روٹر ڈیم: انگلش ٹینس اسٹار اینڈی مرے وائلڈ کارڈ انٹری ملنے کے بعد آئندہ ہفتے روٹر ڈیم میں اے ٹی پی ٹینس ٹورنامنٹ میں شرکت کریں گے ۔ ٹورنامنٹ ڈائریکٹر رچرڈ کرایسک کے مطابق ومبلڈن چیمپئن اینڈی مرے سے گزشتہ ہفتے رابطہ کیا گیا تھا اور مرے نے اپنے کوچ ایون لینڈ ل کے مشورے کے بعد ایونٹ میں شمولیت کا فیصلہ کیا ہے ۔

کولکتہ: سابق پاکستانی بولر وسیم اکرم انڈین پریمیئر لیگ کے ساتویں ایڈیشن میںکولکتہ نائٹ رائیڈر ز کے لئے بولنگ کنسلٹنٹ کے فرائض سرانجا م دیں گے ۔وسیم اکرم نے گزشتہ سال نجی مصروفیات کے باعث ٹیم کی کوچنگ سے علیحدگی اختیار کرلی تھی ۔ کولکتہ نائٹ رائیڈرز کے منیجنگ ڈائریکٹر ونکی میسور نے اپنے بیا ن میں کہا ہے کہ وسیم اکرم آئی پی ایل کے ساتویں ایڈیشن میں بولنگ ایڈوائزر کی حیثیت سے ٹیم کے ساتھ ہوں گے ۔میسور کا مزید کہنا تھا کہ ٹائٹل کے دفاع کے لئے انہوں نے مضبوط اسکواڈ تشکیل دیا ہے اور انہیں قومی امید ہے کہ وہ ٹائٹل کا کامیاب دفاع کریں گے ۔

آکلینڈ: آکلینڈ ٹیسٹ میں دوسرے دن کے اختتام پر بھارت نے چار وکٹ پر 130 رنز بنا لیے۔ نیوزی لینڈ نے پہلی اننگز میں 503 رنز کا پہاڑ کھڑا کیا۔پہلے ٹیسٹ میچ میں میزبان نیوزی لینڈ کی جانب سے کپتان میکولم کی شاندار ڈبل سنچری کی بدولت ٹیم 503 رنز بنائے۔ کپتان میکولم نے ڈبل سنچری اسکور کرتے ہوئے 224 رنز جوڑے۔ کین ولیمسن بھی جارحانہ بلے بازی کرتے ہوئے 113 رنز کی اننگز کھیلی۔کورے اینڈرسن77 رنز بنا اےشانت شرما کی گیند پر کیچ آوٹ ہوئے۔ بھارت کی جانب سے چھ وکٹیں حاصل کیں۔ بھارت کی پہلی اننگز میں بیٹنگ کا آغاز انتہائی مایوس کن رہا۔ شیکھر دھون کوئی رن بنائے بغیر پویلین لوٹ گئے۔ ویرات کوہلی 4وجے مرلی 26 رنز کا اضافہ کر سکے۔ روہت شرما 67 اوراجنکیا ریحانے 23 رنز کے ساتھ کریز پر موجود ہیں۔ کم روشنی کے باعث کے دن کا اختتام جلد کر دیا گیا۔

کیلیفورنیا: امریکا کے جمی والکر نے فیڈایکس گالف چیمپئن شپ کے پہلے راونڈ میں برتری حاصل کر لی۔امریکی ریاست کیلیفورنیا میں ہونیوالی گالف چیمپئن شپ کے افتتاحی راونڈ میں گالفرز نے شاندار پرفارمنسسز دکھائیں۔ امریکہ کے جمی والکر نے عمدہ کھیل کا مظاہرہ کرتے ہوئے دوا سٹروکس کی برتری حاصل کی۔ لزانیا کے ایڈریو لوپ پہلے راونڈ میں مقابلہ کرتے ہوئے دوسرے نمبر پر رہے۔