کراچی (پی پی آئی)دنیا بھر کی طرح پاکستان میں بھی تھروبال کا عالمی دن 17اگست کو منایا گیا۔ پی پی آئی کے مطابق ورلڈ تھروبال فیڈریشن اور پاکستان تھروبال فیڈریشن کے سیکرٹری جنرل مقبول آرائیں نے بتایا کہ دنیا بھر کی طرح پاکستان میں بھی اسپورٹس تنظیموں بالخصوص ورلڈ تھروبال فیڈریشن اور پاکستان تھروبال فیڈریشن نے تھروبال کا عالمی دن منایا اورملک بھر میں تھروبال کے نمائشی مقابلے منعقد کئے گئے۔
لاہور(پی پی آئی)پنجاب کے نگران وزیرثقافت عامر میر نے الحمرا مال روڈ میں کمرشل اسٹیج ڈراموں پر مکمل پابندی لگا دی ہے جس کے بعد ڈراموں کیلئے کی جانے والی تمام بکنگز منسوخ کر دی گئی ہیں۔پی پی آئی کے مطابق صوبائی وزیرثقافت عامرمیرکا کہنا ہیکہ الحمرا مال روڈ میں ڈراموں میں ڈانسرزکے فحش ڈانس کی شکایات موصول ہوئیں۔صوبائی وزیرکا کہنا ہے کہ الحمرا مال روڈ صرف ادبی وثقافتی سرگرمیوں کیلئے استعمال کیا جائے گا،کمرشل ڈراموں پرپابندی صرف الحمرامال روڈ میں لگائی گئی ہے،الحمراکلچرل کمپلیکس میں ڈرامے حدود وقیود کے اندررہتے ہوئے جاری رہیں گے۔
اسلام آباد (پی پی آئی)وزارت مذہبی امور نے حج2023میں نجی حج سکیم کے تحت حج آرگنائزرز کے ساتھ حج کرنے والے حجاج سے کہا ہے کہ اگر انہیں کسی حج آپریٹر کے بارے میں کوئی شکایت ہے تو 18اگست تک آگاہ کریں۔ تاکہ معاہدے کی خلاف ورزی کرنے والوں کے خلاف کارروائی کی جاسکے۔ علاوہ ازیں وزارت مذہبی امور نے پر ائیویٹ حج سکیم کے تحت حج کوٹہ کیلئے نئی کمپنیوں کی رجسٹریشن کا فیصلہ کیا ہے اور انرولمنٹ کیلئے اہل نجی کمپنیوں سے 31اگست در خواستیں طلب کر لی ہیں۔پی پی آئی کے مطابق موجودہ کوٹہ ہولڈرز کمپنیوں سے بھی اسسمنٹ کیلئے 31اگست تک در خواستیں مانگی گئی ہیں۔
کراچی (پی پی آئی) سابق صدر جنرل محمد ضیا الحق شہید، جنرل اختر عبدالرحمٰن شہید اور سانحہ بہاولپور کے شہدا کا 35واں یوم شہادت روایتی عقیدت احترام سے منایا گیا۔ مرکزی تقریب مسجد عیدگا قصاباں میں کے احاطہ میں ہوئی اور ایصال ثواب کیا گیا۔پی پی آئی کے مطابق اس موقع پر محبان شہدائے بہاولپور کے صدر محمد عباس سیکرٹری جنرل انوار پٹنی اور دیگر نے تقاریر کیں۔
لندن: سابق برطانوی عالمی شہرت یافتہ بلے باز جیف بائیکاٹ نے کہا ہے کہ وہ پاکستان میں عالمی کرکٹ کی بحالی دیکھنا چاہتے ہیں۔ پاکستان میں کرکٹ بہت مقبول ہے۔ وسیم اکرم اور وقار یونس میرے پسندیدہ کھلاڑی تھے۔ ایک انٹرویو میں انہوں نے کہا کہ اگر پاکستان اور جنوبی افریقہ کی سیریز پاکستان میں ہوتی تو ماحول زیادہ جنوبی افریقہ کے حق میں ہوتا۔ اگرچہ جنوبی افریقہ اس وقت دنیا کی اول نمبر ٹیم ہے لیکن اس کے بعض کھلاڑیوں کا اپنے کیرئیر کا آخری وقت آ گیا ہے اور یہ بات پاکستانی سپنر نے ثابت کر دی ہے۔ انہوں نے کہا کہ یو اے ای کی وکٹیں بلے بازی کے لئے بہت اچھی ہیں لیکن اگر باﺅلر گیند کا اچھا استعمال کرےںتو پاکستان جنوبی افریقہ کو شکست دے سکتا ہے۔ انہوں نے کہا کہ سپین باﺅلنگ نے جنوبی افریقہ کی صلاحیت بہت محدود ہے جبکہ پاکستان سعید اجمل اور عبد الرحمن سے بھرپور فائدہ اٹھا سکتا ہے۔ پاکستانی بلے بازوں کے مسائل کے بارے میں ان کا کہنا تھاکہ پاکستانی بلے باز غیر ذمہ دارانہ شارٹس کھیلتے ہیں جس کے باعث وہ اپنی کارکردگی برقرار نہیں رکھ سکتے۔ انہیں جم کر کھیلنا چاہیے اور حوصلے کا مظاہرہ کرنا چاہیے۔ انہوں نے کہا کہ یونس خان ایک انتہائی اچھے فیلڈر ہیں اور بہت اچھی بلے بازی کرتے ہیں۔ پاکستانی ٹیم میں ان سے بہتر بلے باز موجود نہیں۔
پرتھ: نائن اے سائیڈ ہاکی ٹورنامنٹ میں پاکستان کو ملائیشیا نے ہرا کر آخری پوزیشن پر دھکیل دیا۔پرتھ میں جاری چار ٹیموں پر مشتمل نائن اے سائیڈ ہاکی ٹورنامنٹ میں ملائیشیا نے پاکستان کو ہرا دیا،ایونٹ کے اپنے آخری میچ میں بھی قومی کھلاڑی اچھی کارکردگی نہ دکھا سکے۔حریف ملائیشیا نے دو ایک کی شکست سے دو چار کر کے گرین شرٹس کو تیسری پوزیشن سے بھی محروم کر دیا۔تیسری پوزیشن کے میچ کے پہلے ہاف میں ملائیشیا کو 0-1 کی برتری حاصل تھی۔دوسرے ہاف میں ملائیشیا نے سکور دوگنا کر دیا۔پاکستان کی طرف سے ارسلان قادر نے واحد گول کیا۔
فلپ آئی لینڈ: سپینش بائیک رائیڈر جورج لورینزو نے آسٹریلین موٹو جی پی جیت لی۔ فلپ آئی لینڈ کے خوبصورت ٹریک پر موٹر سائیکل ریس کا انعقاد ہوا جس میں دنیا بھر کے نامور بائیکرز نے اپنا زور بازو دکھایا۔سپین کے جورج لورینزو نے ٹائٹل ریس جیت لی،آسٹریلین موٹو جی پی کو ٹائر معاملے کی وجہ سے ستائیس سے انیس لیپس تک محدود کر دیا گیا۔فاتح موٹر سائیکلسٹ کو پول سیشن کی برتری رکھنے والے ہم وطن رائیڈرمارک مارکویز اور حریف ڈینی پیڈروسا نے ٹف ٹائم دیا۔
گوانگ ژو: چین میں بیس جمپنگ کے عالمی مقابلے ہوئے، جمپرز نے ہوامیں چھلانگیں لگا کر شائقین کو حیران کر دیا۔چین کے صوبے گوانگ زو میں بیس جمپنگ کے ورلڈ کپ کا تین روزہ ایونٹ ہوا جس میں دنیا بھر سے 34 ٹاپ جمپرز نے شرکت کی۔ جمپرز نے بلا خوف و خطرمہارت سے ہوامیں چھلانگیں لگا کر شائقین کو حیران کر دیا۔ شرکا کو 370 میٹر اونچے پل سے پیراشوٹ کے ساتھ چھلانگ لگانا تھی۔ ایونٹ میں انفرادی فری جمپرز کے ساتھ ساتھ گروپ فری جمپرز کے بھی مقابلے کروائے گئے۔ شائقین کی بڑی تعداد ان سنسی خیز مقابلوں سے محظوظ ہوتی رہی۔
شیخوپورہ: شیخوپورہ کی تحصیل شرقپور شریف میں پنجاب کے روایتی کھیل فری سٹائل کبڈی کے میچ میں فیصل آباد اور ساہیوال کی ٹیمیں آمنے سامنے آئیں۔ تماشائیوں کی بڑی تعداد نے میچ کو زور کا جوڑ بنا دیا۔ میدان مارنے بلکہ دل جیتنے والے کھلاڑیوں پر نوٹوں کی بارش برسائی گئی۔ چماٹے دار کبڈی میں ایک دوسرے پر ہاتھوں کے وار کی آواز سے میدان گونجتا رہا۔ سنسنی خیز میچ 29، 29 پوائنٹس سے برابر رہا لیکن کھلاڑیوں کے جوش و خروش نے شائقین کے دل جیت لیے۔ مہمان خصوصی وفاقی وزیر برائے دفاعی پیداوار رانا تنویر حسین نے کھلاڑیوں میں انعامات تقسیم کئے۔
کراچی: پاکستان کرکٹ بورڈ کے سابق چیف ایگزیکٹوعارف علی خان عباسی کا کہنا ہے کہ پی سی بی سزا یافتہ مجرم محمد عامر کو سپورٹ کے بجائے ان کھلاڑیوں کے لیے آواز اٹھائے جن کے خلاف کسی عدالت میں کوئی ثبوت پیش نہیں کیا جا سکا۔فاسٹ بالرمحمد عامر کی پانچ سالہ پابندی کی سزا میں کمی کی کوششوں کو سابق چیف ایگزیکٹو نے سخت تنقید کا نشانہ بنایا۔ کراچی میں انٹرنیشنل گالفر علی حئی کے دعوت ولیمہ میںخصوصی گفتگو کرتے ہوئے عارف علی خان عباسی کہتے ہیں ملک اور قوم کو دھوکا دینے والوں کے لئے نرم گوشہ سمجھ سے بالا تر ہے۔سابق چیف ایگزیکٹو کا کہنا ہے کہ پی سی بی سزا یافتہ مجرموں کے لیے آواز اٹھانے کے بجائے دانش کنیریا جیسے کھلاڑیوں کے لیے آواز اٹھائے۔واضح رہے کہ پاکستان کرکٹ بورڈ نے برطانوی وکیل کے ذریعے آئی سی سی میں دائر اپیل میں موقف اختیار کیا ہے کہ غلطی کا اعتراف کرنے کے بعد محمد عامر کی سزا میں کمی کی جانی چاہیے۔
