پاکستانی ڈاکٹر غزہ میں فلسطینیوں کی مدد کے لئے پہنچ گئے

غزہ(پی پی آئی)خدمت کے جذبے سے سرشار پاکستانی نژاد امریکن گائناکالوجسٹ ڈاکٹر حنا چیمہ اور آرتھوپیڈک ڈاکٹر خواجہ اکرام غزہ جاکر زخمی فلسطینیوں کا علاج کرنے میں مصروف ہیں۔پی پی آئی کے مطابق ڈاکٹر خواجہ اکرام کا کہنا تھا کہ غزہ میں زخمیوں کی سب سے بڑی تعداد بچوں کی ہے، وہاں میلوں تک امدادی ٹرک کھڑے ہیں مگر امداد کو غزہ میں جانے نہیں دیا جارہا۔ڈاکٹر حنا چیمہ کا کہنا تھا کہ فلسطین کو اس وقت سب سے زیادہ جنگ بندی کی ضرورت ہے، شکر گزار ہوں کہ میرے پاس امریکا واپسی کاموقع ہے۔