کولمبو: سری لنکن بیٹسمین مہیلا جے وردھنے نے ٹی ٹوئنٹی انٹرنیشنل سے ریٹائرمنٹ کا اعلان کردیا۔ جے وردھنے ورلڈ ٹی ٹوئنٹی کے بعد ٹی ٹوئنٹی کرکٹ نہیں کھیلیں گے۔سابق سری لنکن کپتان کمارسنگاکارا کی ریٹائرمنٹ کے اعلان کے ایک روزبعد ایک اورکپتان مہیلا جے وردھنے نے بھی مختصرفارمیٹ کوخیرباد کہنے کا فیصلہ کرلیا۔ جے وردھنے بنگلہ دیش میں جاری ورلڈ ٹی ٹوئنٹی کے بعد ٹی ٹوئنٹی انٹرنیشنل نہیں کھیلیں گے۔ جے وردھنے 49 ٹی ٹوئنٹی میچزمیں سری لنکا کی نمائندگی کرچکے ہیں اوروہ مختصرفارمیٹ میں سب سے زیادہ تیرہ سوپینتیس رنزاسکورکرنیوالے سری لنکن بیٹسمین ہیں۔ جے وردھنے کوٹی ٹوئنٹی فارمیٹ میں سری لنکا کا سب سے بہترین بیٹسمین قراردیا جاتا ہے۔جے وردھنے دنیا کے ان چھ بیٹسمینوں میں شامل ہیں جنہیں تینوں فارمیٹس میں سنچری بنانے کا اعزازحاصل ہے۔ جے وردھنے نے ورلڈ ٹی ٹوئنٹی2012میں ٹیم کی قیادت کی اورسری لنکا کوفائنل تک پہنچایا لیکن فائنل میں ویسٹ انڈیزکے ہاتھوں شکست کے بعد وہ کپتانی سے دستبردارہوگئے تھے۔

بیونس آئرس: ارجنٹائن فٹ بال لیگ میں بوکا جونیئرز اور ارجنٹینو جونیئرز کے درمیان میچ 1-1 گول سے برابر ہو گیا۔ارجنٹائن کے شہر بیونس آئرس میں ہونے والے فٹ بال لیگ کے مقابلوں میں بوکا جونیئرز اور ارجنٹینو جونیئرز کی ٹیموں کے درمیان سخت مقابلہ ہوا۔ بوکا جونیئرز نے پہلے ہاف میں ایک گول سکور کر کے برتری حاصل کی۔دوسرے ہاف کے اختتام پر حریف ٹیم ارجنٹینو جونیئرز نے بھی گول داغ کر مقابلہ 1-1 سے برابر کر دیا۔

انڈین ویلز: عالمی نمبر 2نوواک جوکووچ نے انڈین ویلز ٹینس چیمپئن شپ جیت لی، جبکہ ڈبلیو ٹی اے ایونٹ کا ٹائٹل اٹلی کی فلاویہ پنیٹا کے نام رہا۔کیلیفورنیا کے شہر انڈین ویلز میں کھیلے گئے اے ٹی پی کے مینز سنگلز فائنل میں سربین سٹار نوواک جوکووچ اور چار بار کے چیمپئن روجر فیڈرر مدمقابل ہوئے جس میں ورلڈ نمبر ٹو نوواک جوکووچ نے شاندار کارکردگی دکھاتے ہوئے کامیابی حاصل کی۔ جوکووچ کی فتح کا سکور 6-3 ،6-3 اور7-6 رہا۔ اس شاندار فتح کے ساتھ جوکووچ نے نہ صرف کیریر میں ٹائٹلز کی تعداد 42 کر لی بلکہ کیلیفورنیا میں تیسری بار چیمپئن شپ بھی اپنے نام کی۔خواتین ایونٹ کے فائنل میں اطالوی کھلاڑی فلاویہ پنیٹا نے پولینڈ کی اگنیزکا رادوانسکا کو دلچسپ مقابلے کے بعد 6-2 اور6-1 سے شکست دی ، فلاویہ نے کیریر کا پہلا بڑا ڈبلیو ٹی اے ٹائٹل اپنے نام کیا۔

پیرس: کولمبیا کے کارلوس بیٹنکور نے پیرس نائس سائیکل ریس جیت لی۔پیرس میں ہونے والی سائیکل ریس کے فائنل میں رائیڈرز کی شاندار پرفارمنسسز دیکھنے کو ملیں۔ ریس کا آخری مرحلہ 128 کلو میٹر کے فاصلے پر مشتمل تھا جس میں فرانس کے سائیکلسٹ آرتھر ویکوٹ نے سب کو پیچھے چھوڑتے ہوئے پہلی پوزیشن حاصل کی۔سپینش رائیڈرجوس جیکوئن دوسرے اور فرانس کے سائرس گوٹیئر تیسرے نمبر پر رہے۔ریس میں مجموعی طور پر بہترین پرفارمنس دکھانے والے کولمبین سائیکلسٹ نے سب سے زیادہ پوائنٹس کے ساتھ ٹائٹل اپنے نام کیا۔وہ شاندار فتح کے ساتھ پیرس نیس سائیکل ریس جیتنے والے پہلے کولمبیئن رائیڈر بھی بن گئے ہیں ۔

اسلام آباد: پاکستان ٹیلی کمیونیکیشن کمپنی لمیٹڈ(پی ٹی سی ایل) نے اپنے ملازمین کے لئے اسلا م آبا د میں و اقع آفیسرز کلب میں سکو ا ئش ٹورنا منٹ منعقد کیا۔7روزتک جاری رہنے والے ٹورنا منٹ مینز سنگلز ،ویمنز سنگلز اور ویٹرنز سنگلز کے مقابلے منعقد کیے گئے۔مینز سنگلز کے فائنل میں ارسلا ن ا سلم نے عاصم اخترکو شکست دیکر فتح حاصل کی۔ جبکہ عا مر حیا ت ویٹرنز سنگلز مقابلے میںضیا ءالرحمن کو ہرانے میں کامیاب رہے۔ خواتین کے سنگلز مقابلے میں عظمیٰ ا جمل فاتح قرار پائیں جبکہ تسنیم اختر دو سرے نمبر پر رہیں۔چیف گیسٹز سید مظہر حسین، سی ایچ آ ر اوپی ٹی سی ایل، محمد نصر اللہ، سی بی او او پی ٹی سی ایل، طارق سلما ن، سی ٹی او پی ٹی سی ایل، را ئید یو سف، سی آ ئی او پی ٹی سی ایل اور حا ج محمود، سینئر ا یڈ و ئسر ٹیکنکل نے ٹو رنا منٹ میں حصہ لینے والے کھلا ڑ یو ں میں ا نعا ما ت تقسیم کیے۔ ٹورنامنٹ میں بڑی تعداد میں ملازمین اور ان کے اہل خانہ نے جوش و خروش کا مظاہرہ کیا اور کھلاڑیوں کے سپورٹس مین سپرٹ کو سراہا۔

ڈھاکا: سری لنکا کرکٹ ٹیم کے سابق کپتان کمار سنگاکارا نے ٹی ٹوئنٹی کرکٹ سے ریٹائر منٹ کے اعلان کے بعد مداحوںکی طرف سے ملنے والے تہنیتی پیغامات کا شکریہ ادا کیا۔ کماراسنگاکارا نے رواں ورلڈ کپ کے بعد ٹی ٹوئنٹی کر کٹ سے کنا ری کشی کا اعلان کیا تھا دوسری جانب ان کے ساتھی کھلاڑی مہیلا جے وردھنے نے بھی ٹی ٹوئنٹی سے ریٹائر منٹ کا اعلان کر دیا ہے ۔ سنگاکا را نے کہا کہ میرا فیصلہ سیلکٹرز کو 2016ءٹی ٹوئنٹی ورلڈ کپ کے لیے بہترین ٹیم تیار کر نے کے لیے مفید ثابت ہوگا۔ سنگاکارا کی زیر قیادت سری لنکن ٹیم انگلینڈ میں 2009ءکے ورلڈ کپ کے فائنل میں پہنچی تھی ۔ سنگاکارا نے سری لنکا کے لیے اب تک 50ٹی ٹوئنٹی میچز کھیلے ہیں اور انھوں نے سات نصف سنچریوں کی بدولت 32.77کی اوسط سے 1311رنز بنا رکھے ہیں ۔ سنگا کا را نے ٹی ٹوئنٹی سے کنارہ کشی کا اعلان ایسے وقت میں کیا ہے جب وہ بہترین فارم میں ہیں ، انھوں نے حال ہی میں بنگلہ دیش کے خلاف ہونے والی ٹیسٹ سیریز میںاہم اننگز میں تیس سو کا ہندسہ عبور کرنے کا اعزاز حاصل کیا تھا ۔ سری لنکا ٹی ٹوئنٹی ورلڈ کپ میں دنیا کی بہترین ٹیموں ، جنوبی افریقا ، انگلینڈ اور نیوزی لینڈ کے ساتھ گروپ 1میں شامل ہے ۔