پر سوار کوٹ غلام محمد کی رہائشی 55 سالہ خاتون نصیبہ چانڈیو کو فائرنگ کر کے قتل کر دیا تھا،ٹاﺅن پولیس نے مقتولہ نصیبہ کے شوہر کانسٹیبل محمد عثمان چانڈیو کی مدعیت میں سنگین جرائم کے الزامات میں محکمہ پولیس سے برطرف اہلکار ذوالفقار عرف کالا ،زبیر بھٹی ،پولیس اہلکار میرحسن اور غلام علی کے خلاف مقدمہ درج کر کے ملزم پولیس اہلکار میر حسن کو گرفتار کر لیاگیا ،جبکہ ایک ملزم ذوالفقار عرف کالا اس سے قبل بھی لوگوں کو بلیک میل کرنے ،اغواءکرنے اور نجی ٹارچر سیلوں جیسے سنگین نوعیت کے الزامات کے تحت محکمہ پولیس سے برطرف کیا جاچکا ہے اور اب بھی وہ میرپورخاص کی انسداد دہشت گردی کی عدالت سے روپوش ہے ۔

میرپور خاص: میر پورخاص شہر میںبلدیہ اور پبلک ہیلتھ حکام کی جانب سے پانی کی سپلائی بندکرنے پر پینے کے پانی کی شدید قلت پیدا ہو گئی۔تفصیلات کے مطابق شدید گرمی کا موسم شروع ہوتے ہی انتظامیہ کی جانب سے پینے کے پانی کی شدید قلت پیدا کر دی گئی ہے ،شہر کے مختلف علاقوں حمید پورہ کالونی ،عید گاہ روڈ ،ہیراآباد ،تھامس آباد سمیت دیگر علاقوں میں پانی کی فراہمی بند ہونے کے باعث شہری پینے کے پانی کو ترس گئے ہیں جبکہ مساجد میں بھی پینے کے پانی کی فراہمی بند ہونے کے باعث نمازیوں کو شدید مشکلات کا سامنا ہے ۔

حیدر آباد: چیئر مین ثانوی و اعلیٰ ثانوی تعلیمی بورڈ حیدرآباد پروفیسرانجینئر عبدالعلیم خانزادہ نے ویجلنس ٹیم کے ممبران بورڈ آف گورنرزکے ہمراہ مختلف امتحانی مراکز کا اچانک دورہ کیا۔ تعلیمی بورڈ کی ویجیلینس ٹیم 5 طلبہ و طالبات کو نقل کرتے ہوئے اور ایک ایمپرسونیشن پکڑا اور کئی طلبہ وطالبات سے موبائل فون بھی برآمد کرلئے، ٹیم نے تین ممتحن کو امتحانی عمل سے علیحدہ کیا ۔چیئرمین پروفیسرانجینئر عبدالعلیم خانزادہ نے میڈیا سے گفتگو کرتے ہوئے کہا کہ نقل کے خاتمے کے لئے ہر ممکن کوشش کی جا رہی ہے نقل دیمک کی طرح ہمارے مستقبل کو نقصان پہنچا رہا ہے ،ویجیلنس کمیٹیاں بغیر کسی تفریق اوردباﺅ کے ایسے امیدواروں کو جو متبادل امیدوار یا نقل کر رہے ہیں ان کو کاپی کیس کررہی ہیں ،اور اب ایف آئی آر بھی درج کی جارہی ہے ،تعلیمی بورڈ روزانہ امتحانی پرچہ شروع ہونے سے اختتامی وقت تک مسلسل انٹرنل، ایکسٹرنل اور دیگر عملے سے رابطے میں رہتا ہے۔ ویجیلنس کمیٹیوں کی کارکردگی بھی مزید بہتر بنا ئی ہے ،208امتحانی سینٹرز پر ایک دن میں کئی ٹیمیں جاتی ہیں اب تک ویجیلنس کمیٹیوں نے نقل کے خاتمے کے لئے موثر کردار ادا کیا ہے۔امتحانی عمل میں شامل تمام عملہ ایک دوسرے سے مکمل تعاون کر رہا ہے ،انھوں نے کہا کہ تعلیمی بورڈ حیدرآباد امتحانات کو پرامن بنانے کے لئے انتظامیہ سے پہلے ہی دفعہ 144 کی سفارش کرچکا ہے۔ جہاں بھی حساس مراکز ہیں اور امتحانی عملے کو شکایت ہوتی ہے ضلعی انتظامیہ سے مسئلہ حل کر لیا جاتا ہے۔انھوں نے کہا کہ آج مجموعی طورحیدرآباد تعلیمی بورڈ کے تحت دس اضلاع حیدرآباد، دادو، بدین، جامشورو، نواب شاہ، مٹیاری ، ٹھٹھہ ، ٹنڈو محمد خان، ٹنڈو الہیار اور سجاول میں کل 208امتحانی مراکز میں45 ویجیلنس ٹیموں نے 91کاپی کیس پکڑے،اور15 جعلی امیدوار کو بھی پکڑاجو کہ اصل امیدواروں کی جگہ پرچہ حل کررہے تھے ، اس موقع پر 3 ممتحن کو غیر ذمہ دار قرار دیتے ہوئے امتحانی ذمہ داریوں سے فوری سبکدوش کردیا گیا۔

حیدرآباد: حیدر آباد سمیت اندرون سندھ میں جما عةالدعوة کے تحت اصلاح معاشرہ خطبات کا اہتمام کیا گیا۔ حیدرآباد ، ٹنڈوآدم ، گولارچی، میرپورخاص، شہدادپور ، ٹنڈوالہ یار اور دیگر شہروں میں خطباءنے اصلاح معاشرہ کے حوالہ سے نماز جمعہ کے اجتماعات سے خطاب کیا۔ امیر جماعة الدعوةسندھ فیصل ندیم مرکز المحمدیہ ، صوبائی ناظم دعوةحافظ محمد انور نے مرکز سعد بن معاذ ، ساجد سلفی نے مرکز القادسیہ ٹنڈوآدم ، مرکز حسین بن علی شہدادپور میں محمد عاصم نے خطبات جمعہ کے اجتماع سے خطاب کیا۔ خطباءنے اصلاح معاشرہ پر اپنی تقاریر میں اجتماعیت کو انفرادیت پر ترجیح دینے اور قوانین اسلام کا عملی زندگی میںنفاذ پر زور دیا ۔انھوں نے کہا کہ حدوداللہ کی پامالی نے اللہ کی ناراضی کو دعوت دی ہے۔ اگر ہم اپنی زندگیوں اور معاشروں کو قوانین اسلام کے تابع کرلیں تو انتشارانہ ماحول کو ختم کیا جاسکتا ہے۔ صبر اور شکرزندگی کو برکتوں سے مالامال کردیتے ہیں۔ معاشرہ میں موجودہر شخص اگر اپنے ذمہ حقوق العبادکوپوری ذمہ داری سے ادا کرے تو ہمارے آدھے مسائل حل ہوسکتے ہیں۔ ایک دوسرے کے لئے قربانی کا جذبہ اخوت ، بھائی چارے کو جنم دیتا ہے جس سے معاشرے اور ملک مضبوط ہوتے ہیں۔ ملک و قوم کی مضبوطی سے دشمنان ملت کی سازشیںبھی ناکام ہوتی ہیں۔مقررین نے ملک کو موجودہ حالات کی اصلاح میں صحت مند معاشرہ کی اہمیت پر گفتگو کرتے ہوئے کہا کہ انفرادی مفاد کی حفاظت سے معاشروں میں عدم تحفظ جنم لیتا ہے۔ہمیں انفرادیت پر اجتماعیت کو فوقیت دینی چاہئیے۔ معاشرہ میں موجود جب ہر فرد ایک دوسرے کے حقوق کا خیال رکھتے ہوئے ایک دوسرے سے جڑا ہوگا باہمی نفرت کو جگہ نہی ملے گی۔ محبت کے پھیلاﺅ سے فرداً فراً ، گلی گلی، محلہ محلہ اور شہروں اور صوبوں کے درمیان محبت بڑھے گی۔ اور جب ہر فرد ایک دوسرے سے جڑ جائے گا تواس کے مقابلہ میں لسانی و صوبائی تعصب کو جگہ نہی ملے گی ۔

حیدرآباد: پاکستان ورکرز فیڈریشن سندھ کے صدر محبوب علی قریشی کی صدارت میں موتی محل گاڑی کھاتہ میں اجلاس ہوا۔اجلاس سے خطاب کرتے ہوئے جنرل سیکریٹری محمد اسلم عباسی نے کہا کہ یکم مئی کی آمد آمد ہے اور مزدوروں کے مسائل دن بدن گمبیھر ہوتے چلے جارہے ہیں کمر توڑ مہنگائی میں اضافہ ہورہا ہے دوسری طرف بیروزگاری میں مسلسل اضافہ ہورہا ہے اور مزدوروں کو ٹھیکیداری ڈیلی ویجز اور کنٹریکٹ ملازم کے نام پر قانونی و بنیادی حقوق سے محروم کردیا گیا ہے اور صنعتی اداروں کے مالکان اور سرکاری اداروں کے افسران CBAیونین کو تسلیم نہیں کرتے اور نہ ہی چارٹر آف ڈیمانڈ پر مذاکرات کرکے مطالبات تسلیم کرتے ہیں سندھ کوٹہ کی بنیاد پر ملازمتیں نہیں دی جارہی ہیں ، انھوں نے کہا کہ مزدوروں کے متحد نہ ہونے پر حکومت مزدوروں کو نہ علاج و پینشن کی سہولت دی رہی ہے ،نہ فوت /ریٹائرڈ ہونے والے ملازمین کے اہل خانہ کو ملازمانہ و قانونی واجبات ادا کئے جارہے ہیں ۔حالات کا مقابلہ کرنے ، مسائل حل کرانے کیلئے اتحاد اور جدوجہد کی سخت ضرورت ہے اس سلسلہ میں لائحہ عمل بنانے کیلئے فیڈریشن سے ملحق یونینوں کے نمائندوں کا ایک اجلاس بتاریخ12اپریل 2014بروز ہفتہ بوقت 11بجے دن بمقام واپڈا لیبر ھال گاڑی کھاتہ حیدرآباد میں منعقد ہوگا،انھوں نے کہاکہ یونینز کے نمائندگان سے التماس ہے کہ اجلاس کی اہمیت کے پیش نظر زیادہ سے زیادہ نمائندہ اجلاس میں شرکت کرکے مزدور یکجہتی کا عملی مظاہرہ کریں شرکاءاجلاس دیگر عہدیداران میں اظہر شاہ ، محمد حنیف خان، مجید بروہی،فدا حسین، عاشق قمبرانی، سید خالد علی، علی غفور ، وزیر احمد، محمد بخش سیال شامل تھے۔

کراچی: فنون لطیفہ سے تعلق ررکھنے والوں کو حکومت نے مراعات سے محروم رکھا ہوا ہے ۔ ان خیالات کا اظہار گلوکار ارشد محمود نے پریس کلب میں صحافیوں سے گفتگو کرتے ہوئے کیا ۔ ارشد محمود نے کہا کہ فنون لطیفہ سے تعلق رکھنے والوں کو حکومت نے مراعات سے محروم رکھاہے، حکومت گلوکا روں اور فنکاروں کو ان کی زندگی میں مراعات سے نوازیں۔انھوںنے حکومت سندھ سے مطالبہ کیا ہے کہ جس طرح د یگر محکموں کے لوگوں کو مراعات فراہم کی جاتی ہےں اسی طرح فنون لطیفہ کے لوگوں کو بھی مراعات سے نوازا جائے ۔ان کامزید کہنا تھا کہ جب شاعر ،گلوکار،فنکار خوشی کی زندگی بسر کریں گے تو ان کی کارکردگی پر اچھا اثر پڑ ے گا ۔،انھوں نے سابق صدر زرداری کو کلچر کے فروغ کے لیے موئن جو داڑو اور کراچی میںپروگرام منعقد کرنے پر مبارک باددی۔ان کا کہناتھا کہ کراچی جیسے شہر میں اس طرح کے پروگرام وقت کی اشد ضرورت ہیں ۔ارشد محمود نے کہاکہ فنون لطیفہ سے تعلق رکھنے والوں کے لےے وزےر اعلیٰ قائم علی شاہ ،گورنر عشرت العباد ،اور دیگر حکام بالا سے ان کے لئے مراعات کی درخواست کرتا ہوںاور میں امید کرتا ہوں کہ اس نیک کام کی ابتداصوبہ سندھ سے ہوگی ۔اس موقع پر ان کے ہمراہ آرٹس فاونڈیشن کے سربراہ نیاز احمد ودیگر مہمان بھی موجود تھے۔