بیجنگ (پی پی آئی) نگران وزیر داخلہ سرفراز احمد بگٹی گلوبل پبلک سیکیورٹی کوآپریشن فورم میں شرکت کیلئے چین پہنچے ہیں۔نگران وزیر داخلہ سرفراز احمد بگٹی گلوبل پبلک سیکیورٹی کوآپریشن فورم 2023 میں پاکستان کی نمائندگی کریں گے، 3 روزہ کانفرنس چین کے صوبے جیانگ سو کے شہر لیانیونگینگ میں منعقد ہو رہی ہے،پی پی آئی کے مطابق کانفرنس میں 50 ممالک کے 400 نمائندگان شریک ہیں،نگران وزیر داخلہ چینی اعلیٰ حکام سے دو طرفہ ملاقاتیں بھی کریں گے۔
لبرٹی بیل اوپن اسکواش چیمپئن میں پاکستان کی ماریہ طوراِن ایکشن ہوں گی
یوراج سنگھ کینسر سے آگاہی کا پروگرام شروع کریں گے
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
راجن پور : اونٹوں کا دنگل ”پوپٹ “ نامی اونٹ نے جیت لیا
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
تازہ ترین خبریں
- April 22, 2026
اشتہار
تازہ ترین
نگران حکومت ملکی خود مختاری کے تحفظ میں ناکام رہی ہے:سینیٹرمیاں رضا ربانی
اسلام آباد (پی پی آئی)پیپلز پارٹی کے رہنماسینیٹر رضا ربانی کا کہنا ہے کہ سینیٹ اجلاس طلب کر کے ملکی خود مختاری پر حملوں اور دیگر مسائل پر بحث کی جائے۔ تفصیلات کے مطابق رہنما پیپلز پارٹی سینیٹر رضا ربانی نے اپنے بیان میں کہا ہے کہ نگران حکومت ملکی خود مختاری کے تحفظ میں ناکام رہی ہے،مغربی ممالک پاکستان کے اندرونی معاملات میں مداخلت کرتے رہتے ہیں۔مغربی ممالک کی مداخلت صرف الیکشن انعقاد تک محدود نہیں،سفارتکاروں نے سیاسی جماعتوں کے دفاتر کے دوروں کا بیان دیا ہے۔ہم ایک خود مختار ملک کے قابلِ فخر لوگ ہیں۔ رضا ربانی نے مطالبہ کرتے ہوئے کہا کہ سینیٹ کا اجلاس فوری طور پر طلب کیا جائے،سینیٹ میں ملکی خود مختاری پر حملوں اور دیگر مسائل پر بحث کی جائے۔یاد رہے کہ اس سے قبل بھی سابق چیئرمین سینیٹ اور رہنما پیپلز پارٹی رضا ربانی نے سینیٹ اجلاس بلانے کا مطالبہ کرتے ہوئے کہا تھا کہ موجودہ ملکی حالات سینیٹ اجلاس طلبی کا مطالبہ کرتے ہیں۔معاشی صورتحال،ذخیرہ اندوزی،دہشت گردی اور مہنگائی کو سینیٹ میں زیرِ بحث لایا جائے۔ انکا کہنا تھا کہ چترال میں دہشت گردی کے حالیہ واقعات انتہائی سنگین ہیں،مسلح افواج کو چترال میں کارروائی کیلئے حوصلہ افزائی کی ضرورت ہے۔ رضا ربانی نے کہا کہ نگران دورِ حکومت میں سینیٹ کو پارلیمانی نگران کو کردار ادا کرنا ہوتا ہے۔ نگران حکومت سینیٹ کو ایس آئی ایف سی کے فیصلوں پر اعتماد میں لے،جبکہ سینیٹ کو آئی ایم ایف کو ارسال کردہ سفارشات پر بھی اعتماد میں لیا جائے۔ جبکہ ملکی سیاسی و معاشی حالات میں سینٹ اجلاس بلانے پر ن لیگ اور پیپلز پارٹی میں اختلاف کی خبریں گردش کر رہی ہیں،ن لیگ موجود حالات میں سینیٹ اجلاس بلانے کی ریکوزیشن کی مخالف ہے۔
کراچی میں پولیس اور رینجرز کا غیرقانونی ہائیڈرینٹس کے خلاف آپریشن،8ملزم گرفتار
کراچی (پی پی آئی)ضلع ویسٹ پولیس، سندھ رینجرز اور واٹر اینڈ سیوریج بورڈ نے ہائیڈرینٹ مافیا کے خلاف گرینڈ آپریشن میں منگھوپیر کے علاقے پختون آباد، گرم چشمہ اور سبیل گوٹھ میں سرکاری لائنوں سے پانی چوری کرنے والے 8 ملزمان کو گرفتار کرلیا۔پی پی آئی کے مطابق حکام نے غیر قانونی واٹر ہائیڈرینٹس سے 3ٹینکر، 15 سے زائد پانی کی موٹریں، پمپ، جنریٹر اور پائپ کو قبضہ میں لیا۔ واٹر ہائیڈرینٹ مافیا کے خلاف تھانہ منگھوپیر میں 10 سے زائد مقدمات درج کرلئے گئے ہیں۔ گرفتار ملزمان کی شناخت شمشیر خان، شہباز خان، آغادین، صدام حسین، محمد، شاہ حسین، آصف اور جہانزیب کے ناموں سے ہوئی۔پی پی آئی کے مطابق درج مقدمات میں نامزد دیگر فرار ملزمان کی گرفتاریوں کے لئے کاروائی جاری ہے۔ یہ ملزمان غیر قانونی واٹر ہائیڈرینٹ آپریٹ کرکے ٹینکرز مافیا کو پانی فروخت کرتے تھے۔
لاہور ہائیکورٹ میں تحریک انصاف کے صدر پرویز الٰہی کی بازیابی کیلئے متفرق درخواست دائر
لاہور(پی پی آئی)لاہور ہائیکورٹ میں تحریک انصاف کے صدر پرویز الٰہی کی بازیابی کیلئے متفرق درخواست دائر کر دی گئی،متفرق درخواست پرویز الٰہی کے وکیل طاہر نصراللہ وڑائچ نے دائر کی۔پی پی آئی کے مطابق درخواست میں موقف اختیار کیاگیا ہے کہ پرویز الٰہی کو جوڈیشل مجسٹریٹ نے گزشتہ روز رہا کرنے کا حکم دیا، عدالتی حکم کے باوجود پرویز الٰہی کو رہا نہیں کیا گیا، درخواست میں استدعا کی گئی ہے کہ لاہور ہائیکورٹ پرویز الٰہی کو عدالت پیش کرنے کا حکم دے،عدالت پرویز الٰہی کو بازیابی کے بعد رہا کرنے کا حکم دے۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
(June 17, 2026)
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
(June 17, 2026)
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
(June 17, 2026)
لبرٹی بیل اوپن اسکواش چیمپئن میں پاکستان کی ماریہ طوراِن ایکشن ہوں گی
(January 4, 2014)
کراچی: پاکستان کی نمبرون اسکواش پلیئر ماریہ طور امریکا میں ہونے والی لبرٹی بیل اوپن اسکواش چیمپئن شپ کے دوران ایکشن میں نظر آئیں گی ۔ ویمن اسکواش ایسوسی ایشن کا ایونٹ آٹھ جنوری سے امریکی شہر بیرن میں منعقد ہوگا ۔ ماریہ ایونٹ میں تھرڈ سیڈ کھلاڑی ہوں گی جن کا مقابلہ دس جنوری کو میکسیکو کی ڈیانا گارشیا سے ہوگا۔
یوراج سنگھ کینسر سے آگاہی کا پروگرام شروع کریں گے
(January 4, 2014)
ممبئی: بھارتی کرکٹ ٹیم کے مایہ ناز کھلاڑی یوراج سنگھ اپنی ذاتی تنظیم یووی کین کے تحت ملک بھر کے 26شہروں اور قصبوں میں واقع دوہزار سے زائد اسکولوں میں کینسر سے متعلق آگاہی پروگرام شروع کریں گے ۔مہم کا آغاز نئی دہلی ،ممبئی اور چنڈی گڑی سے ہوسکتا ہے ۔ یوراج سنگھ کے مطابق ہرسال تقریباً 12ملین افراد کینسر جیسے موذی مرض کا شکار ہوجاتے ہیں ۔
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
(January 3, 2014)
ابوظہبی: پاکستانی کرکٹ ٹیم فٹنس مسائل کا شکار ہو گئی۔ فاسٹ بولر عمر گل کے بعد عدنان اکمل بھی سیریز سے باہر ہو گئے۔ذرائع کے مطابق وکٹ کیپر بیٹسمین عدنان اکمل کی انگلی زخمی ہونے کے باعث سری لنکا کے خلاف ٹیسٹ سیریز سے باہر ہو گئے۔ ذرائع کا کہنا ہے کہ عدنان اکمل کو متحدہ عرب امارات سے وطن واپس بھیج دیا جائے گااور ان کی جگہ وکٹ کیپر کے فرائض یونس خان سرانجام دیں گے۔ اس سے پہلے عمر گل بھی فٹنس مسائل کی وجہ سے سیریز سے باہر ہو چکے ہیں۔ فاسٹ بولر گھٹنے کی انجری کے باعث نو ماہ تک کرکٹ سے دور رہے تھے لیکن انہیں سری لنکا کے خلاف ون ڈے سیریز کھیلنے کا موقع دیا گیا تھا۔
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
(January 3, 2014)
پرتھ: پولینڈ کی ٹیم نے میزبان آسٹریلیا کو دو ایک سے ہرا کر ہوپ مین کپ ٹینس ٹورنامنٹ کے فائنل میں جگہ بنا لی۔ آسٹریلیا کے شہر پرتھ میں جاری ٹینس ٹورنامنٹ کے راونڈ روبن میں دلچسپ مقابلوں کا سلسلہ جاری ہے۔ میزبان ٹیم کے برنارڈ ٹومک نے پولش حریف پین فل کو سٹریٹ سیٹس میں شکست دیکر ایک صفر کی برتری حاصل کی لیکن ویمن سنگلز میچ میں پولینڈ کی رڈوانسکا نے آسٹریلوی کھلاڑی سمانتھا سٹوسر کو سخت مقابلے کے بعد مات دے کر حساب برابر کیا۔ ایونٹ کے مکسڈ ڈبلز میچ میں بھی پولینڈ کی ٹیم نے شاندار کارکردگی دکھائی اور میزبان ٹیم کو آوٹ کلاس کر کے دو ایک کی برتری سمیٹ کر فائنل میں جگہ پکی کی۔
راجن پور : اونٹوں کا دنگل ”پوپٹ “ نامی اونٹ نے جیت لیا
(January 3, 2014)
راجن پور: راجن پور میں ہونے والا اونٹوں کا دنگل” پوپٹ“ نامی اونٹ نے جیت لیا۔ نواحی علاقہ آسنی میں سردی کے باوجود اونٹ پال شوقین حضرات نے اونٹوں کا دنگل منعقد کیا جس میں ڈیرہ غازی خان اور رحیم یار خان سے اونٹوں نے شرکت کی۔ دنگل کو دیکھنے کے لئے ہزاروں کی تعداد میں شائقین دو سو روپے ٹکٹ ہونے کے باوجود پنڈال میں پہنچے۔ اونٹوں کی اس لڑائی میں ساٹھ جوڑوں نے حصہ لیا۔ فائنل مقابلہ پوپٹ نامی اونٹ اور بھورل نامی اونٹ کے درمیاں ہوا۔ کافی جدوجہد کے بعد پوپٹ نامی اونٹ نے فائنل جیت لیا۔ جیتنے والے پوپٹ نامی اونٹ کے مالک فیض گوپانگ نے انتہائی مسرت کا اظہار کیا اور کہا کہ جہاں یہ میلے تفریح کا باعث ہیں وہاں سیکورٹی انتظامات نہ ہونے کے باعث کسی بڑے حادثے کا سبب بھی بن سکتے ہیں۔
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
(January 3, 2014)
لاہور: صوبائی وزیر کھیل رانا مشہود کا کہنا ہے کہ یوتھ فیسٹیول میں اس بار سو ورلڈ ریکارڈز بنائے جائیں گے۔نیشنل ہاکی اسٹیڈیم لاہور میں پریس کانفرنس کرتے ہوئے رانا مشہود کا کہنا تھا کہ اس بار یوتھ فیسٹول کے پہلے مرحلے میں بارہ لاکھ شہریوں نے حصہ لیا جو گزشتہ برس محض اڑھائی لاکھ تھے۔ انہوں نے کہا کہ انٹرنیشنل کرکٹ کی بحالی کے لیئے انٹرنیشنل کرکٹرز کو بھی فیسٹیول میچ میں بلایا جائے گا۔ رانا مشہود کا کہنا تھا کہ بسنت کے حوالے سے قانون سازی کی جا رہی ہے اور حکومتی منظور شدہ ڈور کے علاوہ ڈور استعمال کرنے والے کو دس سال قید کی سزا بھی ہوسکتی ہے۔