کراچی (پی پی آئی) محکمہ سیاحت سندھ نے دنیا بھر میں آباد بدھ اور جین و سکھ مت کے یاتریوں کے لیے سندھ میں بین الاقومی ٹورازم پروگرام شروع کرنے کا فیصلہ کیا ہے،پی پی آئی کے مطابق اس پروگرام کے تحت کینیڈا، امریکہ، برطانیہ اور یورپ کے بدھ اور جین و سکھ یاتریوں کو عبادت گاہوں کی زیارتوں کے لیے خصوصی پیکج دیا جائے گا۔
کراچی (پی پی آئی)مسلم لیگ ن سمیت دیگر سیاسی جماعتوں کی جانب سے12اکتوبر کو یوم سیا ہ منانے کا اعلان کیا گیا ہے۔پی پی آئی کے مطابق12اکتوبر1999کو جنرل (ر)پرویز مشرف کی جانب سے منتخب وزیراعظم میاں نواز شریف کی حکومت کا تختہ الٹ کر اقتدار پر قبضہ کرنے کے واقعہ کے خلاف مسلم لیگ (ن) اوردیگر سیاسی جماعتیں یوم سیاہ منائیں گی۔ اس حوالے سے سمیت ملک بھر میں تقریبات منعقد ہوں گی، پارٹی دفاتر پر سیاہ جھنڈے لہرائے جائیں گے اورسیاسی کارکن بازوؤں پر سیاہ پٹیاں باندھ کر ریلیاں اور مظاہرے اور احتجاج کریں گے۔
کراچی(پی پی آئی) اسٹیٹ بینک آف پاکستان نے 31 دسمبر 2023 کو ختم ہونے والی سہ ماہی کے لیے نیلامی کا ہدف جاری کر دیا ہے۔اس مدت کے لیے سات نیلامیوں کا ہدف 7905 ارب روپے رکھا گیا ہے۔پی پی آئی کے مطابق بتایا گیا ہے کہ یہ رقم 3 ماہ، 6 ماہ اور ایک سال کے ٹریژری بلوں کی فروخت سے حاصل کی جائے گی۔اس مدت کے دوران میچور ہونے والی رقم 8948 ارب روپے ہے۔ 18 اکتوبر کو ہونے والی دوسری نیلامی کا ہدف 900 ارب روپے ہے۔
لاہور(پی پی آئی)پیپلز پارٹی کے چیئرمین بلاول بھٹو زرداری پیر16اکتوبر کو لاہور پہنچیں گے، بلاول بھٹو زرداری پیپلز پارٹی پنجاب اور لاہور کی تنظیموں میں اہم تبدیلیوں کیلئے لاہور ا ٓ رہے ہیں۔پی پی آئی ذرائع کے مطابق بلاول بھٹو زرداری سینٹرل پنجاب اور لاہور تنظیم میں تبدیلیوں کے حوالے سے اہم فیصلے کریں گے۔
میرپورخاص: جمعیت علماءاسلام میرپورخاص نے علامہ خالد محمود سومرو پر قاتلانہ حملے کی مذمت کی ہے ۔جمعیت علما اسلام میرپور خاص کے ضلعی صدر مولانا حفیظ الرحمن ،ضلعی انفارمیشن سیکریٹری مولانا ڈاکٹر محمد اکرم خان مستوئی ،مولانا عنائت اللہ قاری ،عبدالخالق اور دیگر نے ایک اجلاس میں جمعیت علماءاسلام کے صوبائی جنرل سیکریٹری علامہ خالد محمودسومرو پر قاتلانہ حملے کی شدید الفاظ میں مذمت کرتے ہوئے مطالبہ کیا کہ دہشت گردوں کو فوری طور پر گرفتار کیا جائے اور سخت سزا دی جائے ،انہوں نے کہا کہ ملک بھر میں علماءکرام کی حفاظت کے انتظامات سخت کئے جائیں اگر علماءکرام کو نقصان پہنچا تو اس کی ذمہ دار انتظامیہ پر ہو گی ۔
جوناگڑھ: کرکٹ لیجنڈسچن ٹنڈولکر کا سیاحتی دورہ جونا گڑھ محکمہ جنگلات کے آفیسروں کے لیے وبال جان بن گیا، قانون کی خلاف ورزی کرنے کے الزام میں کارروائی کے لیے درخواست دائر کر دی گئی۔ بھارتی ریاست جوناگڑھ کی تنظیم رائٹ ٹو انفارمیشن کے کارکنوں نے الیکشن کمیشن میں درخواست دائر کی ہے کہ سچن ٹنڈولکر اور اس کے بچوں کو گجرات کے سفاری میںسیاحت کے دوران جنگلات کے آفیسروں نے غیر قانونی طور پرٹنڈولکر او ر ان کی فیملی کو ایسی جگہوں تک لے گئے جہاں قانونی طور پرمنع تھا ،درخواست میں کہا گیاہے کہ ان تمام آفیسروں کے خلاف کارروائی کی جائے۔اس دورے کے دوران ٹنڈولکر ، ان کی فیملی اوردوست 15ایسی جگہوں پر گئے تھے جہاں پر شیر کسی بھی وقت حاضر ہو سکتا تھا۔
لاہور: سابق کرکٹرز نے ورلڈ ٹی ٹوینٹی کے اہم میچ میں ویسٹ انڈیز کے ہاتھوں قومی ٹیم کی شکست پر پاکستان ٹیم میں آپریشن کلین اپ اور کرکٹرز کی سنٹرل کنٹریکٹ سمیت تمام مراعات کارکردگی سے مشروط کرنے کا مطالبہ کردیا۔ سابق چیف سلیکٹر محمد الیاس نے کہا کہ ویسٹ انڈیز کے خلاف میچ میں قومی کرکٹرز کی کارکردگی گلی کوچوں کے کرکٹرز سے بھی کم دکھائی دی۔آخری اوورز میں باولرز کی پٹائی کے بعد بلے باز کالی آندھی کے اسپینرز کے سامنے بھیگی بلی بن گئے۔اس شکست کے ذمے داروں کے خلاف آپریشن کلین اپ ہونا چاہیے۔ سابق ٹیسٹ کرکٹر علی نقوی کے مطابق پورے ورلڈ ٹی ٹوینٹی میں پاکستانی ٹیم کا کوئی گیم پلان دکھائی نہیں دیا اور سیمی فائنل کی دوڑ سے باہر ہونے کے ذمہ دار تمام کھلاڑی اور انتظامیہ ہے،ان سب کا احتساب کیا جائے۔ کرکٹرز نے میگا ایونٹ کیلئے ٹیم کی سلیکشن کو بھی غلط قرار دیا۔
کراچی: وزیر اعظم میاں محمد نواز شریف کی ہدایت پر وفاقی وزیر برائے بین الصوبائی رابطہ ریاض حسین پیرزادہ نے کرکٹ لیجنڈحنیف محمد کو پچاس لاکھ روپے کا چیک دے دیا۔ کرکٹ لیجنڈ حنیف محمد گزشتہ کئی عرصے سے کینسر کے مرض میں مبتلا ہیں اور انھوں نے کئی بار علاج کے لیے حکومت سے مدد کی اپیل کی تھی۔ بین الصوبائی رابطے کے وزیر ریاض حسین پیرزادہ نے کراچی میں حنیف محمد سے ان کے گھرپرملاقات کی اورانھیں وزیراعظم نوازشریف کی جانب سے 50لاکھ روپے کا چیک پیش کیا۔ وفاقی وزیر نے اعلان کیا کہ نیشنل کوچنگ سینٹر کراچی کوحنیف خان کے نام سے منسوب کیا جا رہا ہے جبکہ اس میں کرکٹ اکیڈمی بھی قائم کی جائے گی۔ لٹل ماسٹر حنیف محمد نے کہا کہ وہ کینسر کے علاج کے باعث قرض میں ڈوب گئے تھے، اس رقم سے انھیں قرض سے نجات مل جائے گی۔ انھوں نے کہا کہ وزیراعظم نواز شریف اسپورٹس لورہیں اور انھیں کرکٹ سے خاص لگاﺅہے۔ حنیف محمد نے کہا کہ وزیراعظم نے ان کی فریاد سنی جس پر وہ ان کے تہہ دل سے مشکور ہیں۔
شیفلڈ شیلڈ: آسٹریلوی کرکٹ ٹیم کے بیٹسمین مارکوس نارتھ نے ڈومیسٹک اور بین الاقومی کر کٹ سے ریٹائر ہونے کا اعلان کر دیا۔34سالہ نارتھ نے آسٹریلیا کی ڈومیسٹک چمپیئن ٹیم شیفلڈشیلڈ کے کپتان بنائے جانے کے فوری بعد حیران کن طور پر ریٹائر منٹ کا اعلان کر دیا ۔ نارتھ نے ڈومیسٹک میں بہترین کارکردگی کا مظا ہرہ کیا تھا۔
حیدرآباد: جماعت اسلامی ضلع حےدرآبادکے جنرل سیکریٹری حافظ طاہرمجیدراجپوت نے کہاہے کہ تعلیمی سال شروع ہونے کے باوجودصوبے کے لاکھوں طلبہ وطالبات نصابی کتب سے محروم ہےں ۔ سندھ ٹیکسٹ بورڈ جام شورو،محکمہ تعلیم دونوں صوبائی حکومت کے دائر ہ اختیار مےں ہےں اوراٹھارھویں ترمیم کے مطابق تعلیم جیسااہم شعبہ بھی صوبوں کوملنے سے سندھ حکومت کااختیار اور ذمہ داری بڑھ گئی ہے ۔ہر سال کی طرح امسال بھی صوبے مےں تعلیمی عمل تاخیر کاشکارہوگیاہے ۔سندھ ٹیکسٹ بک بورڈ جام شور واور محکمہ تعلیم دونوں ادارے ہی مسلسل نااہلی اور کرپشن کامظاہرہ کررہے ہےں ۔موسم گرماکی جون جولائی کی تعطیلات کے بعدہی کتب کی فراہمی شروع ہوتی ہے جس سے سرکاری اسکولوں کے غریب لاکھوں طلبہ طالبات کوتعلیمی نقصان برداشت کرناپڑتاہے اور لاکھوں غریب طلبہ کوتعلیمی نقصان کاسامناکرناپڑتاہے ۔صوبائی حکومت تعلیم کے لیے نعرے لگانے کے بجائے عملی اقدامات اٹھائے تعلیم دشمنی ختم کرے اور بروقت نصابی کتابوں کی طلبہ تک ترسیل یقینی بنائے جائے تاکہ غریب طلبہ بھی تعلیم سے فیض یاب ہوسکیں ۔
