بیجنگ:عالمی نمبر ایک ٹینس اسٹار سرینا اولیمز اور مارن کلک نے چائنا اوپن ٹینس کے دوسرے مرحلے کے لیے کوالیفائی کرلیا جبکہ انجری سے صحت یاب ہو کر واپس آنے والے عالمی نمبر دو رافیل نڈال ڈبلز کے مقابلے میں شکست کھاکر باہر ہوگئے۔امریکی ٹینس اسٹار سرینا ولیمز،ہسپانوی کھلاڑی الویا سولرایسپینولا کے خلاف پہلے سیٹ کے شروع میں خسارے میں جانے کے بعد کامیابی سے کھیل میں واپس آگئیں اور 5-7اور2-6 سے کامیابی حاصل کرلی۔ڈبلز کے مقابلوں میں اسپنی جوڑی رافیل نڈال اور پابلو اینڈوجر کو چیک ری پبلک کے ٹوماس بریڈچ اور امریکی جان ایسنر نے 7-5،4-6اور4-10سے شکست دے کر مقابلوں سے باہر کردیا۔کروشیا کے مارن کلک نے میزبان کھلاڑی بائی یان کو 3-6اور4-6سے شکست دے دی۔دیگر مقابلوں میںپرتگال کے جووا سوسا نے روس کے تیموراز کو6-1اور6-7سے،کینیڈا کے ویسک پاسپیسل نے چیک کھلاڑی لوکاس روسول کو4-6اور3-6سے۔سربیا کے وکٹڑ ٹرویکی نے روس کے میخائیل یوزنے کو3-6اور4-6سے شکست دے دی ۔ خواتین کے مقابلوں میںفرانس کی علیزے کورنیٹ نے سربیا کی جیلینا جانکووک کو5-7،6-3اور4-6سے،چین کی پنگ شوائی نے ہم وطن ژنگ کائیلین کو4-6اور1-6سے،اٹلی کی فلیویا پینیٹا نے امریکا کی کرسٹینا مائیکل کو6-7اور4-6سے ،چیک ری پبلک کی لوسی سیواروا نے اٹلی کی کمیلا جیورجی کو6-7اور4-6سے ،جرمنی کی مونا بارتھیل نے امریکا کی بیتھینی میٹیک کو6-4،1-6اور4-6سے ،بلغاریا کی ٹی سویٹانا پیرونکوا نے روس کی ماریا کینلینکو کو4-6اور1-6سے اور سربیا کی آنا آئیوینووک نے سوئٹزرلینڈ کی بلینڈا بینکک کو2-6اور1-6سے شکست دے دی۔

برلن:جرمنی کے شہر برلن میں منعقدہ میراتھن میں کینیا کے ایتھلیٹ ڈینس کی میٹو نے نیا عالمی ریکارڈ قائم کر دیا۔ 41ویںبرلن میراتھن میں130 ممالک کے 40ہزار ایتھلیٹ نے حصہ لیا۔ برلن کے میئر نے اسٹارٹرگن سے فائر کر کے میراتھن کا آغاز کیا، کینیا کے ڈینس کی میٹو نے 42.195 کلومیٹر کا فاصلہ 2 گھنٹے، 2 منٹ اور 57 سیکنڈمیں طے کیا اور 26 سیکنڈز کے فرق سے میراتھن میں نیاعالمی ریکارڈ قائم کر ڈالا۔ اس سے قبل یہ ریکارڈ کینیا کے ہی ولسن کپسانگ کے پاس تھا جنھوں نے گذشتہ سال برلن میراتھن کے دوران دو گھنٹے تین منٹ اور ت23 سکینڈمیں طے کرکے عالمی ریکارڑ بنایا تھا۔

انچیون:دفاعی چمپین چین کی زھو یو نے ایشین گیمز ویمنز 5سوسنگلز ریس میں گولڈ میڈل حاصل کرلیا۔جنوبی کوریا میں جاری 17ویں ایشین گیمز کے 5سو میٹر کے ویمنزسنگلز ریس میں مقررہ فاصلہ ایک منٹ51اعشاریہ 334سیکنڈ میں طے کرکے پہلی پوزیشن حاصل کرکے ایک دفعہ پھر گولڈ میڈل حاصل کیا۔قازقستان کی نتایا سرگییوا نے ایک منٹ 52اعشاریہ107سیکنڈ میںطے کرکے دوسری،جنوبی کوریا کی لی سوجنا ایک منٹ 54اعشاریہ852سیکنڈ میں طے کرکی تیسری پوزیشن حاصل کرلی۔گولڈ میڈل کا کامیاب دفاع کرنے کے بعد زھو نے میڈیا کو کہا کہ میں فائنل جیت گئی ہوں لیکن میں اپنی کارکردگی سے مطمئن نہیں ہوں،مجھے اسے بہتر کرنا چاہیے تھا۔زھو نے 2سومیٹر کے فائنل بھی حصہ لیں گی زھو نے چارسال قبل گوان زھوو کے ایونٹ میں سلور میڈل حاصل کیاتھا۔

انچیون:جنوبی کوریا نے چین کو ہراکر ایشین گیمز مینزکرکٹ مقابلوں کے سمی فائنل میں جگہ بنالی۔جنوبی کوریا نے چین کی کرکٹ ٹیم کوکواٹرفائنل میں 6رنز سے شکست دے کر سیمی فائنل کھیلنے کا اعزاز حاصل کیا۔جنوبی کوریا نے پہلے کھیلتے ہوئے مقررہ 10اوور میںپانچ وکٹوں کے نقصان پر 88رنز بنائے،چین کی ٹیم ہدف کے تعاقب میں سات وکٹوں کے نقصان پر 82ررنز بناسکی۔جنوبی کوریا کےڈئیسک سنگ نے دو چھکوں اور دو چوکوں کے بدولت 16گیندوں میں 33بنائے۔چین کی جانب سے اوپنر سانگ یانگ یانگ 18رنز بناکر نمایاں رہے ،جنوبی کوریا کے ہوانی لی نے دووکٹیں حاصل کیں۔

کوئیٹو:برازیل نے ویمنز کوپا امریکا کپ کا ٹائٹل جیت لیا۔ویمنز کوپا امریکا کپ کے فائنل میںبرازیل اور کولمبیا کا مقابلہ بغیر کسی گول کے برابر رہا تاہم برازیل کو مجموعی طور پر پوائنٹس میں برتری پر ٹائٹل کا حق دار قرار دیا گیا۔تیسرے نمبر کے لیے کھیلے میچ میں ایواڈور نے دفاعی چمپیئن ارجنٹینا کو 2-3سے شکست دے کر تیسری پوزیشن حاصل کرلی۔ راﺅنڈ روبن فائنل میں برازیل سات پوائنٹ کے ساتھ سرفہرست اور کولمبیا پانچ پوائنٹ کے ساتھ دوسرے،ایکواڈورتین پوائنٹ کے ساتھ تیسرے اور دفاعی چمپیئن ارجنٹینا ایک پوائنٹ کے ساتھ چوتھے نمبر پر ہے۔برازیل اور کولمبیا نے ومنز ورلڈ کپ2015کے لیے براہ راست کوالیفائی کرلیا جبکہ ویکواڈور کو ورلڈ کپ میں کوالیفائی کرنے کے لیے سینٹرل امریکن اور کیربئین ایسوسی ایشن فٹ بال کی ٹیم کے خلاف میچ کھیلنا پڑے گا۔برازیل نے کوپا امریکا کپ چھٹی بار جیتنے کا اعزا حاصل کرلیا ۔واضح رہے ویمنز فٹ بال کپ اگلے سال6جون سے 5جولائی2015کوکینیڈا میں کھیلا جائے گا۔