اسلام آباد (پی پی آئی)سپریم کورٹ میں بچوں کی سمگلنگ اور اغوا کیخلاف ازخودنوٹس سماعت کیلئے مقررکر دیاگیا۔پی پی آئی کے مطابق چیف جسٹس عمر عطا بندیال پر مشتمل بنچ 31اگست کو ازخودنوٹس کی سماعت کرے گا، جسٹس مظاہر نقوی اور جسٹس جمال مندوخیل بنچ میں شامل ہیں۔
پاک انگلینڈ ڈس ایبلڈ کرکٹ سیریز اگلے برس یواے ای میں ہوگی
پاکستان نے کامن ویلتھ ماسٹر ویٹ لفٹنگ چیمپئن شپ میں گولڈ میڈل جیت لیا
شین واٹسن ایشز سیریز کے باعث ڈومیسٹک ایونٹ سے دستبردار ہوگئے
متحدہ عرب امارات سمیت چار ٹیموں نے ٹی 20کرکٹ ورلڈ کپ کیلئے کوالیفائی کر لیا
کبڈی ورلڈ کپ میں شرکت کیلئے قومی ٹیمیں این او سی سے محروم
لندن : فٹبال میچ فکسنگ میں دوران تحقیق6 افراد گرفتار
تازہ ترین خبریں
- April 25, 2026
- April 22, 2026
- April 07, 2026
اشتہار
تازہ ترین
خضدار مینگل قبائل میں جھڑپوں کے بعدعلاقہ سے نقل مکانی شروع
خضدار(پی پی آئی) بلوچستان کے ضلع خضدار میں مینگل قبائل کے دو گروہوں کے درمیان جاری تنازعے کے بعد علاقہ نقل مکانی کرنے والوں میں ہندو برادری بھی شامل ہے۔ مسلح تصادم کے باعث نقل مکانی کرنے والے وڈھ بازار کے ہندو دکاندار نے بتایا کہ ’حالات بہت زیادہ خراب تھے۔ ساری رات فائرنگ ہوتی تھی، گولیاں گھر کے اوپر سے ہر وقت گزرتی تھیں، راکٹ اور دوسرا بھاری اسلحہ بھی استعمال ہو رہا تھا۔پی پی آئی کے مطابق‘ انہوں نے مزید بتایا کہ علاقے میں حالیہ کشیدگی کو شروع ہوئے نو دن ہو گئے ہیں اور تب سے وڈھ بازار بند ہے۔ان کا کہنا تھا کہ ان کی برادری کے تقریباً تمام لوگ وڈھ سے نکل گئے ہیں۔ ’کچھ لوگ خضدار اور کچھ دوسرے ضلع لسبیلہ کی طرف چلے گئے ہیں۔‘دوسری جانب ایس ایس پی خضدار فہد کھوسہ نے دعویٰ کیا کہ وڈھ میں اس وقت صورت حال نارمل ہے، تاہم کشیدگی برقرار ہے اور دور دراز علاقوں میں فائرنگ کا امکان موجود ہے۔
کویت میں غیر ملکی شہریوں کوملک چھوڑنے سے قبل یوٹیلٹی بلز کی ادائیگی کا حکم
کویت (پی پی آئی) کویت نے غیر ملکی شہریوں پر یوٹیلٹی بلز کی ادائیگی کے بغیر ملک چھوڑنے پر پابندی عائد کردی ہے۔پی پی آئی کے مطابق غیر ملکی شہریوں کو کویت چھوڑنے سے پہلے پانی، بجلی اور ٹریفک جرمانے ادا کرنے کا پابند کیا جائے گا۔کویت میں مقیم پاکستانیوں نے تصدیق کی ہے کہ غیر ملکی شہریوں کو کسی بھی وجہ سے ملک سے باہر جانے سے قبل ٹریفک جرمانہ سمیت تمام واجبات ادا کنے پڑیں گے۔۔اس مقصد کیلئے ایک آن لائن پلیٹ فارم تیار کیا گیا ہے جہاں بلوں کی ادائیگی کی جاسکتی ہے۔
کراچی ائیر پورٹ پر نصب آئی بی ایم ایس سسٹم،نادرا سے منسلک
کراچی (پی پی آئی) وفاقی تحقیقاتی ادارے ایف آئی اے نے انسانی اسمگلنگ پر قابو پانے کیلئے کراچی ائیر پورٹ پر نصب انٹیگریٹیڈ بارڈر مینجمنٹ سسٹم کو محکمہ پاسپورٹ اور نادرا سے منسلک کردیا ہے۔ اب کسی بھی مشکوک، مطلوب یا اشتہاری شخص کیلئے ملک سے فرار آسان نہیں رہے گا۔پی پی آئی کے مطابق آئی بی ایم ایس میں 22 کروڑ سے زائد مسافروں کا ریکارڈ محفوظ ہے،۔ایف آئی اے نے 34 بارڈر کراسنگ پوائنٹس پر 3 مراحل میں چیکنگ کا نظام بھی قائم کردیا۔ وفاقی ادارے نے ایک سال کے دوران شک کی بنیاد پر 19 ہزار 55 افراد کو سفر کرنے سے روکا۔ایف آئی اے حکام کے مطابق 388 مسافروں کو جعلی اور غیر قانونی دستاویزات پرآف لوڈ کیا گیا، غیرقانونی طور پر بارڈر کراس کرنیوالے 968 افراد کو بھی پکڑا گیا۔
تلاش کریں
خبریں

پاک انگلینڈ ڈس ایبلڈ کرکٹ سیریز اگلے برس یواے ای میں ہوگی
(November 29, 2013)
لندن: پاکستان اور انگلینڈ کی ڈس ایبلڈ کرکٹ ٹیموں کے درمیان سیریز آئندہ سال مارچ میں متحدہ عرب امارات میںکھیلی جائے گی ۔ سیریز میں تین ون ڈے اور تین ٹی 20میچ کھیلے جائیں گے ۔ سیریز کے انعقاد کا فیصلہ پاکستان ڈس ایبلڈ کرکٹ ایسوسی ایشن اور انگلینڈ اینڈ ویلز کرکٹ بورڈ ڈس ایبلڈ ونگ کے حکام کے درمیان لندن میں ایک ملاقات میں کیا گیا ۔پاکستانی وفد میں ایسوسی ایشن کے صدر سلیم کریم اور اعزازی سیکریٹری امیرالدین انصاری شامل تھے جبکہ انگلینڈ کی نمائندگی ای سی بی ڈس ایبلڈ ونگ کے سربراہ این مارٹن اور ممبر رچرڈ بل نے کی ۔

پاکستان نے کامن ویلتھ ماسٹر ویٹ لفٹنگ چیمپئن شپ میں گولڈ میڈل جیت لیا
(November 29, 2013)
لاہور: پاکستان کے امجد امین بٹ نے ملائیشیا میں جاری کامن ویلتھ ماسٹر ویٹ لفٹنگ چیمپئن شپ میں پاکستان کے لئے گولڈمیڈل حاصل کر لیا ۔ امجد امین بٹ نے 50 سے 54 سال کیٹگری کی 64 کلوگرام کلاس میں سب سے زیادہ وزن اٹھا کر گولڈ میڈل اپنے نام کر لیا۔ پاکستان کے دوسرے ویٹ لفٹر الیاس بٹ 40 سے 44 سال کی کلاس میں آج اپنے فن کا مظاہرہ کرینگے۔ واضح رہے کہ پاکستان پہلی مرتبہ ماسٹر کلاس میں شرکت کر رہا ہے۔

شین واٹسن ایشز سیریز کے باعث ڈومیسٹک ایونٹ سے دستبردار ہوگئے
(November 29, 2013)
سڈنی: آسٹریلوی آل راﺅنڈر شین واٹسن انگلینڈ کے خلاف جاری ایشز سیریز کے باعث ڈومیسٹک ٹورنامنٹ شیفلڈ شیلڈ سے دستبردار ہوگئے ۔ آسٹریلیا کو ایشز سیریز کے پانچ ٹیسٹ میچوں کی سیریز میں 0-1کی برتری حاصل ہے ۔آسٹریلوی کرکٹ بورڈ کی جانب سے ایشز سیریز میں شامل تمام کھلاڑیوں کو یکم دسمبر کو دوسرے ٹیسٹ سے قبل ایڈیلیڈ پہنچنے کی ہدایت کی گئی ہے ، کھلاڑیوں کوکسی بھی دومیسٹک ٹورنامنٹ میں شرکت سے منع کیا گیا ہے ۔ آسٹریلوی کوچ ڈیرن لی مین نے واٹسن کو تمام توجہ اپنی فٹنس پرموکوز رکھنے کی ہدایت کی ہے۔

متحدہ عرب امارات سمیت چار ٹیموں نے ٹی 20کرکٹ ورلڈ کپ کیلئے کوالیفائی کر لیا
(November 28, 2013)
دبئی: ٹی 20 ورلڈ کپ 2014کے لیے متحدہ عرب امارات سمیت چار ٹیموں نے کوالیفائی کر لیا۔ دبئی میںجاری ٹی 20 ورلڈ کپ کا کوالیفائنگ راونڈ اپنے اختتام کو پہنچ گیا۔ نیپال، یو اے ای ، آئر لینڈ اور افغانستان بھی میگا ایونٹ کے لیے کوالیفائی کرنے والی ٹیموں میں شامل ہیں۔ ٹی 20 ورلڈ کپ 2014 بنگلا دیش میں کھیلا جائے گا۔

کبڈی ورلڈ کپ میں شرکت کیلئے قومی ٹیمیں این او سی سے محروم
(November 28, 2013)
اسلام آباد: کبڈی ورلڈ کپ میں مردوں اور خواتین قومی ٹیم کی شرکت مشکوک ہو گئی۔ بھارتی پنجاب میں ہونے والے کبڈی ورلڈ کپ میں مردوں اور خواتین کی قومی ٹیم نے شرکت کے لیے جمعہ کو روانہ ہونا تھا لیکن بھارتی حکومت کی جانب سے تاحال کھلاڑیوں کے این او سی جاری نہیں کیے گئے۔ ایونٹ میں قومی ویمن ٹیم پہلی بار شرکت کرے گی۔ کبڈی مقابلے یکم دسمبر سے 14 دسمبر تک بھارت میں شیڈول ہیں۔

لندن : فٹبال میچ فکسنگ میں دوران تحقیق6 افراد گرفتار
(November 28, 2013)
لندن: برطانیہ کی نیشنل کرائم ایجنسی نے ایک فٹ بال میچ میں فِکسنگ کے الزمات پر دوران تحقیق چھ افراد کو حراست میں لے لیا ۔ خیال ظاہر کیا جا رہا ہے کہ یہ افراد میچوں پر شرطیں لگانے والے کسی بڑے بین الاقوامی گروہ کا حصہ ہو سکتے ہیں۔ یہ گرفتاریاں برطانوی اخبار ‘ڈیلی ٹیلی گراف’ کی ایک تحقیقاتی رپورٹ کی اشاعت کے بعد شروع ہونے والی تحقیقات کے نتیجے میں عمل میں آئی ہیں۔ اس رپورٹ کے مطابق برطانیہ میں نچلے درجے کے لیگ میچز پچاس پونڈ تک کی رقم کے عوض ‘فِکس’ کیے جاتے ہیں۔
