اسلام آباد (پی پی آئی) آئندہ سال جنوری کے آخری ہفتے میں منعقد ہونے والے عام انتخابات کے لیے قائم کیے جانے والے تقریباً 55 فیصد پولنگ اسٹیشنزالیکشن کمیشن آف پاکستان نے ’حساس’قرار دیے ہیں۔پی پی آئی کے مطابق انتخابات میں تقریباً 91 ہزار 809 پولنگ اسٹیشنز قائم کیے جائیں گے جن میں سے 49 ہزار 919 کو ’حساس‘ یا ’انتہائی حساس‘ قرار دیا گیا ہے۔ ان میں سے 17 ہزار 411 کو انتہائی حساس اور 32 ہزار 508 کو حساس قرار دیا گیا ہے جبکہ 41 ہزار 809 (تقریباً 45 فیصد) کو غیرمعمولی حالات سے پاک (نارمل) قرار دیا گیا ہے۔ عام انتخابات میں قومی اسمبلی کے 266 اور صوبائی اسمبلیوں کے 593 حلقے ہوں گے، آئندہ عام انتخابات کے لیے تقریباً 10 لاکھ پولنگ عملہ درکار ہوگا
پی ایچ ایف کے انتخابات کیلئے اختر رسول گروپ کی کوششیں تیز ہوگئیں
سابق انگلش کپتان مائیک گیٹنگ ایشز کی تاریخی ٹرافی کی نگرانی پر مامور
شیکھر دھون اور روہت شرما نے گوتم گھمبیر کےلئے ٹیم میں واپسی مشکل کردی
کبڈی ورلڈ کپ : قومی ٹیم کا اعلان 27نومبر کو کیا جائے گا
شعیب ملک اور عبدالرزاق کی جنوبی افریقا سے وطن واپسی
چوتھی رینکنگ اسنوکر چیمپئن شپ : محمد آصف نے دوسری کامیابی حاصل کر لی
تازہ ترین خبریں
- April 22, 2026
اشتہار
تازہ ترین
جیل میں پرویز الہیٰ کو بہتر سہولتیں فراہم کی جائیں:لاہور ہائیکورٹ کی ہدایت
لاہور(پی پی آئی)لاہور ہائی کورٹ راولپنڈی بینچ نے پی ٹی آئی کے صدر چوہدری پرویز الہیٰ کی درخواست نمٹاتے ہوئے سیکریٹری داخلہ پنجاب کو ہدایت کی ہے کہ سابق وزیراعلیٰ پنجاب چوہدری پرویز الہی کو وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں جسٹس صداقت علی خان پرویز الہیٰ کی درخواست پر سماعت کی جس میں اپنے استحقاق کے مطابق بہتر سہولیات فراہم کرنے کی استدعا کی گئی تھی۔پی پی آئی کے مطابق کیس کی سماعت کے دوران پرویز الہیٰ کے وکیل سردار عبدالرازق خان نے دلائل دیتے ہوئے کہا کہ درخواست گزار نہ صرف سابق وزیراعلیٰ ہیں بلکہ اس سے قبل وہ نائب وزیراعظم بھی رہ چکیہیں، انہوں نے عدالت کو آگاہ کیا کہ جیل انتظامیہ نے مبینہ طور پر ماحول کو گھٹن زدہ کرنے کے لیے ان کے مؤکل کی بیرک کی کھڑکی کے ساتھ دیوار تعمیر کردی۔انہوں نے کہا کہ پی ٹی آئی رہنما نے یہ بھی شکایت کی کہ ان کی پرائیویسی کی خلاف ورزی کے لیے ان کے سیل کے باہر ایک اجنبی شخص کو تعینات کیا گیا ہے۔عدالت عالیہ نے محکمہ داخلہ کو ہدایت کی کہ انہیں وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں، ہائی کورٹ نے پندرہ روز کے اندر تعمیلی رپورٹ بھی طلب کی۔
کراچی دوسرے روز بھی آلودہ ترین شہروں میں سرفہرست، نئی دہلی دوسرے نمبر پر
کراچی (پی پی آئی)میٹروپولیٹن شہر کراچی فضائی آلودگی کے اعتبار سے مسلسل 2 روز سے دنیا کے آلودہ ترین شہروں میں پہلے نمبر پر ہے۔ ایئر کوالٹی کو مانیٹر کرنے والی ویب سائٹ ’آئی کیو ایئر ڈاٹ کام‘ کے مطابق کراچی کے بعد دنیا کے آلودہ ترین شہروں کی فہرست میں دوسرے نمبر پر بھارت کا شہر نئی دہلی ہے۔پی پی آئی کے مطابق کراچی میں پی ایم 2.5 (پارٹیکیولیٹ میٹر) کا ارتکاز عالمی ادارہ صحت (ڈبلیو ایچ او) کی سالانہ ایئر کوالٹی گائیڈ لائن ویلیو سے 20.3 گنا زیادہ ہے، گزشتہ شب کراچی میں ایئر کوالٹی انڈیکس 175 ریکارڈ کیا گیا۔واضح رہے کہ 151 سے 200 کی رینج میں ایئر کوالٹی انڈیکس ریڈنگ کو غیر صحت بخش سمجھا جاتا ہے، جبکہ 201 اور 300 کے درمیان ایئر کوالٹی انڈیکس ریڈنگ صحت کے لیے اور بھی زیادہ نقصان دہ ہے۔کراچی کی ہوا کا معیار مسلسل دوسرے روز بھی غیر صحت مند رہا جو کہ ایئر کوالٹی انڈیکس سے ظاہر ہوتا ہے، کراچی کا عالمی سطح پر سب سے زیادہ آلودہ شہر ہونا انتہائی تشویشناک سمجھا جارہا ہے۔’آئی کیو ایئر‘ کی سالانہ رپورٹ کے مطابق چند برسوں کے دوران کراچی میں آلودگی کی سطح میں کوئی بہتری نہیں آئی بلکہ درحقیقت اس میں مزید اضافہ ہوا ہے۔
حج آپریشن کو بہتر بنانے کیلئے ڈیجیٹلائزڈ کرنے کا فیصلہ
اسلام آباد (پی پی آئی)وزارت آئی ٹی و ٹیلی کمیونیکیشن نے حج آپریشن کو بہتر بنانے کیلئے ڈیجیٹلائزڈ کرنے کا فیصلہ کیا ہے۔ عازمین حج کی سہولت و آگاہی کیلئے موبائل ایپلی کیشن، ویب پورٹل تیار ہوگا۔ مناسک حج سے متعلق سہولتوں اور شکایات کے انداراج کو ڈیجیٹلائزڈ کی کئے جانے سے عازمین حج اپنا فیڈ بیک ڈیجیٹل طور پر دے سکیں گے۔ ڈیجیٹلائزیشن سے حج آپریشن کی خامیوں اور شکایات کو ختم کیا جاسکے گا۔
تلاش کریں
خبریں
پی ایچ ایف کے انتخابات کیلئے اختر رسول گروپ کی کوششیں تیز ہوگئیں
(November 22, 2013)
لاہور: پاکستان ہاکی فیڈریشن کی صدارت کے لئے سابق اولمپئن چوہدری اختر رسول نے کوششیں تیز کردیں ۔ اطلاعات کے مطابق قومی ہاکی ٹیم کے سابق منیجر اور چیف کوچ اختر رسول نے فیڈریشن کی صدارت کے لئے کئی سابق اولمپئنز سے رابطے کیے ہیں ۔ دوسری جانب فیڈریشن کے موجودہ سیکریٹری رانا مجاہد نے بھی اختر رسول کے ساتھ سیکریٹری شپ کے لیے انتخابی مہم شروع کردی ہے ۔ذرائع کے مطابق فیڈریشن کے انتخابات کے لئے اختر رسول گروپ کے علاوہ کسی دوسرے گروپ نے تاحال انتخابی مہم شروع نہیں کی ہے جس کی وجہ سے توقع کی جارہی ہے کہ اختر رسول آئندہ چار سال کے لیے پی ایچ ایف کے صدر منتخب ہوجائیں گے ۔پی ایچ ایف کے چیف الیکشن کمشنر ارشد انصاری نے فیڈریشن کے انتخابات کے لئے 25نومبر کی تاریخ مقرر کی ہے جبکہ انتخابات اسلام آباد میں ہونگے ۔
سابق انگلش کپتان مائیک گیٹنگ ایشز کی تاریخی ٹرافی کی نگرانی پر مامور
(November 22, 2013)
لندن: سابق انگلش کپتان مائیک گیٹنگ کو ایشز کی قیمتی ٹرافی کی پہریداری پر مقرر کردیا گیا ۔ آسٹریلیا میں جاری روایتی ایشز سیریز میں انہیں پوری رات جاگ کر ٹرافی کی نگرانی کرنے کی ذمہ داری دی گئی ہے ۔مائیک گیٹنگ ایسی ذمہ داری کے لئے پہلی مرتبہ منتخب کیے گئے ہیں ۔انہیں 50جوشیلے افراد کے ساتھ لارڈز کے میوزیم کے باہر چوکیداری کرنی پڑے گی ۔ مائیک گیٹنگ کو یہ ڈیوٹی ”چانس ٹو شائن چیریٹی “نامی ایک تنظیم کی جانب سے دی گئی جو برطانیہ کے اسکولوں میں کرکٹ کے فروغ کے لئے کام کرتی ہے۔
شیکھر دھون اور روہت شرما نے گوتم گھمبیر کےلئے ٹیم میں واپسی مشکل کردی
(November 22, 2013)
نئی دہلی: بھارتی بلے بازوں شیکھر دھون ،روہت شرما اور مرلی وجے نے اوپننگ بلے باز گوتم گھمبیر کے لئے ٹیم میں واپسی مشکل کردی ۔ نئے کھلاڑی مسلسل بہترین کارکردگی دکھارہے ہیں جس کے باعث گوتم گھمبیر کی ٹیم میں واپسی کے چانس کم ہوتے جارہے ہیں ۔ گوتم گھمبیر ٹیم میں دوبارہ جگہ بنانے کے لئے ڈومیسٹک کرکٹ میں سخت محنت کررہے ہیں ۔ان کا کہنا ہے کہ جس وقت انہوں نے محسوس کیا کہ اب وہ مزید انٹرنیشنل کرکٹ نہیں کھیل سکتے وہ اسی روز کرکٹ کو خیر باد کہہ دیں گے
کبڈی ورلڈ کپ : قومی ٹیم کا اعلان 27نومبر کو کیا جائے گا
(November 22, 2013)
لاہور: بھارت میں چھ دسمبر سے شیڈول کبڈی ورلڈ کپ کی تیاریوں کے لئے جاری قومی ٹیم کے ممکنہ کھلاڑیوں کے تربیتی کیمپ میں پریکٹس میچوں کا آغاز کردیا گیا ۔ پنجاب اسٹیڈیم میں جاری تربیتی کیمپ میں گزشتہ روز پریکٹس میچ کھیلا گیا ،جس میں کھلاڑیوں نے بھر پور زور آزمائی کا مظاہر ہ کیا ۔ کوچ غلام عباس نے کھلاڑیوں کو میچ کے دوران کی جانے والی غلطیوں سے آگاہ کیا اور انہیں دور کرنے کے لئے خصوصی پریکٹس کرائی ۔کبڈی ورلڈ کپ کے لئے قومی ٹیم کا اعلان 27نومبر کو کیا جائے گا ۔
شعیب ملک اور عبدالرزاق کی جنوبی افریقا سے وطن واپسی
(November 21, 2013)
لاہور: انجری کے شکار شعیب ملک اور عبدا لرزاق جوہانسبرگ سے وطن واپس پہنچ گئے، اسٹارآل راونڈرز کا کہنا ہے قومی کرکٹ ٹیم کا مورال بلند ہے۔ایک عرصے بعد ٹیم میں جگہ پانے والے اسٹار آل راونڈرز شعیب ملک اور عبدالرزاق ان فٹ ہونے کے باعث جنوبی افریقہ میں ٹی 20 سیریز سے باہر ہو گئے تھے۔ لاہورایئر پورٹ پہنچنے پر میڈیا سے گفتگو میں عبدالرزاق کا کہنا تھاکہ ٹیم کا مورال بلند ہے، کھلاڑی ہی ان فٹ ہوتے ہیں۔ شعیب ملک کا کہنا تھا کہ کھلاڑیوں کو لمبی اننگز کھیلنے میں مشکلات کا سامنا ہے۔ مگر لڑکے بھرپور محنت کر رہے ہیں۔ شعیب ملک نے کہا کہ ڈاکٹرز نے ٹانکے کھلنے تک آرام کا مشورہ دیا ہے، جب انہیں محسوس ہو گا کہ کارکردگی بہتر نہیں تو کرکٹ چھوڑ دیں گے۔
چوتھی رینکنگ اسنوکر چیمپئن شپ : محمد آصف نے دوسری کامیابی حاصل کر لی
(November 21, 2013)
کراچی: کراچی میں جاری چوتھی رینکنگ اسنوکر چیمپئن شپ میں محمد آصف نے دوسری کامیابی حاصل کر لی۔رینکنگ اسنوکر چیمئن شپ کے دوسرے روز محمد آصف نے پنجاب کے محسن عظیم کو چار ایک سے شکست دی۔ دیگر میچوں میں محمد ماجد نے امجد اقبال کو چار دو سے ہرا کر اپ سیٹ کر دیا جبکہ بابر وسیم نے شاہد آفتاب کو چار ایک سے زیر کیا۔ محمد سجاد ، خرم اعظم اور محمد یوسف نے بھی اپنے میچز جیت لیے۔ چیمپئن شپ میں شریک تمام کھلاڑی محمد آصف کو انعامی رقم نہ ملنے پر بازووں پر سیاہ پٹیاں باندھ کر میچز میں شرکت کر رہے ہیں۔