روم (پی پی آئی)اطالوی وزیراعظم جارجیا میلونی نے کہا کہاطالوی شہریت کی حامل پاکستان نژاد اطالوی لڑکی کے قتل کیس میں مطلوب اس کے والد کی اٹلی کو سپرد گی احسن قدم ہے جس سے انصاف کے تقاضے پورے ہوں گے،پی پی آئی کے مطابق پاکستان نژاد اطالوی لڑکی کی باقیات اٹلی میں اس کے گھر کے قریب سے ملی تھیں۔ مقتولہ نے بچپن میں طے شادی کیلئے پاکستان آنے سے انکار کیا تھا،مقتولہ کے 2کزن اورچچا اٹلی میں گرفتار ہوچکے ہیں جب کہ مقتولہ ے کے والدکو پاکستان میں اس کے گاوں سے حراست میں لیا گیا ہے
ارجنٹائن ڈاکار ریلی کے دوران حادثات سے رائیڈ سمیت 3افراد ہلاک
محمد یوسف اور رمیز راجہ ایک دوسرے پر تنقید کے نشتر چلانے لگے
نیوزی لینڈ نے ویسٹ انڈیز کو پہلے ٹی 20میں شکست دیدی
سڈنی ٹینس : فائنل میں اعصام ،بھوپنا جوڑی شکست سے دوچار ہوگئی
پی سی بی عبوری کمیٹی کی مدت میں 90دن توسیع کا نوٹیفکیشن جاری
لاہور:جونیئر ٹینس ٹورنامنٹ کا آغاز،کوچ رشید ملک کی حکومت سے تعاون کی اپیل
تازہ ترین خبریں
- April 25, 2026
- April 22, 2026
- April 22, 2026
- April 07, 2026
اشتہار
تازہ ترین
ایمان مزاری کے جوڈیشل ریمانڈمیں توسیع
اسلام آباد (پی پی آئی) انسداد دہشت گردی عدالت نے سابق وفاقی وزیر شیریں مزاری کی صاحبزادی ایمان مزاری کے جوڈیشل ریمانڈ میں مزید 14 روز کااضافہ کر دیا۔پی پی آئی کے مطابق دہشت گردوں کی مالی معاونت کے مبینہ کیس میں ایمان مزاری کو 3 روزہ ریمانڈ مکمل ہونے پر انسداد دہشت گردی عدالت میں پیش کیا گیا۔ دوران سماعت حکومتی و ایمان مزاری کے وکلا نے اپنے دلائل دیئے، حکومتی وکیل نے ایمان مزاری کے ریمانڈ کی استدعا کی جس پر عدالت نے 14 روزہ ریمانڈ منظور کر لیا۔
پر عزم ہوں اور پی ٹی آئی کے ساتھ کھڑاہوں: چوہدری پرویز الٰہی
لاہور(پی پی آئی) لاہور ہائیکورٹ کے حکم پر رہائی کے بعد تحریک انصاف کے صدر چوہدری پرویز الٰہی نے صحافیوں سے گفتگو میں کہا کہ میں پر عزم ہوں اور پی ٹی آئی کے ساتھ کھڑاہوں۔پی پی آئی کے مطابق احاطہ عدالت میں صحافیوں سے گفتگو کرتے ہوئے چوہدری پرویز الٰہی کا کہناتھا کہ ن لیگ کی قیادت ملک کا بیڑا غرق کر کے لندن بھاگ گئی ہے، عوام کو دو وقت کی روٹی بھی نہیں مل رہی، جب بھی ن لیگ آئی ہے انہوں نے مہنگائی کی ہے، اب تو آئی ایم ایف نے بھی کہہ دیاہے کہ الیکشن کروائیں، اس وقت ملک کی کوئی صورتحال نہیں ہے، فوری الیکشن کروائے جائیں۔
سعودی ولی عہدمحمد بن سلمان ماہ رواں میں پاکستان پہنچیں گے
اسلام آباد (پی پی آئی)سعودی ولی عہدمحمد بن سلمان ماہ رواں میں بھارت جاتے ہوئے پاکستان میں مختصر قیام کریں گے،سعودی ولی عہد کا پاکستان میں مختصر قیام بھی انتہائی اہمیت کا حامل ہے جس سے سعودی عرب اور پاکستان کے درمیان دیرینہ تعلقات کے فروغ میں مدد ملے گی، پی پی آئی کے مطابق دی عرب نے حال ہی میں پاکستان میں 24 ارب ڈالر کی سرمایہ کاری کا فیصلہ کیا ہے، اس بھاری سرمایہ کاری کے فوری بعد متحدہ عرب امارات نے پاکستان میں 22 ارب ڈالرز کی سرمایہ کاری کا عندیہ دے دیا ہے۔۔
تلاش کریں
خبریں

ارجنٹائن ڈاکار ریلی کے دوران حادثات سے رائیڈ سمیت 3افراد ہلاک
(January 11, 2014)
بیونس آئرس : بیلجیئم کے موٹر سائیکلسٹ اور دو تماشائیوں کی مختلف حادثوں میں ہلاکت کے بعد ارجنٹائن میں جاری ڈاکار ریلی کا مزہ کرکرا ہوگیا ۔موٹر سائیکلسٹ ایرک پلانٹے ڈاکار ریلی کا پانچواں مرحلہ مکمل نہ کرپائے اور روٹ کے ایک مقام سے اُن کی لاش ملی ہے ۔پولیس کے مطابق ایک اور مقام سے 19سالہ صحافی اورموٹر اسپورٹس کے 51سالہ شیدائی کی کار ڈاکار ریلی کے روٹ پر ایک ناہموار مقام پر الٹ گئی ۔حادثے میں دونوں افراد موقع پر ہی ہلاک ہوگئے کار ریس میں اسپین کے ڈرائیور چھائے رہے۔کار ریس کیٹگری کے چھٹے مرحلے میں اسپین کے نانی روما کو سبقت حاصل ہے، جب کہ موٹر سائیکل کیٹگری میں اسپین ہی کے مارک کوما پوائنٹس ٹیبل پر بدستور پہلے نمبر پر براجمان ہیں۔

محمد یوسف اور رمیز راجہ ایک دوسرے پر تنقید کے نشتر چلانے لگے
(January 11, 2014)
لاہور: قومی کرکٹ ٹیم کے سابق کپتان محمد یوسف کو شاہد آفریدی کے بعد رمیز راجہ کیخلاف بیان دینا مہنگا پڑ گیا۔ محمد یوسف نے دبئی ٹیسٹ سے متعلق ٹی وی پر تبصرہ کرتے ہوئے رمیز راجہ کو تنقید کا نشانہ بنایا تھا۔ محمد یوسف نے کہا تھا کہ رمیز راجہ انگریزی تو خوب جانتے ہیں لیکن اچھے کرکٹر کبھی نہیں تھے۔اس تنقید پر رمیز راجہ چراغ پا ہوگئے اور محمد یوسف کی خوب خبر لی۔ رمیز راجہ کا کہنا تھا کہ یوسف اچھے کرکٹر نہیں بلکہ خود غرض انسان ہیں، نہ تو انگلش وکٹوں پر ان کا بلا رنز بناتا تھا نہ ورلڈ کپ جیسے میگا ایونٹ میں اسکور کرپاتے تھے۔ رمیز راجہ کا کہنا تھا کہ یوسف کے ظاہری حلیے پر نہیں جانا چاہیئے، کیونکہ حقیقت میں وہ بہت میلا انسان ہے۔رمیز راجا کا یہ بھی کہنا تھا کہ محمد یوسف اس قابل نہیں کہ انہیں ٹی وی پر تبصروں کے لیے بٹھایا جائے۔

نیوزی لینڈ نے ویسٹ انڈیز کو پہلے ٹی 20میں شکست دیدی
(January 11, 2014)
آکلینڈ: نیوزی لینڈ نے ویسٹ انڈیز کو پہلے ٹی ٹوئنٹی میں81 رنز سے شکست دے کر دومیچوں کی سیریز میں ایک صفر کی برتری حاصل کرلی۔ آکلینڈ میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔کیوی بیٹسمینوں نے کھیل کا عمدہ آغاز کیا جس کے بعد میکولم نے دھواں دھار بیٹنگ کرتے ہوئے اسکور مقررہ اوورز میں پانچ وکٹوں پر 179 رنز تک پہنچادیا۔ میکولم نے60 اور لیوک رانچھی نے 48 رنز کی ناقابل شکست اننگز کھیلی۔ جواب میں ویسٹ انڈیز کی ٹیم مقررہ اوورز میں آٹھ وکٹوں پر108 رنز ہی بناسکی۔

سڈنی ٹینس : فائنل میں اعصام ،بھوپنا جوڑی شکست سے دوچار ہوگئی
(January 11, 2014)
سڈنی: سڈنی ٹینس ٹورنامنٹ کے مینز ڈبلز فائنل میں پاکستان کے اعصام الحق اور بھارت کے روہن بھوپنا کی جوڑی کو ناکامی کا سامنا کرنا پڑا۔ سڈنی میں کھیلے جانے والے مینز ڈبلز فائنل میں اعصام الحق اور روہن بھوپناکا مقابلہ کینیڈا کے ڈینئیل نیسٹر اور سربیا کے نیناند زیمونجک کی جوڑی سے تھا۔پاک بھارت جوڑی نے پہلے سیٹ میں سخت مقابلہ کیا لیکن ٹائی بریک پر سات چھ سے حریف جوڑی نے کامیابی حاصل کرلی۔ دوسرے سیٹ میں بھی مقابلہ ٹائی بریک تک گیا اور اس بار بھی حریف جوڑی نے میدان مارلیا۔

پی سی بی عبوری کمیٹی کی مدت میں 90دن توسیع کا نوٹیفکیشن جاری
(January 11, 2014)
اسلام آباد: پی سی بی عبوری کمیٹی کی مدت میں90 دن کی توسیع کا نوٹیفکیشن جاری کردیا گیا۔باوثوق ذرائع کے مطابق پاکستان کرکٹ بورڈ عبوری کمیٹی تین ماہ قبل قائم کی گئی تھی، جس کی مدت میں نوے دن کی توسیع کردی گئی ہے، وزیراعظم میاں نواز شریف نے کمیٹی کی مدت میں توسیع کی منظوری دے دی ہے، جبکہ وزارت بین الصوبائی رابطہ نے توسیع کا باقاعدہ نوٹیفکیشن بھی جاری کردیا ہے، کمیٹی جن ارکان پر مشتمل ہے ان میں ظہیرعباس،نویداکرم چیمہ،ہارون الرشید،شہریارخان اور نجم سیٹھی شامل ہیں، واضح رہے کہ عبوری کمیٹی کی مدت 13جنوری کو ختم ہورہی ہے۔

لاہور:جونیئر ٹینس ٹورنامنٹ کا آغاز،کوچ رشید ملک کی حکومت سے تعاون کی اپیل
(January 11, 2014)
لاہور: لاہور میں ایک اور جونیئر ٹینس ٹورنامنٹ کا آغاز ہوگیا،سابق کوچ رشید ملک نے حکومت سے ٹینس کے کھیل کی ترقی اور فروغ کیلئے اقدامات اٹھانے کا مطالبہ کیا ہے۔باغ جناح لاہور میں شروع ہونیوالے ٹینس ٹورنامنٹ کا افتتاح سابق کھلاڑی90 سالہ محمود عالم نے کیا،ٹورنامنٹ میں انڈر ٹین،ٹویلو،فورٹین اور سکسٹین کے علاوہ مینز اینڈ گرلز انڈر ایٹین کے مقابلے میں پلیئرز ان ایکشن ہیں۔اس موقع پر سابق کوچ رشید ملک نے الزام عائد کیا کہ ٹینس فیڈریشن کی ناقص پالیسیوں کی وجہ سے کھیل تنزلی کا شکار ہے اور وہ اپنی مدد آپ کے تحت ایونٹس کراکے نیا ٹیلنٹ سامنے لانے کے لئے کوشاں ہیں۔رشید ملک کا کہنا تھا کہ نیا ٹیلنٹ سامنے لانے کیلئے گراس روٹ لیول پر زیادہ سے زیادہ کام کرنا ہوگا۔

