اسلام آبادر(پی پی آئی) پیپلزپارٹی کے سیکریٹری جنرل نیئر بخاری نے کہا کہ پاکستان پیپلز پارٹی کا مطالبہ ہے الیکشن کمیشن انتخابات کی تاریخ دے، آزادانہ صاف شفاف انتخابات کے زریعے پارلیمانی جمہوری نظام قیام آئینی تقاضہ ہے، پاکستان پیپلز پارٹی حق حکمرانی کا اختیار دینے والے عوام الناس ہی مقتدرہ درجہ پر یقین رکھتی ہے، ملک مستحکم۔پی پی آئی کے مطابق انہوں نے کہا کہ نگران حکومتوں اور اداروں کی جانب سے مخصوص سہولت کاری کا تاثر زبان زد عام ہے، کیا کسی ملزم کے لیے لاونج میں بائیو میٹرک کی سہولت غیر معمولی بات نہیں ہے؟ نگران حکومت پنجاب کس حیثیت میں سزائیں معطل کر رہی ہے؟ نگران حکومتیں مخصوص جماعت و شخصیات کی سہولتکاری سے باز رہیں، پیپلز پارٹی سب کیلئے لیول پلیئنگ فیلڈ چاہتی ہے کیوں کہ لیول پلینگ فیلڈ نہ ملنے سے انتخابی نتائج سوالیہ نشان ہوں گے اور انتخابی نتائج تسلیم نہ ہوئے تو ملک میں آئینی بحران پیدا ہونے سے ناقابل تلافی نقصان ہوگا۔
ٹوم جیٹلی نے پیرس سائیکل ریس کا چوتھا مرحلہ جیت لیا
دفاعی چمپیئن ویسٹ انڈیز اور انڈیا ورلڈ کپ ٹی ٹوئنٹی کے لیے فیورٹ ہیں : مائیکل وان
آئی سی سی کر کٹ لیگ ڈویژن 5کا فائنل جر سی نے جیت لیا
متحدہ عرب امارات کو آئی پی ایل کے ابتدائی میچز کی میزبانی مل گئی
انٹر بینک میں ڈالر کی قدر 98روپے سے نیچے آگئی
کشمیر بینک نے خطے میں خواتین کی فلاح کے لیے مر بوط پروگرام تیار کیا ہے: فضل الرحمان
تازہ ترین خبریں
اشتہار
تازہ ترین
عام انتخابات کی تیاریاں تیز‘ بلاول کا خیبرپختونخواہ میں ڈیرے ڈالنے کا فیصلہ
پشاور (پی پی آئی) پیپلزپارٹی نے عام انتخابات کی تیاریاں تیز کرنے کا فیصلہ کرلیا، بلاول بھٹو زرداری چند روز خیبرپختونخواہ میں قیام کریں گے۔پی پی آئی کے مطابق پیپلزپارٹی کی جانب سے جماعت کے چیئرمین بلاول بھٹو زرداری ملک بھر میں انتخابی مہم کا محاذ سنبھالیں گے، اس سلسلے میں چئیرمین پیپلزپارٹی آئندہ ماہ کے دوسرے ہفتے خیبرپختونخواہ کا دورہ کریں گے، بلاول بھٹو زرداری 5 روز تک خیبرپختونخواہ میں سیاسی سرگرمیوں میں شریک ہوں گے، بلاول بھٹو زرداری کی خیبرپختواہ میں موجودگی کے دوران صوبے کی اہم شخصیات نے پیپلزپارٹی میں شمولیت کا بھی یقین دلایا ہے۔
مقبوضہ کشمیر میں پوسٹرز چسپاں،بھارت کے غیر قانونی قبضے کے خلاف جمعہ کو ہڑتال کی اپیل
سری نگر (پی پی آئی)مقبوضہ کشمیر کے دیگر حصوں میں پوسٹرز چسپاں کیے گئے ہیں جن میں لوگوں پر زور دیا گیا ہے کہ وہ اپنے مادر وطن پر بھارت کے غیر قانونی قبضے کے خلاف جمعہ کو مکمل ہڑتال کریں۔پوسٹر کل جماعتی حریت کانفرنس، ریزسٹنس یوتھ فورم جموں و کشمیر، جموں و کشمیر وارثین شہدا، جموں و کشمیر پولیٹیکل ریزسٹنس موومنٹ، جموں و کشمیر ڈیموکریٹک موومنٹ، جموں و کشمیر سٹوڈنٹس یوتھ فورم، جموں و کشمیر جسٹس اینڈ پیس انیشیٹو، نوجوانانِ حریت جموں کشمیر، جموں کشمیر اسٹوڈنٹس فورم اور دیگر تنظیموں نے چسپاں کیے ہیں۔پوسٹروں میں لکھا ہے 27 اکتوبر جموں و کشمیر کی تاریخ کا ایک سیاہ ترین دن ہے کیونکہ اس بھارتی سامراج نے1947میں اس روز ننگی جارحیت کرتے ہوئے جموں وکشمیر کی سرزمین پر کشمیریوں کی خواہشات کے منافی قبضہ کیا۔ پوسٹر سماجی رابطوں کی سائٹوں ”ایکس، فیس بک اور واٹس ایپ“وغیرہ پر بھی اپ لوڈ کیے گئے ہیں۔
کشمیر پرغاصبانہ بھارتی قبضہ کیخلاف دنیا بھر میں آباد کشمیری آج یوم سیاہ منائیں گے
سری نگر (پی پی آئی)کنٹرول لائن کے دونوں طرف اور دنیا بھر میں آباد کشمیری 27 اکتوبر کو یوم سیاہ کے طور پر منائیں گے تاکہ دنیا کو یہ واضح پیغام دیا جا سکے کہ کشمیری جموں و کشمیر پر بھارت کے غیر قانونی قبضے کو مسترد کرتے ہیں۔27 اکتوبر 1947 کو بھارت نے تقسیم برصغیر کے فارمولے کی کھلی خلاف ورزی اور کشمیریوں کی امنگوں منافی سرینگر کے ہوائی اڈے پر فوج اتار کر جموں وکشمیر پر قبضہ جما لیا تھا۔پی پی آئی کے مطابقیوم سیاہ منانے کی کال کل جماعتی حریت کانفرنس نے دی ہے۔ حریت کانفرنس نے 27 اکتوبر کومکمل ہڑتال کی اپیل بھی کی ہے۔
تلاش کریں
خبریں
ٹوم جیٹلی نے پیرس سائیکل ریس کا چوتھا مرحلہ جیت لیا
نیوروز: نیدرلینڈز کے ٹوم جیلٹے نے پیرس نیس سائیکل ریس کا چوتھا مرحلہ جیت لیا۔ گیرینٹ تھومس نے ریس میں مجموعی برتری حاصل کرلی۔ نیورزسے بیل ویل تک ریس کا چوتھا مرحلہ دوسو ایک اعشاریہ پانچ کلومیٹر پر محیط تھا۔ گارمین شارپ ٹیم کے ڈچ رائیڈر ٹوم جیلٹے نے مقررہ فاصلہ پانچ گھنٹے میں طے کرکے پہلی پوزیشن حاصل کرلی۔ برطانیہ کے گیرینٹ تھومس نے اتنے ہی وقت کے ساتھ دوسری پوزیشن حاصل کی اور ریس میں مجموعی برتری حاصل کرلی۔ اوراوورآل لیڈر جرمنی کے جان ڈیگن کولب اکتیسویں نمبر پر رہنے کے باعث مجموعی برتری گنوابیٹھے۔
دفاعی چمپیئن ویسٹ انڈیز اور انڈیا ورلڈ کپ ٹی ٹوئنٹی کے لیے فیورٹ ہیں : مائیکل وان
نیودہلی: سابق انگلش کپتان مائیکل وان نے ٹی ٹوئنٹی ورلڈ کپ کے لیے انڈیا اور ویسٹ اندیز کو فیورٹ قرار دیا۔ مائیکل وان کا کہنا ہے کہ میرے خیا ل انڈ یا اور دفاعی چمپیئن ویسٹ انڈیز ورلڈ جیتنے کے لیے فیورٹ ہیں، دونوںکے پاس جیت کی صلاحیت اور دنیا کے بہترین اسپنرز مو جود ہیںلیکن ورلڈ کپ میںپاکستان کی موجودگی کو نظر انداز نہیں کیا جا سکتا ہے،مائیکل وان نے کہا ہے کہ آسٹریلیا ، انڈیا ، جنوبی افریقا ، ویسٹ انڈیز اورسری لنکا جیسی ٹیمیں ورلڈ کپ جیتنے کی صلاحیت رکھتی ہیں ، اور اگر پاکستا ن اور نیوزی لینڈ اچھی کارکردگی دکھانے میں کامیاب ہوتے ہیں تو ان کے لیے موقع ہے ۔
آئی سی سی کر کٹ لیگ ڈویژن 5کا فائنل جر سی نے جیت لیا
کوالالمپور: آئی سی سی ورلڈ کرکٹ لیگ ڈویژن 5کے فائنل میں جر سی نے ملا ئیشیا کو 71رنز سے شکست دے دی۔ ملائیشیا کے دارالحکومت کوالالمپور میں کھیلے گئے ورلڈ کرکٹ لیگ کے فائنل میں جر سی نے ویٹکنز کی شاندار سنچری کی بدولت ملائیشیا کو 71رنز سے شکست دے دی۔ ملائیشیا نے پہلے کھیلتے ہوئے مقررہ پچاس اوور میں 248رنز کا ہدف دیا ، جواب میں جرسی کی ٹیم نے شاندار کھیل کا مظاہرہ کرتے ہوئے ہدف باآسانی حاصل کیا ۔ آئی سی سی نے دونوں ٹیموں کو ڈویژن 4میں ترقی دی ہے۔
متحدہ عرب امارات کو آئی پی ایل کے ابتدائی میچز کی میزبانی مل گئی
ممبئی: انڈین پریمئر لیگ (آئی پی ایل ) کا ساتواں ایڈیشن16اپریل سے یکم جون کو مشترکہ طور پرمتحدہ عرب امارات اور بھارت میں منعقد ہو گا ۔ بھارت کرکٹ کنٹرول بورڈ نے بدھ کو اعلان کیا کہ بھار ت عام انتخابات کے باعث آئی پی ایل کے سولہ اپریل سے 30اپریل تک ابتدائی16 میچز متحدہ عرب امارات میں جبکہ بقیہ میچز بھارت میں ہوں گے تاہم ضرورت پڑنے پر بنگلہ دیش میںبھی میچز کھیلے جائیں گے۔ بی سی سی آئی کے مطابق اگر یکم سے12مئی تک بھارت میں عام انتخا بات کی وجہ سے میچز کا انعقاد ممکن نہیں ہوا تو وہ میچز بنگلہ دیش میں کرادیے جائیں گے۔ بی سی سی آئی نے بھارتی وزارت داخلہ سے استدعا کی ہے کہ جن ریاستوں کے شہروں میں انتخابات کا عمل مکمل ہوچکا ہو وہاں پر آئی پی ایل کے میچز کر انے کی اجازت دی جائے ۔ بی سی سی آئی کے سیکرٹری پٹیل کے مطابق بورڈ کو مختلف پیچیدگیوں کا بخوبی علم ہے لیکن امید ہے کہ تمام معاملات سدھر جائیں گے ۔ بی سی سی آ ئی کے سیکر ٹری نے مزید کہا کہ جونہی 13مئی کو بھارت میں انتخابات کا عمل مکمل ہو گا اگلے تما م میچز انڈیا میں ہوں گے ۔
انٹر بینک میں ڈالر کی قدر 98روپے سے نیچے آگئی
کراچی: انٹربینک میں ڈالر ایک روپیہ30 پیسے کمی سے 98روپے سے بھی نیچے آگیا، اوپن مارکیٹ میں بھی قیمت انٹربینک کے مساوی ہوگئی۔ فاریکس ڈیلرز کے مطابق کاروبار کے دوران روپے کی قدر میں مزید ایک روپے30پیسے اضافہ ریکارڈ کیا گیا، جس سے انٹربینک میں ڈالر نو ماہ کی کم ترین سطح98روپے70 پیسے پر آ گیا۔جبکہ اوپن مارکیٹ میں بھی ڈالر ایک روپے30 پیسے کم ہو کر آٹھ ماہ بعد 98 روپے70 پیسے کا ہوگیا۔ ماہرین کا کہنا ہے کہ کویت اور سعودی عرب سے ادھار تیل کی سہولت اور غیرملکی انفلوز آنے کے بعد ڈالر کی قدر میں کمی آنا شروع ہو گئی ہے، جبکہ ماہرین کا خیال ہے کہ رواں ماہ عالمی مالیاتی فنڈ سے پچپن کروڑ ڈالر کی تیسری قسط ملنے کے بعد ڈالر کی قدر میں مزید کمی کا امکان ہے۔
کشمیر بینک نے خطے میں خواتین کی فلاح کے لیے مر بوط پروگرام تیار کیا ہے: فضل الرحمان
مظفر آباد: بینک آف آزاد جموں و کشمیر کے منیجنگ ڈائریکٹر جناب فضل الرحمان نے کہا ہے کہ کشمیر بینک نے آزاد خطہ میں خواتین کی معاشی خود کفالت کے مربوط پروگرام تیار کئے ہیں ۔تا کہ خواتین کشمیر بینک کی سکیموں سے مستفید ہو کر آزاد ریاست کی تعمیر و ترقی اور خوشحالی میں اپنا کردار ادا کر سکیں۔ ریاست میںکشمیر بینک نے اپنی نوعیت کی پہلی بینک برانچ کھولی ہے جبکہ مزید شہروں میں خواتین برانچز کھولی جا رہی ہیں۔ عالمی یوم خواتین پر ایک پیغام میں انھوں نے کہا کہ بینک نے ”خود کفیل خواتین، خوشحال کشمیر “ کا سلوگن پیش کیا ہے۔ اس ویژن کے تحت خواتین کے لئے مائیکرو کریڈٹ ، چھوٹے اور درمیانے کاروبار کی متعدد سکیمیں شروع کی گئی ہیں۔ خواتین کی معاشی خود کفالت کے لئے بینک انھیں آسان شرائط اور کم شرح منافع پر قرضے دے گا۔ خواتین کے لئے کشمیر بینک کی کاروباری سکیموں میں سلائی کڑھائی اور زری کام، گبہ سازی، شال و اونی سویٹر بنائی، ڈیکوریشن سامان، بوتیک، چھوٹی دوکان، خواتین تعلیمی اداروں میں کیفے ٹیریا،گھریلو بیکری و خورد و نوش کی اشیاءکی فراہمی، گھریلو دستکاری، گھریلو باغبانی، مرغبانی، بھیڑ بکریاں ، گائے بھینس پالنا، پارلر، ٹیوشن سینٹر / کمپیوٹر سینٹر زاور ڈے کئیر سنٹرز شامل ہیں۔ کشمیر بینک کے ایم ڈی نے کہا کہ بینک ریاست کے دارالحکومت میں عالمی یوم خواتین پر منعقد ہونے والی واک میں بھی بڑھ چڑھ کر حصہ لےا۔ جس کا مقصد خواتین کی عزت و احترام کا اعتراف اور انہیں معاشی طور پر خود کفیل بنانے کی مہم کی تشہیر اور عوامی آگہی تھا۔