لاہور(پی پی آئی)حکومت نے تھیٹرز میں غیراخلاقی پرفارمنسز کرنے والے مرد اداکاروں کیخلاف کارروائی کرنے کا فیصلہ کرلیا ہے۔پی پی آئی کے مطابق حکومت پنجاب نے تھیٹرز پر غیر اخلاقی پرفارمنسز پرخواتین اداکاروں کے بعد مرد اداکاروں کیخلاف بھی کریک ڈاون کا فیصلہ کیا ہے،متعدد مرد اداکاروں کی غیر اخلاقی پرفارمنسز مانیٹر کی گئیں اورویڈیوز بھی اکٹھی کر لی گئیں۔ وزیر اطلاعات عامر میر کا کہنا ہے کہ جو بھی غیر اخلاقی پرفارمنسز کرے گا چاہے وہ مرد ہو یا خاتون قانون سے بالا تر نہیں۔وزیر اطلاعات عامر میر نے کہاکہ خواتین کے ساتھ ساتھ مرد فنکاروں کو بھی پابندی کا سامنا کرنا پڑے گا،قانون سب کیلئے برابر ہے چاہے وہ مرد ہو یا خاتون ہو۔ان کا کہنا تھا کہ پنجاب آرٹس کونسل نے ان تمام فنکاروں کی فہرستیں تیار کر لی ہیں،کے نفاذ کے بعد کوئی بھی مرد یا خاتون اداکار قانون کی خلاف ورزی کرتا پایا گیا تو سخت سزا کا مستحق ہوگا،فن و ثقافت کی بحالی چاہتے ہیں عریانی یا فحاشی نہیں۔
پاک بھارت بلائنڈ سیریز میں پی سی بی کی عدم دلچسپی پر کرکٹ حلقے حیران
بگ تھری سے کرکٹ کا مستقبل تاریک ہوجائے گا : للت مودی
اے بی ڈی ویلیئرز نے ایک میچ میں دو عالمی ریکارڈ قائم کردیے
ورلڈ ٹی 20 کیلئے آفیشل تھیم سانگ کی آڈیو ریلیز کردی گئی
شدیدمالی بحران ،اذلان شاہ کپ میں قومی ٹیم کی شرکت مشکوک
انجرڈ تلکارتے دلشان کی ایشیا کپ میں شرکت مشکوک ہوگئی
تازہ ترین خبریں
- April 25, 2026
اشتہار
تازہ ترین
پنجاب کی ضلعی عدالتوں کے 4جج انسداددہشتگردی کی عدالتوں میں تعینات
لاہور(پی پی آئی)لاہور ہائیکورٹ نے ضلعی عدالتوں کے چار ججز کی خدمات پنجاب حکومت کے سپرد کر دیں، چاروں ججز انسداددہشتگردی عدالتوں میں تعینات کر دیئے گئے۔پی پی آئی کے مطابق ہائیکورٹ نے چاروں ججز کو 21 ستمبر تک انسدادِ دہشت گردی عدالتوں کا چارج لینے کی ہدایت کردی، چیف جسٹس لاہور ہائیکورٹ کی منظوری کے بعد رجسٹرار نے نوٹیفکیشن جاری کر دیا۔ ڈسٹرکٹ اینڈ سیشن جج محمد ارشد جاوید، جج انسدادِ دہشت گردی کورٹ نمبر تین لاہور،ڈسٹرکٹ اینڈ سیشن جج ملک اعجاز آصف جج انسدادِ دہشت گردی کورٹ نمبر ون راولپنڈی،ڈسٹرکٹ اینڈ سیشن جج ذوالفقار علی جج انسدادِ دہشت گردی کورٹ نمبر دو ملتان اورایڈیشنل سیشن جج مس نتاشا نسیم سپرا، جج انسدادِ دہشت گردی کورٹ نمبر دو گوجرانولہ تعینات کر دی گئیں۔نوٹیفکیشن کی نقول رجسٹرار سپریم، رجسٹرار وفاقی شرعی عدالت، رجسٹرار اسلام آباد ہائیکورٹ کو ارسال کر دی گئیں،نوٹیفکیشن کی نقول چیف سیکرٹری پنجاب اور صوبہ بھر کے سیشن ججز سمیت دیگر کو ارسال کی گئیں،نوٹیفکیشن کی نقول سیکرٹری ہوم،اکاو?نٹ جنرل پنجاب، اکاو?نٹنٹ جنرل پاکستان کو بھی ارسال کی گئی،نوٹیفکیشن کی نقول سیکرٹری الیکشن کمیشن،سیکرٹری لا اینڈ جسٹس سمیت دیگر کو بھجوا دی گئیں۔
پاکستان اور ملائیشیا کے مابین دو طرفہ تجارتی حجم کو بڑھایا جائے گا، گوہر اعجاز
اسلام آباد (پی پی آئی)نگران وزیر تجارت و صنعت ڈاکٹر گوہر اعجاز نے کہا کہ پاکستان اور ملائیشیاکے مابین 1.6 ارن ڈالرز کی تجارت ہے جسے مزید بڑھانے کیلئے ہرممکن اقدامات کیے جائیں گے۔پی پی آئی کے مطابق ڈاکٹر گوہر اعجاز نے ملائیشیاکے قومی دن کی تقریب سے خطاب کرتے ہوئے مزید کہا کہ پاکستان آبادی کے لحاظ سے پانچواں بڑا ملک ہے اور ہم پاکستان کو معاشی لحاظ سے بھی پانچواں بڑا ملک بنانے کا خواب لے کر منصوبہ بندی کررہے ہیں۔ ان کا مزید کہنا تھا کہ پاکستان کی معیشت 330 ارب ڈالرز تک پہنچ چکی ہے۔ پاکستان میں ملائیشیا کے ہائی کمشنر اظہر مزلان نے کہا کہ ملائیشیا اور پاکستان کے درمیان برادرانہ تعلقات ہیں اور ہمیں پاکستان کے ساتھ تاریخی تعلقات پر فخر ہے۔ ان کا مزید کہنا تھا کہ دونوں ممالک کا نان الائنس موومنٹ پر ایک مؤقف ہے۔ اظہر مزلان نے کہا کہ ملائیشیا میں 5 ہزار طلبا کا تعلیم حاصل کرنا اس بات کا ثبوت ہے کہ دونوں ممالک ہر میدان میں دیرپا تعاون پر یقین رکھتے ہیں۔
مقبوضہ کشمیر میں ذرائع روزگار گھٹ گئے، بے روزگاری میں 12 فیصد اضافہ
جموں (پی پی آئی) مقبوضہ کشمیر کی خصوصی حیثیت کے خاتمے کے بعد ریاست میں مقبوضہ کشمیر میں ذرائع روزگار گھٹ گئے ہیں کیونکہ ریاست میں آبادی کا توازن بگاڑنے کیلئے غیر مقامی افراد کو لایا جارہاہے جو روزگار،کاروبار میں چھا رہے ہیں۔پی پی آئی کے مطابق ریاستی سپورٹ کے باعث مقبوضہ کشمیر میں بے روزگارنوجوانوں کی تعداد میں 12 فیصد اضافہ ہوا ہے۔ ایک رپورٹ کے مطابق تقریبا 10 لاکھ تعلیم یافتہ نوجوان اس وقت بے روزگار ہیں جو ذہنی دباؤکے باعث منشیات کے عادی یا خودکشی کر رہے ہیں۔
تلاش کریں
خبریں

پاک بھارت بلائنڈ سیریز میں پی سی بی کی عدم دلچسپی پر کرکٹ حلقے حیران
کراچی: پاکستان کرکٹ بورڈ کی جانب سے پاک بھارت بلائنڈ کرکٹ سیریز کو نظر انداز کرنے پر کرکٹ حلقوں نے شدید حیرت کا اظہارکردیا ۔ کرکٹ حلقوں کے مطابق پی سی بی نے پاک بھارت بلائنڈ کرکٹ سیریز کی سرپرستی نہ کرکے بھارتی کرکٹ بورڈ کو اپنی جانب سے ایک مثبت پیغام دینے کا نادر موقع گنوادیا ۔ سیریزکی تقریب تقسیم انعامات میں پی سی بی کا کوئی افسر بھی نمائندگی کے لئے موجود نہیں تھا ۔

بگ تھری سے کرکٹ کا مستقبل تاریک ہوجائے گا : للت مودی
ممبئی: انڈین پریمیئر لیگ کے سابق کمشنر للت مودی نے کہا ہے کہ بھارت، آسٹریلیا اور انگلینڈ کا بگ تھری منصوبہ کرکٹ کو بر باد کر دے گا۔ کرکٹ کو لوگوں کے دلوں تک پہنچانے والے ہیرو اور بعد ازاں ولن بننے والے للت مودی نے شدید الفاظ میں بھارتی کرکٹ بورڈ اور آئی سی سی کو تنقید کا نشانہ بناتے ہوئے کہا ہے کہ بھارتی کرکٹ بورڈ، کرکٹ آسٹریلیا اور کرکٹ انگلینڈ کا زیادہ کنٹرول کرکٹ کے مستقبل کو تاریک کردے گا۔ انہوں نے کہا کہ اگر صورتحال یہی رہی تو ایک وقت آئے گا کہ کرکٹ کی دنیا میں صرف یہی 3 ٹیمیں ایک دوسرے کیخلاف کھیل رہی ہوں گی اور کرکٹ کھیلنے والے دوسرے ملکوں میں یہ اپنی بی ٹیمیں بھیجیں گے کیونکہ بگ تھری منصوبے کے نافذ ہونے کے بعد ان ملکوں کی کرکٹ کا معیار گر جائے گا۔

اے بی ڈی ویلیئرز نے ایک میچ میں دو عالمی ریکارڈ قائم کردیے
پورٹ الزبتھ: جنوبی افریقا کرکٹ ٹیم کے مایہ ناز بیٹسمین اے بی ڈی ویلیئرز نے آسٹریلیا کے خلاف دوسرے ٹیسٹ کی پہلی اننگز میں شاندار سنچری داغ کر ٹیسٹ میچوں میں چھکوں کی نصف سنچری بھی مکمل کر لی۔ وہ ٹیسٹ میچوں میں 50 چھکے لگانے والے جنوبی افریقا کے دوسرے اور دنیا کے 28 ویں کھلاڑی بن گئے۔ڈی ویلیئرز سے قبل جنوبی افریقا کی طرف سے جیک کیلس بھی یہ کار نامہ انجام دے چکے ہیں۔ ٹیسٹ کرکٹ کی تاریخ میں زیادہ چھکے لگانے کا عالمی ریکارڈ آسٹریلیا کے ایڈم گلکرسٹ کے پاس ہے، انہوں نے 96 میچوں میں 100 چھکے لگائے تھے۔ پورٹ الزبتھ میں کینگروز کے خلاف جاری دوسرے کرکٹ ٹیسٹ کی پہلی اننگز میں ویلیئرز نے ڈٹ کر حریف باﺅلرز کا مقابلہ کیا اور شاندار سنچری سکور مکمل کی۔ یہ ان کے کیریئر کی انیسویں سنچری ہے اور اسی اننگز میں انہوں نے ایک چھکا لگا کر کیریئر کے 50 چھکے بھی مکمل کئے۔ اے بی ڈی ویلیئرز نے ٹیسٹ میچوں میں مسلسل بارہ نصف سنچریوں کا نیا عالمی ریکارڈ قائم کر دیا۔ ویلیئرز نے یہ سنگ میل آسٹریلیا کے خلاف جاری دوسرے ٹیسٹ کی پہلی اننگز میں عبور کیا۔ ویلیئرز نے آسٹریلیا کے خلاف پہلے ٹیسٹ میچ کی پہلی اننگز میں نصف سنچری سکور بنا کر ویسٹ انڈیز کے ویون رچرڈز، بھارت کے گوتم گھمبیر اور وریندر سہواگ کا ٹیسٹ میچوں میں مسلسل گیارہ نصف سنچریوں کا ریکارڈ برابر کیا تھا۔

ورلڈ ٹی 20 کیلئے آفیشل تھیم سانگ کی آڈیو ریلیز کردی گئی
ڈھاکا: ورلڈ کپ ٹی 20 کا آفیشل گیت جاری کردیا گیا، میگا ایونٹ 16 مارچ سے بنگلہ دیش میں شروع ہوگا۔ بنگلہ دیش میں ہونے والے ورلڈ ٹی 20 کیلئے آفیشل تھیم سانگ کی آڈیو ریلیز کردی گئی، کھلاڑیوں کا خون گرمانے کیلئے بنگلہ اور انگلش زبان تھیم سانگ میں شامل کی گئی ہے۔ ورلڈ ٹی 20 کے 3 منٹ 41 سیکنڈ کا یہ سانگ انعم بسواس اور رفایت احمد نے لکھا ہے، موسیقی بنگلہ دیش کے مشہور گلوکار و موسیقار فہد المقتدر نے دی ہے، گانے میں 7 گلوکاروں نے آواز میں آواز ملائی ہے۔

شدیدمالی بحران ،اذلان شاہ کپ میں قومی ٹیم کی شرکت مشکوک
لاہور: شدید مالی بحران کے باعث قومی ہاکی ٹیم کی اذلان شاہ کپ میں شرکت مشکوک ہوگئی ۔فیڈریشن کے پاس اذلان شاہ ہاکی ٹورنامنٹ کیلئے کیمپ تک لگانے کے پیسے نہیں، ایونٹ میں پاکستان کی شرکت مشکوک نظر آرہی ہے۔ذرائع کے مطابق وزارت بین الصوبائی رابطے نے پی ایچ ایف کو ایونٹ کیلئے فنڈز دیئے ہی نہیں، وزیراعلیٰ پنجاب کی جانب سے اعلان کردہ رقم بھی اب تک فیڈریشن کو نہیں ملی۔آئندہ ماہ 13 تاریخ سے شروع ہونے والے اذلان شاہ ایونٹ کیلئے تاحال کیمپ نہیں لگ سکا، فنڈز نہ ملے تو قومی ہاکی ٹیم گھر بیٹھے ٹورنامنٹ دیکھے گی۔

انجرڈ تلکارتے دلشان کی ایشیا کپ میں شرکت مشکوک ہوگئی
ڈھاکا: سری لنکا کو بنگلہ دیش کے خلاف تیسرے اور آخری ایک روزہ میچ میں کمار سنگاکارا، تکارتنے دلشاناور مہیلا جے وردھنے کی خدمات حاصل نہیں ہوں گی ۔آخری ون ڈے میں سنگاکارا کو آرا م دینے کا فیصلہ کیا گیا ہے اور ان کی جگہ بلے باز لاہیرو تھریماما نے ٹیم میں شامل کیا ہے ۔ دلشان ہاتھ کی انجری میں مبتلا ہیں جس کے باعث وہ واپس وطن لوٹ گئے ہیں جس کی وجہ سے ان کی ایشیا کپ میں شرکت مشکوک ہوگئی ۔