دبئی: سچن ٹنڈولکر کے بیٹے ارجن نے ممبئی انڈینز کے پریکٹس سیشن میں نیٹ پر بولنگ کے جوہر دکھائے۔ انٹر نیشنل کر کٹ کونسل اکیڈمی دبئی میں سچن ٹنڈولکر کی موجودگی میںارجن ٹنڈولکر نے ممبئی انڈینز کے نیٹ پریکٹس میں حصہ لیا اور بیٹسمینوں کو بولنگ کر ائی۔سچن ٹنڈولکر نے بھی نیٹ میں ممبئی کے بیٹسمینوں کو بولنگ پریکٹس کرائی ان کے ساتھ ان کے بیٹے نے بھی اپنا حصہ ڈالا۔

کوالالمپور: ملائیشن اوپن گالف ٹورنامنٹ کے تیسرے مرحلے میں برطانوی گالفرویسٹ ووڈ نے میدان مار لیا۔ ملائیشیا کے دارلحکومت کولالمپورمیں ہونے والے گالف ٹورنامنٹ کے تیسرے مرحلے میں بھی برطانوی کھلاڑی ویسٹ ووڈ لی چھائے رہے۔ ویسٹ ووڈ لی نے اپنے ہم وطن گالفراینڈی سولیوان کے خلاف جارحانہ کھیل پیش کیا۔ سابق عالمی چیمپئن ٹورنامنٹ اپنے نام کرنے کے لیے پر امید ہیں۔ ایونٹ میں شریک اطالوی کھلاڑی میٹیو مانیسیرو نے بہترین کارکردگی دکھا کر اپنی 21 ویں سالگرہ کو یادگار بنایا۔

لاہور: قومی ٹیم کے سابق کپتان و کوچ وقار یونس نے ایک بار پھر ہیڈ کوچ اور ثقلین مشتاق نے بطور اسپن کنسلٹنٹ عہدہ سنبھالنے کے لیے دلچسپی ظاہر کر دی۔پی سی بی ذرائع کے مطابق آسٹریلیا میں موجود سابق قومی ٹیم کے کپتان وقار یونس نے ٹی 20 ورلڈ کپ سے پہلے ہیڈ کوچ کے لیے درخواست جمع کرائی تھی۔ بطور ہیڈ کوچ عہدہ سنبھالنے کے لیے وقار یونس کی اسی درخواست کو شامل کر لیا گیا ہے۔ وقار یونس اس سے پہلے بھی کوچنگ کی ذمہ داریاں سر انجام دے چکے ہیں۔ بورے والا ایکسپریس کے نام سے مشہور سابق فاسٹ بولر کو پہلی بار 2006 میں ایک سال کے لیے قومی ٹیم کا بولنگ کوچ مقرر کیا تھا۔ ذرائع کے مطابق ثقلین مشتاق بھی بطور اسپن کنسلٹنٹ قومی ٹیم کے لیے اپنی خدمات انجام کرنے کا ارادہ رکھتے ہیں۔

ریو ڈی جینیرو: برازیل اور ارجنٹینا کے درمیان چین کے دارالحکومت بیجنگ میں فٹ بال میچ ہوگا۔ برازیل فٹ بال فیڈریشن نے تصدیق کی ہے کہ رواں برس اکتوبر میں چین کے دارالحکومت بیجنگ میں ارجنٹینا کے خلاف داس امریکاز ٹرافی کا میچ 2008کے اولمپک شہر میں ہو گا۔برازیلین فٹ بال ٹیم کا زیمبیا کے خلا ف 2-0کی فتح کے ایک سال کے اندراندر اسی مقام پر یہ دوسرا میچ ہوگا۔روواں برس 12جون سے 13جولائی میں منعقد ہونے والے فٹ بال ورلڈ کپ کے بعد برازیل کے یہ پہلا میچ ہوگا جبکہ برازیل اکتوبر کے مہینے میں مزید 11میچز کھیلے گا۔

دبئی: پاکستان کرکٹ ٹیم کے سابق کپتان وقار یونس نے چیف کوچ کے لئے درخواست دینے کا تاحال کوئی فیصلہ نہیں کیا۔ وقاریونس کاکہنا ہے کہ پی سی بی کا اشتہار دیکھنے کے بعد ہی اس بارے میں فیصلہ کروں گا۔سابق کپتان اور فاسٹ بولراسے قبل بھی قومی کرکٹ ٹیم کی کوچنگ کے فرائض انجام دے چکے ہیں۔ پی سی بی نے ایشیاکپ سے قبل وقاریونس کو دوبارہ کوچ مقررکرنے کا فیصلہ کیا تھاتاہم ان کا کہنا ہے کہ کسی نے کوئی وعدہ نہیں کیا تھا، اس لئے انہیں جاب نہ ملنے کا کوئی افسوس نہیں ہوا۔ قومی کرکٹ ٹیم کے ہیڈ کوچ کے لئے درخواست دینے کا اب تک فیصلہ نہیں کیا۔ انھوں نے کہاکہ بھارتی ریاست بنگال کے ساتھ تین سال کا معاہدہ کیا ہے، مگر اس سے پاکستانی ٹیم کے ساتھ وابستہ ہونے میں کوئی مشکل پیش نہیں آئے گی۔ انھوں نے کہا کہ ورلڈ ٹی ٹوئنٹی میں جو ہونا تھا وہ ہو چکا اب ماضی کے بجائے مستقبل میں بہتری کے لیے جامع حکمت عملی تیار کر نی چاہئے۔