کراچی (پی پی آئی)حکومت سندھ کی جانب سے ایک سال قبل لانچ کی گئی کراچی الیکٹرک بس سروس کو مکمل طور پر بند ہونے کے خطرے کا سامنا ہے کیونکہ اس کے 3 میں سے 2 روٹس پر چلنے والی بسوں کو اچانک معطل کردیا گیا، جس کے نتیجے میں ہزاروں مسافروں کو پریشانی کا سامنا کرنا پڑ رہا ہے۔ ایک روٹ جس پر ابھی تک یہ بس چل رہی ہے، اس میں بھی فراہم کردہ ہائی ٹیک پبلک ٹرانسپورٹ بسوں کی تعداد کم ہے۔ان الیکٹرک بسوں کے ذریعے سفر کرنے والے ہزاروں افراد کے ہفتے کا آغاز اس چونکا دینے والی سے ہوا کہ جن بسوں کے وہ منتظر ہیں اس کی سہولت اب دستیاب نہیں۔ پی پی آئی کے مطابق بتایا جاتا ہے کہ 2 روٹس ای وی۔1 اور ای وی۔3 کی سروس کوغیر معینہ مدت تک معطل کردیا گیاہے۔ای وی۔1 الیکٹرک بس جناح ایونیو کے قریب ٹینک چوک سے شروع ہوکر ایئرپورٹ کے علاقے شاہراہ فیصل، ایف ٹی سی، کورنگی اور خیابان اتحاد سے ہوتے ہوئے سی ویو پر کلاک ٹاور تک جاتی ہے۔۔ای وی۔3 ملیر کینٹ چیک پوسٹ 5 سے شروع ہو کر صفورہ چورنگی، موسمیات، کامران چورنگی، پرفیوم چوک، ملینیم مال، ڈالمیہ، آغا خان ہسپتال، لیاقت نیشنل ہسپتال سے ہوتے ہوئے ایم اے جناح روڈ تک جاتی ہے۔۔ ’اب ان دونوں راستوں پر یہ سہولت آپریشنل نہیں‘۔البتہ ای وی۔2 جو بحریہ ٹاؤن کراچی سے شروع ہو کر ایم۔9 پلازہ کو پاس کر کے ملیر ہالٹ، بقائی یونیورسٹی، جناح ایونیو، ملیر کینٹ، ٹینک چوک سے ہوتے ہوئے اپنا اختتام ماڈل کالونی پر کرتی ہے وہ ’فنکشنل ہے۔
ملتان میں سوائن فلو سے جاں بحق افراد کی تعداد تین ہوگئی
زمبا بوے کرکٹر زاور بورڑ کے معاملا ت طے ، ٹیم کی بنگلہ دیش روانگی
ویمنز کرکٹ : بنگلہ دیش کی ٹیم نے پاکستانی خواتین ٹیم کو 43رنز سے شکست دی
عمر اکمل کے اہل خانہ کا صلح کے لیے ٹریفک وارڈن سے رابطہ
جمشید دستی کے الزامات کی تحقیقات کے لیے7رکنی کمیٹی قائم
جمشید دستی کے الزامات، سپریم کورٹ میں پٹیشن دائر کر دی گئی
تازہ ترین خبریں
- April 22, 2026
اشتہار
تازہ ترین
عالمی منڈی میں تیل کی قیمتیں گر گئیں،پاکستان میں بھی مزید کمی کا امکان
نیویارک(پی پی آئی) عالمی منڈی میں تیل کی قیمتوں میں دو فیصد کمی دیکھنے میں آئی ہے جس کے بعد پاکستان میں بھی مزید کمی کا امکان ظاہر کیا جارہا ہے۔ مشرق وسطیٰ میں اسرائیل اور حماس کے درمیان تنازعہ پر قابو پانے کی کوششوں میں سفارتی کوششیں تیز ہو گئیں، جس سے سپلائی میں ممکنہ رکاوٹ کے بارے میں سرمایہ کاروں کے خدشات کم ہوگئے۔۔پی پی آئی کے مطابق برنٹ خام آئل کے مستقبل کے سودوں میں 2.02 ڈالر یا 2.2 فیصد کمی ہوئی اور یہ 90.14 ڈالر فی بیرل پر فروخت ہوئے۔یو ایس ویسٹ ٹیکساس انٹرمیڈیٹ خام تیل کی قیمت 2.19 ڈالر یا 2.5 فیصد کم ہو کر اس کی فروخت 85.89 ڈالر فی بیرل رہی۔
نیب کا ادارہ صرف سیاسی جوڑ توڑ کیلئے ہے،اپیل ہے کہ اسے ختم کیا جائے:شاہد خاقان عباسی
کراچی (پی پی آئی)مسلم لیگ ن کے رہنما شاہد خاقان عباسی نے کہاہے کہ نیب نے ملک کو مفلوج کیا ہوا ہے،بار بار عدالت آتے ہیں لیکن ہوتا کچھ بھی نہیں،5سال ہو گئے لیکن صرف تاریخ ملتی ہے۔پی پی آئی کے مطابق کراچی میں میڈیا سے گفتگو کرتے ہوئے شاہد خاقان عباسی نے کہاکہ عدالتوں میں کیمرے لگوائے جائیں، عوام بھی دیکھیں عدالتوں میں ہوتا کیا ہے،لیگی رہنما کا کہنا تھا کہ کئی ججز کا عدالتوں سے تبادلہ ہوگیا لیکن ہمارا کیس وہیں کا وہیں ہے،ان کا کہناتھا کہ نیب کا ادارہ صرف سیاست کی جوڑ توڑ کیلئے رکھا گیا ہے،میری اپیل ہے کہ نیب کے ادارے کو ختم کیا جائے۔
شریفوں کی انتخابات میں دھاندلی کرنا بھول ہے، انکی دکان بند ہو چکی:پرویز الٰہی
اسلام آباد(پی پی آئی)سابق وزیراعلیٰ پنجاب اور تحریک انصاف کے صدر پرویز الٰہی نے کہاہے کہ شریف برادران کی اب کوئی نہیں سنے گا، ان کی دکان بند ہو چکی۔احتساب عدالت میں میڈیا سے غیررسمی گفتگو کرتے ہوئے پرویز الٰہی نے کہاکہ یہ جو آگئے ہیں نیلسن منڈیلا اپنے بھائی سے مہنگائی کا حساب لیں،مہنگائی میں اتنا اضافہ ہوا کہ لوگ خودکشی پر مجبور ہو گئے ہیں،لوگوں نے نیلسن منڈیلا کے آنے پر خودکشیاں کی ہیں۔پی پی آئی کے مطابق سابق وزیراعلیٰ پنجاب نے کہاکہ جو یہ سارا کچھ کررہے ہیں ان کو الیکشن میں پتہ چل جائے گا، ان کاکہناتھا کہ سپریم کورٹ کا انتخابات کیس سے متعلق بنچ بننا ملک کیلئے بہتر ہے،سپریم کورٹ کی وجہ سے انتخابات کی تاریخ آ جائے گی۔پرویز الٰہی نے کہاکہ،چیئرمین پی ٹی آئی کی سیاسی شہرت میں اضافہ ہوا ہے۔
تلاش کریں
خبریں
ملتان میں سوائن فلو سے جاں بحق افراد کی تعداد تین ہوگئی
ملتان: ملتان میں سوائن فلوسے مزید ایک شخص جاں بحق ہو گیاجبکہ مجمو عی تعداد تین ہوگئی۔ملتان میں ناقص سہولیات کی وجہ سے نرسوں نے کام نہ کر نے کی دھمکی دے دی ہے ۔ملتان سمیت جنوبی پنجاب بھر سے سوائن فلو میں مبتلا چودہ مریضوں کو نشتراسپتال میں داخل کیا جاچکا ہے۔جاں بحق ہو نے والے شخص محمودالحسن گذ شتہ کچھ دنوںسے اسپتال میں زیر علاج تھے جبکہ جاں بحق ہو نے والوں کی مجموعی تعداد تین ہوگئی ہے۔ ذرائع کے مطابق نشتراسپتال کے سوائن فلو وارڈ میں ناقص انتظامات کی وجہ سے ایک نرس اور ڈاکٹر بھی اس مرض میں مبتلا ہوچکے ہیں جس پر پیرا میڈیکل سٹاف نے احتجاجاً کام نہ کرنے کی دھمکی دیتے ہوئے کہا ہے کہ سٹاف کو وبائی مرض سے محفوظ رکھنے کے لیے سخت حفاظتی انتظامات کا بندوبست کیا جائے۔ دوسری جانب محکمہ صحت نے اینٹی وائرل اور ٹیمی فلو ادویات اسپتالوں کو فراہم کردی ہیں۔
زمبا بوے کرکٹر زاور بورڑ کے معاملا ت طے ، ٹیم کی بنگلہ دیش روانگی
بلاوایو: کرکٹ بورڑ کے ساتھ معاملات طے پانے کے بعد زمبابوے کرکٹ ٹیم ٹی ٹوئینٹی ورلڈ کپ میں شر کت کے لیے بنگلہ دیش روانہ ہوگئی۔ زمبا بوے پروفیشنل کرکٹر ایسو سی ایشن اور بورڑ کے درمیان کھلا ڑیوں کے معاوضے کا تنا زعہ حل ہو نے کے بعد کھلاڑی ورلڈ کپ میں شرکت کے لیے بنگلہ دیش روانہ ہو گئے ۔ کھلاڑیوں کی ماہا نہ تنخواہ اگلے ایک سال کے لیے مقرر کر دی گئی ہے جبکہ ٹورنامنٹ میں حصہ لینے والے تما م کھلاڑیوں کوفی کس11500امریکی ڈالر جبکہ میچ میں جیت کی صور ت میں دو ہزار سات سو امریکی ڈالر کی اضافی رقم بھی دی جائے گی ۔ مستقبل میں اس طرح کے تنازعات سے بچنے کے لیے مذاکرات جاری ہیں۔ آئی سی سی چیف ڈیو رچرڈ سن کی موجو دگی میں مذاکرات کو حتمی شکل دے دی گئی ہے ، آئی سی سی چیف کھلاڑیوں اور بورڑ کے درمیان مصالحت کے لیے زمبابوے پہنچ گئے تھے ، واضح رہے پچھلے ہفتے کھلاڑیوں نے دھمکی دی تھی کہ ان کے معاوضے کا معاملہ حل نہیں ہوا تو وہ ٹی ٹوئنٹی ورلڈ کپ میں حصہ نہیں لیں گے۔زمبابوے کر کٹ بور ڑ کے سیکرٹری جنرل کا کہنا تھا کہ کھلاڑیوں کو مناسب معاوضہ دیا جائے گا، کھلاڑیوں نے کنٹرکٹ پر دستخط کر دیے ہیں اب تمام معاملات معمول پر آچکے ہیں۔ ان کا مزید کہنا تھا کہ ورلڈ کپ کے بعد آئی سی سی سے ملنے والے معاوضے میں کھلاڑیوں کے حصہ پر دوبارہ بات چیت ہو گی۔
ویمنز کرکٹ : بنگلہ دیش کی ٹیم نے پاکستانی خواتین ٹیم کو 43رنز سے شکست دی
بلاوایو: پہلے ویمنز ون ڈے انٹرنیشنل میں بنگلہ دیش نے پاکستان کو43 رنزسے شکست دے دی۔153رنز کاتعا قب کر تے ہوئے پا کستانی خواتین ٹیم 109رنز بنا سکی ۔پاک بنگلہ دیش ویمنزکرکٹ ٹیموں کے درمیان دوون ڈے میچوں پرمشتمل سیریزکا پہلامیچ شیخ کمال انٹرنیشنل اسٹیڈیم میں ہوا۔پاکستانی کپتان ثنامیرنے ٹاس جیت کربنگلہ دیش کو بیٹنگ کی دعوت دی۔ میزبان ٹیم پچاسویں اوورمیں ایک سو باون رنزبنا کرآوٹ ہوگئی ، بنگلہ دیش کی جانب سےرومانہ احمدنے سب سے زیادہ44رنز بنائے۔ پاکستان کی طرف سے کانیتا جلیل نے تین جبکہ نداڈاردووکٹیں حاصل کیں۔ جواب میں قومی ٹیم 45 ویں اوورمیں صرف 109رنزپرآوٹ ہوگئی۔ پاکستان کی جانب سے سماویہ اقبال نے سب سے زیادہ 40رنزبنائے۔فاتح ٹیم کی جانب سےلتاموندل نے چاراورجہاں آراعالم نے تین وکٹیں حاصل کیں۔ سیریزکادوسرااورآخری ون ڈے آج کھیلاجائے گا۔
عمر اکمل کے اہل خانہ کا صلح کے لیے ٹریفک وارڈن سے رابطہ
لاہور: قومی کرکٹر عمر اکمل کے اہل خانہ نے ٹریفک وارڈن ذیشان سے صلح کے لیے رابطہ کرلیا ہے۔ کرکٹر عمر اکمل کا چند روز قبل گلبرگ کے علاقے میں ڈیوٹی پر موجود ٹریفک وارڈن ذیشان سے جھگڑا ہواتھا جس پر اس کے خلاف باقاعدہ مقدمہ درج کرکے گرفتار کیا گیا۔سی ٹی او لاہور سہیل احمد چودھری کا کہناتھا کہ اگر ٹریفک وارڈن کرکٹر عمر اکمل سے صلح کرنا چاہتا ہے تو انہیں اس پر کوئی اعتراض نہیں ہے۔ ان کا کہناتھا کہ عمر اکمل کے ڈرائیونگ لائسنس کو منسوخ کرنے کے لیے جو نوٹس بھجوائے گئے تھے اس کا جواب موصول ہوچکاہے۔
جمشید دستی کے الزامات کی تحقیقات کے لیے7رکنی کمیٹی قائم
اسلام آباد: جمشید دستی کے الزامات کی تحقیقات کے لیے قومی اسمبلی کی7رکنی کمیٹی قائم کر دی گئی ، کمیٹی15 روز میں رپورٹ دے گی۔قومی اسمبلی اجلاس کے دوران زاہد حامد نے جمشید دستی کے الزامات کی تحقیقات کے لیے7 رکنی کمیٹی کے ناموں پر مشتمل تحریک پیش کی جسے ایوان نے متفقہ طور پر منظور کر لیا۔کمیٹی میں عمران ظفر لغاری، عارف علوی، روحیل اصغر، میاں منان ، شاہدہ اختر علی، سہیل منصور اور کاظم علی شاہ شامل ہیں۔کمیٹی15 روز میں رپورٹ پیش کرے گی۔
جمشید دستی کے الزامات، سپریم کورٹ میں پٹیشن دائر کر دی گئی
اسلام آباد: پارلیمنٹ لاجز میں غیر اخلاقی سرگرمیوں سے متعلق جمشید دستی کے الزامات کے بعد سپریم کورٹ میں پٹیشن دائر کر دی گئی ، درخواست گزار نے ملوث ارکان کو نا اہل قرار دینے کی استدعا کی ہے۔محمود اختر نقوی کی جانب سے عدالت عظمیٰ میں دائر درخواست میں موقف اختیار کیا گیا ہے کہ جمشید دستی کے ارکان اسمبلی پر شراب نوشی اور غیر اخلاقی حرکات میں ملوث ہونے کے الزامات کی تحقیقات کرائی جائیں۔ شراب نوشی میں ملوث پارلیمنٹیرینز کو نااہل قرار دے کر تنخواہیں اور مراعات واپس لی جائیں۔ درخواست گزار نے استدعا کی ہے کہ جمشید دستی کو ثبوتوں سمیت عدالت طلب کیا جائے۔درخواست میں سپیکر قومی اسمبلی، چیئرمین سینٹ ، سیکرٹری داخلہ اور الیکشن کمیشن آف پاکستان کو فریق بنایا گیا ہے۔