اسلام آباد(پی پی آئی) صدر مملکت اور نگران وزیراعظم سے سبکدوش ہونے والے چیف آف نیول سٹاف ایڈمرل محمد امجد خان نیازی نے الگ الگ الوداعی ملاقاتیں کی ہیں ۔ صدر مملکت ڈاکٹر عارف علوی سے چیف آف نیول سٹاف ایڈمرل محمد امجد خان نیازی نے ایوان صدر میں الوداعی ملاقات کی ۔ ملاقات میں صدر مملکت نے ایڈمرل محمد امجد خان نیازی کی ملک اور پاک بحریہ کیلئے خدمات کو سراہا، دفاعی شعبے اور سمندری امور میں ایڈمرل محمد امجد خان نیازی کے کردار کی بھی تعریف کی ۔ ڈاکٹر عارف علوی نے ایڈمرل امجد خان نیازی کے مستقبل کیلئے بھی نیک تمناؤں کا اظہار کیا ۔ بعدازاں نگران وزیراعظم انوار الحق کاکڑ سے بھی چیف آف نیول سٹاف ایڈمرل محمد امجد خان نیازی نے ملاقات کی، ملاقات کے دوران نگران وزیراعظم نے پاک بحریہ کیلئے ایڈمرل محمد امجد خان نیازی کی خدمات کو سراہا ۔ اس موقع پر نگران وزیراعظم انوار الحق کاکڑ کا کہنا تھا کہ آپ نے بہترین طریقے سے پاک بحریہ کی قیادت کی اور ملکی دفاع کو ناقابل تسخیر بنانے میں کلیدی کردار ادا کیا ۔

الندن)پی پی آ ئی) پاکستان مسلم لیگ ن کے قائد میاں محمد نواز شریف نے کہا ہے کہ آج دفتر میں میرا آخری روز ہے پھر روانہ ہوجاؤں گا،غیبت، چغلی اور بہتان بازی سے صحافیوں کو پرہیز کرنا چاہیئے، لندن میں 4سال میں مظاہروں سے کیا فائدہ ہوا ۔ قائد ن لیگ سابق وزیراعظم میاں نواز شریف سے دفتر میں صحافیوں نے ملاقات کی، ملاقات کے دوران نوازشریف نے گفتگو کرتے ہوئے کہا کہ آج دفتر میں آخری روز ہے پھر روانہ ہوجاؤں گا ۔ میرے حق میں اور میرے خلاف لکھنے والے تمام صحافیوں کا شکر گزار ہوں ، معاشرے میں صحافت کا اہم مقام ہے عوام صحافیوں کی رائے کو اہمیت دیتے ہیں ، غیبت، چغلی اور بہتان بازی سے صحافیوں کو پرہیز کرنا چاہیئے، تنقید برائے تنقید برائے اصلاح ہونی چاہیئے ۔ مریم اورنگزیب سمیت دیگر خواتین کا لندن میں گھیراؤ کیا گیا، یہاں مظاہروں سے 4سال میں کیا فائدہ ہوا، مظاہر ہ کرنا ہے تو پاکستان میں جاکر کریں ۔ دوسری جانب پاکستان مسلم لیگ ن کے صدر شہباز شریف کا کہنا ہے کہ قوم کو جی ایس پی پلس میں توسیع کی مبارکباد دیتا ہوں ، سابق وزیراعظم نے لاہور میں پریس کانفرنس کرتے ہوئے کہا ہے کہ نوازشریف کی آمد کا بار بار سوال نہیں پوچھنا چاہئیے ۔ اب یہ سوال بار بار نہیں پوچھنا چاہئیے کہ نوازشریف آ رہے ہیں یا نہیں ، اللہ کو منظور ہوا تو نوازشریف 21 اکتوبر کو واپس آ رہے ہیں ۔ شہباز شریف نے مزید کہا کہ ہمارے لیے آسان تھا سیاست کی خاطر ریاست کو ڈبو دیتے ۔ پی ٹی آئی حکومت نے ذاتی مقاصد کے لیے ریاست کو تباہ کرنے کا فیصلہ کیا تھا ۔ ایک طرف معاشی بدحالی تو دوسری طرف دھرنے اور لانگ مارچ تھے ۔ 16 ماہ کی حکومت میں دھرنوں اور سیلاب جیسے چیلنجز درپیش تھے ۔ 9 مئی کو ملک اور افواجِ پاکستان کے خلاف بغاوت ہوئی ۔ ذاتی مقاصد کے لیے ریاست کو تباہ کرنے کا کھیل کھیلا گیا ۔ پی ٹی آئی نے آئی ایم ایف کے ساتھ شرائط طے کی تھیں ۔ آئی ایم کا بڑا چیلنج ہمارے سامنے تھا ۔ حکومتی کوششوں سے آئی ایم ایف کے ساتھ معاہدہ ہوا ۔ یہ کہنا مناسب نہیں کہ 16 ماہ میں ہر مقصد میں کامیابی حاصل کی ۔ اگر پاکستان دیوالیہ ہو جاتا تو آج سڑکوں پر جلوس نکل رہے ہوتے ۔ زندگی بچانے والی ادویات ناپید ہوتیں ۔ ملک دیوالیہ ہوتا تو پٹرول پر لوگوں کی قطاریں لگی ہوتیں ۔

مخلوط حکومت سے ملک کو دیوالیہ ہونے سے بچانے کے لیے ساتھ دیا ۔ مہنگائی پر قابو پانے کے لیے بھرپور کوششیں کیں ۔ اگر پاکستان دیوالیہ ہو جاتا تو یہاں سری لنکا سے بھی برا حال ہوتا ۔ پھر خدانخواستہ کہا جاتا کہ شہباز شریف اور مخلوط حکومت کسی کام نہیں ۔ لیکن اگر آج ملک دیوالیہ ہونے سے بچ گیا ہے تو میرا ضمیر مطمئن ہے ۔ اگر نوازشریف کہتے کہ استفعیٰ دو تو میں مستعفی ہو جاتا لیکن نوازشریف نے بھی کہا کہ اب ملک کو چیلنج درپیش ہے تو اس کا حل نکالو ۔ شہباز شریف نے کہا کہ اچھا وقت پھر آنے والا ہے،اسی لیے نوازشریف واپس آ رہے ہیں ۔