کراچی (پی پی آئی)حکومت نے بڑے پیمانے پر ڈالر خریدنے والے افراد کا ڈیٹا جمع کرنے کا فیصلہ کیا ہے۔تاکہ ڈالر چھپا کر رکھنے والے افراد کے خلاف شکنجہ سخت کیا جاسکے۔پی پی آئی کے مطابق تفصیلات جمع کرنے کیلئے فنانشل مانیٹرنگ یونٹ کی خدمات حاصل کی جا رہی ہیں۔ ذرائع نے مزید بتایا ہے کہ ڈیٹا فنانشل مانیٹرنگ یونٹ اور ایکسچینج کمپنیوں کی مدد سے جمع کیا جائے گا۔پی پی آئی کے مطابق ذخیرہ اندوز سرکاری افسران، سیاسی اور کاروباری شخصیات پر ہاتھ ڈالا جائے گا۔۔
ترکی میں حکومت مخالف احتجاج زور پکڑ گئی
تلکارتنے دلشان کی ٹی ٹوئنٹی ورلڈ کپ میں شرکت مشکوک، حتمی فیصلہ 19مارچ کو ہوگا: سنتھ جے سوریا
پیرس سائیکل ریس: پانچواں مرحلہ کولمبیاکے کارلوس بیٹانکو ر کے نام
انڈین ویلز ٹینس: راجر فیڈرر ، الیگزینڈر ڈو گلو پولو سیمی فائنل میں
کراچی یونین آف جرنلسٹس کا ساتواں اجلاس
کی جانب سے سکھر پریس کلب پر حملے کے خلاف احتجاج HUJ
تازہ ترین خبریں
- April 25, 2026
- April 22, 2026
- April 22, 2026
اشتہار
تازہ ترین
پاکستان بھر میں فری لانسرز اور اسٹارٹ اپس کی سہولت والے ای ورکنگ سینٹر قائم ہونگے
اسلام آباد (پی پی آئی)حکومت پاکستان نے ملک بھر میں فری لانسرز اور اسٹارٹ اپس کی سہولت کے لیے جدید ترین سہولیات سے لیس 5 ہزار ای ورکنگ سینٹرز قائم کرنے کا اعلان کردیا۔پی پی آئی کے مطابق ای ورکنگ سینٹرز امیں آئی ٹی پروفیشنلز کو ایک ہی چھت کے نیچے تمام سہولیات فراہم کی جاتی ہیں۔عام طور پر حکومتیں ایسے سینٹرز میں تمام سہولیات ابتدائی طور پر مفت فراہم کرتی ہیں، تاہم ایسے سینٹرز میں سہولیات کی فراہمی انتہائی کم قیمت پر بھی کی جاتی ہے۔پاکستان میں پہلے ہی نجی سطح پر یا حکومتی سطح پر کچھ ای سینٹرز کام کر رہے ہیں۔نگران وفاقی وزیر آئی ٹی و ٹیلی کمیونیکیشن ڈاکٹر عمر سیف کے مطابق مشترکہ ای سینٹرز کے قیام سے ملک میں سرمایہ کاری بڑھے گی اور روزگار کے نئے مواقع پیدا ہوں گے۔ڈاکٹر عمر سیف کے مطابق مشترکہ ای سینٹرز کے قیام کے سلسلے میں ہی وہ جلد سعودی عرب کا دورہ بھی کریں گے جب کہ مذکورہ سینٹرز میں کام کرنے والے فری لانسرز اور اسٹارٹ اپس کو بلاسود قرضے بھی دیے جائیں گے۔
شرمین عبید چنائے کے پروجیکٹ کے تحت 19 خواتین فلم سازوں کی دستاویزی فلمیں تیار
کراچی (پی پی آئی)’آسکر‘ اور ’ایمی‘ ایوارڈز یافتہ پاکستانی فلم ساز شرمین عبید چنائے نے کراچی میں امریکی قونصلیٹ کے تعاون سے ’خواتین فلم میکرز‘ کے نام سے اختتامی تقریب منعقد کی گئی۔ پی پی آئی کے مطابق تقریب کا مقصد ’پٹاخہ پکچرز‘ کے پلیٹ فارم کے تحت علاقائی ٹیلنٹ کی حوصلہ افزائی تھا۔خواتین فلم سازوں کی جانب سے تیار کی گئی 20 سے 30 منٹ کے دورنیے کی 10 دستاویزیں فلموں کی جھلک تقریب میں دکھائی گئی۔19 خواتین فلم سازوں نے ان دستاویزی فلم کی تخلیق کے لیے شوٹنگ میں حصہ لیا، کئی ماہ تک انہوں نے اپنی صلاحیتوں کو نکھارا اور دستاویزی فلمیں تیار کیں جبکہ آن لائن فلم سازی کی ورکشاپ میں بھی شرکت کی20 سے 30 منٹ کے دورنیے کی 10 دستاویزیں فلموں میں ’طوفان کے بعد خاموشی‘، ’کراچی بیگمز‘، ’نسواں نامہ-ویمن، تھیٹر، ایکٹیوزم- پاکستان سے ایک کہانی‘، ’نیئر-ایک آرٹ کہانی‘، ’میڈ وِد لوو‘، ’اسکلپٹڈ‘، Defiance’، ’پہچان‘، ’تم نہیں چارا گر‘، ’کاوش‘ اور ’From Rocks to Gold – Doch The Art of Balochistan‘ شامل تھیں۔
سابق چیف جسٹس عمر عطا بندیال اور جسٹس اعجاز کیخلاف مس کنڈکٹ کی شکایات بے بنیاد قرار
اسلام آباد (پی پی آئی)سابق چیف جسٹس عمر عطا بندیال اور جسٹس اعجاز الاحسن مس کنڈکٹ کے الزامات سے بری ہو گئے، جسٹس سردار طارق مسعود نے دونوں ججز کیخلاف مس کنڈکٹ کی شکایات کو بے بنیاد قرار دے دیا۔پی پی آئی کے مطابق ذرائع کا کہنا ہے کہ سابق چیف جسٹس عمر عطا بندیال، جسٹس اعجازالاحسن کیخلاف مس کنڈیکٹ کی شکایات دائر کی گئیں تھیں،دونوں ججز کیخلاف شکایات عام شہریوں نے دائر کی تھیں۔ جسٹس سردار مسعود نے دونوں شکایات پر قانونی رائے دیدی۔
تلاش کریں
خبریں

ترکی میں حکومت مخالف احتجاج زور پکڑ گئی
(March 14, 2014)
انقرہ: ترکی کے شہر انقرہ میں حکومت مخالف احتجاج کے دوران ہلاک ہونے والے شہریوں کی تدفین کے دوران احتجاج کی آگ دوبارہ بھڑک اٹھی،پولیس نے مظاہرین کو منتشر کرنے کیلئے واٹرکینن کا استعمال کیا۔ ترکی کی دارالحکومت انقرہ میں دوسرے روز بھی حکومت مخالف احتجاج جاری ہے۔ گزشتہ روز احتجاج کے دوران مرنے والوں کی تدفین کے بعد ایک بار پھر تشدد پھوٹ پڑا۔ مظاہرین کو منتشر کرنے کیلئے پولیس نے واٹر کینن کا استعمال کیا۔ وزیر اعظم طیب اردگان نے حکومت مخالف احتجاج کی مذمت کی،احتجاج میں ہزاروں افراد نے شرکت کی۔

تلکارتنے دلشان کی ٹی ٹوئنٹی ورلڈ کپ میں شرکت مشکوک، حتمی فیصلہ 19مارچ کو ہوگا: سنتھ جے سوریا
(March 14, 2014)
کولمبو: سری لنکا کے جارح مزاج بیٹسمین تلکارتنے دلشن کی ورلڈ کپ ٹی ٹوئنٹی میں شرکت مشکوک ہو گئی۔ سرلنکا کے چیف سلیکٹر سنتھ جے سوریا کا کہنا ہے کہ دلشن ورلڈ کپ میں شرکت کر نے والی ٹیم کے ساتھ بنگلہ دیش جائیں گے ، ڈاکٹروں کے مطابق 19مارچ تک دلشن فٹ ہو جائیں گے ، لیکن19مارچ کو ویسٹ انڈ یز کے خلاف وارم اپ میں غیر دستیابی کی صور ت میں سیلیکٹرز پر متبا دل کھلاڑی کے انتخاب کے لیے دباﺅ ہوگا۔تلکارتنے دلشن رواں سال20فروری کو بنگلہ دیش کے خلاف ون ڈے سیریز کے دوران انگوٹھے کی انجری کا شکار ہوگئے تھے ۔ سنتھ جے سوریا نے کہا کہ اگر دلشن ویسٹ انڈیز کے خلا ف وارم اپ میچ نہیں کھیل سکے تو میرے خیا ل میں وہ ورلڈ کپ سے باہر ہو جائیں گے ، اسی حوالے سے ہم نے ٹیم فزیو سے تفصیلی بات کی ہے ، ان کی شرکت کی حتمی تاریخ 19مارچ کو ہونے والا پریکٹس میچ ہوگا، ان کا کہنا تھا کہ دلشن اس وقت باﺅلنگ اور فیلڈنگ کر رہے ہیں لیکن بیٹنگ کے دوران انھیں مشکل پیش آرہی ہے۔ سنتھ جے سوریا نے کہا کہ سیلکٹرز کے پاس دلشن کی جگہ متبا دل دوسرا آپشن نہیں تھا لیکن سری لنکا کے پاس موجو دہ اسکواڈ میں دلشن کی کمی کو پورا کرنے کے لیے بہترین کھلاڑی موجو د ہیں،مہیلا جے وردھنے نے 2012کے ٹی ٹوئنٹی ورلڈ کپ میں کامیاب اوپننگ کی تھی جبکہ حالیہ ایشیا کپ میںدلشن کی جگہ اوپنر کی حیثیت میں شامل لاہیرو تھیریمانے سب سے کامیاب بیٹسمین رہے ہیں۔ جے سوریا نے کہاکہ جب سے تھیریمانے اچھی فارم کا مظا ہرہ کر رہے ہیں ہمارے پاس دلشن کا متبادل ہے دوسری صورت میں ہمارے پاس سینیئر کھلاڑیوں میں بھی ایسی صلاحیت ہے کہ وہ اوپننگ کا مسئلہ حل کر دیں گے۔ ہمارے پاس دلشن کے متبادل کے لیے کچھ فیصلے ضرور ہوئے ہیں۔ جے سوریانے کہا کہ ہمارے پاس اچھے کھلاڑی موجو دہیںاور میں بحیثیت سیلیکٹرکھلاڑیوں کی بہترین کارکردگی پر خوشی ہو تی ہے۔

پیرس سائیکل ریس: پانچواں مرحلہ کولمبیاکے کارلوس بیٹانکو ر کے نام
(March 14, 2014)
پیرس: کولمبیا کے کارلوس بیٹانکورنے پیرس نائس سائیکل ریس کا پانچواں مرحلہ جیت لیاجبکہ برطانیہ کے گیرینٹ تھومس کی مجموعی برتری برقرارہے۔ریس کا پانچواں مرحلہ 153 کلومیٹرپرمحیط تھا۔ کولمبیا کے کارلوس بیٹانکوراختتامی حد سے نوکلومیٹردورپلوٹون سے آگے نکلنے میں کامیاب ہوگئے لیکن انہیں فنشنگ لائن تک پہنچنے کیلئے لکسمبرگ اورڈنمارک کے سائیکلسٹس کے خلاف سخت چیلنج کا سامنا کرنا پڑا۔بیٹانکورنے مقررہ فاصلہ تین گھنٹے اڑتیس منٹ پندرہ سیکنڈزمیں طے کرکے پہلی پوزیشن حاصل کی۔ لکسمبرگ کے بوب جنگلزدوسرے اورڈنمارک کے سائیکلسٹ تیسرے نمبرپررہے۔مجموعی برتری برطانیہ کے گیرینٹ تھومس ،جرمنی کے جان ڈیگن کولب کیخلاف تین سیکنڈزکی مجموعی برتری برقراررکھنے میں کامیاب ہوگئے۔

انڈین ویلز ٹینس: راجر فیڈرر ، الیگزینڈر ڈو گلو پولو سیمی فائنل میں
(March 14, 2014)
کیلیفورنیا: راجر فیڈرر،الیگزینڈر ڈوگلوپولوانڈین ویلزٹینس کے سیمی فائنل میں پہنچ گئے ۔ سابق عالمی نمبرایک سوئٹزرلینڈ کے راجرفیڈرراوریوکرائن کے الیگزینڈرڈوگلوپولوو انڈین ویلزٹینس ٹورنامنٹ کے سیمی فائنل میں پہنچ گئے۔امریکی ریاست کیلیفورنیا میں جاری ایونٹ کے کوارٹرفائنل میں سوئس ماسٹرراجرفیڈررکا مقابلہ جنوبی افریقہ کے کیون اینڈرسن سے تھا۔ سابق عالمی نمبرایک کھلاڑی نے اینڈرسن کوباآسانی اسٹریٹ سیٹس میں شکست دے کرآخری چارکھلاڑیوں میں جگہ بنالی۔ فیڈرر کی فتح کا اسکور1-7 اور1-6 رہا۔ سیمی فائنل میں فیڈررکا مقابلہ یوکرائن کے الیگزینڈرڈوگلوپولووسے ہوگا۔جبکہ الیگزینڈرڈوگلوپولوو کی ایونٹ میں کامیابی کا سفربھی جاری ہے۔ ڈوگلوپولوو نے برطانیہ کے اینڈی مرے کوشکست دینے والے کینیڈا کے میلوس راﺅنچ کے خلاف کامیابی حاصل کرکے سیمی فائنل میں جگہ بنالی۔ ڈوگلوپولوو نے کینیڈین کھلاڑی کے خلاف 3-6 اور4-6کے اسکورکے ساتھ فتح حاصل کی۔

کراچی یونین آف جرنلسٹس کا ساتواں اجلاس
(March 14, 2014)
کراچی: کراچی یونین آف جرنلسٹس کا ساتواں اجلاس جمعہ 14مارچ کو صدر کے یو جے جی ایم جمالی کی صدرات میں منعقد ہوا۔ا۔اجلاس کا آغاز تلاوت کلام پاک سے کیا گیا۔بعدازاں گذشتہ اجلاس کی کارروائی کی توثیق کی گئی،کے یو جے کے جنرل سیکریٹری واجد راضا اصفہانی نے اجلاس میں خواتین کی کمیٹی بنانے کی تجویز دی جسے متفقہ طور پر منظور کرلیاگیا۔اجلاس میں فیصلہ کیا گیا کہ رواں ماہ ممبران کے اعزاز میں تقریب منعقد کی جائے گی جس میں ممبران میں انشورنش کارڈ تقسیم کئے جائیں گے۔ اجلاس میں ملیر پریس کلب کے صحافیوں کو کے یوجے کی ممبر شپ دینے کی بھی منظوری دی گئی۔میڈیا ہاوسز، اخبار اور ٹی وی چینلزکے ملازمین کی چھانٹیوں کے خلاف سوشل میڈیا پر کمپین چلانے کا فیصلہ کیا گیا ، سکھر پریس کلب کے سینئر صحافی اسد پٹھان کے خلاف ایک سیاسی جماعت کی پروپیگنڈہ مہم کے خلاف مذمتی قرار داد منظور کی۔اجلاس میں کے یوجے کے صحافی ممبران جن کے والد رواں ماہ انتقال کر گئے جن میں اکبر علی، ذوالفقار زلفی اور مدثر حسن شامل ہیں ان کے لئے دعائے مغفرت اور علیل فوٹو گرافر آصف رحمانی کی صحت یابی کے لئے دعاکی گئی۔ جبکہ مقامی ٹی وی چینل کے رپورٹر کو دھمکی آمیز فون کال پر پی ایف یو جے سے رابطہ کرکے لائحہ عمل مرتب کرنے کا فیصلہ کیا گیا۔

کی جانب سے سکھر پریس کلب پر حملے کے خلاف احتجاج HUJ
(March 14, 2014)
حیدرآباد: حیدرآباد یونین آف جرنلسٹ کی جانب سے سکھر پریس کلب پر حملے کے خلاف احتجاجی مظاہر ہ کیاگیا ، مظاہر ے میں لالہ رحمان سموں ، خالد کھوکھر ، صدر پریس کلب اسحاق منگریوں ،ذیشا ن بھٹی ، سہیل سانگی سمیت دیگر صحافیوںاور کیمر ہ مینوں نے شرکت کی جو پلے کارڈزاٹھائے سکھر پریس کلب پر حملے کے خلاف نعرے بازی کررہے تھے ، اس موقع پر مقررین نے سکھر پریس کلب پر حملے کی مذمت کرتے ہوئے کہاکہ پریس کلب پر حملہ صحافت پر حملہ ہے جسے کسی صورت برداشت نہیں کیاجائے گا ،انھوںنے کہاکہ سندھ حکومت سکھر پریس کلب پر حملہ کرنے والے افراد کو فور ی گرفتارکرکے حقائق کو منظر عام پر لائے اور ملزمان کے خلاف سخت کاروائی کی جائے ، انھوںنے مطالبہ کیا کہ حکومت صحافیوں کو تحفظ فراہم کرنے کے لئے عملی اقدامات کرے۔

